VV尾線

營業中

休息中

一直好想食。不過一直冇時間去食。utube 有明星推介。好想食魚皮。原來真係脆卜卜又足味正。米線份量好多魚皮好好食地方坐得好舒服、乾淨手機自助點餐服務態度不錯只係位置要用Google map帶我行過去

今日咁岩黎北角上堂，12:30pm一落Shuttle見到呢間野冇乜人就走入去，落單時12:37pm間鋪得4枱客。一路等等左15分鐘覺得等左好耐，所以就cap左張圖同Friend share呻下。跟住中途再追左兩次，等到1:07pm終於送到。先唔講好唔好食。個客等左咁耐都好肚餓，但個湯滾水，咁想放入口都難，有得食等於冇得食。不過有個麵都好過冇個麵嘅，我個米線到嘅時候，目準門口仲有十個人。有人落左單等外賣、有人等位（明明間鋪有吉位）。去埋單比銀個陣，門口啲人見到終於有店員，緊係捉住佢黎問外賣問入座，點知個店員黑哂面咁話：你追我都冇用㗎。其實做唔切點解又比人落單？仲要一路收緊外賣平台嘅單。你做唔切就唔好怪個客追你，個客都好慘，出面又毛毛雨，仲要睇你面色，都唔知等唔等好。

食完先來這裡看評價，見有好評又有劣評，個人覺得他們真是太不小心，我食了蠔仔咁多年，從未見過送埋蠔壳的！還有未開口的青口，真是令我眼界大開。朋友叫的豬腩肉都幾肥，兼未整得‘林’，佢食到中途已經無再繼續食，今次真是有點中伏的感覺。

今日喺北角做完嘢好攰，想返屋企舒舒服服食，行過見到呢間米線，招牌有貓貓已經好吸睛🤩再喺門口望吓餐牌，好多款式都啱我同我的他🥰最後買咗2個米線共$160、1個「你蝦多士呀」$48😻「牛魔王麻酸辣米線2.0（牛胸爽、牛骨髓、肥牛、酸菜、韭菜、腐竹、肉燥、芽菜、豆卜）」寬粉，另加大腸，共$80。「蚵青仔米線(蠔仔、青口、肉燥、冬菜、豆卜、腐竹、芽菜」寬粉，另加牛舌，共$80。啲餸多到嚇親我哋🤣我以為唔會太大碗，點知又多粉又多餸！牛魔王啱晒愛牛嘅我，我哋之前無食過牛胸爽，原來肥得嚟係咁爽口，都幾得意👍最愛嘅牛骨髓，用麻辣湯真係好夾，滑得嚟又有少少煙韌感🤤大腸清洗得好好，爽口得嚟又唔會骨韌。寬粉質感好爽口彈牙，$80絕對唔貴😝蚵仔米線係另一佳作😍首先講講湯底，嘩！好鮮嘅蚵仔味，再睇一睇啲餸，全個碗底都係蚵仔！性價比實在太高🤣而且蚵仔好新鮮，無沙！青口竟然有4大隻！牛舌又厚又爽口！好彩有點多湯，鮮味到我倆忍唔住飲晒成碗🤣🤣🤣蝦多士係一口，蝦膠好爽口彈牙，多士好夠脆口！我都拎得遠先返到屋企，竟然仲熱㗎！同埋啲寬粉嘅湯底都係熱辣辣，覺得同堂食無分別🤣下次要試吓堂食嘅火鍋套餐😍

🍴 豬大哥麻辣米線 小辣 $68 (8/10)勁大碗！非常足料，有腩肉，大腸，豬肚，韭菜，腐竹，肉燥，芽菜，豆卜，每樣都有5舊，好良心🥰湯底濃郁，麻味唔算好出，小辣唔辣，飲落都幾香，係好柔和嘅湯底，幾好飲嘅！米線好滑，彈牙，份量幾多，腩肉覺得太肥，豬肚都切成絲幾腍，大腸彈牙有口感，肥而不膩，最好食！肉燥幾香，整體口感好豐富，好多料，真心好食，飲完個湯唔口渴，無味精，正，不過覺得牛魔王好食好多！🍴凍奶茶 走甜少冰+$10 (7/10)普通，茶味唔出但幾滑！推薦指數: 8/10覺得牛魔王好食好多！呢個淨係大腸好食，個湯底都香濃嘅！

