Waraku Japanese Casual Dining (已結業)

幫襯完上層果間，身痕又黎試呢一間。首先要講食物，坦白講，一般，雜錦串燒的雞肉丸是小弟食過最難食的味道，另外的帶子只能叫合格；另外叫左個炸豬扒併喬麥麵定食，都是一般，原來重有個石鍋蒜頭炒飯，不過取消左。然後講服務，大家知唔知我等左幾耐，先等齊以上的食物﹖足足是一．小．時。首先是炸豬扒定食，最快，十分鐘，然後是五十分鐘﹗哀求恐嚇，都未見其他食物出黎，而當時後面幾檯遲過我黎既，都已經好開心咁食緊野。去到一小時，終於見到份雜錦串燒，我落左句柯打。「五分鐘無炒飯，即刻取消。」跟住果位一直無出聲的侍應，終於走埋黎講左句。「先生，其實你等唔等到﹖因為廚房真係做唔到。」真係講出黎都唔信，等左成個鐘先知做唔到﹖你頭先去左邊呀﹖買外賣都返黎啦﹖值得一提的是，由始至終，都無人講過一句對唔住，或者唔好意思，或者有任何道歉的舉動，好似佢地叫客人白等成個鐘，是好正常既。我唔投訴，重係人黎既﹖

日式蛋卷，鞋拾拾一啲都唔滑，無蛋味雞肉烏冬，啲湯好似槳糊咁，咸左啲泡菜豬肉鍋，落單後話無豬肉改左要牛肉，啲牛肉鞋拾拾壽司，不過不失，又無話特別好食燒鯖魚，唔知係唔係用鹽水醃過，只係食到鹽水味總結係唔會要食啲間，因為和民好食好多

開業第一天就來光顧了，但今天才寫，似乎慢了一些了。第一天的人都很多，可能都是衝著半價coupon來的。幸好男友一早拿了位，不然可就等到炆了。可能是新開張，有很多小食和飲品都未能供應，我們在main menu點了三個菜。牛肉紙火鍋(泡菜湯底)︰第一次吃紙火鍋，覺得很過癮。泡菜湯味濃，不太辣，吃不了辣的人都可以接受。可能我們把牛肉煮得過熟，所以有點韌吧。另外有日式魚蛋，口感煙韌。還有豆腐、蔬菜都很入味，整體味道不錯。石鍋雞肉寬麵(清湯底)︰看到寬麵未試過又點來試試看。由於是石鍋，所以熱度十足，清湯真的十分清，淡淡的，寬麵口感都不錯，有少少煙軔的，但整體來說就比較淡。燒魷魚︰看到是可以自己燒的，貪好玩又點一個試試。其實送來時的魷魚是熟的了，我們的工作是把它弄熱而已。魷魚靠醬汁調味，但醬汁沒有被魷魚吸收，所以味道一般，好玩搭救。服務不差，但只點三個菜就將近$200，好像有點貴了。拿了$100coupon，下次試多一些菜再作定奪吧。

Waraku Japanese Casual Dining 在荃灣楊屋道1號荃新天地地下77號舖一行七人,去食日本野,等位時間太長,2人都叫左20人,我們5位以上就一張飛都未叫過.等左半小時先有位....今次叫左十一種野,睇下以下介紹:芝士薯仔明太子燒芒果味的咖哩豬扒飯(食唔到芒果味)炸蝦壽司(有8件)石頭鰻魚炒飯日式燒鯖魚牛肉飯+豆腐湯大板燒簿餅(超細呀)串燒帶子(有九粒)面豉湯叉燒拉面(個碗就好大,D面就.....)炒簥麥麵(好油)日本銅鑼燒雪糕 食左十一種野,但七個人分,份量好少.最後結帳食左$666.6 ,每位$95蚊

