Via Tokyo (已結業)

今晚完了飯局，重頭在甜品。一行七人約8:30pm 去到，可能下雨及時間尚早，不用排隊,但亦算滿座。點了糯米牛奶雪糕，脆米白玉抹茶牛奶雪糕，三色雪糕窩夫，抺茶卷及生果白玉餡蜜. 各有特色，抺茶卷很鬆軟，連碟子也是凍的，很講究，自己配抹茶雪糕，相得益彰。三色雪糕窩夫中間有粒糖漬栗子、白玉及紅豆，配牛奶，抹茶及焙茶雪糕，很美味，可是餐牌說明每人最少要order 一款食品或飲品，女孩子一人吃不完，與朋友來，最好叫多一款開心share。生果白玉餡蜜，可隨意伴上黑糖。店家是用日本牌子及北海道牛奶，所以牛奶食品很濃. 店員亦很體貼地奉上多個餐具，還問是否足夠，服務很好.

同朋友食完飯，大家就話想食甜品，咁當然係搵間坐得舒服嫁啦...當中有人提議去食VIA TOKYO...最後當然冇人反對喇去到門口，要等兩張台，但都好快就入得!本宅食過四五次，當然知道佢餐牌食乜，但有朋友第一次...就好好奇問..點解佢全部都係一樣既野...等的配料唔同既!?我地幾個即刻唔知好嬲定好笑HEHE最後本宅都係食返我至愛的蕨餅抹茶焙茶MIX!食左咁多次，水準都可以保持到。抹茶同焙茶味都有...但認真講....另一間類似的店(位置係旺角)做得比佢出色。因為味道更加濃!不過呢間都絕對可以一試既!性價比都算高!所以可以食!

一向都鐘意食雪糕，飯前飯後都有個雪糕胃，特別而家天氣熱，隨時隨地都想食凍野。講到雪糕，via tokyo喺我心目中排名一向高，特別鐘意抹茶、焙茶口味。飯後行到過去，只想食雪糕，就唔堂食喇。揀黎揀去，本身想點芝麻味，然後店員話冇哂啦，囧…佢提議我試下玉露玄米茶系列~呢個系列共有3款，有芭菲 ($78)、雪糕杯 ($40)、雪糕筒，係混合玉露、玄米茶，製成嘅軟雪糕。玉露玄米茶雪糕筒 $38同抹茶嘅顏色一樣，都係好明顯嘅綠色。 天氣太熱，上手影左幾分鐘相，頂部都開始溶，急急腳放入口中玄米茶味道突出，米香較茶香重；至於玉露，本來特色在於甘味，老實講就唔太明顯。不過既然玉露係咁上等嘅茶，40蚊唔洗嘅雪糕，比例失衡都好正常。雪糕質地一貫厚滑，雪糕筒如常香脆。佢地嘅雪糕價錢唔貴，不過我就鐘意焙茶、抹茶口味多啲，玄米茶對我黎講，都係適合當茶飲用。

食完晚飯就想食甜品，一諗就諗到去呢間食la！以前想食都要去銅鑼灣，尖沙咀開咗之後就方便左好多la...呢個抺茶沙冰真心真係好正$52又有雪糕食，又有沙冰飲...係呢個炎熱嘅夏天係一個好選擇！我食完個雪糕，覺得室內好凍～所以個沙冰拎左出街一路行一路飲!生果雪糕白玉餡蜜$49個人覺得如果想食白玉或者糯米糍兩種先好點呢個，因為個底有D蒟蒻..一般般..每次食完都好開心同滿足，女人的確正餐同甜品係有兩個胃吖！

Via tokyo出名抹茶味雪糕, 我這個抹茶控當然要來潮拜ㄧ下。在餐廳門口等了大概五分鐘就可入內(因為係食晚飯時間, 這個時間無咁多人), 原本ㄧ心諗住點抹茶味雪糕, 但看到隔離枱有客人食梗培茶味雪糕, 那客人边食边讚好味, 諗諗吓, 成日都食抹茶味, 不如試下新口味。食過第一啖, 成個囗腔充滿濃濃的培茶味, 好軟滑, 好快我就成杯食晒。繼抹茶味雪糕後, 培茶味也係我至愛了, 下次我要點half抹茶half培茶先, 有齊晒我的至愛

食過via tokyo的雪糕真的會一試難忘，天氣非常炎熱，全身是汗，行完街最好坐下品嚐冰凍的雪糕，via tokyo是首選。尖沙咀店的門前裝飾比銅鑼灣店的透明度高，沒有銅鑼灣店的那種神秘感。內𥚃就比銅鑼灣店的寬敞，枱櫈仍是以木為主，有種簡約及在家的感覺，很舒服。很喜歡長枱長櫈，還有高枱高櫈。這杯期間限定的黑芝麻雪糕，三個字"超好食"😋😋😋黑芝麻味超級濃烈👍👍👍食了幾分鐘，雪糕仍保持挺身，很喜歡這種質感，結實而軟軟的。好似好矛盾，但事實真是這樣😋其他食品，都是超吸引人。

身爲綠茶控，點可以吾試下via既綠茶沙冰同芝士蛋糕沙冰本身好重綠茶味，但食食下個底就全系冰，小失望，不過都值得一試！個芝士蛋糕綠茶味十分重排左半個鐘到，可能系因該禮拜既關係。

