Today's Food Lab (已結業)

食得健康人先至會靚，身為白領一族自然以此為座右銘，所以就算為食，間中要食返餐清的，好彩依家越來越多健康飯盒賣，有些餐廳幫客人計埋卡路里，有些無需計，知道用榖米少汁多菜，唔會錯去邊。幫同事買埋，一人一個飯盒餐，兩份分食。到達先考慮只食沙律得唔得，我驚唔飽都係食個餐。第一步就先決定配沙律、雜薯粒或十五穀飯；第二步驟揀主菜，齋都有，最後決定加唔加錢買湯及自家製飲品，其實計埋化算，我習慣貪心，湯與飲品都要。我揀咗焗豬頸肉配秘製泰式醬及碎牛肉伴辣茄醬，一個要沙律一個配飯。兩款飯都有點辣，入口感覺就係健康飯盒，唔會覺得大鹹大甜，清淡中食到新鮮，最好就是配合了不同層次的蔬菜口感，感覺食得豐富。今日的湯是意大利雜菜湯，蔬菜成份與飯盒配菜差不多，所以今餐真時吃了很多菜。自家製飲品值得讚， 外賣包裝用紙杯，賣相唔矜貴，但材料香，肉桂薑橙茶肉桂味十足，香茅檸檬茶亦很有香茅味。每人平均$93，中環區很合理。

早幾日去左旅行，日日係咁食啲唔健康嘅野，成個人都充滿住罪惡感呢排要食返健康啲先得今日返學之前嘅晚餐就鎖定位於上環嘅Today's Food Lab!呢間餐廳小小的，非常可愛，有幾個座位，但放心一啲都唔逼 好chill午餐應該主打lunchbox，當日亦有外國人用餐中。點餐非常簡單， 只需要揀你想食沙律菜，雜薯粒或者十五穀飯，再加你想食嘅主菜就OK!如果想食再light D就可以揀沙律都有兩種可以選擇。我叫左15穀飯，主菜就要左焗豬頸肉配秘製泰式醬($78)!每個餐都會配seasonal veggies,夠哂健康啦而野飲就叫左肉桂薑橙茶(+6)，係自家製嘅。呢度亦都有pressed juice同湯可以揀。「To intergrade creativity with healthy cooking.」相信係呢間餐廳嘅理念，想食客食得健康又好味黎張大個照先食左兩啖同學打黎借notes，拿拿聲趕去返學。即刻轉外賣，店員哥哥都好好態度!!豬頸肉有成八九片，而秘製泰式醬就係一個類似青咖喱嘅醬，少少辣好惹味，肉都焗得岩岩好，少少脆邊，入面算係tender，點埋個醬食又係另一種美味。加埋15穀飯同清爽

平時食得太多邊爐，煎炸食物，搞到喉嚨痛兼生痱滋。所以今日想食得健康啲，Today’s Food lab就岩曬我。位於上環既Today’s Food lab，距離地鐵站不過2分鐘路程，地點就腳。呢間係沙律專門店，主打營養豐富既健康食物。呢度除左沙律菜之外，仲有雜薯粒同15穀飯可以選擇，共有8款主食任均選擇。因為一陣要返公司，所以嗌左外賣。店員好細心，會提供紙袋，仲用膠紙封好杯同湯盒，咁運送途中就冇咁易倒瀉👍🏻我嗌左雞胸肉配香菇醬，雞胸肉採用慢煮方式去烹調，更能加保存食物既風味同營養。味道方面，唔知點解會諗起KFC，但呢個係健康版本，食落唔會有罪惡感，幾惹味。肉質都幾嫩滑，唔鞋口，完全唔會覺得膩。健康食物俾我既印象就係清一色既綠色蔬菜，千篇一律。而呢度每個餐都會包埋甘筍，青瓜，四季豆，紅燈籠椒，望落去色彩繽紛，食慾太增。五穀飯配上香菇醬👍🏻加$10會有多杯自家製飲品，我就嗌左蘋果薄荷茶。味道清新，唔會太濃味同死甜。淡淡既薄荷味道岩曬炎炎夏日，消暑解膩。因為我係湯怪黎，有湯飲自然唔會放過，加左$12要左碗椰奶湯。口感濃稠，望上去以為會好濃好甜，食落有微微椰奶香，唔錯。好滿意呢度既健康餐盒，色

