Viva Pasta

營業中

休息中

而家喺銅鑼灣都較難比$4-50食到西餐/日本嘢，今次分享俾大家嘅viva pasta做到之餘，仲要係好味嘅😋～大家有機會真係要試吓😗呢間舖頭主要做外賣，有兩、三個夥計幫手送～堂食嘅位唔算好多，大約有十幾個🥰⋯去到叫好嘢食就可以坐低，好好人嘅老闆娘就會將嘢食遞上～佢見我冇嗌嘢飲，仲專登拎杯水俾我😚～有時見我拎得多嘢，仲會拉張凳俾我放好個袋，可以食得舒服啲，呢啲細節位真係好有愛啊🥹🫶🏻！✨忌廉汁炒蜆肉意粉 $50個意粉本身係黑蒜油炒嘅，但老闆娘好好～可以改用我鍾意食嘅忌廉汁煮😎意粉嘅忌廉汁好濃稠，奶味偏重～除咗比咗4粒大大隻嘅沙白蜆，意粉都加咗啲蜆肉仔令到佢足料啲🍝！冬天食到呢盒熱辣辣嘅意粉，真係冇得頂呀🥹！CP價：🌟🌟🌟🌟🌟Encore機會：🔥🔥🔥🔥🔥環境氣氛：🧸🧸🧸🔖 #Viva Pasta (銅鑼灣)📞 28871828 / 61104540 (WhatsApp)🔍 銅鑼灣糖街15-23號銅鑼灣中心商場2樓201號舖

Hidden in the mall and surrounded by south-asian shops, it may be not the area that ppl would look for food in Causeway Bay. But there you are this good value restaurant, pasta/ set meal priced at ~$50, the portion was huge and the chef was generous in the sauce and toppings. However, tbh, do not expect much of a nice environment as per such price, to compensate, the owners were nice and friendly. Still, it's a good place to go having a quick fulfilling meal/ takeaway for ppl who stay in the Cau

見好多同事都叫就諗住試吓第一次叫等咗個半鐘，冇大約時間只好一直等，但外賣員送到第一句係怪我哋唔快快手揸住個外賣但食落都okay打算再俾次機會啦今次提早一個鐘叫定，諗住實冇死，點知都係遲大半個鐘奶茶，係瀉嘅，算但成個main都係錯😂等到lunch hour等返幾個字唯有硬食上次試另一個款覺得唔好食，見仲有好多款揀，點知今次嚟錯嘅款都一樣唔好食可能第一次揀嘅意粉已經係最好食嘅款式啦 但次次要等大半個鐘以上，都係留返比啲食飯時間多嘅人嗌啦銅鑼灣咁嘅價錢又送外賣嘅選擇雖然唔多，但差唔多價錢嘅其他餐廳食物質素同服務態度都好過呢間如果時間充裕又要多款，有挑戰精神又鍾意食大大份頹飯嘅都推薦嘅

話說有日真係諗唔到lunch食咩企咗喺條街度上OpenRice搵彈出嚟最近係Viva Pasta就即管㩒入去睇睇見到好多人都係話佢隱世食堂咁我就試吓啦 上到去見到 佢係一個小小嘅舖頭 入面啲枱放滿外賣 基本上無咩點預人堂食廚師不停咁煮原來佢哋每個星期都會有唔同嘅Menu 佢哋可以whatsapp俾你今次叫咗香草雞肉蘑菇意粉 同埋秘製炒腸粉加燒賣🎃香草雞肉蘑菇意粉 一拎上手好重秤 我仲以為自己叫咗啲咩番到公司打開個盒 唔好睇佢盒仔細細 原來都裝到好多份量好大份 一個女仔食，可以分兩餐🎃秘製炒腸粉加燒賣呢個係下午茶 辣辣哋 好惹味雖然好平 但係啲燒賣一啲都唔粉

I ordered pasta for work during lunchtime. They delivered it to our shop. The food was still hot and the pasta was creamy. Great portion as well! I would love to try other food choices from Viva and I will definitely order from them again.正啊 有得送外賣，意粉份量十足，又多汁。嚟緊會再嗌