又一個媽咪沒煮飯的夜晚，今次到了荃新天地試新店。格局與和民頗似，但環境更闊落，食物選擇也多款款想試，可恨剛吃完下午茶的媽咪戰鬥力接近零，最後只可淺嗜：　日式蛋卷($28)-在香港有得吃這種蛋卷的地方不多，當然要點來回味一番。新鮮蒸起的蛋卷，又甜又軟吃在口裡的滋味很好，不過不是選用日本雞蛋，蛋黃總是差點。咖哩吉列豬扒丼(中,$58)-被KC的圖片引起了吉列豬癮，一試但覺成品炸得甘香鬆化，豬扒仍然肉嫩有汁，以非專門店來說水準很滿意了；同場珍珠米亦粒粒飽滿好吃，咖哩就較淡。丼食附一碗湯，並非濃濃的麵鼓湯，而是味道清新、有陣陣檸檬葉的清湯，也是意外之喜。日式銅鑼燒雪糕($38)-滿心期待的甜品，要等整整15分鐘才出場：炸銅鑼燒較油膩，不過香香脆脆的味道也不錯，然而雪糕實在太少，吃不出冰火口感，雪糕怪如我會有點點失望。　餐廳整體水準不俗，希望下次來試更多食物。另外，夜晚的餐廳勁多人，要大排長龍，最好訂位/早到!

和 樂 日 式 意 粉 屋 早 幾 日 亦 喺 樓 下 開 咗 間 Waraku Japanese Casual Dining ，新 店 唔 玩 意 粉 改 玩 和 式 居 食 屋 ，估 唔 到 一 試 就 上 癮。呢 度 嘅 menu 有 好 多 創 意 新 作 ，而 拉 麵 個 碗 嘅 size 更 大 到 得 人 驚 ，眼 見 幾 張 枱 都 係 3 、4 個 人 share 一 碗 食 ，嚇 到 想 試 多 啲 新 嘢 嘅 我 即 刻 唔 敢 order 等 位 期 間 ，一 樣 有 侍 應 奉 上 汽 水 或 烏 龍 茶 俾 你 歎 吓！牛 肉 朴 葉 燒 個 人 嘅 極 級 推 介 ，朴 葉 燒 係 日 本 岐 阜 縣 飛 驒 山 嘅 民 間 美 食 ，朴 葉 又 厚 又 大 塊 兼 且 非 常 耐 熱 ，烤 到 變 黑 色 都 唔 會 咁 易 碎 掉。喺 香 港 要 品 嚐 牛 肉 朴 葉 燒 就 要 去 到 六 星 級 酒 店 內 嘅 日 本 料 理 先 有 機 會 食 到。所 以 呢 度 賣 $68 ，已 經 係 相 當 抵 食 架 啦！佢 哋 用 一 個 迷 你

這間日式食肆新開張，即管試試其食物質素: 日式牛柳鍋套餐 ($88) --- 可以接受的價錢牛柳鍋很有特色，上菜時牛柳是生的，用火一路加熱，生諒程度可以自己控制，隨餐有一隻生蛋，可以加到鍋中煎熟來吃，頗有心思套餐包括一碗面，沙律，漬物和飯，味道還好，牛柳配汁吃很好吃 沙鍋雜錦面豉湯面 ($88) ---- 好貴包括一碗面，三件腐皮壽司，腐皮很大塊，好味，雜錦面味道很普通，最值得一提是那些面，是一條條很闊的面條，很有嚼勁，但裡面的材料 (雞肉淡而無味，難吃) 實在不吃也罷 芝士薯仔明太子燒 ($48) 好好味，但細碟到估佢唔到，芝士味濃，薯仔焗得好香，軟硬得宜 三文魚刺身($28/3件)新鮮，夠厚，賣相靚 軟殼蟹手卷可以奉勸大家，食軟殼蟹可以不用在這裡吃，大是很大隻蟹，不過跟我在外面吃過的比較，味道實在一般，但價錢尚可接受 ($22)