Tom N Toms Coffee (已結業)

行街睇戲食飯，在過程中嘆一杯咖啡絕對是一個賞心樂事的動作。所以，大大小小的商場，總會有至少一間 Coffee Shop (連麥 cafe 都計在內)，好讓大家隨時隨地 relax 一下。那天，約了老朋友在尖沙咀吃飯，我早到了，決定先找一家咖啡店休息一下。我行了入 The One，看中了這一間帶有韓國 feel 的《Tom N Toms Coffee》。眼見咖啡店環境不錯，應該幾舒適，就決定入來，hea 返一陣。以咖啡店來計，這是一間很大的咖啡店。店子雖大，但擺設的座位不算多。有足夠的空間，會令人感覺坐得份外的舒服。更令人感 relax 的是此咖啡店的景觀。雖不是位於高層，但有一個能觀天的開揚景觀。也是令人心舒暢的。眼望見許多韓國文字啊，如果窗外的景觀是首爾的話，坐在這兒，真的有如在首爾的商場喝咖啡的一樣。天氣熱啊，我要了一杯凍咖啡。咖啡濃郁，雖是凍飲但仍能帶出應有的香氣。再特別的，是這一杯咖啡有氣，餐牌上的名字叫美式有氣咖啡。用有氣水沖咖啡，入口的是濃香咖啡，但口感就飲法式的有氣礦泉水，很特別。不想單飲咖啡但又不想大吃，於是我就在凍櫃選了這個士多啤梨脆麥乳酪。燕麥脆脆口，乳酪香滑，在底

喺尖沙咀行街，攰攰地想搵個地方休息下，朋友就話試下呢間之前好hit 既韓式cafe呢度除左咖啡之外，仲有Toast 都好出名！Cafe Latte(Large)($39)咖啡味偏淡，但奶夠香滑！Mocha Tomnccino(Large)($46)朱古力味濃，鍾意飲沙冰既必試!Honey Nut Toast($57)價錢少少貴，但味道非常好！多士夠厚身，焗到外脆內鬆軟，加cream 食又係另一種風味！必食！Caramel Coffee Cake($38)味道偏甜，咖啡味唔算濃！Triple Chocolate Donut($21)面層有朱古力碎再加朱古力脆皮，入面又有朱古力夾心，滿口朱古力，唔錯！

喺The One行完街搵到呢間環境好chill嘅Tom n Tom's，最適合同朋友坐底慢活一下。蜂蜜芥末火腿芝士吐司($21)配料雖然簡單，但厚厚多士外層烤得好焦脆，內層則保持柔軟，為呢個經典組合帶來新鮮感。蕃茄芝士牛角包($32) 熱烘烘，一口咬下鬆化得非常過份，口感極佳！朱古力冬甩($53)看似普通，食落都有驚喜！咬開內層有朱古力軟心，滋味無窮。忌廉粟米牛肉薄餅($53) 餅皮薄脆，一個人食都唔會太heavy, 加杯野飲已經係唔錯嘅一餐。蜂蜜美式有氣咖啡($38) 有氣咖啡比傳統咖啡少了一入濃厚感覺，但清爽口感很有驚喜，令我都愛上呢個新嘅飲法。

星期日喺尖沙咀行完街有d肚餓，去左The One嘅「Tom N Toms Coffee」嘆返個下午茶！店內樓底勁高，空間感十足，感覺寬敞舒適芝士蕃茄牛肉意粉蕃茄牛肉醬意粉加入芝士一齊焗香，滿載芝香～牛肉碎頗有嚼勁，充滿肉香，配上酸酸甜甜的蕃茄醬汁，好開胃呢！每條意粉都可掛上蕃茄肉醬，好味道蜜糖芥末火腿芝士吐司🍞厚切方包吐司烤焗得金黃香脆，吐司入口外脆內軟，好酥香！表面擠上適量的蜜糖芥末醬，甜甜的。夾心層係火腿芝士，鹹香芝味，整個配搭都係非常滋味又邪惡藍莓夾心鬆餅表面有牛油糖粒，甜甜脆脆的。Muffin口感都幾鬆軟，中間係藍莓果醬，濃濃的藍莓甜香雙重朱古力鬆餅Chocolate Muffin翻熱後香味四溢，濃郁的朱古力香味撲鼻！鬆餅外圍係濃郁的朱古力味，中間係半流心榛子醬，整體甜左少少熱泡沫咖啡叫左杯large size嘅Cappuccino，泡沫輕盈細滑，咖啡味濃厚醇香，好出色

