WM Café & Bar (科學園) (已搬遷) 新店位置

食物質素中規中矩啦，價錢亦唔算平。 咖啡唔係太見得人，完全無拉花可言，四十幾蚊一杯口嚟講算係唔合格。甜品選擇大樣十款左右，價錢大幾60至80，無tea set，有啲貴。 不過科學園入面除咗starbucks之外又好似無乜地方可以飲水咖啡～勝在環境好同個view靚。Weekend對住條河high 個tea 都幾寫意。不過坐外邊好多蚊，坐坐下都頂唔順🤭🤭🤭兩點零鐘去到，人唔多，得一兩枱客，好靜好舒服。🤤

同朋友嚟食點左兩個餐一齊share，想試多d款嘢食，所以我哋揀咗一個意粉加一個pizza試下佢。海膽汁海蝦意大利粉：好失望，的確佢係冇花冇假有海膽，但係冇海膽汁，搞到成碟意粉好乾，好似炒意粉咁，明顯地餸同埋意粉分得好開。夏威夷風光薄餅：OK啦， 夠熱夠脆口，佢用咗新鮮菠蘿，加埋Parma ham，不過其實咁簡單嘅Pizza想整得難食都好難。最令我費解嘅係佢嘅咖啡奶係擺喺出邊自己依照自己斟，真係有一刻唔想倒落自己個杯度，因為唔知啲奶擺咗幾耐。

個tea set真係好抵食,食左個豬排包,加薯條,仲食左個pizza。個薯條即炸即上,一d都唔老,好中意粗既薯條。呢度有自助BAR,自己拎SAUCE,可以任加。個夏日pizza,有parma ham又有新鮮pineapple,個批底同其他地方既批有少少唔同,有特色呀。下午茶既份量唔太大,見佢咁抵,我一口氣叫左2個TEASET。冇諗過咁抵食。我叫左杯ICED CHOCOLATE,幾好飲。呢間鋪仲有我最中意既STILL WATER添呀!呢度上菜都幾快,係科學園食野好寫意。間店舖仲有好有綠色植物添呀!果度仲有超級大電視,一個人可以一路睇電視一路食野。間店有OUTDOOR,真係好好景! 一定會再黎呢間野,如果唔同區都有分店就好啦!

今日有公事所以去咗科學園， 因為工作嘅時間長所以喺科學園度食埋嘢，見到有 WM cafe ， 早幾個月前喺大埔都試過呢間餐廳， 當時食物質素唔錯，所以今次都喺度食。 另有戶外座位。下午時間有lunch set選擇午餐加10蚊有餐湯和多士， 是日餐湯係磨菇忌廉湯，個湯幾 creamy, 有菇香。意式香草雞肉扁意粉配料有蘆筍，車厘茄，雞肉 。意粉好香意大利香草醬既味(pesto sauce)， 幾清新。至尊蝦堡原本想試吉列豬扒漢堡， 但店員話吉列豬扒賣曬， 轉咗做蝦堡， 所以我都試下， 蝦堡係用咗三隻吉列炸蝦做成， 有少少千島醬，番茄，生菜。 吉列蝦炸得都幾脆，入面都幾爽口。 我係第一次食蝦堡， 感覺都幾特別。紐約芝士蛋糕跟餐加18蚊有是日甜品， 個蛋糕芝士味都幾重， 甜度都適中， 唔會好漏。

難得入來科學園工作，除了欣賞海景，感受涼風之外，順便也在這裡吃個下午茶，偷閒一下。於是，選了這間西餐廳，與幾位同事點了幾個下午茶餐一試。這裡的即磨咖啡十分香濃而不酸，加少少奶更加香滑，沒有加糖的必要。檸檬水也不苦澀。我們總共點了四個下午茶餐。意式茄汁手打肉丸: 是混合了豬肉和牛肉的肉丸，肉汁鮮嫩，配合蕃茄醬食更開胃。墨西哥烤玉米片配肉醬芝士: 玉米片十分香脆，配以芝士食更加惹味，叫人食不停口。燒烤醬雞翼配粗薯條: 雞翼大大隻，燒烤醬甜甜咸咸的，粗薯條不算香脆，但勝在薯仔味夠濃。英式提子鬆餅配忌廉果醬: 鬆餅每吃一口都有提子乾，很鬆軟，個人比較喜歡配果醬一起吃。

