Tom N Toms Coffee (已結業)

榛子鮮奶咖啡 $38.發掘下d飲咖啡好地方 今次放lunch揀左哩間 因為之前食多士見咁多人買咖啡飲所以想試下🤔🤔🤔.咁我叫哩隻其實我只係入門級 唔太習慣飲d超濃味咖啡 我會失眠同手震🤭 哩杯咖啡都做到我要求 一望就知好奶味 好岩我飲 咖啡香溝埋榛子又唔錯喎 .其實我唔識點評佢為一杯好咖啡 不過我下次都會去買既Garlic Butter Toast $50.已經唔係第一次食Tom N Toms 今次就叫左份口味偏咸既蜂蜜蒜泥吐司☺️☺️☺️.吐司烘得外脆內軟 口感相當不錯 最正係香濃既蒜味 胃口大開食唔停口 吐司夾層係芝士 份量適中既芝士連麵包一齊烘過 一格格食果陣拉芝成功🤣🤣.係香蒜重口味之下蜂蜜果份甜就無咁出 亦都係咁我先至揀呢款 因為果陣下午茶其實未餓 食啲咸咸地既好過食甜太漏.雖然份吐司賣相除左本身烘得金黃色之外就無伴碟點綴 咁簡潔影相效果未必突出 不過味道都ok既

在剛剛過去的星期六，來到銅鑼灣時代廣場的Tom N Toms Coffee吃晚餐，之後準備出席在跑馬地運動場的2018/2019賽馬會香港女子乙組聯賽第一輪補賽，晉峰女子隊對黃大仙女子隊的比賽。當天再次選了上一次10月17日星期三在Citywalk分店的Banana Coffee Latte。但是今次選擇熱飲，熱飲同樣香濃及帶點香蕉蓉的香滑。黑松露Pizza的餅底雖然薄薄的，而且是韓式製作方法，茄醬非常充足。而且松露非常夠爽爽及時間剛剛好没有過度的烤焗。👉當天9/F的港女👈被我這個👉當時在8/F的半韓國歐巴完全擊殺。👈

下午和周路兒逛街，便在咖啡室吃下午茶。即使假日，這裏也有位置，十分不錯。午後時分，來餐廳的客人也放慢了步伐。有各式咖啡，也有吐司優惠套餐。⭐️榛子鮮奶咖啡$41咖啡提神是常識吧？榛子、牛奶和咖啡的比例很恰當，入口香醇。⭐️蕃薯鮮奶$38天然的紫薯香氣，甜度適中，奶味足。紫薯香氣伴著奶香，兩者配合得恰如其分。⭐️番茄芝士牛角包夾層有芝士和番茄，咬下去酥酥軟軟的，感覺不錯呢！⭐️黑松露雜菌薄餅$75披薩餅底很薄，鋪了很多茄醬和雜菌，番茄醬比黑松露的味道更突出，感覺在吃番茄薄餅，另外醬料太多有點油膩，相對失色。⭐️朱古力忌廉吐司$55這裏的吐司必試，一口吐司烤得香脆，朱古力醬不會令吐司太甜膩，加上忌廉一起吃，香脆可口，裏面的麵包軟呼呼的，外脆內軟，實在很棒呢！▫️以咖啡店來說，$200便可以吃到那麼多，真的很划算呢！吐司十分出色，下次試試其他口味！

繼已經結業的沙田「新城市廣場」分店，以及旺角「新世紀廣場」分店之後，我為了晚上光顧銅鑼灣另一間食店，而提早來到銅鑼灣。亦造就了我第三次上門，光顧「Tom N Toms Coffee」。自從我在韓國旅遊後，我在韓國咖啡店裡面，親自購買過韓國雪奶冰甜品之後，我才知道在韓國，尤其是「首爾」裡面不只有甜品店，甚至有咖啡店會有提供雪奶冰甜品。可惜香港的韓國咖啡店，始終受制於與食環署相關的條例，不可能即場製作韓國雪奶冰甜品之餘，更加不可能提供雪奶冰甜品。我星期日在銅鑼灣，本來準備在晚上食晚飯之前，先在「時代廣場」裡面，找間咖啡店或者其他的甜品店，買杯飲品然後坐下等候一兩小時。既然香港的「Tom N Toms Coffee」，不像韓國的咖啡店一樣，不會無端端有機會供應「雪奶冰」甜品，最多只有「沙冰」飲品提供，買杯甜味的咖啡沙冰，已經是最好的選擇。結果我要在光顧另一間食店之前，先留在銅鑼灣的「時代廣場」裡面買杯咖啡沙冰，慢慢等候時間經過，直到黃昏接近六點鐘的時間，才能起程前往晚上食飯的地點。銅鑼灣分店的「Tom N Toms Coffee」，設置了在「時代廣場」八樓的通道位置，看店舖擺位和佈置，怎看也

