WM Café & Bar (科學園) (已搬遷) 新店位置

今個星期三將會禁止所有堂食，一齊留在家中抗疫。所以諗住抗疫前最後一吃😹今日嚟到科學園踩單車，可能係平日唔係太多人。只係有啲肚餓唔想食個T，科學園嘅餐廳周圍都好Chill! 好多餐廳都有戶外，或者室內。大熱天時，我當然prefer返室內入到去比餐廳嘅超巨大電視吸引，咁岩播緊政府嘅即時新聞。入邊嘅下午茶套餐全部都好抵食，因為我哋肚餓所以老公帶咗個安格斯漢堡蘑菇配薯條，我就要全日All day breakfast! 估唔到咁平嘅價錢份量都幾多，樣樣都有啲有蘑菇啦粟米啦香腸啦仲有個黑松露滑蛋。 老公嘅漢堡包入邊有厚厚嘅安格斯牛肉，分量合適，而且薯條夠熱亦都夠香脆。見到佢個自家製蘋果批好平，但係已經太飽啦！希望下次可以試吓！

🌟 【休閒午餐】 WM 科學園🌟👍 去完馬鞍山今日encore科學園今日試咗：🍅 意式香草茄子雜菜茄蓉扁意粉🍔 美式BBQ手撕豬菠蘿芝士漢堡配薯條意粉香草味十足，配茄子雜菜，清新健康，充滿蕃茄味，意粉本身是一樣澱粉質很高的食材，配足夠的蔬菜令整體感覺得到平衡，食完也不會滯。漢堡包分量十足，手撕豬配上美式燒烤醬味道恰到好處，沒有其他地方那麼咸，加上菠蘿清新嘅感覺和新鮮烤好的麵包，口感恰到好處。薯條新鮮炸起，香脆可口。餐廳環境闊落，乾淨衛生，服務員態度專業，午餐唔錯嘅推介。 ☑️ 食物整體不太咸，感覺沒有加味精。️ ☑️ 午餐亦提供多款選擇。

今日難得去左科學園， 平時都係黎跑步多， 今日就帶埋屋企人黎行下食下嘢， 一心都係揾西餐食， 所以行左一陣就見到lee間WM, 門面舒服， 裝修簡單去到我地叫左3 個主食， 及一個小食，先講第一個主食， 北海道3.6牛乳温泉蛋黑松露卡邦尼意粉， 黑松露好香， 温泉蛋剛剛好， 意粉份量亦足， 另一主食係美式BBQ烤手撕豬菠蘿芝士漢堡配薯條， 這個有驚喜， 一直都中意漢堡配菠蘿， 估唔到手撕豬加BBQ醬係夾既， 不過大家食時就預d豬會好易跌出黎， 因為佢都比得幾足料， 好食好食, 最後一個主食係巴拿馬火腿芝士薄餅， 雖然薄餅睇得出唔係手製， 不過巴拿馬火腿比得好足， 抵食返哂， 最後仲有個芝士薯條， $48 大大碟好抵食， 加上內在有個醬料bar, 任拎芝士粉同茄汁等， 絕對係平民版西式午餐天堂

這個天使麵，淋到像糊仔。跟馬鞍山及大埔水準差太遠，後悔選了這間店員服務態度差，趕客似的。衞生環境很一般，各位來這間要三思。整體來講這是一次很差的餐飲體驗，不會再來。

同家人、小朋友遊科學園，原來有咁多唔同的食肆，見有點肚餓，就揀左間門口幾靚的WM cafe & bar試下。店內、外加埋都算多座位，不過店內近另一出口的位置放左唔少貨物/雜物，頗影響觀感。有大電視在牆上面，下方有放調味料、牛奶（for 咖啡，不過點解唔洗雪？）、餐具、碗碟（有膠碗碟，呢個算細心）的自助區。仲貼左張紙話因為疫情，所以唔供應熱水、凍水，貼多張水機藏菌的報導，不過其實唔關事，你要供應實俾到。睇下食物方面：北海道3.6牛乳溫泉蛋黑松露卡邦尼意粉：名字很吸引，賣相卻不吸引，溫泉蛋的擺盤，同我自己整差唔多。碟意粉份量很少，味道一般。美式BBQ手撕豬菠蘿芝士漢堡：都係個名吸引，一來到，食落口，手撕豬的肉質麻麻，菠蘿似罐頭（唔知係唔係），感覺失望。巴馬火腿芝士薄餅：評語是我哋自己都整到，唯一好的是份量比想像中大。芝士薯條：薯條炸得唔錯，芝士味都尚可。總體感覺：食物名字改得吸引，食物麻麻，價錢唔算實惠，$288。

