Toscana Restaurant & Bar (已結業)

呢間餐廳我幫襯過，好耐之前第一次晚餐食佢鹹豬手覺得幾好，好肥美，用中式烹調方式去整，幾出色！😚😚🥰今次食lunch，佢多左自助沙律bar🥗幾中意佢嘅好似粉絲嗰個前菜，個麻醬夾😚d蔬菜都新鮮🥗而雞肉意粉份量足，都好creamy嘅，但個味道偏淡，食耐d就覺得有d寡🙈另外，鴨胸蕃茄意粉就比較清新啲，鴨胸好肥美，厚切唔慳皮，都唔錯！另外有餐飲同自助餐湯，個湯一般般🙈🙈🙈Btw，老闆，即係廚師，好鍾意係落胡椒🤣

頭盤-雞翼，豬手，雞尚算正常之外，其他菜式都不會推薦。 先說ristto 飯質太多水份 同小朋友糊仔有得比，分別叫兩款 1. truffle， 用嘅係松露油(調味劑) 得陣味，完全食得出個廚師對食材冇挑選； 2. pumpkin, 有南瓜味 但始終飯質差極。再來意粉，亦是兩款 linguine麵質正常 但配汁奇差， 1. 番茄鴨胸， 只用茄膏開配 所以味道偏苦；2. 帶子+蝦， 都係雪藏平價貨， 蝦唔爽 帶子冇味。 的確豬手(廚師推介)係全晚最正常， 都係唔好配紫薯做伴碟啦 一咸一甜， 但肉質正常。 燒春雞都正常菜式。 最後， spare ribs 肉冇味不特止 仲要有陣雪味 存放很久的味道。

很久沒來Toscana, 見他改了menu 有任食前菜，湯就再來試一試。2:30 到包埸，可能已過午市所以任食的前菜已收起，但唯一的侍應(廚師）都係她好好，幫我另上。抱歉，前菜的雜菜碎上，看起來像放了很久，侍應說是汁(醋）染上了色，這有可能但賣相不好。意粉沙律和粉絲也不覺得好食。我們點了burger 和 煙鴨胸意粉。此餐廳應該被旁邊的餐廳搶了很多生意，所以要節流。Burger 的薯片是筒裝薯片。burger 內的漢堡不夠juicy.煙鴨胸是用微波爐叮熱而意粉又是碎上，我好似食緊baby food. 餐茶coffee冇味得如開水一樣。坦白說是有失望，也不會再來了。雖然包場但冇冷氣。其實價錢80幾食個burger 如人手製作不貴，觀塘也有很多價錢相約而好味。但此店的burger 真的不值。

前菜是自助的，我們吃了沙律、麵包和雞湯。沙律裡的意粉口感很厚、好好食、好特別；麵包配搭橄欖油和黑醋，挺不錯的；雞湯味道濃郁而且鮮甜，添了2碗。另外點了2隻特價生蠔，新鮮好吃！！主菜是德國咸豬手和大蝦煙三文魚意大利奶油飯。豬手有別於以往我們吃過的，既不油膩，味道亦不會太重，配上南瓜、紫薯、芝士蕃茄和茄汁，整體都很美味！奶油飯裡的三文魚和蝦份量很足，而奶油飯更是整道菜的精華，口感香滑、奶油味濃郁，很美味！！最後就是餐飲，大大杯的！！整體是主廚友善、坐得舒服、食物美味、吃得開心、下次再幫襯！！

唔係朋友帶都未必會嚟呢間餐廳～😛地點近石蔭商場，唔近地鐵站唔知係咪地點無咁方便，客人都唔算多，除左我地嗰枱得一枱客但靜靜地傾偈來講係一流🤤我地人多可以叫多幾個主菜，餐牌仲寫住唔知幾多週年仲有八折!叫左4款「生蠔 $4x /隻」🐚除左一隻無咁新鮮之外，其他大家都話鮮甜好食「Toscana 招牌德國咸豬手$198」🐷個皮唔係焗到好脆好硬嗰種，唔肯定咁煮法係咪正宗，但肉質好腍，唔會太咸，可惜欠缺酸菜薯蓉😋「BBQ汁美國燒排骨$228」🐷燒排骨無特別，可試可不試「香草牛油汁三文魚扒$178」🐟見到塊三文魚扒有少少失望，因為未免太細塊..... 大家只能夠分到一細塊😭個汁配三文魚好夾，size 大番少少就好喇「忌廉汁海鮮燴意大利粉 $238」🍝海鮮都齊哂menu寫嘅三文魚、帶子、大蝦、蟹柳、青口，但意粉味道一般般，無乜海鮮味，好似海鮮同意粉分開煮咁😐「鴨胸茄汁意大利粉$108」🍝如果嚟食一定要試呢個意大利粉，厚切鴨胸大家食過都話好食!另外仲試左水牛城雞翼、白汁焗西蘭花、鴨胸紫薯雜菜沙律白汁焗西蘭花個芝士好濃味，芝士愛好者係必叫！🧀有樣嘢幾搞笑～老闆每次上菜都會問要唔要黑胡椒，可能每個菜都落黑胡椒

