Wing’s Kitchen (已搬遷) 新店位置

今日Lunch Time試咗呢間小餐廳，都幾好食。Lunch Menu都有幾多選擇︰我地兩個人揀咗羅勒青醬意大利粉同手打安格斯牛肉漢堡配著條。先講個意粉，佢D羅勒青醬好入味，煮意粉真係好夾，佢D蝦嘅肉質都好有彈性，算係唔錯，無乜雪味，配菜都好食。手打安格斯牛肉漢堡都好正，件漢堡扒Juicy，因為手打唔係機打，所以咬落去嘅口感又真係好D，蕃茄同生菜都好Fresh，味道唔錯。再叫咗個小食Buffalo Wing，辣辣地好惹味。

太子旺角一帶都好多Cafe，小仙子話同小🐷今次試呢間Wing’s Kitchen，店舖有兩層，地下以木為主題，而樓上好有包場feel😜天藍色梳化好啱打卡，Order左:軟殼蟹白汁意粉 ($15x): 軟殼蟹大大隻🤩好香脆Rib-eye middle ($23x): 牛扒煎得好香，質素就fairBuffalo wings ($8x):好惹味，夠香辣，送酒最岩點左紅/白酒各一款，都幾抵飲，大大杯👍🏻白酒唔太酸易入口，紅酒🍷fair，一支都係$25x，黎gathering可以唔使買酒黎😛意粉較扒類優勝😅地方夠氣氛，不失為gathering/開party嘅好地方😙

難得星期五收工約左同事去左🍺🍺！行去太子兜下有咩食，見到柏樹街有間西餐廳內裡唔多人，環境幾chill，最緊要有🍺，於是決定試下🤪我地揀左set dinner，包餐湯/沙律及咖啡/茶，但掛住傾計無影menu🙈💫肉眼牛扒我地叫左7成熟，但切開有啲生，不過唔會出血水，可以接受。味道唔錯，肉質都腍，可惜帶少少筋難切啲…💫香煎海鱸魚伴薯蓉鱸魚煎得好香口，配埋個好滑既薯蓉，份量剛剛好，絕對夠食👍🏻 💫 跟餐加錢轉飲啤酒，叫左🍺日本啤orion同🍺德國麥啤其實食物味道唔錯，如果想有個地方傾吓計，呢個係唔錯嘅選擇❣️因為唔多人，環境好柔和，又唔會限時趕你走（當然晚上10點前會叫你走啦😆）====================推介度：❤️❤️❤️❤️CP值：👍🏻👍🏻👍🏻👍🏻好味指數：👅👅👅（牛扒生熟度扣少少分）====================

好耐無出食評了，同朋友好耐無見，出黎吹水，搵下邊度可以唔使咁迫，又唔使食咁趕，唔使被逼走於是就試吓搵尼間首先門口裝修都唔錯，入到去都係環境幾好，幾靚👍🏻星期六晚坐樓下，唔多人，坐得好舒服叫左個烤雞沙律🥗仲有叫左個牛扒全部都唔錯👍🏻另外再叫野飲朋友叫左個啤酒🍻我就叫左杯白酒sangria 平時紅酒🍷sangria飲得多今次試白酒底既由於我鐘意飲甜既酒水果酒尼個岩哂我仲有好多菠蘿🍍肉👍🏻坐得好舒服，服務都幾好慢慢坐傾計真係唔錯

餐廳有兩層，今次坐樓下，周日12點黎得我一枱，之後陸續多人，環境唔錯，張椅坐得幾舒服湯重粟米味，3粒 蒜蓉包好脆，正沙律菜好爽，入口爽爽聲任飲水係檸檬水，正串燒即燒，聞落香碳味，但食落唔重碳，肉今日算嫩，唔要燒汁，會比黑椒同Tabasco你野飲唔知點解搞咁耐,最後先上，又唔係好飲，糖奶係自己加既，可自控甜度牛扒有紅酒味，7成熟唔嫩滑薯條墊底，淋哂春雞太咸，重香料味意粉偏幼對兒童友好，提供兒童餐具，b喊仲會用零食哄服務唔錯，收碟，加水速度快，好招呼👍🏻 牆身好多畫，同擺設本食評只針對當日餐廳服務

