Wings To Go 雞翼、熱狗、漢堡包專門店 (已結業)

星期日休息，住紅磡的朋友話佢屋企附近新開了間熱狗店，據聞話啲熱狗及雞翼都不錯，咪去試吓啦！Order咗一客炸雞翼套餐，原來共有9款醬料可供選擇，經老闆介紹下選了農場醬，而我朋友就Order咗匈牙利辣肉腸熱狗，加了炒洋葱及辣肉醬，原本諗住堂食，但因那里只有兩張檯，並已座滿，於是焗住Take Out 囉 。返到朋友屋企，首先品嚐雞翼，隻雞翼Size比我想像中大，咬落塊皮仲好脆口，啲肉好夠味，再點埋個農場醬，帶有芝士味，真係幾特別，真係名不虛傳！而我朋友就話隻熱狗好大隻，條腸又粗，再加埋啲配料，簡直逼爆，如果啲醬可以另上会更好，不過，我個Friend話啲炒洋葱嘅Sauce好野味，辣肉醬夠晒辣，真係值得一試再試！

又係見到好多人讚，所以專登同Honey去食！我叫左個匈牙利辣肉腸+沙律醬+炒洋蔥而Honey都係叫同一款，不過佢就+芝士醬同埋沙律醬我自己果個就好好味，辣肉腸微微地辣，加埋啲醬真係超夾！不過如果啲洋蔥可以再多啲同埋再切幼少少的話會仲正囉！而我都有試一試我Honey叫果個醬，芝士味都幾濃咖！我地兩個都有轉餐配薯條，啲薯條真係比麥當當好食好多！淨係薯仔味濃過佢已經贏哂喇！另外仲有叫炸雞翼，我地叫咗6隻組合，所以可選兩款醬汁！我地揀咗蜜糖蒜蓉&蜜糖芥辣，兩隻都幾好味！不過相比之下，我會比較鍾意蜜糖蒜蓉，真係好惹味！除此之外，個餐可以轉特式凍飲；Honey就叫咗青蘋果綠茶，而我就叫咗個百香果乳酸！青蘋果綠茶都幾好，而個味都幾夾！至於個百香果乳酸呢...... 如果閣下鍾意酸酸地的話，就一定要試呢個！因為真係勁正！尤其而家夏天咁熱，同埋食完啲包都幾滯嘅情況之外，飲咗呢個之後，個人都舒服好多咖！

吃到這裡的東西，可說是一種奇妙的緣份....話說某日太太放假，下午時份她獨個兒走到此處吃午餐，但由於她不太懂路徑，所以就聯絡小弟，希望能指點一下迷津橫豎一場來到，也就着太太外賣多一客雞翼回家，好等小弟下班後就馬上可以解饞呢....雖然只得兩隻 (本應是一客四隻的，但太座吃了其中的一半)，但這雞翼的件頭實在是巨型得很，差不多有那個外賣盒那樣的闊....外層的炸粉雖是相當的厚，但勝在帶點微辣，吃落也還挺惹味的；肉很豐厚之餘也算是醃得頗入味。儘管吃的時候已被攤涼了，但可以想像新鮮熱辣品嘗之時，應是頗不錯.....太太選了蜜糖沙律醬來醮吃。味道甜甜酸酸的，開胃之極....除了雞翼之外，這兒還有熱狗及burger等一系列美式食物可供選擇。看來這裡還是再會有期的.....

之前比個差食評你. 跟住見好多好食評. 咁就再試一次.果然唔同左, 薯條. 真係夠香脆, 粗. 不過食到尾, 多左d 鹽....芒果乳酸: 都幾好. 唔洗成日飲汽水.... 味道有d似地門定樂天的罐裝芒果汁雞翼: 果然好好多. d皮夠厚夠脆, 又唔會皮肉立即分開. 肉入味baffalo "汁", 夠味, 辣味ok啦, 不過唔夠濃同"杰", , 唔可以一次 "yum" 好多上雞翼. 份量只係剛剛好蒜頭蜜糖"醬", 夠杰, 掂, 份量好夠

新開的店,好細間得兩張台雞翼跟餐,$20 + $7 -$2 coupon(放係門口任拎) = $25炸雞翼 x 4 : 要左蜜糖芥末醬 , 個醬好味, 雞翼都好幾大隻,點晒佢d醬,正ar薯條 : 好香又脆又粗好味!! 唔太油wor真係!!可樂 : 唔凍的, 另外比杯冰, 麻煩左少少, 但我都中意飲可樂加冰下次試第2種醬先得熱狗試過, OK啦, 但23蚊隻貴唔抵囉, 何文田的德國熱狗較好食!