《呢間餐廳下午茶都幾多選擇》有唔同口味嘅熱狗，有窩夫，有pizza 等等。因為唔算肚餓嘅關係，所以我同朋友都分別叫左手工蘋果批($28)同熱matcha latte($24)。《間餐廳平日下午茶時段並唔多人》所以唔洗等位，啲野食野飲都好快就送到， 蘋果批唔太甜同埋有好多餡，岩晒我呢啲唔鍾意好甜嘅人。《matcha latte》另外呢度嘅matcha latte 原本係會溝左espresso，但我揀左走espresso，杯野飲一望落已經有好多抺茶粉喺上面，一入口就有好濃郁嘅抺茶味。總括而言， 餐廳下午茶嘅性價比都唔錯。

因為朋友近排搬左去科學園附近，今日去housewarmings 完佢之後，打算去附近嘅科學園行下🌱其實科學園環境好好，所以都好多爸爸媽媽帶埋小朋友黎跑跑跳跳同踩單車🚴不過我呢d怕熱嘅就梗係搵個有冷氣嘅地方同太陽伯伯講聲 bye bye 先啦🤣🤣因為冇乜目標，係最近金蛋個座d餐廳好多人 ，穿過左之後，見到有間cafe，所以就入去坐下食個 late lunch 🍴 係cashier order 完之後就拎個牌返埋位，店員就會送上食物，sauce bar係出面自己拎WM安格斯牛肉燒汁雜菇芝士漢堡配薯條🍔🍟個burger 上枱個陣漲卜卜，中間舊牛肉都幾厚，雖然冇好似d貴餐廳有得揀幾成熟，但望落都好juicy！加埋蕃茄、洋蔥同半溶嘅芝士，感覺有少少似”足三両”😛漢堡包有搽牛油同烘過，食落好脆同好香，安格斯牛肉味濃，熟成度剛好，配雜菇汁令到整體感覺更rich 👍牛肝菌汁牛柳粒焗意粉🍝因為見到每日限量供應，所以就叫黎試下，本身好中意食牛肝菌，加意粉無得輸，牛柳粒唔會太瘦，份量唔少，都有一塊細牛扒咁大，食落好似有少少美極味🤪同漢堡一樣，個牛都處理得幾好，仲係軟滑跟餐加咗$20以下嘢飲品凍檸茶加$4Me

放假梗係要同老媽子出下街食下好野又唔想去大商場 揸車去遠少少岩岩撞正lunch同tea time 梗係樣樣都嗌啦忌廉菠菜煙三文魚菠菜闊條麵 $58綠色嘅菠菜闊條麵睇落好健康 都幾好食 都有幾多煙三文魚 入面仲有菇同芝士 不錯個汁可以再多啲👍🏽👍🏽英式炸魚薯條配他他醬 $46即叫即炸 上枱熱辣辣 佢個炸魚都幾多絕對推介要食呢個 佢個炸魚唔係普通冰鮮魚柳 一啲雪味都冇 超級好食 有驚喜加左錢要左3件cake 佢啲cake係自家製 好有誠意值得一試 有藍莓芝士蛋糕 朱古力蛋糕 檸檬蛋糕 唔會太甜 兩個人都係食左百零蚊 抵👍🏽👍🏽

食過翻尋味指數：🌕🌕🌕🌕🌗平時係科學園時不時都會食哩間wm cafe，大埔同馬鞍山都有，終於有心機寫返篇食評推薦下大家！我最鍾意食哩間嘅漢堡burger同埋薄餅pizza，lunch時段有套餐可揀。套餐有番茄湯同一杯野飲，我覺得哩間D奶茶咖啡算係哩附近唔錯嘅！薯條係粗薯，中間鬆軟而且份量好大，我哩個大食人士都差D食唔曬！上下飽都有芝麻而且好脆身，料非常足，啖啖滋味，仲有爆汁嘅感覺，好滿足。一個餐都係維到76蚊，平時想嘆下burger哩度真係唔錯嘅選擇。我鍾意哩度D位安排得比較鬆動，距離都控制得唔錯，坐得舒服D，尤其近排疫症嚴重，餐廳距離真係好重要！餐牌都唔算貴，平時係科學園返工嘅朋友可以過黎食。外賣仲有45蚊餐嘅優惠！

