URBAN Café Commune (屯門市廣場) (已結業)

滿心歡喜久違的聚餐十分可惜沒有美食相伴～。肉食小怪獸們打算衝去食一餐好嘅見到一到晚飯時段必排長龍的URBAN CAFE已經心思思好耐了！入到去睇好餐牌想點餐 舉手好耐 超過3位店員係面前行過當睇唔到已經有少少打低分的念頭了。食物賣相係唔錯的,,都加返少少分。辣肉腸Pizza睇落有啲燶但超薄餅底食落都香口食完好似食咗陣風咁但味道是不錯的牛扒有肉眼同牛後欄。。。2款我都有試到分別唔大 肉質都不錯但肉味唔算濃～有少少肥牛油 食落好香口重點黎啦！！！！！！！！睇落唔錯嘅雞 但但但一切肉就散哂食落完全無味都算了啲肉重要梅咗又到舉手時間.......舉咗好耐 啲員工不斷扮睇唔到明明係面前經過送餐最後有位店員黎咗 我地都說明咗狀況！平時如果難食我唔會出聲但我怕隻雞壞咗先同佢講''隻雞啲肉梅咗 請問可以轉其他嗎''但佢聽完行走咗 。之後又行返黎問多次。其實店員態度都對餐廳影響好大！！希望可以注意一下連高級少少嘅都只係企係度咁又點得呢

屯門市廣場的食店，在疫情時期，都是人山人海，要等位。這間URBAN Cafe Commune, 要90分鐘離坐。上菜快，90分鐘夠時間食。但，兩人午餐，連加一，埋單$368. 要限時，就有點不值。今日食lunch set, 加洋蔥圈。湯：是日餐湯，無得揀飲品：可以揀 凍/熱 桃茶，汽水，熱啡/英式茶Big Boner Breakfast $128 牛角包，好香脆。煙三文魚和Parma ham，鹹鮮。香腸和炒蛋，都好味。Triple Mushroom & truffle pizza $148, 是薄的pizza, 好香脆。啲箘和黑松露，好食洋蔥圈 $58，剛炸，好熱，好脆。

原本想隨意食 所以就想去urban cafe 食少少就就返屋企唔洗煩 疫症上open rice 訂位 唔洗企係外面等甘耐 其實距地係疫症時間做得幾好 因我訂16:00 before15分鐘已經有staff打黎 話因為疫症距地係5點.....last order 唔好意思 因為距地同事講出黎既語氣非常溫柔 個remind都令你感覺良好 👍🏻 而坐低發現距地同茶狼做crossover 我地叫左咩呢 carbonara 跟桃茶配龍蝦湯牛嫂 芒果白露茉莉茶講下味道 以前入黎呢間cafe 就係為左杯桃茶同牛嫂 牛嫂係咩 厚切午餐肉 煎蛋 芝士再加菠蘿包做法既牛角包 極邪惡 但係一個圓形厚切午餐肉溶咗既芝士同蛋絕配芝士切開拉絲蛋黃流出黎睇住都會令你留口水Carbonara 看以無咩特別重點係上面既月見同芝士 每次小朋友都會張成碟食晒杯白露茶 水果好多 每啖都係芒果🥭肉 個人非常鍾意 原本以為crossover會無甘好飲 結果真係唔錯 一間鋪滿足兩個願望 推介比大家 不過大家如果主要想要杯茶建議去之前要check下 crossover時間到幾時

山長水遠假日入元朗開會。唯有搵間就腳，啲咖啡唔好太難飲就算數。為咗約人方便，就揀咗間餐廳喺正個商場電梯，貪佢夠養眼。午餐選擇算ok ，要咗個牛肉漢堡嚟試下。簡單嘅嘢要做得好唔容易。先上一個餐湯，南瓜湯不過不失，不太稀亦不太濃。漢堡上的牛肉有點兒乾身，切開一粒粒牛肉碎掉下來，配以濃烈嘅Blue cheese 醬，好鹹。薯條亦很鹹。令我諗起食神裡周星馳嘅說話⋯ 薯條炸得有咁熱氣，得咁熱氣，汽水加有咁多冰得咁多冰。我都係頂唔住，餐飲杯熱咖啡上再叫多杯凍嘢飲。侍應好搞鬼，經常睇你唔到，睇你唔到，又當你睇佢唔到，事實上地方唔大，叫佢買單又好乜都好，真係舉到手軟。

