Valérie (已搬遷) 新店位置

好大粒的金莎cake ＠Valerie 嘩，好大粒既金莎呀，之前係朋友的ＦＡＣＥＢＯＯＫ見到，念念不忘一直想試，終於等到我生日，老公送給我做生日～ Valerie是一間網上小店，可在網上看圖之後訂購，不過需要三天前預訂，要訂蛋糕時必須留意啦！可在指定的地鐵站交收，非常方便！而蛋糕用了一只 Tiffany blue 紙盒入住，非常高貴的包裝。入面有乾冰，即使在室溫下放上一兩個小時都沒有問題 蛋糕實際的名字是向金莎致敬，外表就和平時食的金莎好似，就是致敬版啦～一個蛋糕大約一磅左右，二個人絕對食不完！ 打開入面就是這個樣子，外面是朱古力脆皮，就是平時食的金莎啦～ 至於入面的樣子就是這樣的，一層層，在模仿金莎的型態。最入面的圓是朱古力漿，而外面一層層的分別是ＣＲＥＡＭ和蛋糕，食落就是榛子朱古力味，好肥，但好好味！好食的東西往往就是容易食肥人的～

小時候喜歡吃月餅，特別是中間的鹹蛋黃，但吃了幾十年，很多香港人包括我都吃到厭，所以近年都喜歡吃冰皮月餅或奶皇月餅。雖然近幾年多了很多餅店有推出奶皇月餅，但始終不及冰皮月餅普及，在喜歡嚐新的心態下，我都會想試不同餅家出的月餅。最近見到朋友介紹一家小型餅店的奶皇月餅不錯，就趁有推廣價買一盒來試試。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊Valerie雖然位處新蒲崗，但有十個自提點，全部鄰近港鐵站，只要出示提貨SMS即可，非常方便。我就選了較近我的旺角柏裕中心提貨。迷你奶皇月餅－四件裝($108)月餅以亮眼的藍綠色紙盒作包裝，非常eye catching。我選購的是四個裝，每個月餅均是獨立包裝的。迷你奶皇月餅直徑約1.5吋，跟一般的奶皇月餅大小差不多，上面刻有餅店的英文名字，感覺較新派。據店員介紹，如果不放入雪櫃，月餅要在七天內吃完，否則，則可存放一個月。經焗爐稍微加熱後，月餅外觀沒有太大變化。牛油皮薄而鬆軟，奶皇味頗香，但入口味道不算太重，甜度適中不會過於甜膩，即使吃了一整個也不會有非常膩滯的感覺。

Valerie 平日有很多不同款式的西餅和蛋糕供客人選購，中秋時便加入月餅作招徠。雖然該店專做訂購生意，以網上平台銷售，但生意和名氣亦能越做越大，作為老闆同學的我實在為她感到高興。初初推出月餅時只有奶皇月餅，包裝盒雖美但內裡不難看見小店自家工場的稚嫩。事隔兩年Valerie推出抹茶月餅，全新味道更有全新包裝，盒上印上兔仔圖案，月餅每件密封包裝，感覺脫胎換骨。若果盒子上有 Facebook 或網站連結的 QR Code, 節日與親友分享月餅時應該更能有助推廣品牌。貨品取貨可到新蒲崗工場自取亦可選擇各區取貨點，以沒有分銷點的樓上鋪來說可算是非常方便。8 件裝的宇治抹茶迷你月餅八月內優惠價$218，過後賣$288，店家隨月餅附送茶包，貼心之餘，更顯高貴優雅。茶包有 earl grey和洋甘菊兩款，配月餅可算是中西合璧。月餅不含防腐劑，為了可以保存更耐，月餅放雪櫃最好，可放一個月左右。月餅精緻得很，外層近看好像草皮一樣，壓上店名和花花裝飾，非常配合盒子上的兔仔圖案。冷熱兩種食法呈現兩種感覺：凍食質感結實，抹茶味香，甜後回甘。熱食軟熟，甜味較出，多了一層奶味，抹茶香不及凍食之時。有興趣的朋友快快