天時暑熱, 就決定Lunch time 行去黃埔試下隻熱狗.... 點知行到去已經成身大汗, 仲要成間舖坐滿晒人 (雖然間舖細細地, 但係已經有8,9 個人等緊野食) 係個一刻, 真係有啲想去第二間, 但係充滿熱誠嘅店長, 已經跨越咗店舖中嘅人. 再慢慢同我地介紹佢地嘅熱狗 佢嘅工作態度真係極之好Hot dog 有四款選擇: 維也納腸, 匈牙利辣肉, 同嘛店長所介紹嘅芝士脆皮 & 白肉腸.我地仲加咗炒洋蔥tim. 好可惜係無地方坐低食, 帶到返公司嘅時候, 啲醬汁已經令個麵包淋咗希望下次叫外賣嘅時候, 將啲醬汁同隻熱狗分開會更好 另外, 跟個餐嘅薯餅幾好食, 杯荔枝綠茶就ok啦!*小小意見: BBQ Grill 燒出黎嘅腸同洋蔥會更香口

新開的熱狗外賣店，當然要支持一下！是日試下個炸雞翼先，店員話熱狗/漢堡/雞翼再加$7有餐套餐=再加薯條/薯餅+任何飲品(凍飲+$2)買左4隻雞翼($20)，再加薯條+水蜜桃乳酸(凍)=$29**雞翼可以揀一款醬，要左honey garlic個醬好得！雞翼炸完之後都冇乜油！店員提我要點多d醬，果然好夾阿！不過齋食雞翼的話就冇乜味，似乎醃得唔夠入味同埋我好鍾意食醬阿，所以多d會好d(因為點薯條都好正)**粗身薯條都炸得無乜油，唔錯！下次再試埋個熱狗啦！

lunch 時買了一包薯條, HK$6元, 抵!!!咁既價錢可能同"BURGER QUEEN" 或者 "麥當當" 差不多但係水準就真係差好遠.WINGS TO GO 既薯條新鮮熱辣脆卜卜, 好香好好味, 沒有太多油份留在手指上, 好驚訝凍左吃都依然好脆, 紙袋上沒有任何油漬.

今日係黃埔附近食Lunch, 發現一間同加拿大好相似的熱狗店.這間熱狗店專門售賣熱狗和漢堡.....仲有wings tim.I JUST CAN SAY:漢堡d 肉係新鮮既 ..... 食得出(同埋好足料)所以寧願食佢都唔食 Mc Mc！！薯條既質素同Mc Mc 無得比...食過就明.唔使講至於wings 呢!!! 同加拿大好唔同...不過..都OKAY LA味道始終係差小小...都係加拿大的好味..總括來講...水準唔差..有改善空間...

放工同男友路經此處, 被佢既7吋熱狗吸引著...男友就叫左個"匈牙利辣肉腸熱狗", 一看之下忍唔住食左半個...落足餡料, 個sauce尤其出眾, yummy!雖然鋪頭主打係熱狗, 而我就係老闆極力推介下叫左"番茄豬扒燴意大利麵"餐嘩! 甫入口茄香味濃, 意大利麵有嚼勁, 甚有高級意大利餐廳的水準!原來個sauce係老闆娘用茄膏(非茄汁)自家製, 心機之作, 個餐都係$35, 真有驚喜!!我地仲點左個雞翼with蜜糖蒜蓉汁, 個sauce好好味, 值得推介!!

獨個兒途經紅磡黃埔新村,見到有間新開不久的快餐小店"Wing To Go",用到Wing作行頭,不出所料是用雞翼行頭,漢堡包同熱狗作配角.聽店主說,新開大約一個月,此店的雞翼有秘制瑞士雞翼,脆皮炸雞翼兩款,但醬汁就有蜜糖蒜茸,蜜糖芥辣,農場,沙爹,水牛城五款可選.四隻價$20,但吃雞翼不飽肚,所以是夜的視線便轉向熱狗的一邊.又會有人說:{熱狗可以有幾好食?就算幾好食,都係一隻熱狗.}當然,如果是在IKEA的$5貨色,熱狗包夾住條腸,醬料得茄汁同芥辣,還想怎樣?仲要嫌沒有青瓜醬不夠過癮?既然收得二十多塊錢的一隻熱狗,自然有一點要求.香腸有五種,維也納腸,紐倫堡肉腸,法蘭克福雞肉腸,匈牙利辣肉腸,芝士脆皮腸.醬汁方面,茄汁同芥辣免費,其他的燒烤醬,沙律醬,千島醬就$2,炒洋荵,辣肉醬就$3.小弟就要個"廚師推介"的匈牙利腸,加沙律汁,再附多$9,要多包薯條,同特飲青蘋果乳酸.青蘋果乳酸呈青綠色,似是加了蘋果汁的益力多.在悶熱的晚上喝一杯,挺涼快的.薯條是Thick cut,新鮮炸起,香脆可口,吃落有薯味.熱狗飽比較淋身,匈牙利肉腸一樣地淋身,腸衣不是煙齦的一種,肉腸味道

