WIRED green (已結業)

同女性朋友見面吹水。緊係要搵間舒服又抵食既tea。我覺得唔算好抵。但可接受。大家都減緊肥，所以選左個沙津餐。諗住可以瘦d健康d。點知原來佢包埋個法式多士加雪糕，真係令我食指大動。真係好很好食。個法式多士熱騰騰再加上凍冰冰既雪糕。簡直係水乳交融！😋😋個沙津就普通到不值一提啦。（因為本小姐對沙津無特別喜好）

Lunch 唔知食乜好？就係公司附近周圍行下，睇下有乜好食？！就俾我發現到在K11 最低個層有好幾間餐廳！而我就入左呢一間食日本野的！呢到lunch set 都有好多好多選擇！搞到我乜都好想食下到最後我叫左個汁煮牛肉咖哩蛋包飯，仲有配埋一個迷你沙律跟餐還有麵豉湯，飲品！沙律配上胡麻醬，係開胃好味！麵豉湯味道唔會太咸，剛剛好至於蛋包飯，真心好味！蛋煮得好香滑肥牛再加上個咖哩汁，勁好味，份量都算多，好吸引！值得下次再來

有日行過有點餓，之前經過多次都見這家時常爆滿，今次竟然不用等，便二話不說入內，坐下來打開餐牌才知這家是日式餐廳。因為真係好餓，以秒速決定午市套餐，~自家製咖哩~店內標榜 “日本產米使用“G1 汁煮牛肉咖哩蛋包飯 ($95)全套上枱係咁樣嘅配有沙律一碟，及不過不失的麵豉湯主食的蛋包飯都可以，蛋好濕潤且有蛋香味，圓圓的米是我們熟悉的珍珠米，蛋包飯不錯食，但個牛肉就差d,我一心以為係牛肉在咖哩內煮，但牛肉上好乾淨，直頭係上枱前夾上去再冧咖哩汁，而且牛肉無牛味，雖然咖哩汁不錯，但牛肉沒一起煮就大大折扣了。

WIRED green也是我的日常飯堂,地鐵出口直達非常方便。是晚點了豬肉生姜燒定食。跟其他餐廳不同,此店的生姜燒加上大量蘑菇。對於我呢D一人生活,平時小食菜的人簡直係恩物。豚肉份量剛好餸完一碗白飯。再加上前菜味噌湯,完美地為今日的辛勞作一個完結。當然不小的我的最愛雖然當晚店員不足,但他們都很快及細心對應。加上店舖坐位寬闊,和旁邊的客人不會太近。可以一個人靜靜享受晚餐。推薦給一人飯的每一位!!!!

今日係K11搵食，見到尼間日式西餐廳，門外餐牌吸引，於是便進內一試叫了個雞堡鐵板，午餐仲包前菜、吞拿魚腩蓉、麵豉湯、一杯飲品，仲可以加$20要一杯抹茶軟雪糕，不過最後太飽無叫到！食物水準高，吞拿魚腩容新鮮，份量超多，一個人差d食唔哂餐廳環保舒適，坐位寬敞，服務員態度很好

唔記得係網上介紹定係雜誌見到，一個推介食唔同水果冰嘅特輯，見到呢間野嘅水果冰超吸引，即刻mark低去食！去到發現間餐廳原來唔係淨係食水果冰同甜品，係本身食日本菜嘅餐廳。但我哋都食飽飯先至去食，好彩佢個最低消費好似係一個甜品或者一杯野飲，於是我哋就照食啦🤤分別叫咗冰刨芒果特濃牛奶布甸同冰刨士多啤梨特濃牛奶布甸，本身都係得呢兩隻味嘅水果冰🍓🍋兩款刨冰都超級超級好食！佢嘅冰片係真係係一個生果嗰度刨出嚟嘅，每一啖都會有薄薄既果肉，加上淋想去嘅汁超級好食，完全唔係藥水味。最底層仲有個特濃牛奶布甸，牛奶味真係超重，一個刨冰嘅份量簡直可以當係正餐！超級推介俾咁多位朋友仔👯‍♂️👯❤️

