Valérie (已搬遷) 新店位置

屋企人好鐘意食甜品，我地一家都喺甜品粉絲，朋友介紹一間糕餅店，自家製造蛋糕，設有工廠夠哂專業。早早已經訂左一個蛋糕，地點選擇地鐵站取貨，店員好準時到，好有服務。因爲避免脆脆會壓住蛋糕，悉心放喺一邊，仲細心提醒我蛋糕好靚賣相好有心思，蛋糕手藝非常高。玫瑰士多啤梨味，清清玫瑰花香，但有濃濃士多啤梨的果香，非常欣賞蛋糕層次好高，士多啤梨忌廉入口好似雪芭，入口半溶冰凍，清香甜度完全不高。上面有不同雜莓，味道比賣相更令人驚喜

去開新蒲崗見客, 望下附近有咩好野食, 見到呢間鋪有賣金莎造型既cake, 見未關鋪即刻跑去買黎到見到關左門, 膽粗粗按門鐘, 竟然有人開門, 但一問之下 原來D蛋糕係要預定的...講起我係想黎買MINI版金莎的, 負責人話咁岩有1X個係度, 可以賣比我 (好好彩呢)因為我要拎返元朗同屋企人分享, 負責人幫我放左2舊乾冰入去, 可以保持低溫一打開, 真係好似金莎啊心心眼modeSalute to Richer 向金莎致敬mini版 同場加影, MINI VS MINI好可愛呢~~~入返正題...朱古力榛子脆皮包住雲尼拿慕絲和朱古力榛子醬+脆脆底入口慕絲好滑, 加埋香濃榛子醬, 令人難以抗拒, 但個人覺得可以甜多少少

我地一班抺茶迷，今次野餐以抺茶為主題，其中一樣訂左呢間餅店嘅兩款餅，一個係抺茶閃電泡芙，另一個係濃香抺茶卷。兩款都好好味😍😍👍👍抺茶閃電泡芙外層鬆化，內有濃濃抺茶甘味👍😍濃香抺茶卷中間有抺茶香濃嘅cream，十分正👍😍食完兩款都唔覺得膩👍😍而且可以喺指定地鐵站交收，十分方便，店員仲好好服務，pack得好好，唔會散開，仲會跟進時間，確保我哋滿意😍😍

朋友送左一盒蝴蝶酥比我，我原本已經俾佢嘅外表吸引，點知食落更加正，更吸引我上網搵佢資料，要介紹給大家！呢間叫valerie，原來係一間餅舖，有cake丫餅丫等等，要訂購送貨的！所以價錢都吾會好貴，百多元一盒，我自己食完都訂左兩盒送給朋友！講返味道，食落吾會咁甜，主要係好香牛油味，而且好鬆脆，上網搵了資料，原來係無漂小麥麵粉同靚牛油造，吾怪得牛油香味咁獨特，咁正啦！另外我欣賞佢吾加防腐劑，更健康，味道更加自然好食，真係送俾朋友好岩，好有心思，希望我下星期送給朋友佢地都會喜歡啦！

一向鐘意蝴蝶酥，但而家坊間出名的賣得越嚟越貴，有d唔抵，上網見到呢間d蛋糕同蝴蝶酥都幾靚，又標榜用無漂小麥麵粉同牛油味獨特，又無防腐劑，3日前打電話訂就得，好方便! 原味蝴蝶酥禮盒裝，$138，粉藍碎花罐，送禮都幾靚，有d英式下午茶既感覺。網上寫約25~29塊，但看起來，因圓形罐，裡面都放到幾多，雖然數唔到實數，但睇排序，唔止25塊，都足料。蝴蝶酥都大塊，同厚片，砂糖唔太多，所以唔太甜，啱我!等唔到，一開就即刻食啦酥皮都鬆脆，都分都好多層，食落都真係唔太甜，牛油味香，但唔會好似有d牛油咁有陣蘇味，食完一件又一件，一次過食左3塊! 但好在唔膩喎!聖誕party成日要去朋友屋企，送呢個蝴蝶酥都諗得過，見得人。over $280可免費喺鑽石山站交收，其他站加$10，over 12盒免費包郵，定係新年都訂埋好呢?見佢quality幾好，下次想試佢既蛋糕:

又到聖誕，每年公司聖誕將近，都會提早搞Xmas Party同訂個聖誕蛋糕一齊食住慶祝，今年我訂左依間既聖誕限定cake，Large size既宇治抹茶味樹幹系列<<Christmas Log: Uji Matcha $418>>實物賣相非常美觀，係側面已經見到滿滿既抹茶忌廉，外層塗滿濃厚既朱古力漿，入面係抹茶海綿蛋糕捲住抹茶忌廉，蛋糕口感好軟熟，食落帶陣陣清香抹茶味，抹茶忌廉入口好軟滑，好似食緊雪糕咁，抹茶味道非常濃烈帶少許既甘味，食完一件完全唔覺得有濟膩感，上面個朱古力波有mochi，食落鬆軟煙韌，確實讚不絕口，同事們都好滿意今次既蛋糕，大家都食得好開心