本身係點龍蝦意大利粉，可惜龍蝦賣晒轉做虎蝦。隻虎蝦燒得幾香而且都幾大隻幾多肉，不過個意大利粉就麻麻地無咩味。個肉眼反而幾好食，價錢唔貴但係幾大塊，雖然明明係點五成熟但係邊左做七成，但係食落都唔會過熟，肉質以cafe質素黎講都算係咁。因為個意粉食唔到龍蝦，所以個fd就點返個龍蝦湯補數😂 個湯飲落麻麻地，無好濃郁既龍蝦味，亦都唔夠creamy。

科學園係一個好舒服嘅地方，做到攰尼行一行好refreshing uWM cafe 好舒服，坐嘅位置，播嘅歌，成個氣氛都好relaxing佢特別推介係啲burger/ pizza，但本身有少少熱氣就無叫喇（見到隔離食burger好夠厚度亦都好足料！）最後叫左海膽汁海蝦意粉先上餐包同湯：細細杯咁，份量好適中，係超級足料嘅蘿蔔湯，每啖都有啲野咬下岩岩一上個意粉，我就諗點解個汁好似#404 not found嘅，一聞就發覺嘩 雖然無咩色但係勁香海膽汁味同埋中間其實都有仲有海蝦大大隻，彈牙又有鮮味，對於愛蝦一族嘅我真係岩哂呀！最後再食埋個甜品，尼個係店員介紹架Panna Cotta 意式奶凍好特別架，上面淋左啲橄欖油，食落去，非常滑，奶味好香，又唔會太重有啲蘇味，好岩！好滿意！

趁住禮拜六放假日，約埋朋友仔踩單車，真係好耐未試過喇，一踩踩到來科學園，醒起早排來科學園探朋友時嘅呢間Cafe，嗰一日顧住飲茶，話過下次試呢間㗎。穿過上面呢條綠色長廊就來到WM Cafe的門口入咗裡面，啲佈置都好有過年feel，而吃嘅方面都有唔少選擇於是我叫咗一個意式茄汁手打肉丸(牛肉及豬肉)意大利粉配熱甘菊茶意粉賣相唔差，6粒肉丸均勻擺位，而意粉上面嘅茄汁係新鲜蕃茄所造，上面有粒粒蕃茄加上芝士粉，啖啖滋味在心頭，意粉亦煙煙韌韌，絕對係正宗意大利煮法，肉丸因為手打緣故，够晒juice好吃。朋友喜歡漢堡包，佢叫嘅係巨量級安格斯牛肉(足八安士)芝士漢堡配美式粗薯條，送上來時是這樣的，首先薯條大大條，亦不會太燶，好新鮮。但為咗分享，於是切開一半，就見到漢堡包里的真章，大大二舊足料牛肉，仲有生菜，芝士，蕃茄，yammy.滿意的一餐，吃完繼續踩單車囉……

天氣涼涼地，最適宜去踏個單車，今日由沙田踏去大埔來回，回程時去到科學園附近，已差不多兩點，感到少少肚餓，所以決定係科學園食個午餐先，行下行下，去到W5區的企業廣場，都有好多間食肆，可能星期六的關係，大部份食肆唔算太多人，反而見到一間已經佈置左好有聖誕氣氛的餐廳，坐滿人，決定試呢間，地方唔算大，但有一邊係玻璃，自然光感覺舒服，餐廳係半自助型式，睇完餐牌，自行到收銀處落單，即時付款，就可以坐定定等服務員送餐去到你張枱，如果想要水同其他調味品，都係自己去取，我自己order安格斯牛肉芝士漢堡，凍泡沫咖啡，塊漢堡真係好厚，講明足八安士，唔錯，再配粗薯條，薯條外脆內軟，朋友就選擇海鮮忌廉墨汁意大利粉，凍朱古力咖啡，意粉好足料，有青口，蝦，魷魚，忌廉汁味道同意粉口感都好好，份量足，下次有機會再去, 一定再試其他口味意粉。