中午一點嚟到要排隊，前面有三四枱客，15分鐘就入得，都唔算耐！用QR code落單，有得比你揀辣度，多湯少湯，米線硬度，又有其他麵揀，真係好貼心，揀到自己嘅口味！欣賞！🍴 牛魔王麻酸辣米線 小辣 $68 (9/10)勁大碗！非常足料，有肥牛，牛肚，牛俐，酸菜，韭菜，腐竹，肉燥，芽菜，豆卜，每樣牛都要5舊，好良心🥰湯底濃郁，麻味同酸味唔算好出，小辣唔辣，飲落都幾清幾香，係好柔和嘅湯底，個人覺得未夠酸，辣度可以再加(平時食開譚仔酸辣，呢個仲冇咁辣添)，但平衝得幾好，係好飲嘅！米線好滑，彈牙，份量幾多，肥牛唔算肥但有牛味，牛肚一絲絲好腍，牛俐好好食，彈牙又有牛味，仲要厚切，肉燥多又香，整體口感好豐富，好多料，真心好食，飲完個湯唔口渴，無味精，好好食🤤🍴凍檸茶 走甜少冰+$10 (7/10)正常有茶味，檸檬足，幾好！推薦指數: 9/10一定會再嚟食，下次想試豬大哥，暫時覺得好食過隔離啊一😜

唔明d人點解話難食 ?_?我地兩個人，見夜晚時間都幾多人食又有人係門口等外賣坐底就嗌左豬大哥同牛魔王米線，等左5分鐘左右就有野食咁既人流都算ok，我仲諗住有排等😂講翻野食兩碗米線都好足料呀，d餸又好味，大腸，牛舌都好食，入味內臟野唔係間間整得好食我嗌左bb辣，對於我平時只食到熱浪嘅人黎講啱啱好，同埋飲得出個湯底唔係平時d味精湯特別係個酸菜，夠酸！正🤤仲嗌左蝦多士同炸饅頭，點煉奶一流😂好滿足嘅一餐，我會再食👍🏻

#北角#VV尾線難得到北角，去德成號買蛋卷碰門釘（都預咗），再行過幾個街口食米線。...叫咗「豬大哥麻辣米線」，唔知點解個湯底有啲酸味 & 怪味。米線比較彈牙，小辣偏辣，豬肚絲有唔少，但冇乜味。薄腩肉有3塊半，向廚師求證過，單點腩肉$12 的份量會較多。大腸味道最正路好味。...話難食又未至於，好食又談不上。咁就 $65 + $10 凍檸茶，埋單$75，性價比真係低，寧願食茶餐廳嘅炒粉麵飯。無乜野我下次都係出返九龍食米線…

上次吃酸辣魚肉米線, 今次則點了麻辣牛魔王紅薯粉, 魚湯湯底配上麻辣調味, 麻勁和辣度柔和, 湯頭的鮮味比酸辣更明顯. 紅薯粉偏幼, 還以為是寬粉類型, 口感煙韌, 我還是喜歡較爽彈的. 配料說的牛魔王, 有肥牛, 牛肚和牛舌, 當中牛舌有驚喜, 去苔去邊做得足, 只取中間舌芯的部份, 口感和味道也相當不錯. 另外單點了其蒜泥白肉, 五花腩片脂肉層次分明, 不會烚得太耐而令其肉質變韌, 除了大量蒜泥外, 也添加了自家的辣椒油, 看起來很辣, 吃起來又不是, 也有炒製過的焦香, 味道層次豐富但辣勁柔和, 對不喜吃辣的也相當Friendly.This time I tried the spicy potato noodles at VV maysin. The spicy taste is comfort and mild with the fresh taste from fish soup. The potato noodles are chewy in texture and it is not as wide as my expectation. Beef tongue has s

泡椒酸菜湯青口蠔仔米線: 一上台一陣不知名的臭名直衝鼻腔，已經人知不妙。淺嚐一口湯底，只飲出少許酸菜味，之後就只有味精的味道。相信臭味來源於青口及蠔仔，3隻青口中有一隻不開口，蠔仔不新鮮，兩樣放在極馬虎中的酸菜湯中，拼湊出我食過最難食嘅米線。第二碗米線湯底也是伏。價錢又貴又不好食。唯店員服務態度良好，自家製辣椒醬亦出色。米線不建議食用。

上open rice 搵米線，發現有人話呢間係北角最好食的米線，咁緊係要試下係唔係真喇！！感覺多數都係第一次入去食的人，佢會介紹有咩係出名同新出，見差唔多每枱客都講一次，真係熟客得好少.....可能大家都係睇食評而嚟試下？我叫左個蒜泥白肉同豬腸雞柳酸辣湯米線😐1.蒜泥白肉唔係正宗的，食到落左蒜、陳醋、有少少「益」味的辣椒油😑，唔難食，可以接受，但自己都整到....2.豬腸雞柳酸辣湯米線豬腸都算入味，都淋身，算好食ge~雞柳如評論所講算幾嫩同幾淋，都OK！但米線就....比較差唔夠酸已經吊唔起個味，辣味唔係香口的辣，而係有「益」味的辣椒油🥲感覺好差...不能刺激味雷，而係有種令人失望的感覺😶顏色比到好足，的確可以用嚟打卡，但只限打卡，要求高就唔洗突登過嚟試😂所以我都未必會返轉頭🌝#黃怪獸 #黃怪獸覓食 #香港特色 #香港 #香港美食 #食好d食平d #食好西 #食好d #食食食 #食 #米線 #米線關注組 #米線控 #粉麵 #yum #yummy