今日同同事OT完就腳去左尖東站食飯，凍冰冰大家都想揾啖飽飯落肚，二話不說就衝左入無人等位既weird café，叫左個刺身飯。哩個飯無咩特別，勝在刺身分量ok 種類夠齊全，想食既帆立貝甜蝦章魚都有，食落頗新鮮。配菜都有兩款，夠曬送飯，個飯又夠大碗，我用9秒9既速度解決左個飯，飲翻碗熱既湯，夠曬滿足。 最後叫翻一個甜品獎勵自己，個綠茶新地偏甜，無咩綠茶味，反而隔離d紅豆甜豆漏，幾粒蒟蒻好硬，哩個甜品就一般。

聖誕假期，和女兒去尖沙咀逛逛街，吃吃東西。晚飯時段來到K11, 許多餐廳都要等位。但女兒說她已經很餓了，所以我們挑了ㄧ家不用等位的日本餐廳坐下。這間餐廳的裝修走的是簡單、整潔路線，沒有甚麼裝飾。打開餐牌，食物的價錢不算便宜，都是一般日式食物。如果食物質素好，貴一點也是值得的。點了一份燒安格斯肉眼定食和一客天婦羅烏冬。食物很快送上，賣相還可以。牛扒定食有湯，两款前菜和半塊安格斯肉眼扒。湯和两款前菜的味道普通，沒有甚麼特別。肉眼扒燒得還可以，一點也不韌。可惜沒有甚麼肉味，而聰明的廚師在燒肉的時候加了ㄧ點黑椒，所以吃起來味道還可以。而天婦羅的炸粉很薄，吃起來不會整口都是粉的感覺，但炸得不够脆，影響了囗感。而烏冬比平時吃的烏冬粗，有點依依韌韌的感覺。整體感覺只是一般。最後，我們點了一客抹茶雪糕做甜品。抹茶的味道十分濃郁，還帶點苦味。加了ㄧ點黑糖一起吃，苦澀中帶點甜，好像人生一樣。這間餐廳食物的整體感覺一般，如果價錢平宜一點，應該可以吸引更多的顧客。

到了午餐時間想不起應該吃什麼才好，剛巧經過K11，當時被”Wired green”的門口吸引了，沒有多想我便到此用膳。坐下後才發現這餐廳比我想像中還要大，座位非常舒適，還相當恬靜。看了一輪餐牌，看見他們有我喜歡吃的沙律午餐，所以我便點了吞拿魚腩碎沙律飯。點了餐不久，他們便呈上我點的凍檸茶。凍檸茶的茶味不算十分濃郁，但還可接受。雖然如此，我卻欣賞他們把糖水另上，那我便可以自行調校甜度。吞拿魚腩碎沙律飯再等一會兒，我的吞拿魚腩碎沙律飯已經到了。吞拿魚腩碎沙律飯套餐裏面，除了有沙律飯外，還有麵豉湯和薯仔沙律。麵豉湯的味道頗為濃郁，但又不會過鹹，味道相當不錯。而薯仔沙律的份量不算多，但薯味非常濃郁，而且口感非常creamy，甚得我的歡心。至於主角吞拿魚腩碎沙律飯，吞拿魚腩碎相當肥美，入口甘香，不過魚香味有點不夠濃郁。雖然如此，把吞拿魚腩碎、爽脆清甜的沙律菜、半生熟雞蛋和白飯一起吃就變得不一樣，味道討好又別有一番滋味!這裏坐得非常舒適之外，食物的味道和質素都相當不錯，服務亦見殷勤，只是價位略為貴了一點。

話說奶油包又要係年底清假所以就又係平日放下假休息下咁岩朋友佢搵到新工奶油包就係朋友簽好約後同佢TeaㅡTea平日既下午唔知點解都係好多人而朋友又未試過WIRED green所以奶油包就決定同佢試一試一去到門口就見到佢有Tea set又咁岩奶油包同朋友都好餓我地就叫左2個二文治Tea Set每個Tea都有一份三文治再加一杯牛油粟米同薯條另外仲有一杯餐飲奶油包就叫左個燒牛肉配薯仔蓉三文治上到枱奶油包覺得好感動份量唔細岩晒肚餓既奶油包而個燒牛肉味道唔錯係硬左少少而個薯仔蓉夠晒creamy好好食薯條方面係粗薯條但就冇咩味既好似冇落鹽但係點茄汁又覺得岩岩好係唔多夠熱其實真係唔錯既

