影片
更多
2014-07-02
2370 瀏覽
今日喺呢頭做完野,順便搵寶貝食晚飯~之前佢介紹呢間唔錯的餐廳想試下~所以大家一齊試新野~我比預計時間早左少少到~作為第一個客人的我可以任揀心儀的位置!拍埋邊有大大的梳化位~令人可以放鬆地休息飲野,但我覺得要食野的話就唔係咁啱~我揀左個近門口的位,可以望下外面的車景..室內有好多特別的裝飾,用具都好別緻,感覺到老闆的心機同誠意~我好中意呢種氣氛一拿起那冇乜經設計餐牌~噢~大堆的字冇圖睇感到佢的''專業''又有少少失望,我比較中意睇圖片多D這情況下~唯有同服務員多D交流,多D發問~寶貝未黎~服務員己為我送上任添的麵包麵包係來貨品而唔係自家製~上枱時有稍為灯灯所以暖暖地~沾上橄欖油同黑醋~整體感覺唔錯~~為左唔好比人覺得我喺到白坐~所以我自己點左杯小啤酒HAPPY下寶貝黎左~我地開始點正餐~服務員仍係好熱情咁招呼我地~閒時有傾有講~我地問佢有乜野推介~佢就介紹左几款~仲可以講出菜式的特別之處~~我地都順佢的意思點了佢的推介木瓜火腿沙律 - 清甜的木瓜用咸咸地的火腿包住食~開胃又清新,沙律菜一D都唔欺場~好爽好新鮮~唔會比人覺得放左好耐~唔錯~份量唔係太多,兩個人的前菜啱啱好~白汁青口 - 原
我比預計時間早左少少到~作為第一個客人的我可以任揀心儀的位置!
拍埋邊有大大的梳化位~令人可以放鬆地休息飲野,但我覺得要食野的話就唔係咁啱~
我揀左個近門口的位,可以望下外面的車景..
室內有好多特別的裝飾,用具都好別緻,感覺到老闆的心機同誠意~我好中意呢種氣氛
一拿起那冇乜經設計餐牌~噢~大堆的字冇圖睇
感到佢的''專業''又有少少失望,我比較中意睇圖片多D
這情況下~唯有同服務員多D交流,多D發問~
寶貝未黎~服務員己為我送上任添的麵包
麵包係來貨品而唔係自家製~上枱時有稍為灯灯所以暖暖地~沾上橄欖油同黑醋~整體感覺唔錯~~
為左唔好比人覺得我喺到白坐~所以我自己點左杯小啤酒HAPPY下
寶貝黎左~我地開始點正餐~服務員仍係好熱情咁招呼我地~閒時有傾有講~
我地問佢有乜野推介~佢就介紹左几款~仲可以講出菜式的特別之處~~
我地都順佢的意思點了佢的推介
木瓜火腿沙律 - 清甜的木瓜用咸咸地的火腿包住食~開胃又清新,沙律菜一D都唔欺場~好爽好新鮮~唔會比人覺得放左好耐~唔錯~份量唔係太多,兩個人的前菜啱啱好~
白汁青口 - 原先唔諗住點的菜色,但見佢話會用個咁靚的兜裝住上黎~真係好有視覺的享受~所以點左!!入口真係有意外驚喜! 好CREAMY的香草白汁淋喺青口之上~當中仲夾雜住D青酒香味~ 令人忍唔住一食再食~白汁最後仲可以用旁邊的蒜茸飽沾黎食~真係唔會浪費!!我地直情一滴都唔放過~!!
勁辣鷄翼 - 我同寶貝都好中意食辣野~所以服務員就建議我地食勁辣鷄翼,我地問係咪真係咁堅~佢話係啊~所以我地點左黎試下~哈~一食落去就感覺到師夫的實力~鷄翼本身用勁多黑椒包住黎醃左一段時間~再拎去焗到熟,入口唔算話太辣但係好香口,而且外層焗得脆卜卜~誠意之作~! 服務員問我地夠唔夠辣,我地話唔夠,後來我地見到佢喺廚房邊試食~我相信係大家的量度唔同~冇所謂LA!~~哈~不過佢真係好可愛~!
豬手 - 餐廳的招牌之作~上枱時我地真係有點驚訝,因為同我地心中所想唔同~我地一心諗住係好似德國豬手咁又大又脆又肥膩!點知呢到的做法唔係火燒油炸~而係唔知醃左再去浸熟,之後再配以特製的漿汁,搭埋D有機蔬果上枱~未入口感覺一D都唔討好~以為會好肥膩麻麻地,但入口發覺又唔係~豬肉部份味道香濃而且煮得好淋,可以話唔洗點咬就可以吞~豬手皮部份有少少辣辣地~感覺几開胃,一個人可以KO佢~再配埋伴住的蕃茄同蕃薯~又甜又好味.
傾下坐下都傾左几個鐘~呢到好舒服又唔會有人趕~總括黎講..坐得又舒服!唔錯的KILL TIME 好地方~!如果順路的話~真值得再去~!
題外話/補充資料：
其間我地見到個疑似老闆同大廚的人出出入入,又抽煙打機又玩電話~
我地就問服務員那個係邊位
服務員就話佢係老闆兼大廚,而佢只係煮一味主菜,其餘的都係由二廚煮的~
那我地問服務員大廚會煮的菜式係乜,佢就回答係''20安士西冷扒''...我聽見佢咁講即時睇睇餐牌~原來係餐廳其中一樣振店之寶~睇睇下都有少少衝動點返客,可惜寶貝唔食牛~所以我放下呢個打算~唯有下次有機會再品嘗大廚的夫力了~!
店舖洗手間設備唔係咁令人滿意~要經過廚房重地,所以迫迫細細濕濕窄窄…雖然感覺到佢好努力咁洁淨個洗手間,但係都難達效果..所以可以的話都係忍耐一下,如真係忍唔住~就唯有要小心地滑LA!!
(以上食評乃用戶個人意見 , 並不代表OpenRice之觀點。)
張貼
