Viva Pasta

營業中

休息中

外賣自取叫咗個咕嚕雞球飯，咕嚕雞皮薄、肉質爽嫩，拎到返公司個皮都仲係脆，非常好食，個汁亦唔會死酸或太杰，真係出色！雖然外賣要等好耐因為佢哋太多單做唔切，但好食真係要讚。之前食過佢哋嘅蕃茄雞扒湯烏冬、焗豬扒飯，都ok, 但今次個咕嚕雞球飯真係好有水準。下次會再試下其他嘢。性價比高，飯連熱飲都係$44，喺嗰頭好難搵到。熱檸茶茶底都ok, 唔會太苦澀，檸檬都新鮮。只希望佢哋請到人幫手，咁外賣可以唔使等咁耐。