如果唔係想試下 Viva Pasta 嘅 All Day Breakfast，應該絕對唔會有機會入去銅鑼灣中心商場😂。喺呢個又窄又細嘅場度轉嚟轉去，終於喺個角落頭位置搵到呢間主要做外賣嘅小店。如願叫咗個 All Day Breakfast，有黑松露炒蛋白，熱香餅，炸薯餅，牛仔腸，豬柳漢堡扒同沙律菜，份量唔算多，但絕對對得住 $44 呢個價錢。我最鍾意炒蛋白，又嫩又滑，仲有幾濃嘅黑松露味；薯餅好大塊，炸得香脆薯味夠，有啲似深受歡迎嘅麥當當薯餅；熱香餅細細塊，加蜜糖食，甜漏感覺好滿足；牛仔腸幾 juicy，豬柳漢堡扒正常水準；至於沙律菜呢，如果可以加啲醋或沙律汁就好好多。反而跟餐個熱咖啡就認真麻麻，入口頗苦澀，咖啡香味非常少。

外賣自取叫咗個咕嚕雞球飯，咕嚕雞皮薄、肉質爽嫩，拎到返公司個皮都仲係脆，非常好食，個汁亦唔會死酸或太杰，真係出色！雖然外賣要等好耐因為佢哋太多單做唔切，但好食真係要讚。之前食過佢哋嘅蕃茄雞扒湯烏冬、焗豬扒飯，都ok, 但今次個咕嚕雞球飯真係好有水準。下次會再試下其他嘢。性價比高，飯連熱飲都係$44，喺嗰頭好難搵到。熱檸茶茶底都ok, 唔會太苦澀，檸檬都新鮮。只希望佢哋請到人幫手，咁外賣可以唔使等咁耐。

明太子醬忌廉汁鮮蝦燴意粉 $54明太子醬同忌廉汁好夾食到尾都有好多汁，鐘意多汁一定好啱食蝦同意粉既份量都好充足意粉唔會煮得太硬或者太腍👍🏻正黑蒜油鮮蜆肉炒意粉 $50一上枱已經聞到好香既黑蒜油味意粉炒到夠乾身，好惹味😋除咗有蜆肉同菇，仲有啲芝麻加咗落去豐富咗口感，成個意粉都香口咗P.S. 銅鑼灣可以搵到呢個價錢嘅意粉，性價比十分高，仲要即叫即煮，除咗要等一陣，真係冇嘢可以挑剔👍🏻👍🏻👍🏻

viva pasta銅鑼灣可以一個都送嘅外賣選擇真係唔多！朋友介紹話佢喺銅鑼灣返工都係叫開呢一間外賣！而且聽講佢哋每個星期都有更新餐牌！有更多唔同嘅選擇！青咖喱吉列豬扒飯（$54）飯量都幾足，由落單度送到嚟都唔使30分鐘！外賣都只係加一蚊！！仲有埋嘢飲添，港式熱奶茶☕️真係世界第一等茶香奶滑😋😋有關佢個青咖喱吉列豬扒先，青咖喱甜甜哋小小辣😍佢嘅咖喱汁係多到可以撈晒成個飯唔會好乾！而炸豬扒就係圓形⭕️厚切四粒！外面裏面啖啖肉！我真係值得試吓佢其他唔同嘅嘢食喎！銅鑼灣外賣精選😋😋😋

時不時我都會去cwb工作有一次叫外賣試左個卡邦尼後就愛上了！佢份量好大兜，無記錯就$50價錢係cwb黎講唔算貴之後我食過好多次，基本上都好滿好大兜只係食過一次唔知點解比平時小，個次我就食唔飽了。最記得佢佢個牛尾飯同泰式炒飯都好好食飲品飲開蜂蜜綠茶，蜂蜜都好多呢間餐廳真係好足料又好味唔上黎寫食評都唔知店舖係咁既樣真係唔可以「以貌取人」*menu 每星期都轉，對我黎講唔洗怕悶。不過有1，2款好似就必有的