日本雪糕店近年在香港大行其道，當中這家Via Tokyo一直是我心目中的至愛，其雪糕的軟滑教我不得不一試再試。Via Tokyo的分店不多，只有銅鑼灣及尖沙咀兩家，亦由於分店不多，每次吃都要排一會才可進去，雖然每次都要排，但客人還是乖乖地花上時間去等待這杯雪糕，可見其吸引力。吃：這次我點了阿法奇朵(Affogato )，相信喜歡咖啡的人都會很喜愛這個甜品，濃濃的Expresso倒入又香又軟的雲尼拿雪糕內，既有咖啡香味，又有雲尼拿的甜味，而這家的Affogato中，Expresso特別香環境：比銅鑼灣那家略小(其實那家也不大XD) 可坐約十枱，為了可容納多點人座位很近，但相信來的客人都只為那些甜甜的而到訪，坐得親密點有乜所謂呢？

同朋友在尖沙咀食完晚餐，想搵間甜品店再戰，中村已經last order，轉移陣地到via tokyo，等左大約15分鐘就有位。選擇好似好多，其實都係揀3款雪糕口味，再諗配料。芝士雪糕非常香滑濃郁，厚厚的口感加藍莓醬，正。抹茶雪糕配紅豆丸子，上面d黃豆粉好好味，抹茶雪糕幼滑香濃。焙茶味更有驚喜，非常香濃，相比下無抹茶咁甜無咁重奶味。焦糖刨冰，好好好大碗，絕對係挑機之選，不過朋友話無難度，食落好香甜，加少少忌廉多一份幼滑口感。自始via tokyo 成為我尖沙咀甜點首選。

炎炎夏日，最緊要就係要食返杯好味既雪糕，行下行下見到via tokyo見到唔錯就入左去啦。綠茶牛奶味雪糕，綠茶香濃軟滑，正呀，係我鐘意既味道同口感，紅豆好綿，丸子我一向不太喜歡所以no comment！但絕對值得黎食個雪糕

抺茶控又出動！Via Tokyo咁出名抺茶雪糕，身為抺茶控的我竟然一直未有去試，終於去左尖沙咀分店食！平日午飯時間唔使等位直入好滿足！超級無敵咁滑的雪糕，焙茶同抺茶味都好濃，重茶味唔重奶味，啱哂我！mochi 反而一般，唔夠煙韌，但最緊要雪糕好味！朋友叫左焦糖冰，個人覺得太甜，而且唔太鐘意cream，所以都係相機食完就算。

最初以為同一般綠茶甜品店差唔多，但一入去就有驚喜，有位日本經理好有禮貌咁serve我地。舖頭雖然細，但入面既傢私室內設計線條簡約舒適，真係好似去左日本咁。我地叫左三色雪糕 （芝麻，綠茶，牛奶），清香得黎唔算過甜。不得不讚下個綠茶沙冰，我平時唔太鍾意刮口感既沙冰，呢個完全癲倒左我既睇法，超滑，超真實既綠茶味，正！仲有點左焙茶，不過不失，算幾特別！

Via Tokyo 嘅綠茶雪糕就食得多🍵🍦佢哋嘅綠茶芝士蛋糕($48)你又試過未呢？蛋糕好好食😋😋😋綠茶味超濃 而且好軟滑👍🏻👍🏻鍾意食綠茶嘅你哋一定要去🙆🏻 今次我試埋佢哋嘅mocha 異想不到嘅好飲☕️

今晚在尖沙咀吃完晚飯後到了viatokyo吃甜品 大約9:00左右 幸好不用排隊。我們點了一個抹茶雪糕和焙茶雪糕share吃蕨餅抹茶雪糕 $50抹茶雪糕依舊濃郁 耐溶度高 沒有苦澀而且帶回甘 但對比起chacha 這個會較甜配角的蕨餅不好吃!!!!像清水糕般軟patpat 沒有口感 只有甜度 不愛不愛紅豆甜度偏高 但配上抹茶雪糕一起吃味道剛好白玉焙茶雪糕 $44不得不承認 viatokyo的焙茶味雪糕是我吃過所有中最濃郁香醇的 甜度不高 苦中帶甘香 像烏龍茶般的味道! 但相對抹茶雪糕 焙茶味的較易溶掉 時間大概快一倍 所以我也吃得頗快速的 而且今天的焙茶味吃到少許碎冰!要注意一下品質白玉煙韌軟糯 比蕨餅出色~我也吃過他們的芝麻味 都是非常出眾的 像吃芝麻糊般 絕對值得一試！但尖沙咀分店接待客人的店員實在太少了吧，愈晚愈多人，我們吃完等很久才有人有空出來為我們結帳，外面還有很多人在等呢⋯⋯

Via Tokyo 一向係熱門甜品店，見唔係好多人，排少少隊，點都要潮吓聖。知道佢抹茶出名，特別叫了咩都有既抹茶芭菲。抹茶味好濃，軟雪糕部分都好大，軟滑。白玉，有原味，同抹茶味。又有抹茶蕨餅，抹茶曲奇喺外面。抹茶曲奇好食，唔太膩。內層有紅豆蓉，黃豆粉，抹茶jelly，cream, 咖啡jelly軟雪糕一次過配不同口感，的確幾滿足。朋友食焙茶，個人覺得更好味，有茶香，而且特別濃茶味，推介。呢度甜品款式好多，但都以抹茶，培茶為中心，再配唔同既野。下次最想試抹茶roll, 抹茶 cheesecake