臨去澳門之前喺上環食個晚餐， 發現咗間食健康餐既。 因為前一日睇完牙醫，箍牙嘅我唔食得太硬嘅嘢 ，睇餐單嗰陣時又搵到啲淋嘅嘢喎， 就入去試下食。 減肥嘅我， 簡咗個 南瓜汁雞胸肉配五穀飯， 補充蛋白質同希望五穀飯可以填腹。未黎之前我以為 係純 五穀飯點知都有啲雜菜薯 ( 紅蘿蔔 ，豆角， 青瓜)陪盤嘅，都冇感dry 得一款菜 。 雞胸肉食咗 係唔鞋口既，易咬， 但又唔係食油雞嘅滑。 其實佢 咬落去嗰種味好似肯德基嘅味， 食落去就好似肯德基 炸皮入面嘅肉。 係健康餐但唔系健康餐嘅感覺， 係減肥餐中既一種享受。 我最愛係南瓜汁， 佢 有正常甜度 溝飯好好食 。其次五穀飯 唔係硬身， 因為平時街外食嘅五穀飯係似燥粒飯係有啲咬口， 呢個似白飯口感，幾好， 但偏愛食飯嘅我覺得雜菜 係唔需要㗎囉。 朋友叫咗雞胸肉配雜薯 ( 紅蘿蔔 ，豆角， 紫薯 ，青瓜)紫薯好甜好食 。我另外叫咗杯蘋果薄荷汁飲， 佢蘋果唔重但係佢薄荷味好重， 鍾意清新嘅朋友會鍾意啲。

今日去上環做嘢，見到有好多茶餐廳、西餐廳、快餐店... 但係都唔啱我嘅口味。最近天氣咁熱，想食啲清爽啲嘅食物，喺對面馬路見到有間食沙律嘅cafe，所以一於試下佢啦！！！step1先揀沙律菜、雜薯粒或者15穀飯， 我今日揀咗沙律菜。step2有六個選擇， 其中一個係素， 其他都係肉類，最吸引我嘅係慢煮牛腩同埋慢煮雞胸， 唔係好多cafe有慢煮嘅選擇 ，所以我係呢兩個選擇當中掙扎咗好耐，最後我決定試下個慢煮牛腩， 果然係冇揀錯， 牛腩牛味又香，而且煮得好淋，但係淋得黎又唔會散曬 ，真係好好味。 佢嘅沙律好豐富， 除咗有沙律菜 ，仲有紅蘿蔔、 彩椒 ，同埋其他好爽口嘅菜， 不單止飽肚而且好好味。加多$12有個湯，係南瓜薑汁湯，超級濃，而且香滑，一定要加埋個湯！

上星期六陪朋友來上環與澳門的谷友交收小櫻一番賞，交收完當然立即吃午飯，我的肚子都餓了，加上忽然下起大雨來，我們最後在地鐵站附近的today's food lab嚐個營養午餐。餐牌各式色彩繽紛的菜蔬與主食的配搭，未嚐光看已經覺得非常吸引，讓人食慾大增。每款主食都混合蘿蔔，紅椒，四季豆及青瓜，配色漂亮之餘又健康，很適合缺乏均衡飲食的都市人吃呢。個人就喜歡15穀飯配慢煮牛腩蕃茄豆醬，這慢煮牛腩令我非常驚艷，除用了豐富之外，牛腩軟嫩得很，且帶點牛肉原有鮮香，即使我拍完照好一會再吃，它依然熱呼呼的。15殼飯集多種殼物，飯粒蒸煮，軟硬剛好，口感豐富，再加上爽脆的蔬菜粒，更添嚼感。蕃茄豆醬完全煮進慢煮牛腩當中，同時亦滲透飯粒裡，十分開胃。這裡的鮮茄雜菜湯亦不容錯過，熱騰騰的，酸甜鮮美的鮮茄雜菜湯可謂是我的最愛，越喝越開胃，喝下去心裡也跟著暖暖的，真的是一道好喝暖心的湯品。這雜菜特別之處除有一般蘿蔔，洋蔥等配料，竟然還有爽口的木耳，很新穎的組合。朋友則喜愛她的焗豬頸肉配秘制泰式醬，雜薯粒，那精心特製調配出的泰式醬均是以天然新鮮的香料來入饌，不僅在追求美味的同時，食客也能夠吃得健康無負擔。爽彈的豬頸肉完