獨自一人在銅鑼灣吃午餐，不想吃得太貴，所以上網search了一輪，就決定是Viva Pasta了！！Viva Pasta位於銅鑼灣中心商場內，由於未去過這個商場，經過了門口也沒察覺，要走回頭才發現商場入口啊～～～到達商場後，發現除了Viva Pasta外，同層其他店都冷冷清清或沒有營業，見到部份店舖類似售賣東南亞食品，應該不是主打香港人生意的商場吧？Viva Pasta似乎主打外賣生意，店內只放置少量的桌椅！過了午市的旺市，我大約2pm才到達點餐，但候餐都花了約20分鐘呢～～～「是日精選」包熱飲一杯，逢星期一至六的餐牌都一樣，下一星期就會轉餐牌。而我則揀了「廚師推介」的明太子醬忌廉汁鮮蝦燴意粉，點熱飲要另加$6！明太子醬忌廉汁鮮蝦燴意粉，一打開紙盒，就見到意粉裝得滿滿的！！醬汁充足，包裹著每一條意粉～～意粉質感爽滑不黏糊！除了明太子外，還有魷魚圈﹑雜菌﹑洋蔥及蝦仁作配料，蝦仁都有5隻之多！！蝦仁雖不太鮮味，但質感都爽口，而且沒什麼雪味，都算是ok～～～魷魚圈亦夠爽口彈牙，雜菌與洋蔥炒得夠香。熱檸茶，普普通通，檸檬片份量足～～以50多元的價錢來說，意粉的份量夠多又抵食！醬汁調味亦沒欺場，

加入搵到一間餐廳平過$50真是不容易，專登和朋友來到糖街銅鑼灣中心的2樓，一路行的時候都半信半疑是不是真的有餐廳，答案是真的有，地方雖小都有三張枱可以坐。【日式咖喱湯烏冬配炸魚柳】湯底幾濃郁咖喱味道，烏冬又大碗，配埋其他配料整體很豐富，炸魚柳有三大嚿，又熱又香脆！【全日早餐】份量剛剛好夠飽，黑松露蛋白最出色味道十足，蛋白又嫩滑；熱香餅小小的一塊配上蜜糖亦很好吃；而薯餅又夠熱和香脆；另外漢堡肉和牛仔腸都不錯。【茶走】茶的味道夠濃郁，不過好像落了蜜糖。

因為好味，多次幫襯外賣，但最近兩次好失望。第一次係order左意粉，竟然可以漏左一樣主菜🤦🏻‍♀️，餐廳解釋忙中出錯，佢態度都好好話下次送小食補返比我，好無奈但無辦法，咁算啦。第二次係等左差唔多一個半鐘先送到，得返半個鐘食☹️（之前話呢次會補送小食，結果梗係無啦，我都費事同佢追）...明白lunch hour較忙，但餓咁耐真係會hangry...大家都係黃，好想支持同路人，但太失望，唔會有下次了。

呢間餐廳，位置都幾隱蔽，係銅鑼灣的印傭姐姐聚集地的一商場嘅角落，店舗面積不大，沒有精美裝修，但係出餐快，點餐後5分鐘左右就攞得，食物質素係高汁抵食👍🏻明太子醬忌廉汁鮮蝦燴意粉 (HK$52，外賣+$1)人家常説，一分錢一分貨，但呢個價錢，有滿滿一盒意粉，多醬汁，仲有5大隻蝦，洋蔥片和菇菌片，巳經非常妊味道很好，真心覺得好味😋❗️提提你：店家餐牌上的「是日精選」會每星期轉一次，所以可以去店家的IG查看。

之前唔知有呢間餐廳，之後就有朋友介紹。所以今日我就同我屋企人一齊去食飯，唯有親身去試吓囉，見係銅鑼灣啲餐廳太貴，未到門口就見到好多人，我心諗啲廚師👨‍🍳一定煮嘢食煮得太快而唔好味，我就叫咗個日式豬軟骨飯，5分鐘左右就上到，啲味道真係好濃，真係好食😋。但係41蚊連嘢飲🧃，真係唔值，比想像中細碟。🥘🥘🍽🍽，兩個人就已經84蚊，平均42蚊，速度都算快手。但係間鋪嘅面積真係好細，如果係繁忙時間一定要等位。