今日同朋人經過間新店，俾門口個牌寫住７吋半大熱狗吸引，行去睇個menu發現叫熱狗加$7就可以轉餐，即係有薯條或薯餅及一杯台式飲品。$30有一個餐，我覺得價錢合理。我叫左紐倫堡熱狗餐加辣肉醬(加左幾蚊)，薯條及泡沫咖啡。熱狗真係有７吋半長，餡料十分豐富，飽有烘過，而且材料新鮮(主角白肉既紐倫堡熱狗腸、蕃茄、生菜、辣肉醬及熱狗醬)。薯條又粗，皮又脆，配埋杯泡沫咖啡!係而家食個普通漢堡餐或炸雞餐，飲杯氣水都要成30蚊既時候，我覺得哩個熱狗餐真係抵食。間舖得兩張堂食檯，主力做外賣的。除熱狗外，主菜還有漢堡及炸雞亦配特式醬(蜜糖蒜蓉、農場、水牛城等等．．)。PS: 薯條點埋D特式醬來食都幾好味

早兩日同d同事出躬食飯, 見到開左間新既熱狗店呀, 本來諗住地方細細, 唔會好食, 不過, 竟然有驚喜.....食物方面我地5個同事叫左5個唔同味道既熱狗, 有維也納腸, 匈牙利辣肉, 芝士脆皮腸等等.... 本人最愛匈牙利辣肉腸, 超好食及超正呀, 我喜歡, 值得一讚呀!!!另外, 我地加左$7, 多左野飲, 薯條或薯餅, 薯條好好食, 佢比"M" 記既粗好多, 不過佢唔乾身, 炸得剛剛好, 好好味, 唔可以唔講一句" 好在口感呀". 野飲方面, 我飲左個百香果綠茶, 好味呀, 唔係太甜, 我覺得唔錯, 同事們飲左芒果乳酸, 佢地話好好呀, 值得推介比大家!!服務方面因為我地食LUNCH, 而且不時又有人買外賣, 老闆都比較忙呀, 但佢都好照顧客人, 又會向我地介紹唔同既野食, 服務態度真係唔錯呀!! 由於我地多人, 要求又多多, 又要呢野, 又要添醬汁, 不過店員都一一辦到, 服務態度十分好!!唔記得同大家講, 佢有一個醬叫 "蜜糖芥辣", 用黎點薯條真係好好味呀, 如果大家去開試下, OK 架!!! 有時間我都會再去食架!!!

前2日同friend經過民泰街,見到間之前未見過ge食店,原來開佐冇耐.之後就入去睇下啦個老板好好人,出黎介紹d食物,原本剛剛食飯冇耐,唸住睇下但見個老板甘好,介紹得甘詳細,我就一於買個餐試下啦買佐瑞士雞翼,不過我+$7就有成個餐,有薯條,飲品d雞翼真係值得一贊,第一,唔熱氣,第二,好深味,又大只d薯條真係超正,夠脆,唔會太咸,d薯條好粗,正我就同個fd2個人食,真係好好味,下次一定試下其他先得一共$32,價錢都適中,一個餐已經食到飽啦其實我見到佢間食店真係比較多食物揀個老板真係好好人,同佢傾佐一陣下次一定再黎試下嫁

做野經過紅磡，發現此間新開熱狗店，點了辣肉醬熱狗和雞翼。熱狗腸用貴價貨，超值！辣肉醬是老闆娘自家製，非常惹味。老闆建議食洋蔥汁，下次試。雞翼夠大隻，不是大陸貨，外皮很脆，有很多醬可點，個人點了水牛城醬，有點辣，很開胃！總括而言，熱狗份量很夠，點一個set已夠飽，好味！