來到12月普天同慶的聖誕節，永遠我都會訂一個蛋糕去慶祝。辛勞了一整年，係時候為肚皮打打氣盡情吃過痛快。千挑萬選決意試下由新蒲崗出品-聖誕期間「Houjicha 焙茶」平時抹茶蛋糕，大家可能在各連鎖蛋糕店購買到抹茶系列的蛋糕。但焙茶系列卻很少見。 今晚慶祝12月的朋友生日與聖誕連成一缐，其實有細及大之分；人多的關係選擇大個是最好不過。上網訂購的關係，有專人的服務可在港鐵站內交收；方便又快捷，服務性添加了不少分數。 湖水綠色的盒子令人憶記，打開過後有一小塊的乾冰保存蛋糕的溫度。原個樹頭蛋糕相當吸晴，美侖美奐。  單看已經代表用心程度，採用高級京都宇治焙茶粉，頂層添上了幼滑的忌廉；蛋糕軟綿富彈性!細看更有色彩繽紛的迷你泡芙，甜度得宜完全美味極了。旁邊更添上了無花果粒，增添無限口感。  海綿蛋糕製作得相當鬆軟，配上微甜的焙茶帶有茶香及回甘；確實令人回味無窮。只是聖誕期間限定優惠，真的不容有失。  而且5/12 開始供應，2/12 開始接受訂購；勿失良機。這個聖誕情獻-【HOJICHA 焙茶】 細蛋糕長度 12cm,供二至六位用 ，大蛋糕長度 24cm,供六至十二位用。供應日期只有: 5/12/

Joyeux Noel 聖誕快樂！臨近聖誕真的太多限定食品，慶祝聖誕節當然唔少得聖誕蛋糕，為公司/朋友/家人安排party的搞手真係辛苦哂，蛋糕來來去去都試過，今次網上找來這間Valerie，可以網上訂購，交收還算方便。 聖誕期間限定樹頭蛋糕系列【Valérie Christmas Yule Log Cake Collection】Chocolate Orange Creme Brulee 巧克力橙香燉蛋口味的蛋糕 （12cm) $218派了家人去交收蛋糕回家享用。飯後大家都好期待切蛋糕。原來內有小冰袋，好貼心。還準備了蠟蠋及膠刀好方便丫。 蛋糕外觀很高貴，光滑朱古力面已經十分誘人，有幾種朱古力裝備，連金色朱古力波都內有朱古力吉士餡，兩旁有朱古力脆餅裝備，好像小石頭，但原來很好食。切開一看，好有層次，有用法國巧克力品牌 Valrhona 70% Chocolate Guanaja的朱古力慕絲、朱古力脆脆、香橙燉蛋、朱古力蛋糕片、朱古力脆餅粒組成，味道好豐富。朱古力慕絲用了70%的朱古力，味道特別濃郁，而且質感極幼滑，入口即溶但味道仍保留在口中，層層相間的香橙燉蛋好清香甜美，正好中和朱古

我好公平的 ... 唔偏心的 ...囡囡 7 月生日時訂購了個 巨型的馬卡龍 生日蛋糕 ...『紅桑子馬卡龍千層』今個月囝囝生日我就訂了個 巨型的金莎 生日蛋糕 ... 向金莎致敬 Salute to Rocher ... 與他慶生蛋糕的造型十足十一粒放大了的金莎囝囝一見到這粒巨型金莎非常驚喜因為之前他已經聽同學仔講過這粒巨型金莎但是唔知道在邊度買到，所以還未與媽媽提及 ...估不到媽媽竟然為他準備了這粒巨型金莎生日蛋糕除了金光閃閃的造型成粒金莎咁拆開金色的錫紙後，亦都是粒放大了的金莎朱古力外層是朱古力榛子脆皮，內層雲呢拿慕絲、軟滑的朱古力榛子醬外面的脆皮很薄，裡面的餡料也較輕盈 (即是唔夠挺身)所以切蛋糕落刀時要溫柔，否則就切到好似我咁 ... 搞到個蛋糕塌塌地 ...講到味道 ...這粒金莎真的好邪惡 ... 但又真的好好好味 ... 啱哂朱古力控囝囝特別是中間流心的朱古力榛子醬，好香好軟滑就咁食就甜膩了點，但與雲呢拿慕絲一起食味道就啱啱好朱古力榛子醬裡面仲有原粒的榛子，加埋朱古力脆脆餅底這個榛子朱古力配搭真的太完美 ... 真的要 ... 向金莎致敬 ** 以上分享是以我的口味、

