Tom Bar & Grill

營業中

休息中

由大埔踩單車去馬鞍山，途中經過科學園，決定停一停。停咗喺呢間酒吧度，飲左杯Sangria，杯Sangria好fruity，甜度適中，吹住海風，望住吐露港，感覺寫意。

每到週末都要諗下帶小狗去邊到玩，今個週末帶左狗狗一齊去科學園食飯！科學園都有幾間餐廳有室外的座位，而呢間餐廳有泰菜、西餐等款式，岩哂唔同口味既人！呢間餐廳室外位置有風扇，唔怕好熱！而且室外位置可以睇到一個好靚海景，當日仲可以睇埋日落添，非常寫意！Set Dinner($378)，有沙律、主菜、甜品及飲品。煙三文魚沙律，味道普普通通，煙三文魚唔會太咸!+$30點了法式龍蝦濃湯，好濃的龍蝦湯味，有點creamy，配有一塊小法包!set dinner-炭燒牛肉眼扒配蒜茸汁，牛扒賣相都幾靚，而且都幾大塊，肉質鬆軟juicy!還配有炸薯蓉，口感特別!set dinner-甜品，甜品係cheese cake加雲尼拿味雪糕，cheese cake唔算太creamy，所以食完唔會好漏!香料拌燒牛肉($85)，味道跟泰式肉碎差不多，酸酸辣辣，幾惹味!仲配有生菜可以俾你包住食!青咖哩雞($85)，望落個醬汁好似有點"傑"，但係味道都唔錯，好香青咖喱的味道，唯一有點失望就是雞肉是雞片不是雞件，如果是雞件的話會更加美味!酥油餅($55)，冇諗過這裡的酥油餅整得幾好食，外皮整到脆脆地，內裡都煙煙韌韌，用黎跟咖哩

星期六的下午，想同個friend 靜靜地傾下計，又可以坐得耐，呢間餐廳絕對可以。餐廳有lunch set (12:00 p.m. to 3:00 p.m.)，tea set ( 3:00 p.m. to 5:00 p.m.)，而且環境有outdoor 同indoor , 自己選擇。而我就揀左outdoor , 十分舒適。Order 了兩個set , 煙三文魚沙律份量不多，但蔬菜十分新鮮。套餐可選自家即磨咖啡，望住大海，放慢腳步，給自己一點放鬆的時間，慢慢品嘗咖啡。

想慢慢享受午餐時間，輕鬆一下，行去海濱長廊見到有位即入。 玻璃對住海邊，樓底又高，總算叫做走出office感覺舒服一點。呢度以西餐黎講都算多選擇，素食亦有，由於天氣熱，所以我選擇咗一個比較清新冇乜油嘅菜式：希臘沙律配碳燒雞胸及意大利包。顏色配搭同埋分量望落去都好滿足，最抵係新鮮嘅蔬菜沙律，裏面仲有芝士同沙律汁，前者好香濃，後者少少酸，好開胃。 雞胸好幼嫩，有少少鹹味，真係好清完全無油嘅感覺，不過唔會因為亁所以有硬嘅感覺，都有四五片，並嘅係好似睇落得一片咁少。 包包比較細件好脆。呢個餐幾適合低碳飲食嘅朋友。lunch set有餐飲，加上環境舒適，其實抵過係連鎖咖啡店分開買沙律同飲品。

同朋友一早跑完10k比賽行下執下野都夠鐘lunch啦於是我地係科學園搵啖好食既行行下黎左尼度貪佢尼度環景舒服我地坐outdoor好鐘意對正街景睇下人地踩單車同睇人跑過So chill so relax跑完10k坐低Lunch 飲返杯cocktail 真係好寫意呀😆😆😆😆叫左個牛仔骨薯菜👍🏻👍🏻👍🏻泰式鳳瓜👍🏻👍🏻👍🏻味道不過不失👍🏻係度坐真係好舒服我地傾傾下就去傍晚傍晚既ourdoor仲靚仲有feel仲chill尼度真係好寫意真係如果拍拖過黎科學園行下影相玩成日再過黎食dinner飲返杯🥂真係好有feel👍🏻推介👍🏻