鍾意韓國嘅人，相信對Tom N Tom一啲都唔陌生，韓國出名Cafe又多又靚又好食，終於係香港都有返間韓國cafe。之前聽人講，好多人排隊，所以一直都唔想嚟食，心諗，都係一杯咖啡同埋厚多士姐，唔值得花時間排隊。居然有一日，俾我同朋友喺UA睇完戲，搭扶手電梯落嚟時見到唔使排喎，咁就梗係試一試佢啦。咖啡：好普通，其實都唔係好值得飲，因為唔平㗎嘛，我飲Starbucks唔好？至於個楓糖厚多士呢，都叫做入到口嘅，韓國比，就一定爭好遠囉。

有時想與朋友坐低靜靜地傾下計👭想搵間coffee shop休閒地過一日💆🏻‍♀️點少少食物🥪飲杯咖啡☕️已經好滿足呢到除左多款咖啡出名之外😎仲有多款食物提供🍞🥐🍕吐司係一個唔錯嘅選擇🤓蜜糖芥末火腿芝士吐司🍞蜜糖芥末醬係多士面😚甜甜地中間夾左芝士火腿🧀芝士份量算多厚多士烘得岩岩好😉邊位微微燶外層脆卜卜😌內層軟腍腍原來咁食都幾夾😆下次可以係屋企試下整🤗咖啡點左最愛嘅榛子鮮奶咖啡☕️中意唔加糖😋齋飲唔太甜👍🏻榛子味濃

服左E家 cafe shop , sparkling americano 以為好 innovative，點知一入口難入到癲。客人跟店員坦白發表意見，並希望補$換無氣蜜糖咖啡，補💲後，店員更換，點知staff博大霧，陽奉陰違，只加honey......我現在係投訴你杯sparkling americano 超難飲，有氣咖啡超奇怪呀，超級怪組合，說得清清楚楚，你只加蜜糖是當客人傻的嗎?直接跟疑似 branch manager 反映意見。更換後，好一點。味道評價：有氣咖啡與蜜糖咖啡同樣難飲。

今日係肥髀升中放榜大日子，放榜後同同學仔一齊落山食午餐，其實當時都只係早上十點幾，開嘅餐廳唔多，搵咗呢間商場店，去到在商場一個開放式櫃臺，旁邊放咗桌椅可以堂食，先去櫃臺落單，再等出食物！自助式服務！蜂蜜芝士吐司（$55）好靚嘅賣相，烘到微燶，芝士溶晒，可以拉絲出來，芝士味唔算太強，煙煙韌韌咁，麵包烘到鬆脆唔乾，好味！蜂蜜蒜泥吐司（$50）金黃色賣相好靚，蒜茸味香，微辣，蜂蜜牛油微甜香濃牛油味，麵包鬆脆唔乾，好味！忌廉玉米牛肉薄餅（$50/中）呢個要等得耐啲，超薄批底脆脆的，烘到溶芝士勁多，可以拉絲，芝士煙韌，味道唔太強，粟米粒香甜，牛肉粒不多，芝士先係主角！熱辣辣好味洛神玫瑰果茶爆珠（跟餐$15）膠杯睇到桃紅色果汁內嘅爆珠，洛神花茶清爽微酸唔假，飲唔出玫瑰味（可能講隻顏色？）爆珠卜卜爆，入面果汁微甜！本體幾好芒果乳酪沙冰（跟餐$24）肥髀飲，淡黃色，試咗一啖，啲沙冰打得滑又唔會好甜，芒果味唔濃，清清地好味原味乳酪沙冰（跟餐$24）同學仔飲英式早餐茶（$23）同學仔媽媽飲食物即叫即做幾好味，有點特色的台式料理吐司🍞，店員有禮，我飲爆珠飲品要粗飲管，自助取餐具位置剛好無晒，我問佢攞，女店員

近來香港好熱好熱好熱……走在街上如似蒸籠，氣都透不過來，比起小人第一次去泰國尤甚；小人已多年無痴著冷氣店而爬，今個酷暑簡直是難以抵擋！雖然身處冷氣商場，但小人仍是汗如雨下，友人見狀，即叫小人攞位，去買凍飲多士，增加一點能量！😙蜂蜜蒜泥吐司的麵包厚度儼如兩塊舊式麵包舖的白切方包併在一起，薄的程度可想而知。即叫即烘的多士是熱脆的，看上去還真像好多蒜蓉牛油似的；誰知蒜泥不大覺得有，只吃到一口口的牛油。麵包薄，中間的芝士更薄，而蜂蜜僅有數滴在麵包周圍，少得似有還無。洛神花玫瑰花果茶爆珠……無洛神花無玫瑰花無果味，有色而無味。至於藍色檸檬湯姆梳打，撇開了藍色糖漿以及叫做湯姆的名字，根本就只是的檸檬梳打水而已；不過至少有檸檬味。吐司不提也罷；兩杯凍飲唯一做得到的貢獻就是降溫。