今天秘書小姐Dian 送上我最愛的Valerie 奶皇月餅，這還是我第一次嘗到這個新的自家制品牌月餅!  Even I go to order a Birthday cake before !I really Love the package of the Box, looks Grand and special !  My secretary Dian is very sweet and she know how to choose the best quality of different type of Mooncake too.禮盒裝真的很漂亮，有点像台灣風味的包裝，打開原來一盒共有4個! I gave two to my Boss Paul for taste too.  He looks so surprise and so happy ! 原來每隻免仔上印有Valerie 字樣，咬了一口，發現真的滿溢着濃濃的奶皇香，而且月餅平超級鬆化和奶香，我覺得口感一流，真的很有水準!  秘書小姐說如果焗熱更鬆化，我下午時又吃了一個，真的奶皇香噴噴，我多謝安娜送給一盒如此有水準的月餅，

又到中秋節，在社交媒體的介紹下認識了Velarie 這個網店，主打蛋糕，適逢中秋推出左自家製月餅。我一向不是傳統月餅的支持者，所以這個好啱我心水。Early bird 優惠上網訂了一盒奶皇，孝敬老豆。包裝精緻，小店不等於差，反而比大公司更有心機，送禮都好體面。海綠色的包裝跟傳統的鐵盒很大分別，但我更期待是裡面那四個奶皇月餅！店員叮囑奶皇月餅保鮮期是七日，放雪櫃就有一個月。另外，可以在吃前，放入微波爐叮八至十秒，出來的奶皇熱辣辣，十分可口，甜甜地正好老人家口味。切開後，見到奶皇層次分明，月餅皮滿有油香，叮過後也減少了油膩感！一個迷你大小，一個人吃完一整過都不會太罪惡！奶皇月從不是有名酒店的專利，小店也造得十分出色啊！

中秋節臨近，正愁近買邊款月餅好，月餅牌子同款式來來去去都係果幾款，真係無乜新意。咁岩同事介紹呢間月餅，同事話上年試過都吾錯，今年encore 訂多次，所以搭單訂左一盒迷你奶皇月餅。迷你奶皇月餅價錢吾算貴，$108一盒有四個。外盒相當時尚精美，長方形盒子有別於傳統的月餅盒，簡約的設計再配上中間自家logo， 很有時尚感， 唔講真係吾知係月餅~月餅四小個一盒，size細細個而且每個有獨立包裝，一次食一個就岩岩好。月餅外皮焗到金黃色，上面印有品牌logo。月餅切開一半，外皮同奶皇餡都吾會好鬆散。奶皇餡幼滑，吾會乾爭爭，奶皇香味重，吾會太甜太膩。食完一個唔夠喉，今次用微波爐叮熱十秒，熱力令奶皇有少少溶，更加香滑更強奶皇香，正！我的同事果然無介紹錯，呢間月餅的價錢平但質素高，外觀又夠時尚，下年一定會再encore !

而家月餅嘅口味同款式越出越多，今年係朋友嘅介紹下，買左一盒4件嘅迷你宇治抹茶月餅，提早賀中秋。迷你嘅抹茶月餅禮盒，賣相非常討好，件件獨立包裝，係室溫擺放亦不成問題。整整齊齊影好幅相之後，立即切開品嚐。月餅嘅皮同餡都係用左京都宇治抹茶粉製成，所以淨係用鼻聞，都感到陣陣濃郁嘅抹茶味道。細看之下，發覺皮搓得相當薄，而餡料十足，質感軟綿，食落嘅抹茶濃而不苦，相當啱香港人口味!

看看電話肥媽教人整奶皇月餅，剛好今天買了抹茶月餅來試。Valérie一直都以蛋糕為主，也因為臨近中秋節，便推出了月餅。Valérie 蛋糕賣相吸引又精緻，現在還推出月餅，每個月餅又細細個，沒有加入任何防腐劑及添加劑，感覺不錯。******************************綠色的月餅盒印上金色字，都幾靚。迷你宇治抹茶月餅禮盒(四件裝) HKD108，一盒月餅有4個，還是獨立包裝，細細個，一人食一個都不怕。月餅表面是店名和有朵花在旁邊，是立體的字體，都幾靚。月餅放入微波爐弄熱之後才食，月餅的酥皮非常之香，甜度又適中。抹茶的味道很香濃而帶點甘香，是用了京都宇治抹茶粉製，怪得如此甘香濃郁，我個人就喜愛甘香的抹茶味道，確實好食。

傳統的蓮蓉月餅食左好多年，今天決定轉一轉口味，來個抹茶月餅。這間的迷你宇治抹茶月餅，一盒四個獨立包裝。月餅用宇治抹茶粉做，食落濃郁抹茶味道，以及餡料口感不錯，食落完全沒有蓮蓉月缾般油膩感。正!!