假日同朋友到科學園走走，順便發掘下園區內有咩隱世餐廳。行到科學園一期，見到呢間小Cafe都坐滿六成座位，睇埋餐牌都唔貴，於是就入左去試下👆🏻店內環境，行簡樸feel，坐得舒適其實差半個鐘就可以嗌下午茶(見menu好抵食），但我想食burger，所以都係嗌番lunch set。野食上得好快，朋友order左呢個意式香草雞肉扁意粉。聞落好香香草同芝士味，雞肉都夠嫩滑，配埋蕃茄仔同蘆筍，一啲都唔漏個意粉本身都唔會太多油，係幾輕盈之選我就嗌左烤大啡菇素菜芝士burger配厚砌薯條。特登揀素菜咁就無咁heavy!個包烘過,所以個面都幾脆。大啡菇亦夠juicy。厚砌薯條都唔錯，熱辣辣夠脆，好夠厚食完好夠飽茄汁/其他調味料都可以自助式喺旁邊醬料bar度拎本身以為科學園呢啲咁偏又無咩餐廳咁嘅地方食野一定會好貴，不過好好彩揾到呢度每人七十零蚊咋，都幾合理

剛剛上星期工作忙到有氣無頂抖@@，一到放假周末時間，好想搵D靜靜地又少人嘅地方食返個tea享受一下！我今次約左一個好耐無見朋友喺科學園見面，等待其間發現依間餐廳，可以靜靜地傾下計。餐廳外觀佈置有好多綠色植物，感覺好舒服！而坐位很多，感覺很包場哈哈！環境開揚寬落！相當不錯：）睇下有咩食先下午茶選擇都有幾多款～供應時間由3pm 至7pm 都算耐👍🏻我地叫左唔夠二十五分鐘，食物已經ready好送到。我叫左一個T9黑松露烤菇薄餅$62雖然pizza望落簿身，但冇諗到黑松露同芝士都好夠味，幾足料。而我朋友就叫左T5煙三文魚牛油果牛角酥配粗薯條$38賣相不錯！朋友話喜歡牛角酥餡裏有一片片牛油果肉而不是醬蓉感覺！而薯條本身唔算冧，炸出黎熱度剛剛好。我都食左一半，又幾好食喎，酥皮都幾香。當然喺好心情底下，我地再追加兩個是日甜品🍮各$款25芝士蛋糕同雲呢拿布丁，芝士蛋糕望落好厚實，入口即溶，食落啖啖芝士清香，而布丁味道奶滑香濃，唔算太甜，我地整體都好滿意甜品水準。飲品我地叫左檸檬茶，當中加了青檸，飲落去幾清新唔太甜另一杯伯爵茶也不過不失

不講真係唔知原來科學園都有正嘢食，環境係比較開揚，好有外國嘅感覺，踏單車中途黎食係一流嘅。海鮮忌廉墨汁意大利粉，意粉以墨汁製成，醬汁底係白汁，鍾意呢種配搭多D，因為唔會整黑D牙，每樣配料都食得出原味。豪華英式全日早餐，相當豐富呢，一上檯就聞到好香嘅黑松露味，牛角包新鮮熱辣，十分酥脆，大滿足～～凱撒沙律配巴馬火腿，個醬汁唔會掩蓋左個沙律嘅味道，剛剛好呢，菜都夠哂新鮮！青檸薄荷梳打，好好飲，夠凍又夠FRESH最後仲整左個甜品，New York cheesecake,好滿足

