WM Café & Bar (科學園) (已搬遷) 新店位置

西式休閑必選餐廳周末揸車去科學園拍拖，行吓海邊，散下步，見有幾間食店，於是去試吓，選了一間西式餐廳，竟然又有驚喜喎！你間餐廳有漢堡包，意粉，薄餅，等等西式食物，我同朋友每樣都叫一份，實在太肚餓了，哈！首先食咗黑松露烤蘑菇薄餅，面頭仲有一層芝士，喺熱嘅時候就最啱食，黑松露好香，流晒口水，配合烤蘑菇，配合得好好，而且份量都唔少，絕對係必食之選。另外食咗個超級厚嘅漢堡包，配合我最鍾意嘅粗薯條，漢堡包入邊塊牛肉非常之厚，睇得出餐廳好落本，成本應該唔係，係我食過最好厚嘅牛肉漢堡包，當然內裏亦都好有肉汁，而且醬汁可以自由自己添加，好隨意，好寫意，環境亦都好好，好享受。食西餐當然點少得杯咖啡，花多眼亂，因為有好多選擇，最後都係選返自己鍾意嘅鮮牛奶咖啡，咖啡味好香，牛奶分類也落得啱啱好，我選擇咗杯熱咖啡，晏晝飲一杯真係好正！整體來講我好滿意，價錢又唔貴，環境好好，選擇西式嘅食物都唔少，閑情逸致去就最啱啦。

WM Cafe 剛開張嘅時候，基本上喺正常午飯時間係食唔到Burgers，之後應該係太大需求，多咗入貨先試到。雖然WM cafe 比附近其他餐廳嘅午餐貴咗少少，但係佢嘅餐都算係獨家。必試當然係安格斯牛肉芝士漢堡，好厚身好juicy ，但係生菜唔係太新鮮，芝士亦都可以再多啲。另外，佢配嘅粗薯條就真係唔多新鮮，太淋，而份量都好少。大烤茹素菜芝士漢堡都同牛肉一樣，個主菜「菇」都係好入味，如果其他配菜更新鮮就更好。

今日係沙田科學園果邊參加完Kuma Fun Run 2017，唸住係附近搵d嘢食，入左嚟依間cafe醫肚。好明顯跑完步嘅我地係真係好肚餓，兩個人嗌左三個餐，水準都幾好！第一個就係芝士黑松露蘑菇pizza，睇下幅相就知d芝士都幾足，配埋黑松露濃郁嘅香味，補充翻曬跑步消耗嘅體力！個人都係偏好薄皮pizza，依個pizza烤得夠脆夠薄，都幾滿意。第二個餐就係安格斯牛漢堡，個餐配左粗薯條，正常情況下嘅份量已經係絕對足夠！層安格斯牛排都幾厚下，要將個漢堡切成四份嚟食，再配d番茄醬就好完美啦～最後就係帶子意粉啦。雖然佢嘅賣相一般，但食落都ok㗎。

我一向都有跑一些公路賽事，剛剛在科學園跑完玩完~~於是和朋友一同來品嚐一個下午茶，吹吹水咁啦~~一向以來，都認為科學園的食物或餐廳都很貴...原來只是沒有太尋找。在門外見到，餐牌中的下午茶都不算貴，所以我們都進去了。 下午茶一個餐跟一個飲品！有自助的調味料區和水區，其實方便客人。 餐廳有室外的枱~但當日太大風了！所以我們轉戰室內好了~~首先來個迷你煙三文魚pizza！芝士味香，入味，而且pizza底很香口，脆，很好味哦~~ 意式茄汁肉丸意大利粉~~這個味道不錯。不算太汁感，但又有足夠的茄汁味。肉丸很彈很有口感~~似"宜家"果D，自是配另一種吃法。 魚手指粗薯條！魚手指好好味~~魚肉很滑，很滑！沒有冷藏的味~~~很好吃！薯條的薯肉很多，不是空心的！正！ 黑松露芝士薯條！嗯~~~這個呢....我覺得黑松露味不太突出，最少我品嚐不出哦！ 但整體是不錯~~ 最後我忍不住~~自己叫了一個cake~~呵呵！當讚一下自己完成了兩場賽事！！ 這間不錯~~休閒的過不錯！

呢間好大好開揚 勁休閒既感覺 好舒服呢個地方都好大間 有室內同室外野食既種類都好多 好特別 我見佢都係食西餐 但係價錢好低 我加錢要埋呢個湯 真係好正 勁香既菇菇味 又唔漏我朋友就叫左個漢堡食 好吸引 佢話好食過m記多多聲 我就係咁偷食佢既薯條 好厚身 好好食 啖啖薯容既感覺我呢個係黑松露pizza 佢勁多芝士 勁香 勁好食 又勁多菇菇 呢個真係值得推介 試埋佢既意大利奶凍 呢個又係好出色 好香好滑 仲帶有小小簿何既清新 同一般出面甜品鋪食既差好遠 女士必食