黑松露意粉好足料。滿滿既黑松露味。絕冇偷工減料。鴨肉同羊膝都係水準之作。比街外好多連鎖店好好多。醋既酸味令到肉冇咁油膩亦唔會太酸。而家lunch做緊半價。點可以唔試

今天系附近工廠大廈上紮染,上完三點幾想搵間餐廳食個tea,咁岩經過呢度見到外觀靚靚地就試下,入到去見剩得廚司一個(應該系老細),因為個電視不停播既片段都系佢，可能下午其他員工都落了場休息,入到去見個餐牌剩得午餐,好彩自己有無食晏就照叫,其實價錢都要$138-268,不過餐廳話有7折,一開始有個南瓜凍湯,天氣咁熱岩哂,跟住會比一個麵包同olive oil加vinegar,個包硬過鬼本人麻麻,跟著叫了個海鮮白汁意粉,意粉是上等餐廳用的,芝士汁亦不錯,海鮮就不過不失,另外叫了個豬手,不是炸的,味道唔錯唔會似炸的太乾身,二人亦可食哂,跟著叫飲品一杯涷奶茶,一來到用平時啤酒杯咁大size見到覺得好好笑,心想咁抵咁大杯,睇單原來加$9,不過我ok的,至於7折其實都系gimmick野,因為加一都系用原價,每人大約食了$150,已食物質量系合理的,因為無咁既價錢好難比到d好質素食物,至於服務因為只得老細,所以碟都無換水亦無比,不過系我自己無要求過的,不過可以改善

公司同事生咗BB, 正在坐月的她不便出遠門, 我和一兩個同事就到佢屋企探望一下, 順便給封利是BB, 以表心意, 探過同事之後我和同事就到她屋企樓下的這間餐廳食晚飯坐下不久餐廳的侍應就給了我們餐包, 餐包是不另外收錢的, 我喜歡用餐包點黑醋和橄欖油來食橄欖油意大利黑醋慢煮野鴨 $168, 鴨肉煮得好軟淋, 味道好香好有黑醋味, 但是不會話太攻鼻或刺口, 相反食起上來味道甜甜地又有少少醋味, 味道好特別, 是非常值得推介的食物白酒忌廉汁海鮮大燴意大利粉 $268, 一碟意粉 有齊 法國藍青口、三文魚、鮮蟹柳、帶子、大蝦, 碟頭好大, 最啱share來吃, 用白酒忌廉汁煮過的意大利粉相當好吃, 海鮮又夠鮮味未入去這間餐廳食晚飯之前冇諗過這樣好吃, 的確有驚喜, 高手的確就在民間

某日 , 我和太座一起到 葵涌 的一間工廠大廈選購高爾夫球用品 , 之後就在附近的一帶四處逛逛 , 順便覓食 ~就在 梨木道 發現了這間門面和格局頗具心思的餐廳 , 而且因為慶祝開業七週年 , 午市、晚市都有七折 , 於是我們就入內幫襯 ~餐廳的裝修和擺設都有心思亦有情調 , 氣氛也不錯 ~Menu ~香芒大蝦紫心番薯田園雜菜沙律 $ 128 : 賣相討好 , 沙律菜夠新鮮清爽 , 芒果香甜 , 蝦肉爽口彈牙 , 配上紫心番薯蓉還算有心思 , 一切都配合得很好 , 吃起來既清新又醒胃 ~Toscana 招牌德國鹹豬手 $ 198 : 一般在坊間吃得到的豬手 , 煮法多數以烤焗或以炆為主 , 但這家餐廳的做法明顯有所不同 , 味道也有異於普通的鹹豬手 ; 用刀把豬手的肉切下 , 立即會發覺到豬手已經是煮得相當的腍滑, 豬手的外皮已經被煮得如入化境 , 入口幾乎溶化而帶膠質感 , 絕對是肥而不膩 , 肉質嫩滑入味 , 味道香濃醇厚 , 層次感豐富 , 也有點像東坡肉的味道 , 配以特製的醬汁 , 妙哉 ~ 本篇完 ~