呢間太子小店坐得幾舒服除咗環境裝修外，仲因為隔離冇塊膠板擋住晒！家庭式經營既小店好有人情味，店員服務好外仲會係我等人既時候同我傾下計☺️晚餐🥣龍蝦汁大蝦海鮮燴飯🦞粗炸直薯🍟味道: 👍🏼👍🏼👍🏼環境: 👍🏼👍🏼👍🏼👍🏼服務: 👍🏼👍🏼👍🏼👍🏼🥢我個人幾鐘意個燴飯❤️龍蝦汁相當濃，而且飯粒硬度適中，我唔太鍾意半生熟咁硬🍚大蝦雖然唔係咩靚料，但爽口，而且食下食下竟然食到5-6隻，份量算多🦐🦐🦐🦐炸薯條就比較普通，熱辣辣但唔夠脆，建議可以加d 特色醬汁/味道🛎我會對充滿人情味嘅餐廳相當有好感，有時就算餐廳再好食，服務差嘅話我都唔會再去第二次🚫如果追求同朋友舒舒服服傾吓計，又對味道唔太執著，呢間係一個好選擇🈵

唔明點解平日晚市全間餐廳只有兩枱客，希望撐得住！但可以享受久違了的沒有膠板間隔空間真係好正（因為隔離枱無客），餐廳環境唔錯，微微昏暗，適合跟朋友暢談歡聚。食物味道唔差，不過份量略少，所以四個人食完四個主食之後要加碼叫多份小食。牛油果軟殻蟹薄餅 軟殼蟹係正既，不過牛油果味唔係好出。卡邦尼意大利麵同黑松露什菌意大利麵正正常常幾creamy，但配料唔算多。法式紅酒燴牛脷有三塊厚切牛脷，唔會好韌，味道幾好。另外有薯菜，如果唔係真係無飽腹感。最後唔係叫甜品，而係因為大家唔夠飽叫左個小食，水牛城雞翼，少少辣，幾香口。「是日晚餐」有跟餐湯或沙律，以及飲品，但薄餅同牛脷係主餐牌散叫，所以散叫兩杯凍飲，埋單人均$210。

原本想過一個懶洋洋嘅假期，點知老婆大人話要去旺角花墟買花，買花前梗係要對自己好D，於是決定去Wing's Kitchen食Lunch。假期Menu選擇好似比平日的少種類，不過都揀到我地嘅心水。我食All Day Breakfast而我老婆就叫咗我上次食過嘅Burger。Burger當然好食，佢件漢堡扒係用安格斯牛肉做嘅，Juicy得黎肉味香濃，其實$75真心抵食。至於我叫嘅All Day Breakfast都唔錯，不過無咗茄汁豆，感覺就好似差咁D野咁，不過佢D香腸都好食嘅，多士又夠熱，另外有D菇拌碟，幾好嘅配搭。飲品叫咗咖啡，正正常常啦，所以都無影相了。佢D啤酒係正嘅，不過今次無飲，始終好似太早，下次啦。

終於放監了，梗係要啤啤佢好好慶祝。啤酒就叫咗呢隻德國啤酒，老闆介紹話係來自德國的手工啤，係麥啤黎嘅，好香麥味。野食就叫了兩樣，分別係招牌漢堡包(我見好多人叫)，另外仲叫多咗個水牛城雞翼(據聞呢個都係招牌菜，個餐廳名好似都係因為咁樣而黎)。個Burger好好味，尤其是舊漢堡肉，夠厚，食落好有咬口，同埋食到有D肉粒，好有質感，仲有好邪惡的夾心芝士，大滿足。個水牛城雞翼都好食，唔會太辣，食落都幾惹味，個Size啱啱好，估唔到仲有薯條跟埋，不過我自己就鍾意個Burger多少少。

太子有不少酒吧餐廳，但我同一班朋友每次到太子都會黎呢度食飯飲酒因為餐廳環境舒適，坐得舒服，係度同朋友傾計真係一流，呢度播嘅音樂又舒服，絕對唔係D嘈到擦耳嘅歌，正而且食物又好味，老闆又nice，總之冇得頂呢排因為限聚令，所以今晚冇得堂食，唯有係度訂食物去朋友屋企享用，拎到番屋企水準依然好味，做我地嘅食堂真係名不虚傳

d老友知我鍾意飲啤酒，於是成日介紹啲好嘢比我，呢一間位於太子嘅小店亦唔例外。呢一間小店主打係日本沖繩Orion生啤，支裝啤酒就有德國嘅Schneider，7個Tap佢就只有Tap 1同Tap 7。下午茶時間過去，叫咗支Tap 7，再叫咗個Buffalo Wings。Tap 7係屬於小麥啤系列，如果你都鍾意麥味濃嘅麥啤，呢一隻一定唔會令你失望，佢嘅小麥味道好重，好正。至於佢嘅Buffalo Wings辣得好惹味，會黎餸啤酒真係好正。值得一讃係D雞翼完全無雪味(出面好多地方嘅雞翼都有雪味架)，呢間餐廳環境好好，坐得好舒服，約朋友黎傾計飲野就Fit晒。