今天和一位朋友到了沙田科學園「WM Cafe  & Bar」嘆茶。星期六下午的科學園環境清幽，而食店亦覺寧靜，適合優閒人士。我們先叫了一個「吞拿魚粟米沙律焗薯」和一份「巨量級安格斯牛肉芝士漢堡配美式粗薯條」。「焗薯」份量比想像中的大。吞拿魚微鹹，配合金黃色的粟米粒和清涼的沙律，入口已是開胃，與熟稔的薯肉夾起來，味道更加鹹香可口。「漢堡」即叫即做，飽暖烘烘，安格斯牛肉煎得軟稔濕潤而多汁，口感豐富，裏面配上芝士、蕃茄和生菜，剛好化解牛肉的豐腴。「巨量級」名副其實，適合二人分享。無論佐以檸檬水或咖啡，都是非常滋味無窮。胃口大開之餘，我們還品嚐一份「英式提子鬆餅」。英式風味十足，鬆餅夾雜提子，香甜鬆軟，叫人感到幸福滿瀉。這個下午就如此優閒地度過。

餐廳係科學園，環境覺得好舒適，座位室內外都有。係戶外坐可以對住花花草草呼吸新鮮空氣。Menu，嘢食選擇都好多嘢食非常吸引。點餐就係出邊自己叫，點餐處上面都係有menu有啲飲品就係飲品櫃自取，依度仲有唔同款嘅生果賣！熱狗🌭️配菜有好多，生菜好新鮮，蕃茄比較酸，熱狗腸非常多汁，麵包軟熟。黑松露芝士薯條，薯條選用粗薯條，外層脆卜卜，內裏薯仔蓉多，黑松露味好出而冊少少已經食到濃濃嘅松露味，芝士味都好香，芝士有拉絲，芝士味唔會被黑松露完全覆蓋，比例上黑松露味較重。熱朱古力面層好多奶泡，入口奶泡細滑，朱古力咪濃郁。

開始轉季喇，天氣開始變得好舒服成日好想搵一啲戶外嘅地方帶埋亞女一齊去玩，等佢放下電～朋友就推介去科學園因為有好大片空地可以踩下車，同埋好多家庭星期六日都會去玩今日趁好天有太陽又好涼爽，就入咗去科學園玩到咁上下去到一間入面坐到爆曬棚嘅餐廳～但係我哋選擇唔等入邊坐咗喺出邊嘅戶外貪佢有陽光曬下咁呢度嘅套餐都十分相宜，而且份量都好大份一坐低呀女就要飲蘋果汁呢度嘅蘋果汁係鮮榨嘅，所以好放心比佢飲！唔怕好似出邊嗰啲咁加工加糖分Parma ham pizza 🍕 好大份，兩個人食都夠！ 芝士係拉絲嗰種～可以拉到好長好長！另外仲有菠蘿，雖然配料好簡單，但係味道好夾好開胃！甜品揀咗自家製嘅奶凍～原來呢度嘅奶凍好出名！！！係大廚跟米之蓮師傅學嘅佢哋用果種牛奶整出嚟嘅奶凍係超！級！滑！同埋奶味好香，入邊真係有香草葉～而olive oil 就可以令到個奶凍味道更有提升同埋食落更加滑溜！ 每日限量供應，賣晒就無喇 ！ 食完野玩完，泊車仲有優惠！ 超級推薦！

咁岩放假，相約朋友去科學園行下。11:30左右，朋友已說肚餓要早點食午餐！見到呢間餐廳好像新開就試下。好在我們早d食，晏少少位都無了！環境吾錯，有露天位，個人喜愛室內多d,感覺好舒服。我們點了意大利闊麵加店家人氣Burger一齊share!嚟到時，嘩😱個Burger 好大，好足料呀⋯⋯8両一定有，好彩share,如果吾係都吾知點食，女仕一個人應該食吾哂一份🤣！整體來說味道ok, 好過好多餐廳！闊麵夠creamy 但吾太（溜），Burger 有肉汁吾會乾，仲有粗薯條添。不過我們食得有d倫盡。以這價錢來說，性價比較高👍本身想試埋咖啡，但真的太飽了，最終點了熱檸水幫助消化下！下次有機會再試......