是日去左位於尖沙咀TheOne的Tom N Toms Coffee 食野，之前在荃灣去過食，感覺都唔錯，同朋友想談心，真的在哩度唔怕趕人走，在TOM N TOMS COFFEE內，除飲品和甜品外，還會有意粉，薄餅，吐司的輕食，真的唔怕去CAFE會食唔飽~朋友點左特別的甘薯鮮奶，我點左豆奶LATTE，另外食物點左三重芝士PIZZA，牛肉蕃茄意粉，焦糖忌廉吐司 甘薯鮮奶，豆奶LATTE，朋友的甘薯鮮奶味道唔錯，鮮奶味重，另外甘薯系紫薯，真的冬日最啱飲我的豆奶LATTE，因為唔想飲牛奶，改左豆奶,都一樣咁好飲~~牛肉蕃茄意粉牛肉蕃茄意粉熱熱的上來，一口一口食，牛肉同蕃茄味重，唔錯三重芝士PIZZA三重芝士PIZZA薄薄的餅底，加上不同味道同款式的芝士，仲有少少拉絲的效果，好好味~~焦糖忌廉吐司 焦糖忌廉吐司 哩個作為甜品真的好正，脆口的TOAST，加上不太甜的CREAM，同埋焦糖汁，真的一口食一口，好邪惡~~~

想試下呢間Tom n Toms 好耐，去親韓國都會成日見到呢間coffee shop 。The one 呢間舖既座位都好多，而且除咗飲品之外仲有少少意粉同薄餅輕食既選擇。我要咗個芝士蕃茄牛肉意粉（$49），味道似一般既肉醬意粉，都幾creamy。飲品榛子hazelnut latte （$38）好香好好味， 甜度適中，拉花都好靚。朋友揀左韓式意粉薄餅（$59），係好有創意既一味，將芝士同意粉放上薄脆既餅底上面加上韓式辣醬，都幾飽肚架。飲品揀左有汽美式咖啡（$32），好似飲唔甜既可樂咁，唔會苦，將齋啡推上另一層次。最後叫多個果仁奶油夾心冬甩（$21），賣相幾好，食完甜品好滿足。

今個weekend同朋友仔去cafe食下野, 用返之前買左嘅groupon<焦糖忌廉土司>厚多士外面烤到脆卜卜, 內裏軟綿煙韌, 配上 忌廉、肉桂粉同焦糖醬, 食落幸福感爆燈<黑松露醬雜菌薄餅>脆片嘅餅底, 加上偏酸嘅番茄醬、雜菌、芝士同黑松露醬作點綴, 菇菌味濃郁<芝士焗韓式餃子>大食妹就偏好芝士焗韓式餃子啦韓式餃子比較清淡, 配上少少茄汁及埋一層厚厚嘅芝士外面焗得脆脆哋, 裏面仲可以拉絲, 超級邪惡<榛子鮮奶咖啡>朋友仔嗌左杯榛子鮮奶咖啡, 咖啡味偏重, 榛子味反而冇咁突出...<原味乳酪沙冰>呢杯原味乳酪沙冰好啱大食妺胃口, 甜度比起外面嘅乳酪低飲落酸酸地帶點微甜, 幾開胃