大蝦帶子扁意粉- 份量好大, 意粉可以生少少, 味道好濃, 食多了會感覺有點漏, 蝦就一般, 沒蝦味, 一味夠爽口, 有些細細粒帶子, 爽口鮮甜, 但切到細細粒有點影響口感南瓜湯- 好甜好濃好滑, 面上有少少香草, 帶出清香的香草味道,跟包食最正煙三文魚沙律- 三文魚油香欠奉, 但煙燻味夠, 只有羅馬生菜, 又甜又爽脆, 如多幾款菜款更佳焗羊膝- 非常吸引,汁濃,味道偏甜. 羊膝蚊到好唸, 用义一吉就可以食到肉.脆豬仔包- 好香麥味, 外皮好脆, 點湯點棷欖油及醋都好味道

Having heard that the chef there used to work in the peninsula hotel so there we were to try the food out. Turned out to be quite delicious and the food looked really good too. I personally love the germany pork knuckle a lot while my mum likes the seafood spaghetti. Nice dining place.

返工同同事食過一次,今晚放假再同老婆食多次主要來食招牌豬手.大大杯檸茶,好少有...餐前麵包,用黑醋點,真係好特別.招牌德國咸豬手非常好吃,成隻連骨送上,真係男人都未必食得哂,豬皮燒得夠香,微脆,豬肉嫩滑.伴碟紫薯茸又係好好食.較令人失望係嬸嬸侍應.店長其實好有禮貌同殷勤,但班嬸嬸就唔太理人,最後埋單執枱時將枱面的意大利飯撥落我老婆部電話到兩次,係兩次,係呢間高質餐廳小小污點

今日同成班朋友過黎食飯, 一坐低伙記就好快過黎招呼, 非常好服務!成食個頭盤沙律, 呢到既紫薯薯蓉好好味, 有一陣淡淡既荔枝味~之後到青口意粉, 不過個人不太好青口, 不便評論~再黎就到呢度既招牌菜咸豬手, 非常大件, 賣相同味道都可以話係一流最後食埋佢個燒排骨, 為呢一餐畫上完美的句號.其實仲叫左其他野食, 不過掛住食唔記得影相

今次同老公嚟撐枱腳，食咗White Pearl No.1生蠔配啤酒加dinner set嘅什菜沙拉、雞絲清湯、over 16oz嘅Angus Rib Eyes medium rare另外再要咗份黑松露炒蛋多士，沙拉和湯都OK，肉眼扒生熟程度控制得很好，好juicy，肉本身嘅味道很濃，略嫌多士邊未夠香脆；當然飯後唔少得我至愛嘅薄荷碎朱古力雪糕同老公喜愛嘅即磨咖啡啦！Yummy

今日喺呢頭做完野,順便搵寶貝食晚飯~之前佢介紹呢間唔錯的餐廳想試下~所以大家一齊試新野~我比預計時間早左少少到~作為第一個客人的我可以任揀心儀的位置!拍埋邊有大大的梳化位~令人可以放鬆地休息飲野,但我覺得要食野的話就唔係咁啱~我揀左個近門口的位,可以望下外面的車景..室內有好多特別的裝飾,用具都好別緻,感覺到老闆的心機同誠意~我好中意呢種氣氛一拿起那冇乜經設計餐牌~噢~大堆的字冇圖睇感到佢的''專業''又有少少失望,我比較中意睇圖片多D這情況下~唯有同服務員多D交流,多D發問~寶貝未黎~服務員己為我送上任添的麵包麵包係來貨品而唔係自家製~上枱時有稍為灯灯所以暖暖地~沾上橄欖油同黑醋~整體感覺唔錯~~為左唔好比人覺得我喺到白坐~所以我自己點左杯小啤酒HAPPY下寶貝黎左~我地開始點正餐~服務員仍係好熱情咁招呼我地~閒時有傾有講~我地問佢有乜野推介~佢就介紹左几款~仲可以講出菜式的特別之處~~我地都順佢的意思點了佢的推介木瓜火腿沙律 - 清甜的木瓜用咸咸地的火腿包住食~開胃又清新,沙律菜一D都唔欺場~好爽好新鮮~唔會比人覺得放左好耐~唔錯~份量唔係太多,兩個人的前菜啱啱好~白汁青口 - 原