一入到去餐廳張櫈係濕濕地，而且冷氣超凍，waitress一黎就話只可以食90分鐘，所以坐低即刻叫野食，叫左豬手及牛堡，估唔到唔駛5分鐘就有野食！先黎兩個湯，我問先生點解個湯咁凍？先生話可能呢度冷氣太凍，未上枱已經吹凍晒！我地問waitress 個湯本身係咪凍飲？佢問我駛唔駛幫我換？我地冇換，因為我先生覺得個湯麻麻地！之後就上豬手同爆芝牛堡，其實食物嘅賣相唔錯嫁，可惜豬手唔夠熱，爆芝士牛堡，d芝士又係唔夠熱，好快就變左芝士膏！先生叫熱咖啡，佢遞杯咖啡比我摸下，連個杯都唔熱嘅！到埋單，比左信用卡，個waitress拎左信用卡後，去左隔離枱寫單，寫左好耐先比cashier！到cashier攪掂，個waitress仲攪緊隔離枱嘅野，冇去拎番張卡比我，叫其他waiter/waitress又冇人應, 最後我同先生自己走出去問cashier可唔可以拎番張卡？同駛唔駛簽名？一心諗住食隔離餐廳，見要等30張枱，點知伏左😂

位於屯門市中心既西餐廳，就係outback斜對面。依然係要排隊，今日人流正常返，係蛋糕冇出特別靚既，令我冇左想食蛋糕既衝動。點左最貴既M6-M7等級和牛，五成熟，另配上蕃茄，蕃薯條，大啡菇。Oichiii 😚未知咩叫好易入口既牛肉就一定要叫依個食下，真係食左返吾到轉頭。上晒癮！加$25 有龍蝦湯同飲品，真係如圖啖啖龍蝦，超好飲。今次叫左京都抹茶鮮奶，好好飲不過要額外加$15.好彩今日拎左恒生卡，免左50幾。 2人食埋單吾洗600, 間中食下都ok既。

因為工作關係3點先有得食早餐加午餐😂 不過變左tea 原來超抵 😍環境方面依個鐘頭都唔少人，不過都被安排坐左個6人卡座，坐得超舒服！叫左個升級all day, 但tea價錢都係一百蚊唔洗，包埋野飲！蛋：炒得好滑，不過淡左少少， 溝埋parma ham食就平衡番。三文魚/parma ham: 份量比想像中多，味道正常腸：兩款腸都好香 重肉味 皮夠脆番茄/菇： 正常 幾juicy牛角包：超級好食！原來低碳諗住唔食，最後都係把持唔住食晒成個！勁香勁脆 😍整體黎講，環境好，tea價錢平，野食快到，食物質素高，服務態度好，推薦！

事緣琴日因為上完瑜伽堂，今日又落大雨，個人好攰呀😿瞓到黃朝百晏，兩點先起身食早餐。3:00左右喺度諗有咩食呢，呢個鐘數都係開始緊下午茶。住喺屯門，喺樓下搵食，其實有時候要諗食咩，都諗到頭痛😂因為我非常之挑食，同埋因為on diet關係，好多嘢都唔食得，例如粉面。最後我呢個西女人👩🏻，都決定就係食西式野啦！主要係因為想食沙律菜，同埋一啲蛋白質，可能魚或者雞👍🏻下午茶，如果唔食碳水，都冇乜選擇，因為好多都係三文治或者西多士。今日就嚟到呢個UrbanCafe👍🏻主要見到佢下午茶都有燒春雞慢烤3小時法國肥雞1/4隻首先！其中一樣好重要嘅嘢，上碟嘅時候仲係好熱。一切開，Crack一聲！個皮好脆！又薄！仲見到入邊啲雞肉有蒸氣走出嚟👍🏻放入口仲係燙口☺️好正！滿口香草味，雞肉好嫩滑呀，完全唔同出邊嘅燒春雞。因為春雞細隻，所以火候控制得唔夠好好易老，同埋鞋。但係呢度嘅春雞完全冇呢個問題👍🏻我由頭食到落尾，當然因為減肥嘅關係，有一啲雞皮冇食到，但係就算唔食雞皮，淨係食佢個雞胸肉，都已經好滑同埋好夠味！唔會剩係得個雞皮有味👍🏻👍🏻👍🏻超讚反而我覺得沙律醬另上會好啲，佢淋上面類似日式沙律醋，因為有淡淡嘅鰹魚味

呢間西餐廳，以牛角酥馳名，今日行過又咁岩係下午茶時間，唔駛排好耐隊就可以入座 餐牌上有輕食或意粉及肉類供應都有，既然係TEA TIME，就會一會佢個牛角酥 多款選擇，確實要花點時間諗一諗，未食過就由原味開始! 原味 ($16)望落都唔算細隻，顏色幾吸引 用刀叉切開，酥皮"脫落"，內層層次唔算太分明，入口微暖，幾香牛油味，質感帶點嚼勁，用黎作下午茶係夠食嘅! 另外叫多杯鮮奶咖啡，有12/16安士選擇，16安士會用紙杯裝，入口滿滿奶泡，水準都唔錯，一口咖啡，一口牛角酥，滋味滿足!