I’ve been to this restaurant twice. First time was when I got a cold and felt like eating something healthier two months ago.There were only five choices back then, which included a daily soup and a drink. I was impressed by their mashed eggplant and the cinnamon drink was so soothing to the sick me. I was also given a free sampler of bolognese to taste, which whom I believed was the boss said would be a new dish to be released soon. This time they’ve changed their menu - more delicious choices

現代人講嘢越嚟越講求健康，所以，一啲以健康掛帥嘅店子當然大有市場，友人就推介咗呢間小店「Today's Food Lab」俾我，以多種新鮮蔬菜，配搭出唔同嘅餐盒，以健康有營為主。講明喺小店，餐廳地方真喺唔大，晌外面往內望一眼睇晒。裝修簡約，但乾淨企理，雖然設置三數個座位，不過，明顯都喺主力做外賣生意，堂食嘅人應佔少數。收銀櫃上就以大屏幕顯示所有菜式選擇，點餐就進行3步曲，望望就知簡單易明。第1步就喺主食選項，有沙律菜、雜薯粒或、15穀飯；第2步喺揀主餸料配搭，共有6款，定價$68/$78，全部均伴有甘筍粒、紅椒粒、青瓜片及四季豆；第3步唔喺必然一步，就喺加配飲品或餐湯。此外，亦有兩款指定沙律可供選擇。自家製蘋果雪梨薄荷茶 +$6見只加$6就不妨試試，蘋果、雪梨本身都好潤，加埋薄荷，晌呢個炎夏飲落，感覺更清爽，絕對喺消暑解熱嘅佳品。店長仲話喺自己煲，無添加，叫人更放心飲用。鮮茄什菜湯 +$12雖然英文採用「Minestrone」一詞，但中文並無用意大利雜菜湯，反而強調「鮮茄」，湯色喺無比慣常見到嘅意大利雜菜湯咁深，味道亦無咁濃，比較清香、酸爽，夾雜好多蔬菜粒，夠健康，喺意大利雜菜湯嘅清爽

上環呢條街真係開左好多素食、健康輕食既小店，見到呢間門面用白色做主調，感覺清新，好似好適合炎炎夏日食個輕食LUNCH。MENU選擇唔多，但係每款都好吸引好COLORFUL每款都有用心設計過營養分量，用少油少鹽既方法烹調肉類，配上大量唔同種類同色彩既蔬菜 ，然後仲可以揀沙律、雜薯粒同15穀飯做主食，符合晒而家要營養均衡，生機飲食同低GI等等既飲食潮流，難怪LUNCH TIME咁多靚靚又著重健康既OL幫襯 (PS 唔知個型男店主係咪原因之一)我嗌左南瓜藜麥沙律 ， 純素朋友注意，呢個沙律有feta cheese，但係佢只係英文MENU SHOW有芝士，所以嗌既話記得走芝士呀成日聽藜麥係SUPER FOOD，今次第一次食，原來咁有咬口咁好味；南瓜睇落去好似芒果哈哈，平時食開又淋好甜既日本南瓜，呢一款相對爽口同冇咁甜，同沙律菜藜麥好夾，食落非常FRESH，嫌唔夠味可以落少少醬，佢隻沙律醬好香，入面有黑醋，酸酸地幾開胃。呢度要讚一讚餐廳真係好有HEART，會將沙律醬分開上，因為每人對醬汁份量都好唔同，有D人甚至係唔落汁，最重要係，預先落醬會令沙律菜冇咁爽脆。最後我仲加左杯肉桂生薑橙茶 ，起初我擔