開會前先要吃飽😁。 今早又約了早餐會， 我成日好懷疑， 點樣一邊食野一邊開會呢， 食到一口都係野， 講野都講唔清啦！所以一般如果約早餐會，我都會自己先吃飽， 開會時就喝一杯咖啡， 最多就吃幾件水果。今朝約係尖沙咀某酒店， 我就在附近找了間咖啡店。因為我很愛佢地嘅Toast。唔知點解日韓國咖啡店啲Toast特別好食， 麵包特別鬆軟。調料又鹹又甜但唔知點解混著又出奇地好味。好似今次我點呢份火腿芝士toast。本身麵包已經塗了牛油同蜜糖烘烤， 中間夾有火腿跟半溶芝士。面頭吱了勁多酸酸甜甜的蛋黃醬。多士已經切好一cube cube方便食。因為toast係即叫即整， 所以新鮮熱辣， 入口鬆軟，味道複雜豐富。早上要醒神， 我先來一杯espresso。估唔到咖啡幾香， 入口都算順滑，甘得嚟唔苦。食飽飽，點知開會時間延後一小時，咁多時間我只好點多杯野再坐多陣。今round點左杯堅果冰咖啡，加多cream😁, 飲落好滿足，雖然多cream, 但咖啡味唔會被蓋過。

韓式好坐cafe我男朋友叫我陪佢去食Tom N Toms Coffee，佢話呢度係韓式CAFÉ，岩晒啲行街行到攰想休息下嘅人，佢呢度嘅梳化好好彩。同埋可以選擇輕食，餐廳有野飲下，又有薄餅、意粉等。火腿芝士牛角包超出我預期的牛角包，餡料雖然簡單~只係火腿同芝士，但係是牛角包烤得剛剛暖粒粒之餘，外皮帶點脆脆的非常美味。芝士焗韓式餃子呢個係焗嘅餃子，面上有勁多芝士，拉晒絲，下面係餃子🥟，仲係軟身既，醬汁有點小小辣，好味。芝士蕃茄牛肉意粉價錢唔貴，分量合理，免治牛肉配芝士，蕃茄，連意粉食剛好，味道夠晒。三重芝士薄餅餅底係脆薄嘅，D芝士好多，勁芝士味，啱哂我呢D芝士控！接骨木花伯爵茶個味道唔錯，唔會好甜，夠解渴。

曾幾何時我迷上過Tom N Toms既原味乳酪沙冰,因為鍾意佢既味道酸酸甜甜好開胃好fresh~因為天氣開始凍喇, 所以我都唔飲沙冰而選擇左佢地新出既堅果hazelnut latte定唔知caramel latte.. Hmmmmmmmm…下次都係飲番原味乳酪沙冰比較好男主角就唔怕凍地要左<<Green Mint Mocha Tomnccino>> $46佢既Mint味都OK~我都可以接受… 而且朱古力味唔會太甜同埋比我想像中濃郁，令我有surprise.. 對我黎講咖啡味都算唔太濃..但唔飲咖啡既人應該都可以接受<<煙肉芝士蕃茄貝果>> $40(?)貝果外面脆脆地，面頭有D芝麻，令到貝果帶有微微的芝麻香~中心軟熟，而且入面揸左少少牛油~睇賣相都覺得煙肉冇煎過~ 所以帶唔出佢既香氣出黎。相反，芝士既味道OK香濃，但整體就soso~<<芝士焗韓式餃子>> $32呢個韓式餃子係即叫即焗既，佢地採用左蓄茄醬去做醬汁底~ 令到個味道酸酸甜甜好開胃。餃子份量都幾多下~ 一個女仔食完會飽的!!! 而且面

