Urban United Burger & Bar (已結業)

嗌咗個阿拉斯加特大魚堡同一杯SUNTORY 角HIGHBALL。漢堡塊魚柳好難食，完全無味，外面炸得比較硬，裏面魚肉滑潺潺，因為無味所以變到有種噁心嘅口感，魚柳上面嘅他他醫又膩又唔好味，最後尾淨係食晒個包、番茄、洋蔥，仲有陪碟嘅薯角。我自問係個好憎浪費食物嘅人，一般唔好食都會廢時晒嘢吞晒落肚，不過呢塊魚柳真係頂唔順，對唔住。至於杯highball......細杯不特止，都唔知有無照足1:4咁溝，一放埋枱飲啖都好淡，冰又唔係圓冰，真係呢。