上環OL們/番工人士可以特別留意呢個post😛我一路食都一路同朋友講：呢到真係好啱俾附近番工嘅人lunch食😜.首先，主食三揀一：1️⃣沙津菜 2️⃣雜薯粒 3️⃣15穀飯。然後，主菜有六款：1️⃣豆干配純素肉醬($68) 2️⃣汁煮梅頭配黑蒜茄子醬($68) 3️⃣碎牛肉拌辣茄醬($78) 4️⃣焗豬頸肉配秘制泰式醬($78) 5️⃣慢煮牛腩配南瓜咖哩($78) 6️⃣慢煮雞胸配香滑南瓜醬($78)。.我成日覺得雞胸肉好似好健康咁😂雞胸肉份量好多🐤🐤慢煮還慢煮，當然都未至於煮到雞胸變雞脾咁滑😂但呢份慢煮嘅雞胸絕對唔係印象中好鞋嘅嗰種😆本身已經好鐘意食南瓜嘅我，好鐘意個南瓜醬，好香甜🤤南瓜醬配雞胸食又得，配飯食又得🤤.朋友叫嘅豬頸肉望落已經好juicy嘅感覺😝我特別鐘意豬頸肉嘅秘制泰式醬，酸酸哋好開胃🤤.套餐均配有甘荀、紅燈籠椒、青瓜同四季豆。所以飯盒望落好colourful，賣相好掂😍本身望落食物盒size好似唔大，但原來份量都幾多，連我都食到幾飽(飯桶梗係揀咗15穀飯😂飯份量都唔算少)。不過男仔食都應該唔夠。加$6有自家飲品一杯，我揀咗蘋果雪梨薄荷茶，只有凍嘅，啱哂呢個天氣飲😌另外加$12就有湯。.PS 餐廳係得幾個

久違的健康之選! 經過FoodLab, 同朋友決定食沙律餐。我們點了兩個餐share 食, 一個是南瓜藜麥沙律, 切粒南瓜爽口清甜, 配上新鮮蔬菜, 健康藜麥及軟身芝士粒, 撈埋甜甜咸咸的得意味道醬汁, 健康清新的滋味! 另一個是焗豬頸肉配祕制泰式醬加雜薯粒, 豬頸肉焗得軟身, 肥瘦肉均勻, 連同雜蕃薯粒, 甘筍, 紅橙登籠椒, 青瓜, 四季豆一周進食, 口感豐富, 味道很夾, 尤其是連同有青咖哩的醬汁, 它比較似茸的質地, 混起來吃滋味無窮! 我們更追加了一份雞胸, 一杯雜菜湯及兩杯自家製飲品: 蘋果雪梨薄荷荼及肉桂薑橙茶, 前者清甜可口, 後者濃郁提神! 值得一試! 它主要以外賣形式, 但有數個用餐位置, 環境乾淨衛生!

係中環做完野有個break 諗住食少少野 又唔想太食得太heavy 即刻諗起附近有間食salad既小店 〰️慢煮雞胸配香滑南瓜醬〰️$78見到呢個顏色咁繽紛既沙律真係胃口大開 雖然係沙律 但係都唔會唔夠飽 因為都幾多舊雞肉 沙律當中有沙律菜/青瓜/蕃茄/青豆 味道唔濃既沙律配上甜甜地又滑既南瓜醬 都幾夾 但係如果個南瓜醬多d會更加好 炎炎夏日有時唔想食飯 都可以食下沙律〰️慢煮牛腩配咖哩南瓜〰️$78牛腩既肉質好淋 而家有d黑椒粒係面 少少辣辣地咁刺激下個味蕾 其他沙律既料其實同上面雞肉個個差唔多 不過多左紫薯粒粒 都幾特別加$10仲可以加自家制既茶 蘋果雪梨薄荷茶 滋潤得黎又幾因爲有薄荷所以清新