今日同朋友行街,終於有機會試下呢間韓國咖啡品牌 - Tom & Toms Coffee. 眾所周知, 韓國咖啡文化深厚, 韓國人喜歡咖啡喜愛既程度,大概僅次於燒酒. Tom & toms Coffee係首批韓國咖啡品牌進駐香港市場. 想試下韓國咖啡一定要黎試試!呢到除左傳統既 Latte, americano, cappuccino 等仲有好多fusion 咖啡飲品選擇. 我試咗呢款有氣蜜糖美式咖啡. 蜜糖配上氮氣美式咖啡苦中帶甜, 口味夠特別. 而朋友則Order咗英式伯爵茶亦不過不失.野食我地order咗3款包括: 韓式餃子, 黑松露批薩, 同肉醬意粉. 3款韓式做法既料理芝士足料夠大份, 加上價錢亦唔貴, 成枱野食加飲品都唔過每人$100.選擇同性價比都比市面上既某大品牌(星仔,P記)要高得多, 大家唔想幫襯大品牌咖啡店, Tom & toms Coffee係個唔錯既選擇

幾乎每星期都會來一次嘅韓式cafe，經常有明星應援生日牌。咖啡香，食過一次三明治都唔錯，但蛋糕可以再進步。之前就得兩三款蛋糕，宜家多咗好多款式，但我最少食到過兩次蛋糕中間仲未完全退冰，唔知係唔係準備時間唔夠。希望改善喇！

未去韓國之前，都要去下韓國cafe。位於商場內既cafe，岩朋友仔行到累時坐下，嘆下。飲品：🍋藍色檸檬湯姆梳打Presentation好靚，心心眼😍，少少酸，開胃，甜度適中。🍫薄荷朱古力湯姆冰樂朱古力充滿口腔，岩朱古力愛好者。🍯蜂蜜蒜泥吐司蒜泥好重，配合脆口吐司，岩重口味人士。🍯蜂蜜堅果吐司堅果鋪係吐司面，旁邊有cream，可以夾埋吐司一齊食。🍕黑松露醬雜菌薄餅黑松露醬濃郁，薄餅夠薄身，幾個人👫👫一齊share就岩。

Tom N Toms Coffee，平時去韓國就多數會去既COFFEE SHOP估唔到有機會起香港見到同埋仲有機會起呢個食野事緣約左個保險經紀放工後傾野大家就建議左個COFFEE SHOP可以慢慢傾三重黑朱古力對一個非常甜、非常熱愛朱古力的人就一定要點啦~厚CREAM但無阻朱古力的重味，加上卜卜脆的餅乾韓式意粉PIZZA好奇妙的配搭，覺得自己食緊PIZZA定食意粉呢??真係好神奇最愛的芝士年糕，用左焗既方式去溶左芝士特別焦脆又香口好煙UP韓式芝士年糕忌廉煙肉意粉基本野的忌廉煙肉意粉正常味道焦糖咖啡蛋糕好甜甜的咖啡蛋糕但好有層次

生活苦時食甜食心情會好啲嘅，韓國人氣連鎖咖啡店Tom n Toms Coffee一直係我心目中係回憶，以前考完試最鍾意拉埋班同學一齊嗌兩三個同學一齊分享一個toast，真係回憶嚟========================焦糖忌廉吐司 $57即叫即焗嘅厚吐司份量十足，係平日三片多士嘅厚度🍞吐司烤到外脆內軟，麵包表面金黃色食落好鬆脆而包身中間軟糯，吐司同忌廉面頭上除咗焦糖醬外仲加左唔少玉桂粉，而佢嘅忌廉唔係好creamy好膩個種，反而有種偏輕盈嘅口感，將吐司切至一小嚿點焦糖同灑左小小肉桂粉嘅忌廉真係食唔停，配埋一杯咖啡cuppucino大滿足☺️========================為食省錢小tips🤤TOM N TOMS COFFEE而家係yahoo團購仲有半價coupon，我就買左之前已經買咗8張🙈大家都可以去買:http://bit.ly/2JIFAcG========================巧味道指數👅：👧🏻👧🏻👧🏻👧🏻再食過指數🏃🏻‍♀️：👧🏻👧🏻👧🏻👧🏻錫荷包指數💸：👧🏻👧🏻👧🏻👧🏻服務正指數👩🏻‍🍳：👧🏻👧🏻👧🏻環境靚指數👀：👧🏻👧🏻👧🏻👧🏻=======