I sat down with my husband and ordered 1st because I was so hungry. Lady asked me if I wanted salad or sushi and I said sushi. My husband ordered after, his came after 5 mins but was only lukewarm. I waited over 15 mins and asked them to rush my order. Another waiter said I never ordered, but didn’t even appologize for missing it in the first place. My noodle finally cane and it was not good at all. We also had to ask the waiter for our set menu drink 3 times. In general, service was bad, food w

有時候夜晚想食少少野但又唔想咁heavy,我多數都會食沙律.呢間日式餐廳有我好想食的豆腐沙律,朋友又可以食正餐,所以我地就選擇左佢雖然豆腐沙律份量唔算多,但因為豆腐有飽肚感,所以都填到肚,加上麻醬同豆腐係perfect match,所以好開胃~蔬菜爽口.不過我覺得少D三色椒多D生菜會開心D朋友叫左個低溫焗牛柳沙律.上面有粒吸睛溫泉蛋~~不過我覺得呢個沙律無豆腐沙律咁好食,牛柳乾身得濟,但靠溫泉蛋D汁略為不足,份量都太少如果想食飽D,呢個滑蛋蟹肉烏冬真係正.蛋夠滑,蟹肉無雪藏味亦唔係蟹柳o個D,撈勻食好似食緊湯麵咁,食極都好似未食完咁份量好夠食,烏冬都好彈牙,真係好值得試~~

早排星期六都要返工。有次在尖沙咀。午飯時間趕急，唯有去附近的K11醫肚。因為這間不用等位，我和同事就入去了。我有心理準備很貴。而當時銀包只有$100，心想要是不夠錢，唯有厚著臉皮問人借。所以當我見到這個最平的燒豚肉丼定食，$95，就決定要這個了。豚肉很稔有嚼勁又好有豚肉味。這碗飯最好味。味噌湯很咸，喝了少許就喝不下。這碟吃了也不知是什麼，爽口但無味，也不特別好吃。沙律不過不失。同事的拉麵餐，$95。她說味道不差。而最特別是那個腐皮壽司，外型和出面的完全不一樣。環境是一流，座位寛躺，要不是趕時間(下面的相都是我放工後走回來補拍的)，坐夠本都好。最後，兩個餐都有飲品，可要咖啡、日本茶或紅茶。另外要加一。

店內未有在明顯的地方張貼最低消費,而加字體亦十分之小,餐牌上亦沒有寫明有最低消費,原本只想吃那個芒果及士多啤梨的刨冰牛奶布甸,在點餐時才得知每人最少叫一樣食品,最後我們四人要被迫叫滿四樣食品。而且餐牌上的食物價格亦十分離地,餐牌亦只顯示一部分的食物,亦未見完整的餐牌。如在入店舖前得知最低消費為每人叫一項食品,一定會慎重考慮進不進入店舖,而且店內的員工態度欠佳,如果有得再選擇,一定不會再去嘗試。

今天突然想同老公試吓新嘢食, 平時好少去K11食野, 今次專登去這間Wired Green試試。最初以為是吃健康素食, 再看看餐牌, 原來係食日本菜, 老公看見十分開心(他最愛)於是就入去坐低試味。我們叫了明太子芝士玉子燒, 味道唔錯, 切開有芝士流出, 蛋香加芝士似流心蛋黃, 加上明太子感覺好有味道。然後到明太子白飯魚仔薄餅, 最初以為薄批pizza, 原來係ㄧ塊十分薄的薄脆, 很香口很脆雖然味道不是好突出, 但當前菜也ㄧ流,不過價錢略貴。再來Wired大阪燒, 味道不像平時食開的味道濃和多層次感, 不過我喜歡清淡味道。終於主角出場"鰻魚鑄鐵鍋細飯" 等了35分鐘左右啦! 它不像其他的鰻魚飯ㄧ般鹹和油, 只是加鰻魚醬汁撈飯。它是把鰻魚本身的油和汁渗入飯裡, 而它不是白飯底, 而時加了青豆, 蛋絲和櫻花蝦, 十分好味!最後甜品冰刨芒果特濃牛奶布甸,味道好清甜, 冰刨中帶有点芒果味, 再撈埋牛奶布甸, 甜味剛剛好, 老公食了4分3碟而抹茶軟雪糕配白玉紅豆是我叫的, 因為我喜歡抺茶的少許苦味再配紅豆, ㄧ流!整體食物質素幾好, 我估"Green"的意思是fresh, 少油少鹹和較健康食材。