之前上網見到有人介紹依間餅店的月餅好似幾好味咁，心思思想去試下~ 終於有個星期六上去新蒲崗間鋪打算睇下，點知原來冇現貨出售，不過入面個哥哥仔好好人，知道我專程過去，送了我一個新鮮出爐的抹茶月餅 食落又真係幾唔錯，返到屋企立即上網order~月餅有3款選擇，奶黃、抹茶同楓糖果仁，分為四個同八個裝，只有迷你size，一個人食也不覺多~  因為打算與同事們分享，一次訂了多盒四個裝的月餅，取貨點有9個，亦可加錢直接送到公司/屋企~  建議取貨時小心留意貨物數目，小編當時沒有檢查，回到公司才發現少了8個購物袋(小)~奶黃月餅外皮有隻兔仔幾可愛，皮造得好薄，奶皇味唔算濃，反而牛油味幾突出~抹茶月餅有豐富的抹茶味，連外皮亦是使用抹茶粉造成，唔甜，正好突出左抹茶個香味，喜歡抹茶人士唔可以錯過~最後的楓糖果仁是我至愛，楓糖甜甜地又不膩，果仁香脆有口感，正~總括來說各個月餅味道也不過，比得上那些酒店月餅，包裝幾靚，價錢也公道，是中秋送禮之選~

最近有好多雜誌介紹呢間月餅，膽粗粗的我試下新野！上網訂超方便～～唔駛同人迫餐死！獨立包裝，衛生！店員介紹話MATCHA味唔駛叮都好食，之前試過佢地既MATCHA ROLL真係超好食！今次MATCHA月餅真係好香濃好好味！估唔到月餅都可以咁新潮～～～以往成日淨係食奶皇味，原來抹茶味係超級超級好食！原來每個月餅都印左兔仔，好KAWAII呢！口感超正，一咬落去唔會散開2隻味各有特式！不過市面上比較少高質素抹茶！真心好好食！！！ 今年送禮送呢盒都幾好，送禮識送一定送4件裝！百零蚊攪掂！我係用EARLY BIRD DISCOUNT買的～超抵！美心價錢。米之蓮質素。

仲有2星期就到中秋了 男朋友帶左一盒月餅返黎佢話 見我鍾意食抹茶野 所以就買左隻未見過既抹茶月餅俾我😁包裝好靚好elegant 🙈因為未聽過呢個牌子 專登google下 原來係一間小店來的！而負責人仲大有來頭 咁都放心啲！ 估唔到男朋友都會咁有心 專登搵月餅俾我個月餅好的骰 係一個人都食得哂既份量！打開獨立包裝袋 就聞到陣陣抹茶香了！咬第一啖 成個口已經充滿清新的抹茶味外皮好香好酥軟而個餡係抹茶奶黃來的 口感好幼滑 好smooth 而且抹茶味非常濃郁！食完 仲有回甘的味道係高級既抹茶獨有的！相信呢間小店係用左好靚既抹茶去做呢個餅獨食難肥 拎左返公司同同事share好快就清哂 仲個個讚好食所以 即使係小店，都要大膽俾機會，支持下！

又快到—年—度的中秋節了，老實説人大了對傳統月餅的興趣越來越少。 既然—年—次，總要應—下節的，於是E先生遂上網搜尋一下，給他發現到網上訂購自家工場製作，而且可以在地鐵站交收的Valérie月餅。 Valérie的月餅有宇治抹茶、奶皇及楓糖果仁三款口味。我們選了迷你奶皇月餅禮盒(四件裝) $108 及迷你宇治抹茶月餅禮盒(四件裝) $108。 月餅每日新鮮出爐，全部以獨立封口包装，無任何防腐劑及添加劑，冷藏保存期為一個月。 迷你奶皇月餅外皮烤得油香，夠薄而且入口鬆化，裡面餡料採用優質紐西蘭牛油，奶黃香滑，口感稠密而細膩，加上奶皇餡料甜度剛好，吃之前放進微波爐加熱數十秒，更為香口美味。 迷你宇治抹茶月餅以京都宇治抹茶粉製作，入口濃郁而甘香的抹茶味道，餡料口感豐盈，令人齒頰留香。比起加熱及室溫，個人更喜歡冷藏後直接享用，感覺就像吃抹茶凍餅，美味！

