Tom Bar & Grill

營業中

休息中

上禮拜同同事踩單車到科學園 揾左間餐廳填下個肚😋Tom Bar & Grill 設有露天座位 對正海景 單車徑 不過宜家天氣真係好熱😖都係坐番入去涼下冷氣先🤫食物質素中上 但呢間餐廳都幾常有漏單情況 要改善下.👉🏻香煎雞扒配車莎汁($128)車莎汁味道似蕃茄汁 酸酸甜甜 雞扒份量好多 有兩大塊 肉質都嫩😚而且食得出有檸檬香味 調味方面幾出色！.👉🏻巴馬火腿藍芝士蜜桃沙律($78)巴馬火腿肉質柔軟 鹹度適中藍芝士味道偏鹹 自己本身唔係太中意藍芝士所以都比唔到太多評價～幾片麵包有啲亁身沙律同蜜桃個配搭都幾fresh🤤———————————————Tom Bar & Grill沙田白石角香港科學園科技大道東16E號海濱大樓二座地下S088-S089 號

慶祝老公生日晚飯，我搵間近屋企又有d氣氛既餐廳我地揀左坐室外，涼涼地好舒服又有浪漫氣氛我地揀左一個dinner set（有沙律+主菜+餐飲+甜品$378）主菜揀左大蝦，另外再加一份10oz肉眼（$308）同煎鵝肝（$158），全部都好好味，爬文見有人話服務態度差，我覺得好ok喎，好friendly，因為老公唔食甜野，我叫佢係dinner set個甜品寫happy birthday，唔另外嗌蛋糕都冇問題，侍應好好，環境又靚，好適合慶祝生日啊食完飯行下海濱吹下海風，好滿足

搬左入白石角兩個月，不斷試附近餐廳，呢間最好食。一百蚊唔洗，環境又好，真係性價比非常好。首選炒麵同青咖喱，炒麵成個都好脆好香口，青咖喱好香，餸飯一流，而家一星期嚟至少兩次。

星期日下午，兩位，人不算太多，但剛滿座，有兩張枱看似剛離座，門口職員甲行過，問有冇兩位，佢好似唔多想理我地咁，可能我地咗住佢做野，叫我等等話執緊枱，轉頭行咗去做自己野。等咗陣見唔對路，職員乙行過，問佢兩位有冇枱，係咪要登記，呢位直頭當我地透明，望都唔望我，又話等等，轉頭去咗第張枱落單。再等陣職員甲行過，再問佢點，好似啱啱見面咁，又話等陣執緊枱，終於肯攞支筆出嚟寫張飛俾我。頂，好似成個科學園得佢一間有野食咁。即走。完。

我1月中已經見到有賣廣告。希望情人節食餐好既，點知係惡夢既開始。由早大半個月前訂位，已經講好左需要窗口位，但當我準時到達既時候，帶位既待應竟然帶左我穿過側門，去到另一邊食，勁無情調，但當時大廳係仲有位，甚至walk-in既都有位坐正廳。原全唔知佢係點樣安排。到野食喇，頭盤都算正常，之後去到蟹竟然話賣哂喂大佬，我早一個月訂位，洗濕左個頭先話隻蟹賣哂，你地廚房唔係應該預好人流幾多人訂位 而訂好食材架咩？最後話換兩隻蝦好唔好？咁唔得都要得啦。一隻大蟹換兩隻鼻屎咁大既蝦，我影左相。個份量少到冇朋友，好心冇料冇經驗唔好做大餐。情人節比你咁搞一搞都冇哂mood。之後main，一個揀左牛扒，一個揀龍蝦牛扒都叫入到口，隻龍蝦d肉霉到發慌。上菜又慢 催左幾次 帶位混亂人手嚴重不足 野食又凍 成間鋪不知所謂大家真係唔好再去 貼錢買難受平時都唔會寫食評我第一篇食評都要罵爆你成間鋪差到冇朋友

情人節套餐 $688一位 價錢不是問題 頭盤 三文魚他他醬 陣味怪怪的 好大陣腥臭味牛油扇貝正常 味道不過不失 不過凍既餸與餸之間 隔成半個鐘至45分鍾先上一碟 失敗！鹽焗麵包蟹 正常 不過都係凍到冰咁 食落都知擺好耐先上菜 問侍應 一個推一個 都係無人理 話要搵問 跟開你果個侍應黎招呼黎 紅酒燉牛肋骨 d肉林到 一個點 完全係無牙都食到 好似拎黎煲湯d肉咁 仲要散晒個龍蝦 無肉 仲要 梅既 整到龍蝦蓉咁 忍無可忍 食唔落 甜品都唔食直接埋單走 下不為例！ 埋單都仲可以計錯數 有比訂金 同佢講左 都可以無扣返就咁計數 埋張單都要得成4個字係門口吹風 ......