今日下午休假，於是選了一間一直想食，但一直找不到機會食的咖啡廳➖Urban去到餐廳等大約10分鐘就可以入座，然後點了一個午市套餐"春心菠蘿炸雞扒漢堡"加一杯榛子咖啡。首先到的是龍蝦湯，味道很足，很有鮮味不過略帶點咸。再來是榛子咖啡，甜度剛剛好，而且拉花很漂亮。最後是主食漢堡，包的皮是烤過有點像吐司，而炸雞扒很大塊，外面很脆但有點乾，但巧妙位是菠蘿很夠水，而且有點酸甜，令到整體口感不會太乾並且能夠帶出清新的感覺。而薯條則加上一些調味粉，更加美味。餐廳整體服務不錯，不過唯一不夠貼心的地方是餐廳沒有主動提供濕紙巾刷手，但可以問他們給予。

豬師奶今日同朋友係屯門dinner,揀左衣間餐廳食西餐，唸住食完可以直接食佢地即cake做甜品(衣間餐廳既cake賣相好好),點知最後太滿足冇食到叫左一個羽衣甘藍沙律同半隻燒春雞share沙律性價比幾高，好大份，本身仲唸住唔好食咁飽先叫，點知佢好足料，好多麵包，d麵包好脆，個汁酸酸地好好食，而且好夠汁，食落一d都唔dry燒春雞好多肉，隻雞好多香料，烤得好juicy, 配左薯條同沙律菜，配埋菜一齊食好fresh，薯仔比例上唔算多，炸得好脆，好食

無聊屯門行街，肚餓輕食。今次叫左一個allday晨神早餐同個流芝漢堡。首先講個全日早餐，有好重黑椒味既牛角包，味道還不錯。炒蛋香滑，但無咩牛油味，可能健康關係，之後火腿同沙律菜就正正常常，唯一驚喜係炒姑，甜甜地幾好味。之後就係流芝牛堡，個包幾好食，特別係個面包皮，反而炸薯條麻麻地。最後梗係飲杯熱啡。整體味道可以，環境都衛生同闊落。但上菜速度比較慢，價錢唔算平。

限聚令下，餐廳食肆既座位要有特別安排。晏晝過屯市午餐，見到Urban 好梳落，以前仲有好多位，其實都差唔多坐滿。入餐廳前量體溫，酒精搓手都做足晒，仲有個信封俾佢裝口罩，非常體貼。Order咗個Big Breakfast 跟套餐，加湯，餐飲同甜品。野食都唔洗等好耐。龍蝦味既湯好厚身，味道唔太濃，主菜上碟個 presentation 好像樣，牛油果用羹開好一半，好易處理，穀物牛角包一啲都唔油膩，甜品叫咗朱古力撻，朱古力味好濃，撻皮脆口，同杯Americano 非常之夾。

最近忙於購買防疫產品，身心疲累，原來呢間Urban都有下午茶食，見到價錢都OK，姑且入去試吓依家枱與枱之間有個安全距離，食客更加放心，又可以靜靜地嘆今次試咗燒雞沙律薯條🍟，碟燒雞裏面好嫩滑，當然雞唔係黃油雞，應該係雪藏雞，不過都好有雞味，薯條係比較幼細嘅，出面加咗少少辣粉，都幾滋味，沙律菜份量非常多，配上黑醋沙律汁，非常醒神All Day Breakfast 🍳 份量都幾大份，比起集團同係嘅Simply Life就平好多，又大份好多，性價比超高牛角包好大個，外脆內軟，仲係熱熱地，炒滑蛋，雖然味道普通，但係份量真係好多，應該落咗四隻蛋呢度食嘢都算幾寫意，唯一缺點，坐得好似茶餐廳咁，冇嗰種relax感覺，希望可以係裝修方面，做得溫暖啲

見人少少，入去試下。疫情下， 其實佢地做得唔錯每個入餐廳既客人都需要量度體溫，再用消毒搓手液。仲會比個信封你放口罩，里樣係幾窩心。不過坐低左，睇完佢地lunch menu，覺得一般問同事羅a la carte menu,不過佢地原來唔提供只會serve lunch menu。算咁就是單點左個肥雞沙律，佢地賣點係smoothie 不過唔可以跟餐一定要單點，我係牛油果🥑既super fan所以我叫左個試一試。老老實實沙律都好少好難唔好食，不過認真失望肥雞沙律🥗菜係真心唔新鮮d 菜勁多鏽，牛油果smoothie 太奶冇咩牛油果味$150既lunch 黎講偏貴。沙律同牛油果smoothie 唔會再試， 不過環境同coffee 都唔錯，我望過旁邊叫burger 都樣唔錯，會比多次機會去試試！