一年容易又中秋估唔到過咗咁快又係中秋要食月餅了不過今年唔好彩訂唔到其他酒店嘅奶黃月餅同事知道我訂唔到之後介紹左呢間係網上訂嘅自家製月餅店起初以為佢哋都係做下冰皮月餅款點知比我發現咗佢哋有迷你裝嘅奶黃月餅見到有咁難得嘅機會梗係立即訂一盒去試吓啦訂完之後可以喺旺角或者打上新蒲崗佢哋嘅總店度攞貨因為我住得近新蒲崗所以我就去咗佢哋總店度拎估唔到佢哋連月餅都整到十分之新潮用上了我最喜歡的湖水綠色而且佢哋係好衛生咁用上了每一個獨立包裝咁樣就啱晒我一個人食因為食完一個唔駛怕另一個會放到乾晒雪到眼晒佢哋店家放喺微波爐定10至20秒就可以食因為我放過係雪櫃所以我叮完10秒之後就5秒5秒咁加上去叮一食落口個奶黃十分香而且佢遠面面嘅流心口感更加比其他酒店嘅做得更加好而且叮完之後都唔會有裂開的外皮我一晚便食咗兩個了食完之後真係十分之後悔因為覺得自己訂得太少了

早前，在食友分享的相片中，見到有個漂亮又特色的生日蛋糕！ 一問之下，才知道是 Valérie 的出品！我也想為自己訂做一個自己喜歡口味的生日蛋糕，同時，又適合為我慶祝生日的朋友胃口！於是，在網站訂購 Valérie 蛋糕！要 3天前訂！ 網上訂購 有送貨服務，不過要在地鐵站交收！Valérie 以暗花圖案的淺綠色盒子盛載蛋糕！濃香宇治抹茶拿破崙 Uji Matcha Mille-Feuille 生日蛋糕 (6吋) $328在網站資料得知，選用宇治M6頂級綠茶粉，配合自家配方抹茶吉士、紅豆忌廉、雜莓、配上鳳梨醬白朱古力球及食用花...等！可是，美輪美奐的濃香宇治抹茶拿破崙生日蛋糕，美中不足欠缺了生日牌！正方形的生日蛋糕，以逐層逐層鬆化可口的酥皮及酥皮之間唧上抹茶吉士而製成，工序繁複！散發抹茶清香及酥皮的牛油香！相當誘人吸引！就算食飽也有甜胃容納它！ 質感濃稠而頗為軟滑的抹茶吉士，抹茶味濃厚甘醇！令人一試傾心！ 還有一點紅豆忌廉增添甜美度， 配上雜莓、鳳梨醬白朱古力球及食用花，真材實料！大家食完也讚不絕口！

傳統月餅似乎少了人喜歡吃，可能多了很多冰皮月餅，榴槤月餅等等。。。我則較喜歡蛋黃奶皇月餅，但出名的品牌都要好早訂或者排隊買朋友介紹Valerie ，自家製蛋糕，有奶皇月餅，蛋糕三天前預訂，可在地鐵站取貨，而月餅今年就有早鳥優惠，可以在取貨點拎，咁方便，緊係要試下囉綠色盒的包裝，好優雅很漂亮內裏裝著四個迷你奶皇月餅，因為沒有防腐劑，室溫只可放七日，冰箱可放一個月，係貼心嘅送貨哥哥提醒的用微波爐叮一叮，酥皮和奶皇更香入口香暖，奶皇有粒粒蛋黃，香濃無比，但香而不太甜，我一次就KO左兩個呢！今年中秋送禮，吾使再諗囉！

臨近中秋節，酒家餅店紛紛推出不同系列的月餅，傳統的少不了，也有很多新奇口味，好像走高貴路線的黑松露月餅、茶味月餅、焦糖和鳥結糖的口味也是頗特別的，不過小妹還是偏好傳統的雙黃白蓮蓉和奶皇月餅。對於奶皇月餅小妹並沒有瘋狂的必定要食一出即被秘殺的嘉麒樓/望月，試過奇華和美心的奶皇月餅也是不差的，美心的流心奶皇也同樣被秒殺！（還未有機會試...）臨近中秋網店Valerie也推出了迷你月餅，還記得上年有試過他們的聖誕樹頭蛋糕，味道和賣相也是滿高水準的。今年他們的月餅更得到很多媒體的大讚和推薦，所以這次就決定試試其中兩款口味。他們推出的三款迷你月餅，餅皮均用上優質紐西蘭牛油製造，包括奶皇味及新推出的綠茶和楓糖果仁，有分四件裝和八件裝。(月餅需上網訂購後去他們的多個取貨點領取 (需三天前預訂)，小妹就揀左去旺角取貨，地點滿就腳的。).盒子顏色用上Tiffany藍，望落優雅大方；.迷你月餅小小的，兩個人一同品嚐無咁飽滯，我們分別試了未叮和叮後的口感 （奶皇味）。.迷你奶皇月餅四件裝 $108 （原價$118）月餅上印了店名外，還印上小兔外形，有心思！先試奶皇口味，未叮時質感內外都較乾身，餡料填得很滿，