今早約了朋友到科學園聽講座，九點就相約沙田站一起坐27號小巴前往，路程不太遠很快便到達，落車行2分鐘便到達餐廳，可能時間尚早店內都沒有客人，只有我們一枱客。點餐要到收銀處先付款，取號碼牌後會送餐。五香肉丁,炒蛋加出前一丁麵，味道同茶餐廳一樣，無難度應該不會失手吧！牛角酥熱辣辣味道OK蕃茄濃湯比較酸了一些Mocha, Cappuccino都水準OK ，套餐轉飲加$5，不過打單收了加$8，幸好我睇單後發現收多了錢，餐廳都有退回錢給我，所以要小心睇單。

到科學園一遊其實係要同個朋友交收就借機早一點出門坐一下享受一下獨處既時光去了WM CAFE信義妹係避開了放午飯時間所以有大把位俾我揀呢~~餐廳裝修色調和諧有大電視播小新朋友話唔係成日有小新睇好耐都無睇蠟筆小新啦~都唔錯喎坐位相距不算遠在可接受程度講番食先午餐都有不少選擇有辣有唔辣 選了香蒜蜆肉意粉 $65蜆肉多，無沙味淡，唔太鹹蒜味濃，如果怕有口氣既朋友要注意啦~~意粉軟硬度適中唔太淋 整體味道，鹹度適中，蒜香味濃略乾身份量比較少飲品選了熱檸水無咩特別，正常~~下次要試下巨BURGER很多人都點啊!地址: 沙田白石角香港科學園一期科技大道西5號企業廣場地下S019號舖

星期一冇帶飯，就相約同事去呢間新開餐廳。都好迫人.....可能我地係12:30 最忙時段...🙈和同事一行兩人叫了二個lunch set share!叫了安格斯芝士牛肉漢堡及香蒜莧肉意粉。塊肉太大件了......太over 仲以為据緊扒，肉質還算可以，不過個人喜歡比較生少少，但師傅做到全熟，可能衛生問題，可能我係女仔關係....如果唔係跟同事share真係冇可能食得曬😱😱! 香蒜莧肉意粉，莧肉超多，不過唔夠乾身，但意粉用料食得出靚野！同一般餐廳嘅撈汁意粉截然不同.....

星期日是例必郊遊的時候，今天都沒有例外。心血來潮，去了一轉沙螺洞，順道找尋一下蜻蜒的足跡。全程找不到半隻蜻蜓，忽然風雲變色，雷雨交加，唯有折返，路過科學園，找個地方搵食去也！三人行共點了三個午餐：白酒汁扒帶子意大利粉、安格斯牛肉芝士漢堡和夏威夷風光薄餅，另加$10是日餐湯及法式多士。白酒汁扒帶子意粉，白酒汁清淡，帶子嫩滑，吃完整碟都不覺heavy安格斯牛肉芝士漢堡只需$68，便有大大球牛肉漢堡，認真抵食，牛肉味濃有咬口，兩塊麵包烘得香脆，配上洋蔥，番茄等，好味，環顧四週，起碼有四五枱客人都點了這個漢堡，認真識貨夏威夷風光薄餅，是脆脆的薄批底，有帕爾瑪火腿片…菠蘿…不甜不膩，都好和味店內有醬汁自助區，如果需要碗筷，清水等，都可以自行解決。又到甜品時刻，點了這個自家製香草奶凍配橄欖油，聽說是該店得奬作品，奶凍不只奶味香濃，甜而不膩，還有陣陣的basil 味，好特別而且齒頰留香，不愧是攞獎之作，大家有機會可以試試星期日來這裡，不用等位，又環境清幽，又有免費泊車，車位充足，食飽後又可以出去沿著海邊行行，遠眺大埔船灣淡水湖的美麗景色，一樂也！

連續兩天在沙田科學園參另智慧城市講座，當然就幫襯吓𥚃面的食肆。第一天未到八点已入到科學園，寧靜舒適，可惜找不到在湖邊吃早餐的地方，只好来到这家新店。本個熱香餅炒蛋牛油粟米配即磨咖啡。一看份量少得可憐。蛋炒得夠滑，可惜完全沒有蛋嘅香味。栗米只能說一句乏善可陳！兩塊熱香餅就是兩塊煱個的麵團，不夠鬆軟。配上普通牛油和蜜糖，當然就沒有期望！最後果杯即磨咖啡，淡而無味！而價錢跟尖沙嘴和铜鑼灣一樣水平，並不平宜！

聽朋友介紹呢間餐廳好出名巨量級牛肉芝士漢堡，經常唔洗一個鐘就賣晒，連搶既機會都無，我足足去左3日先買到呢個聞名不如見面既漢堡不過一見到個漢堡真係勁大份，仲要舊牛肉係實心肉黎，一咬落去勁多肉汁真係大件又抵食，因為食完會飽到連下一餐都唔洗食🤣仲要有埋指定飲品同粗薯條，好正啊真心推薦大家去試下不過佢地每一日都係限量發售，想食就要準時到啦，或者叫外賣啦🤔，因為日日都好多人排隊🤦🏻‍♀️呢個餐對男仔黎講絕對係滿足到佢地既食量，對女仔黎講就可能要同人share la 另外呢間餐廳係自助形式既，想要咩醬啊，紙巾啊，都可以自己拎，唔洗收加一之餘又自由啲