工作了一星期，想離開繁忙的市區，呼吸一下新鮮的空氣，於是約了朋友去大埔踏單車，來到科學園的時候，正好午膳時間，看了好幾間餐廳，價位都比較高，行到WM Cafe 門口，見到裡面食客的食物賣相不錯，而價錢又合理，於是入去試一試。它的午市選擇有意粉、漢堡、沙律、薄餅共十四款，如果嫌不夠食可加十元有餐湯和加十八元有甜品，最後點了蜜糖芥末煙火腿薄餅和安格斯牛肉芝士漢堡加餐湯和甜品。是日餐湯為磨茹湯，菇味濃郁，很多材料，飲完湯便上主菜，蜜糖芥末煙火腿薄餅size 大概十吋，為薄身薄餅，上面鋪滿濃濃的芝士，芝味十足，而漢堡size極大，漢堡肉煎得恰到好處，能保持裡面的肉汁，蕃茄和生菜都新鮮，口口鮮味，一個包已令人食得飽飽，但更飽都要吃最後的甜品，當日的選擇有意大利芝士蛋糕和紐約芝士蛋糕，兩者之中選了紐約芝士蛋糕，味道不錯，令整個午餐劃上完美的句號。

襯住放假天氣好就同男朋友入下科學園拍下拖，果到環境好又唔洗同人逼，假期都幾多人踩完單車入黎食下野。行到4點幾見餓餓地就搵左間西餐試，見佢下午茶都好多款式，價錢又唔貴。而且佢既裝修令人好舒服，門口擺左啲盆栽同小樹木，配襯埋木色傢私，就算係室內都猶如置身大自然咁。其實佢都有戶外位揀，不過我地怕熱就冇坐出去。呢部超大電視機好吸睛，無論你坐到幾遠都睇到，好正！電視機下面係醬料自助區，想要幾多醬就擠幾多，都幾齊備，水都可以自由斟。平時餐廳啲自助區域都會好亂好污糟，搞到我唔敢掂，啲樽會痴笠笠，但呢到擺放整齊之餘，仲好乾淨，可以令客人放心使用。下午茶時段會有啲小食、包、pizza既餐揀。樣樣都覺得好吸引既情況底下，我地最後叫左三個餐食呢到除左一般奶茶咖啡之外，仲有果汁、花茶呢啲清新飲品，什至乎連酒都有，搞到我眼花撩亂。我地決定食秘制豬扒包配粗薯條（$45）+凍奶茶（$4）煙三文魚牛油果牛角蘇配粗薯條（$38）+熱朱古力（$4）黑松露烤菇薄餅（$62）+凍朱古力（$6）餐牌寫住豬扒包係秘制又係廚師推介咁就試下啦。包黎到既時候已經聞到一陣燒烤既香味，包係用軟豬仔，非常之軟熟。塊豬扒望落好厚，以為會好硬咬

秋風起，又係去郊外休閒過一日嘅好時機🍃今日天氣超級舒服☀️，有陽光得來又好大風，於是同朋友去咗科學園踩單車，睇吓圖書，周圍行下行都有啲餓，就周圍睇吓有咩食😋行過見到呢間Cafe，最鍾意佢有户外嘅位置🌾，而且西餐來講，每一個都係$70左右，加$10仲可以配埋餐湯多士，加多$18仲有埋甜品添😍係呢個環境之下，睇吓書，真係好寫意最後我叫咗個安格斯牛漢堡嗰塊牛真係好大塊，好足料，而且有我最鍾意嘅食嘅粗薯條😍食完真係好滿足另外一定要一讚嘅，就係佢個餐湯，冇諗到個餐湯咁高質素，一粒粒嘅蘑菇，一塊塊嘅洋蔥，全部食到出嚟，好有口感，大贊👍🏻👍🏻另外，都好鍾意食佢個cheese cake, 濃郁嘅芝士味😋😋