第一次食「𝚅𝚅尾線」係同事介紹嘅外賣，俾佢用心考究嘅外賣盒打動，縱使一碗米線要60幾蚊唔算平，但配料好足，湯底亦香濃惹味，所以決定要試埋佢嘅堂食😋牆身係科幻貓味畫作，每張圓櫈嘅花紋都係獨特，餐牌介紹亦用上唔少漫畫作解說，好有本地街頭藝術文化氣息😌《 涼拌豬耳🐷 》 $32 4 / 5是日涼拌推介🙌🏻 豬耳朵淋上咗佢哋秘製嘅櫻花蝦辣椒油，賣相望落紅噹噹諗住辣到飛起，點知原來係一種有層次嘅辣😍🌶有櫻花蝦嘅點綴，入口唔會只係得辣或者麻，更係有鮮！🦐 豬耳口感爽脆，好開胃👍🏻《 豬大哥麻辣米線🍜 》$60 4.5 / 5必食推介，有齊晒豬腩肉、豬大腸同豬肚嘅《 豬大哥 》好適合食肉獸🤤不得不讚賞店家用料毫不吝嗇，就以豬腩肉為例，係一磚磚正方型看似東坡肉嘅厚度，同平時一片片嘅相比更索湯同嫩滑😋 豬肚更係多到食極都有，好爽口👍🏻 麻辣湯底可以自選辣度，嗜辣嘅不妨挑戰一下「菊花辣」或者「Rap辣」🥵🤗《 你蝦多士呀！》 $58 5 / 5 🌟🌟🌟🌟🌟期間限定小食，絕對比起要入離島食嘅蝦多士更吸引𝘊𝘗值高🤩 熱辣辣嘅外皮加上芝麻粒即刻香口好多，蝦膠厚過多士，內裡仲有原隻鮮蝦🤤 又酥脆又彈牙，更係

12:17落單，到12:59仲未有嘢食。眼見堂食位都未full唔明點解要煮咁耐。最後決定唔等，但係杯奶茶錢都係要正價俾返。如果趕時你唔趕好多時間可以慢慢等先可考慮嚟

不知道店家名稱中的”尾線”是純粹食字, 還是有其他含意, 不過店家的貓貓Artwork很可愛, 也能清楚表達它是如何處理食材的. 和一般米線店比較, 它的湯底, 就算是酸辣的也喝得舒服. 用上海星, 鯊魚骨及螺頭熬製, 就是老火湯的溫暖和順. 我吃的是泡椒酸菜湯底, 其辣度緩緩地從喉嚨滲出, 再加上自然而沒有醋刺激性的酸度, 女孩子應該也受得了和享受. 配菜的黑魚也就是烏鱧, 是做水煮魚和酸菜魚常用之魚類, 肉質細緻, 沒有細骨, 和湯底很夾. 豬大腸口感柔順, 夠厚身, 清洗乾淨沒有異味, 內裡還有邪惡的脂肪, 同樣出色. 比較可惜的是豬潤有點Overcooked, 吃起來較為乾身, 不夠粉嫩呢!除了米線外, 小食為我帶來驚喜, 特別是麻辣魚皮, 白灼魚皮已經越來越少港式麵檔會做, 處理和衛生問題也令食肆卻步. 這裏白灼後再以麻辣汁拌製, 爽口彈牙夠惹味, 是很適合炎炎夏日的小食呢!VV is not a traditional spicy rice noodles stall. The soup base, prepared by the shellfish and the sha

終於黎到北角 可以一試VV尾線其實想試好耐 今日食咗豬大哥同牛魔王仲有好多小食第一次食米線可以飲埋湯飲左半碗湯  鯊魚海星螺片湯 真係好特別份量都幾多 食到好飽 當然我都叫左好多野不過豬大哥 牛魔王 既份量比我想像中多米線即叫即煮 爽口彈牙 食材都真係食得出比較新鮮最緊要配料 芽菜豆卜都真係幾新鮮高質絕對感受到食材既質素 加油蝦棗 有驚喜 現場食應該仲正整體黎講 一個字 MM7下次一定會再幫襯 希望九龍會開分店唔洗想食個陣心掛掛下次要試埋個花膠蟲花先得