5時多午餐還未食的情況下，還是選些輕食醫肚子。時代廣場8樓的TOM N TOMS COFFEE 絕對是我們少女的首選，何出此言？全因那兒韓式吐司，light 得來又夠飽。看看MENU，招牌蜂蜜蒜泥吐司，很吸引，不過份量未必夠，下午茶較合適。掃掃餘下的吐司款式，這個蜜糖芥末火腿芝士吐司($50) 就岩晒我心水，由於是即叫即製，所以要預15分鐘等候時間。而且，跟餐只係＋$15 就有一杯$30 以下價值的飲品，我就選了水蜜桃冰茶。揀個沙發位，天花上的LOGO 幾靚。師傅很快手，水蜜桃冰茶5分鐘內沖起。沒太重糖漿味，清甜冰爽。待多十多分鐘，吐司終於製成啦！半溶芝士的香味，實在非常吸引。芝士控也不是所有芝士都會喜歡。這兒的是濃濃車打芝士，不是頹貨，非常好味。烘焗過的蜜糖芥醬融入麵包，味道很突出，沒有搶了芝士味，反而配合得很，味道連貫。薄身火腿夾在中間，有脆軟脆的由上而下的質感。麵包邊雖少許焦，但一口吃下，沒有粗糙得介到咀邊。十分喜歡這個蜜糖芥末火腿芝士吐司。

一個人 找一個舒適的地方坐下來 tea 一tea 靜一靜！🤓我今日無飲咖啡，我飲熱朱古力！😎生活需要一點甜，呢柸熱朱古力 甜味剛好，朱古力味濃厚！檸檬🍋 tart 酸酸甜甜清新醒腦！💕💕好！醒神過來！再加油！💪🏻💪🏻

「蜂蜜芝士吐司」 ($55)評分：7.5/10.其實最想試嘅係蒜泥吐司但係當日冇晒於是點咗呢個😀 望落好似 芝士量都適中，冇諗過甜甜地嘅蜂蜜又會同芝士夾，一鹹一甜咁反而唔滯。吐司烤得尚可😊 每塊都幾香脆，算係有驚喜嘅傑作。期待下次去試埋蒜泥吐司。

來自韓國嘅過江龍TOM N TOMS由初初一間分店，而家越開越多，基本上係旺區尖沙咀、銅鑼灣都有，今日試咗時代廣場嘅分店，行街行到攰，食少少野relax下先。蜜糖芥末芝士火腿吐司你得呢一間咖啡店，就一定要吐司先啦。之前食嚟食去都係甜嘅吐司今次第一次食下嘅。蜜糖芥末醬同芝士火腿十分相襯，惹味又開胃！切開咗九小塊，都幾飽架，同男朋友一人一件都好容易食。而且加少少錢就可以叫一杯咖啡，或者其他嘢飲，作為一個小小嘅下午茶都好滿足。

今日同朋友係銅鑼灣行街，到4點幾鐘突然想去嘆個下午茶，咁岩睇到8樓有toms n toms。諗返起呢間野岩岩打入香港市場果陣，真係大排長龍，我當時都跟風潮試過佢既蜂蜜芝士吐司，覺得幾好食。咁今次就試下忌廉吐司啦！的確，toms n toms 既吐司仍然保持住水準，即點即整既烤面包都係咁內脆外軟，而個cream不會太甜，加埋蜜糖，成個吐司都好match而我地仲叫左個墨西哥雞肉薄餅，口感食落脆卜卜，不過味道就差dd, 但都是不錯的

📖 Exam period晚晚都唔夠訓，今日考完第一份卷就9秒9衝左去買杯咖啡飲😪 之前喺韓國去過幾次Tom N Toms，但今次係我第一次黎香港既分店。荃新天地呢間鋪面唔算大，但有好多張枱。咁啱撞正lunch hour所以都差唔多滿座。我揀左近落地玻璃既梳化位坐，既寧靜又舒適。先講咖啡，我地叫左凍、熱玫瑰鮮奶咖啡各一杯:玫瑰味好香好清新，冇嗌少甜都唔會過甜，冇比花香及鮮奶搶走咖啡既香味，好好飲! 特大裝承惠$42，雖然唔平但有質素搭救。野食方面，試左一個吐司同一個熱狗：蜂蜜芝士吐司($55)面頭有一層厚厚既芝士，一切落去有流心效果，仲做到瘋狂芝士拉絲添嗰！味道方面拍得住外觀，芝士味極香濃，配埋淡淡香草味真係好正，簡直物超所值！反而韓式熱狗就一般般。個熱狗包烤得太耐導致口感過硬，同埋泡菜同熱狗好似唔太夾，都係分番開好啲。PS 身為大鄉里既我今日先知呢度有pizza食🍕 下次黎要試下先得啊!