唔想有下一個受害者！ 所以上嚟 寫一寫希望大家唔好中伏！ 五個人諗住喺海邊環境好啲食餐好嘅 點知 點樣食物裏面有一樣係直情大家食完都覺得想嘔！ 其他食物都冇一樣好食嘅！ 食完埋單五百幾六百蚊 都唔緊要 你畀返啲食得落口嘅嘢 食得飽嘅嘢畀人啦！ 仲要加一收費服務又差！ 真係冇下次！ 真係唔想有下一個受害者所以 呢次係我第一次上嚟寫劣評！ 食完嗰餐五個人都冇一個係飽 最終去咗subway 買個包食先至飽！ 好耐未試過咁慘食餐咁嘅飯…………

臨時約朋友踩單車，順便走入科學園食午餐。今天是聖誕節假期，預左價錢較貴；餐廳有露天位置，天氣涼爽。點了炸魚薯條可拼意粉、飯、薯菜，香煎雞扒$108，份量剛好Parma ham blue cheese salad $78,估唔到呢個價錢用blue cheese配Parma ham. 勁好味！香煎雞扒配車莎汁$128，雞扒煎得好香，但無乜特別另加2個餐前小食$15/份拿破崙茄汁長通粉$88，味道可以，無驚喜意大利飯好味，但帶子較咸凍檸茶要加$3，茶味濃唔澀整體而言，價錢物超所值，我和朋友坐左3小時都無趕我們走，職員非常友善！小插曲：小朋友踩單車感到不適，餐廳未開門營業都俾我們在餐廳範圍坐，給予暖水，非常體貼。值得再去！

仲記得剛剛開嘅時候成日黎，因為佢嘅戶外座位實在太靚，對正單車徑同海景，酒紅色太陽傘，係新界區罕有靚view餐廳。幾年後再黎幫襯，所有野舊左，店員唔同左。唯一不變嘅係，食物水準仲好高。黎歎簡單下午茶，串燒雞牛豬各一串。即燒香噴噴，上枱口水流！最好味係個粒粒花生嘅沙爹醬，水準不變！就算醃製再燒再點沙爹醬食，口感味道仍然分得出雞牛豬。餐飲，咖啡，讚👍🏻！香濃幼滑，少酸有d果味，望住海景歎tea，還算係不錯嘅地方。

對上一次黎係試佢地既晚餐，邊享受美食邊聽live確實幾享受。今次因為到隔離既Science Park開會，便到此食個午餐。本人特別鍾情於越南鮮牛肉pho，並對此既要求亦相當高。哩個餐令我幾滿意，雖未到爆星，但我認為值得再試。湯底清甜是必須的，畢竟湯底是湯麵的靈魂，佢地落左白蘿蔔去調個甜味，湯色亦靚，湯河不會散散的，對此我已心裡加個分，只是唯一未得滿分的是啲鮮牛肉唔夠juicy和嫩滑，在涼涼的氣溫下食碗熱麵，超享受！前菜是蝦餅，但果種辣醬味未有好吸引我胃口，芝士蛋糕份量少少一件，但飯後淺嘗都頗足夠，咖啡我個人喜好偏濃一點，水啡分離的口感不太好，而他們的咖啡10分之中我俾6分吧。

牛扒控出沒😈 炭燒美國頂級肉眼扒Rating: 8.5/10HK$ 308牛扒有驚喜，鮮嫩多汁，脂肪位入口即溶☺️ 唔使點醬已經好好食🥩配菜嘅薯蓉撻都好有創意，有誠意之作！性價比唔錯••Pizza控出沒🍕 Margherita PizzaRating: 7.5/10HK$ 158芝士味好重，但亦因為咁冇番茄的個幾塊pizza就變得好膩。 餅底薄身，唔會太heavy仲有食左個泰式柚子沙津，酸甜辣幾好食唔記得左影相😫

Plus points of this restaurant, nice location overlooking the sea. Unfortunately that's where it ends. I'm on a an evening out with my husband, I ordered Thai pomelo shrimp salad for almost $100 I got a bowl containing 6 lettuce leaves and 6 v. small prawns and plenty of onion. The sauce was tasty. My husband had Thai green curry with chicken, although flavoursome it was very sweet and the chicken had an unpleasant rubbery texture. He has never had a green curry containing cherry tomatoes

是日星期六，想買張飛睇戲都買唔到，唯有到外邊走走呼吸新鮮空氣， 原本計劃從大圍踩單車到大尾篤食好西，但好小做運動嘅我，踩到科學園已經入黑（點解會踏得咁慢傢） 途經一間西餐廳，諗下諗下都係食完嘢先算， 餐廳有outdoor & indoor, 見今日唔算好熱，又有D風，而且出面係有風扇， 又有吐露港海景陪住你食，我地就揀咗出邊， 不過出面有草叢，都會有俾蚊咬嘅風險， 同埋附近可能有地盤，放喺outdoor嘅餐具，好似有D沙or塵, 食之前都係清潔下安心D

老實講，都唔係第一次幫襯，其實食物係可以嘅。但係服務質素勁差，我未見過餐廳到咗食物到仲未有餐具，冇水飲都算，但就叫天不認叫地不聞。到最後特飲同埋嘢食無嚟，無晒又唔通知，個侍應仲好似黑晒面咁話唔好意思。其實如果冇貨，可以大方講話冇，仲要次次都要個客去櫃面問佢先知道，我未見過會有啲咁嘅服務質素嘅餐廳，食茶餐廳都冇咁嬲。下次真係咪搞，雖然食物質素OK，但係其實普遍西餐廳都有呢個水準。科學園重有其他選擇，再見👋🏻

由大埔踩單車去馬鞍山，途中經過科學園，決定停一停。停咗喺呢間酒吧度，飲左杯Sangria，杯Sangria好fruity，甜度適中，吹住海風，望住吐露港，感覺寫意。