呢間餐廳係家庭式經營，環境舒適(圖6)✨，老闆娘好nice好warm🤣，會同客人傾下偈，仲向小編介紹左豬手 同 軟殼蟹pizza 🥑🦀等招牌菜~-1️⃣「烤鴨薄餅🍕🦆($138)」-冇錯啦，又係鴨😂！因為覺得好特別所以試下🙈烤鴨同烤肉醬配大蔥幾香口，餅乾底，邊邊烤得香脆~Roasted Duck Meat Pizza -2️⃣「德國慕尼克豬手🐷($228)」-呢隻豬手超大隻🤯，食落幾嫩，鹹香味十足，中間有dd膠質，不過如果脆嘅地方多d會更佳🤪~Murich Por Knuckle -3️⃣「慢煮西班牙紅酒燴牛脷👅🍷 ($168)」-雖然賣相平平，但牛脷食落淋身入味，充滿香甜紅酒味🤤，薯條偏淋，如果轉薯蓉就更happy✨~Slow-cooked OX Tongue Red Wine Sauce

今年選擇慶祝生日的地方是太子柏樹街23號地下C舖的Wing’s Kitchen， 朋友預早已經訂定檯， 大家都準時到達。 一到店內感覺裝修 有點英倫風， 牆身用仿古磚砌成， 環境優雅 座位舒適。 今晚點的幾款菜式有～白酒青口配蒜蓉包$108、 三文魚柚子沙律$98、 漢堡包$98、 烤雞$148、 海蝦意粉$148、 蘋果crumble$68、 心太軟$98、 凍檸茶兩杯（ 跟餐加$6）、House Wine$55、Red Sangria$58 、Highball Whiskey$58。三文魚柚子沙律～ 清新帶柚子香的沙律菜， 絕對是開胃前菜。漢堡包～ 漢堡好juicy， 仲有配菜炸薯條， 啱曬送酒。白酒青口配蒜蓉包～ 鮮甜好味的青口配上濃香蒜蓉包， 食到舐舐脷。海蝦意粉～ 意粉反而普通， 沒有特色， 但味道都正常。烤雞～ 烤雞的肉質好嫩滑， 連雞胸位置都沒有鞋口感， 完全做到外脆內嫩，果然是主打菜式。Apple crumble～ 吃起來像蘋果批的感覺， 帶甜又有酸的味道。心太軟～ 心太軟做得很美， 心型的心太軟第一次見， 碟上還寫上happy birthday的生日字句， 精美又好味

唔打唔撞去咗呢間舖頭，開頭入去嗰陣一個客人都冇，都有D擔心。但係因為唔想再等位，就決定咗入去食，餐廳入邊裝修都幾靚，有異國風情嘅感覺。侍應同老闆娘都好有禮貌，一坐低就俾咗幾杯水我哋。見到lunch都只不過係大約$70左右嘅價錢，要加一。本身個餐已經包左沙律或者湯，再加一個主菜，再加餐飲。所以70幾蚊來講我覺得好抵。嘢食嚟到，我叫咗漢堡包套餐。一啲都唔失禮，份量十分足夠，漢堡包隔離有薯條，同少少沙律菜。建議大家唔使再重複叫沙律，可以飲餐湯。個漢堡包新鮮整出嚟，好新鮮，個包入邊都有查牛油，啲牛肉夠厚。薯條正正常常，又係新鮮嘅。總括而言呢間舖頭我會再去食！

係太子俾我地搵到間義大利餐廳原本冇咩期待 見佢價錢又平人均消費約$150-$200就試下喇煎三文魚乾咗少少 但係個汁酸酸甜甜又幾夾 啲配菜我都差唔多食曬 燒粟米好甜 軟殼蟹黑松露南瓜risotto份量好多 夠cream 好食最後有甜品我冇影相 係班蘭西米糕 唔好食😢