中秋雖然就到, 但周圍都已經見到不同月餅既宣傳, 有朋友集體訂購中村xx既抹茶月餅, 但大胃couple覺得價錢太貴唔舒得食, 所以無join, 而上網見到呢間本地小店都有出抹茶月餅, 價錢仲平好多, 而家上網買有discount, $108 4件, 所以就訂左盒試下~抹茶月餅一件細細粒, 獨立包裝, 打開都聞到有抹茶味, 入面同外面都係綠油油一片, 食落外皮帶點鬆化, 而入面既抹茶蓉幾軟滑, 抹茶味香濃, 唔會太甜, 係幾特別既味道, 雖然細細粒, 但食哂一件都幾飽下, 今次係大胃couple第一次食抹茶月餅, 感覺好新鮮, 亦比傳統月餅無咁肥膩, 要黎送禮都唔錯

朋友介紹下係Valerie Order左盒迷你奶黃月餅試試~約左去工場交收(附近做野好都好方便)~一出電梯已經聞到好香好香ge味道!店員仲好細心叼提醒如果唔雪智好味d!!!不過要盡快食!如果想擺耐d...記得要放入雪櫃!!!收到盒餅!個包裝相當唔錯~好大體呀!返到屋企當然急不及待打開佢試試啦!!!拉開個盒入面有4個月餅~打開個盒陣香味已經飄緊出黎~~~豪邁ge我緊係一口就咬落個月餅到啦!咬落去皮同餡係一體的~唔會分開~而且做到個感覺唔會好鬆散,唔會一咬就碎晒..落到周圍都係..聽朋友介紹, valerie月餅係手工製品~用ge係紐西蘭牛油..可能因為咁..成個月餅感覺味道好香~蛋黃同奶黃ge味道都做到好適中..唔會太甜太咸!好味!已經再落左Order lu….

每年去到呢個時候又係開始要搶月餅嘅時分了不過由細到大食得太多傳統月餅唔多唔少都食到厭雖然近年都開始食下冰皮當下甜品咁樣食但係冰皮又唔係好似傳統月餅咁應節所以近幾年就開始試吓新嘅奶黃月餅不過呢幾年出面買奶黃月餅仲難搶過奶粉咁就算俾你搶到其他牌子嘅奶黃月餅做出來的味道始終都係差一皮不過今年就經過朋友介紹下試咗呢個新品牌佢哋標榜係自家工場自家製而且新鮮製造的個包裝都非常之精美而且個個用上獨立包裝十分衛生開咗之後放喺微波爐叮10秒鐘一開微波爐都已經聞到震震奶黃香味一食落口鹹蛋黃同埋奶黃香味應聲已出而且食落口唔會太多油份一件啱啱好比一個人食完全唔會太飽睇黎係中秋之前要再入貨了

今日同事派散水餅蛋糕造型好特別，味道都唔錯之前未食過問番同事先知係依間店Salute to richer 向金莎致敬mini $36佢既賣相好明顯係大粒版既金莎打開金色包裝紙就會見到朱古力榛子脆皮外層入面係雲呢拿慕絲包住朱古力榛子醬同脆脆慕絲好滑溜，淡淡的甜～法國榛子醬香濃～一淡一濃入口好調和整體加起嚟唔會太甜，甜度岩岩好Tofu Garden $32酸酸甜甜既雜果做裝飾睇得又食得色彩繽紛好似開緊party咁雜果有士多啤梨、芒果、藍莓同紅莓豆腐芝士以消化餅碎做成薄薄既一層餅底芝士蛋糕輕盈軟滑而且清香，豆腐味明顯甜度唔高極易接受，健康之選Uji Matcha Roll $36抹茶卷蛋糕質感鬆軟蛋糕抹茶味香而中間既抹茶忌廉更是抹茶味濃帶甘抹茶忌廉厚實而軟滑，甜度低採用京都宇治優質抹茶粉製造既蛋糕果然高質就快中秋，同事買埋佢既月餅月餅係酥皮，內裡是奶黃餡食前先將月餅加熱，令酥香散發奶黃微溶，整體味道很香滑, 不會太甜