朋友帶我到科學園食泰國菜，環境不錯的，很清靜，可以靜靜傾計，沒有太多顧客～這間餐廳有齊西餐同亞洲菜，原本想食泰國菜的人都心動想叫埋其他野🙈我們點了：青咖哩雞：好味！青咖哩好好味，我快當湯咁飲～雞肉都不錯，肉不太老！串燒x6（雞牛豬）：普通串燒冬陰公：2個人的份量剛剛好，味道不錯，不會太鹹或太濃牛肉：牛肉好厚，有點難咬～蒜蓉包：一盒五件，普普通通，蒜蓉味不太出，都係用黎送下咖哩食沒有叫到野飲，杯杯都好邪惡🙈🙈🙈不過服務態度算不錯（可能少人），有黎吹下水，介紹同推薦下～

Came here for lunch on Saturday in a group of 4 with my kids. Ordered 2 lunch sets first. We had been here a year ago and remembered that the quality of the food was pretty good! Thai Short Ribs with Black Pepper SauceWhen it was served to us the portion really surprised us as it was so huge! There were 3 slices of short ribs with quite a lot of vegetables. We immediately ordered one more of this lunch set but the second set was much smaller in portion with only 2 slices of short ribs and much l

星期五放早，同男朋友揸車泥度科學園睇下海拍下拖，順便食個海景晚餐。我同男朋友的口味有少少唔同，我中意食grill同西餐，佢中意食亞洲菜。難得呢間 Tom Bar 有齊西餐同亞洲菜，我地可以叫番自己中意食嘅野唔洗爭。我叫左燒牛仔柳配紅酒汁。我中意食Medium嘅牛扒，佢地都燒到我中意的熟度，肉夠嫩，表面煎得幾香，食得出有用牛油增加香味。略嫌紅酒汁唔夠，不過牛仔柳本身都夠味。驚喜位係薯條，估唔到都幾有心思。本身以為係就咁炸薯條，但佢地加左蕃茄莎莎、巴馬臣芝士、香草同沙律醬，我仲會點少少紅酒汁，薯條吸晒所有肉汁同精華，超好食！我係度鋸扒之際，另一邊廂我男朋友係我對面剝椒鹽瀨尿蝦，個畫面好好笑 。不過碟瀨尿蝦都真係幾香，始終炸蒜點都有佢嘅魅力。雖然個人好懶剝殻，都忍唔住剝左兩隻瀨尿蝦泥食。椒鹽味好到位，蝦肉好新鮮，食左少少殻，好脆口同惹味。值得推介。我地仲叫埋西芹炒雞丁，有點眼闊肚窄不過份量唔算多。我超中意食西芹，佢地都炒得幾爽口。不過略嫌茨汁有點咸，同埋雞肉唔多。

星期日同幾個朋友相約踩單車，踩到吐露港見到呢間餐廳氣氛好似唔錯，好多人坐係室外對住個海嘆下午茶，見到又唔貴，於是走左入去試試。因為都幾多人我地又癈是等，我地坐左入面的海景位。可能係踩完單車的關係，我地食左lunch都忍唔住叫左幾樣野。Burger 喜出望外，最正係半溶的車打芝士。本身無咩期望，諗住係一般貨色，估唔到都幾有水準。塊牛肉都算煎得幾香。麵包夠鬆軟。薯條夠脆口，略嫌爭少少鹽。另外叫左焗薯皮同瑞士雞翼。個人超中意食焗薯皮，但最怕好油膩個種。呢度的薯皮都無令我失望，蕃茄莎莎醬好開胃，薯皮夠脆，明明有點飽都食左整整兩塊。瑞士雞翼就不過不失。好耐都無食過瑞士雞翼啦，所以食起泥都幾有屋企的味道。

星期日永遠都係跑步日 跑完步梗係搵啲嘢醫下肚啦Bar & Grill位於科學園海旁 專食泰國菜星期日人流冇咁多 就算一大班人入去都仲有位坐.內部裝修就有啲似內地嘅西餐廳款 空間大樓底高感覺非常之空礦中設有室內圓檯選擇 啱晒一大班人又想食下海風又感受下海邊食飯嘅感覺.身為海南雞迷嘅我 當然唔會錯過任何一個食海南雞飯嘅機會今次我就嗌咗泰式海南雞飯 如果仲記得我上次食泰角嘅時候講過一個正宗嘅海南雞飯 海南雞要夠凍先逼到透明雞膏而呢間就係正正嘅反例子 雖則肉量比外面多但係海南雞竟然係暖㗎！雞膏就當然冇啦 幸好雞肉都算嫩滑雖然我唔係嗌意大利飯 但係都食咗幾啖 覺得意大利飯生熟程度都控制得唔錯偏硬身 吸味 忌廉味同埋帆立貝配搭恰到好處下次再食都係揀返意大利飯啦😂