店鋪的環境乾淨企理，雖然店鋪好小，但有一些bar 枱同椅子，可以讓客人在店鋪享用，或者外賣，而員工臉上經常掛著笑容，感覺十分親切。 在食物方面，雖然食物款式不算很多，但全部都是健康菜式，加上讓客人自己自由選擇配搭，客人讓客人創造出屬於自己的健康餐盒，裡面肉的菜式全部都是慢煮出來，可以保持肉質嫩滑和鮮味，所以上面沒有太多調味料，健康又美味。 叫了一個系15榖飯加慢煮牛腩配南瓜咖喱，南瓜咖喱夠惹味加上慢煮牛腩又夠嫩滑，15榖飯上有好多配菜，例如紅彩椒，長豆，胡蘿蔔等一粒粒，令口感更加豐富。另一個焗豬頸肉配秘制泰式醬，豬頸肉一點不會干身的感覺，加上濃味的秘制泰式醬，有點辣辣的，十分美味,同樣15榖飯上有青瓜，紅彩椒，長豆，胡蘿蔔粒等，美味又健康。 最後另外叫了雞胸肉，都十分鮮甜，又不會乾巴巴的感覺，十分好吃！個人十分喜歡。 這裡適合一些想減肥的人士或者鍛煉肌肉的人士，或者突然想吃比較健康的菜式，可以來這裡享用又健康又十分美味的菜式，而且最重要的是絕對能夠飽肚。 而每個套餐有一杯飲料送，都是自家制，十分健康的飲料。 Today's Food Lab 上環文咸東街6號順發樓地下6

位於上環文咸東街的一間外表裝修平凡的小店,原來是食健康餐，一進入店內，店員已露出友善的笑容，感覺很親切，還介紹店內的健康餐給我。 餐牌上可以Step1+2去選擇。而我選擇了C+3（15榖飯加碎牛肉伴辣茄醬）首先，份量很多，不會因為健康和位置問題所以減少份量，還絕對足夠不同的蔬菜和碎牛肉！如果喜歡食牛肉的朋友，一定要來嘗嘗，因為牛肉做得很岀色，沒有羶味，很碎，加入飯內很容易入口，全部材料都很新鮮。我朋友選擇了A+4（沙律菜加焗豬頸肉秘制泰式醬）份量跟剛剛一樣十分多，豬頸肉不是一般街邊的煎炸，它是焗的，只是落了少量調味，吃下去相對健康，加上新鮮蔬菜以及自家泰式醬汁，配搭上有另一番風味，十分特別。飲品點了Apple Pear Mint Tea.,用上新鮮蘋果雪梨，飲下去十分清甜，消暑的一個選擇。 這間小店絕對適合上班族的人士來享用午餐，由其是在減肥的各位OL女士們，食得健康又飽肚，價錢又不會太貴，絕對是一流的選擇！

今次介紹呢間餐廳真係不得了，小妹強烈推介比各位附近返工既上班族（事實上都係我位減肥中的上班族朋友介紹我食的）事關佢D野食，健康，好味，低脂，食得飽！非常適合想健康飲食好想食得開心既朋友食店裝修走簡約路線，店內坐位唔多，估計都係主打做外賣生意多。無花巧的餐牌，一眼睇哂6個餐，因為新開張，除左餐飲外，仲有餐湯送見有位，我同友人揀左堂食，對住就係馬路，幸好唔多車經過，唔會要食住塵坐呀～一坐底無耐，店員為我地送上是日餐湯南瓜湯身後就係飲品櫃，店員話飲品係佢地日日新鮮製作，無添加飲品可選肉桂薑橙茶或蘋果雪梨茶，都係清新之選小妹同友人每人試一款，覺得肉桂薑橙茶較易入口，蘋果雪梨茶可能加左薄荷？感覺怪怪的C2．慢煮雞胸配雙色花醬 HKD $88畢竟平時大魚大肉開，老實講個餐來到我面前一開始真係滴左滴汁：PUREE會唔會好難食嫁?結果出乎意料，首先個湯係好濃既南瓜蓉，南瓜好清甜，好味至於個飯左邊係西蘭花蓉同芹菜頭粒，右邊係椰菜花蓉同蒜心雙色花蓉打得好滑之餘加上菜頭粒口感豐富左好多，另外蒜心淡淡蒜香又唔會好口臭都好食Slow cooked雞胸一D都唔鞋，仲好JUICY添雞胸下面仲有好健康既15穀飯，食哂