依間餐廳好特別，因為佢係西餐廳既格局同埋食物之餘，係仲有埋泰國菜既～～其實已經食過幾次，覺得水準都幾隱定，如果行開科學園/踩單車都幾推介，特別係outdoor位飲住啤酒都幾chill😀冬陰公湯好味，不過唔係大頭蝦；炭燒牛扒真係好有炭香，但肉眼扒肉質麻麻；海南雞飯幾滑嫩；仲有係佢地既生蠔幾新鮮！西同泰mix and match幾新奇，啱晒選擇困難症人士😆😆不過甜品就麻麻地 係芒果糯米飯好d～～同埋份量再加個價錢... overall 有d 貴，不過去得科學園食飯都預左

因為迎接收爐日，再加上Happy Friday mode啟動，同事一齊揸車入咗去科學園食好東西！揀咗呢間面對住吐露港海景嘅餐廳食飯，但係因為太大風關係，我哋都係選擇留喺餐廳內食飯了。餐廳室內好大，樓底好高，而且人流都幾多，大約等咗5-7分鐘就有位。🔹 扒帶子什菌扁意粉 $108餐配送一碗雜菜湯，有少少偏酸，一般。 扒帶子什菌扁意粉擺盤幾靚，而且好有誠意地有6粒帶子，本身以為得3-4粒嘅我有驚喜到。醬汁好creamy，唔會過份肥膩，都不錯。等飲品時間太長了，而且有些員工服務態度不太良好，用拋嘅方式去比包糖我同事🙈有待改善。📍Tom Bar & Grill 沙田白石角香港科學園科技大道東16E號海濱大樓二座地下S088-S089號舖．．環境分數：8/10食物分數：6.8/10Encore分數：6/10

Ordered 6 dishes for 5 people. After we told the waiter we are gonna use entertainer. The service become really bad.Keep missing dishes that we have ordered, we have been sitting for half an hour waiting for a dishes, we ask them several times and they said they are preparing the dishes. After the third time we have asked, the waiter told me they forget to order the dishes for us.Service is not only bad, but also lie to customer, and waste our time. Which is unacceptable. Will never go back agai

每逢佳節倍思親，中秋佳節快到了，及早訂檯來個飯聚。當天晚上七時三十分，一行十多人(大人及小朋友)，浩浩蕩蕩出發，準時到達這間海邊餐廳，預早慶祝＂中秋＂。餐廳安排迅速，等候五分鐘左右，順利入座，我們經過一番研究之後，精心點選了一些菜式…白酒煮花甲$208，入口淡淡的白酒及蒜香味，鮮甜無沙，可惜花甲體積比較細小；安格斯牛肉芝士漢堡$178，安格斯牛肉配上芝士蕃茄等，吃一口，肉香有質感，質量及味道均不俗；意式肉腸薄餅＄158，薄餅為薄脆款式，吃一口脆滋滋的，肉腸咸咸香香，面層鋪滿芝士，一定要趁熱食；燒美式豬仔排骨＄258，端上檯面，兩大塊的排骨，份量十足，排骨是經過X製，BBQ醬塗滿表面，十分惹味，吃得滿足；蒜香雞一隻（圖為半隻份量）$238，皮脆，蒜香味一般，雞件正常水準，沒太大驚喜；蕃茄水牛芝士沙律＄108，朋友們比較喜歡此沙律，水牛芝士配上新鮮的沙律菜，一濃一淡，相得益彰，味道毋庸置疑；炭燒美國頂級肉眼扒＄308，而我挺欣賞此牛扒，它帶著淡淡的炭燒味，肉味濃郁，肉質嫩滑，不加醬汁也很夠味；卡邦尼意粉＄178 ，煙肉洋蔥等配料份量充足，意粉是粗身的一款，正好吸收了忌廉汁等味道，濃濃的頗好

之前係科學園做野都食過主要食市～茶記、車仔麵日食、近海傍西餐、快餐店，pepperlunch、楠天foodcourt⋯呢間終極港色味道even賣thai + western food都係好有香港食物風格價錢中高 百鬆d- 百中可以加錢配甜品係好似去buffet 果d細細件切好果d cake仔酒店見到都好少會取果款但環境係靚既因為向海傍食客都唔少上菜時間都正常 我會俾中評 完全不能理解happy face何來 可能100% 俾晒環境分