今日熱史熱熱仲要死返入科學園做野，做到史滾，要同同事揾個有酒飲既地方坐低吹下水平行心理。來既次數唔多，行行下就發現左依間野，見都幾多人幫親，同仲有最後兩個位就即刻拍板坐低。坐低叫左兩支1664吹左陣之後都係覺得餓餓地要叫d 野食，見有咁多唔同漢堡包選擇，就是旦選左兩個。一個係炸雞烤雞包，一個係素食，啡菇牛油果包。兩個都配薯條。依個係啡菇牛油果。依個係炸雞烤雞。咁同個同事一人一半，兩隻味試晒。喂！幾好食喎！個雙雞一野咬落去又有炸雞既香，又有烤雞既嫩！再加埋個蕃茄清一清個油膩感，掂！個啡茹包個樣成個36，24，36既美女咁款，食落有啡茹既鮮同牛油果既香，又掂！依兩個包既皮，唔係就咁無加工夾上去，係加左牛油去烘，內脆外弱，淨食個包皮都覺得有滿足感！再加上粗到喊薯條，正！（不過如果多幾條會再開心D)埋單二百幾有酒有野食，係科學園依個鬼地方算過得去。講完。平行完心理，無咩事我返去做野先啦。

原來科學園有分店架，踩單車踩到累去食啲嘢先，呢到竟然有間WM cafe 😍晤洗唸，平民西餐即刻衝去食💛BBQ烤手撕豬菠蘿芝士漢堡配薯條$72 今次叫左個美式BBQ烤手撕豬菠蘿芝士漢堡配薯條🍟好好食牙，好好食牙，真係好好食，好食要講三次，首先個包外脆內軟，個手撕豬好淋，晤硬，BBQ醬好入味，襯埋成塊菠蘿同芝士，成件事夾晒，我一定會再食😍😍薯條係波浪紋嘅，夠晒脆口💛香草牛肝菌汁芝士焗雞扒意粉$56原來係限量架成塊芝士撻上雞扒到，鐘意食芝士嘅一定好開心，同牛肝菌汁又好夾可能係weekend 關係，晤係好多人，所以先晤洗等位，出餐好快，如果踩單車路經科學園，可以入黎試下，外面又可以擺單車，重點係平民價錢，西餐享受🤗WM Café & Bar (沙田)沙田白石角香港科學園一期科技大道西5號企業廣場地下S019號鋪

今日實在太好天, 約左朋友去踩單車, 由沙田踩去大埔。沿途經過科學園, 就入去行下同埋搵野食。話說科學園開左咁耐, 好似都冇來過, 都唔知有乜食。行行下見到有間食CAFE既就入左去。價錢同出面差唔多, $5X ~ $8X, 分別叫左all day breakfast 同 肉丸肉醬意粉。肉丸肉醬意粉有好多肉丸, 男仔食都夠飽, 好重蕃茄味道, 意粉煮得爽口唔會太淋, 做得唔錯。all day breakfast 就做得普普通通, 唯一做得好既係炒蛋上有黑松露。另外, 跟2杯餐飲。有得揀果汁, 對踩單車既人來講好適合。想講一下, 科學園既餐廳好多都係開放式, 個樓底好高, 亦有好多自然光, 個環境好舒服。

平時成日喺市區行商場，今日見幾好天，就同朋友黎科學園行下望下海，見到呢間西餐感覺幾悠閒，價錢又唔貴，就揀咗喺度醫醫肚。同朋友點咗兩個lunch set share一齊食。北海道3.6牛乳溫泉蛋黑松露卡邦尼意粉意粉賣相好吸引，忌廉蛋汁香濃creamy，加上黑松露嘅獨特香味，沾滿每一條意粉。我再加咗芝士粉同黑胡椒，令味道更豐富。WM安格斯牛肉燒汁雜菇芝士漢堡配薯條選擇咗經典嘅牛肉漢堡，芝士，牛肉，番茄，生菜永遠係不敗嘅配搭，再配上燒汁非常滋味。薯條係粗身嘅，新鮮炸起，外面香脆，裡面薯蓉軟棉意式炸雞翼加$16有三隻雞翼，加咗香草同檸檬海鹽，味道幾清新。

今日同朋友去科學園食嘢，見時間幾鬆動，所以行入少少，試下呢間西餐廳，見到有室外同室內位坐，秋涼想chill嘅話可以坐出面，好多位可以坐。而我哋揀咗坐室內，一入餐廳就見到大大個螢幕播電視，實唔會眼花睇唔清楚啲節目啦。餐牌都算多選擇，有意粉或者漢堡包，諗唔到嘅話，食all-day breakfast，或者佢限量推出嘅set 都仲得。佢每個餐都會送是日餐湯，今日嚟嘅係蕃茄湯，都幾香蕃茄味，不過係用杯上湯，而且裝得只有杯嘅一半，就有啲失色啦。煙三文魚菠菜闊條麵嘅煙三文魚都幾足料，闊條麵係真係由菠菜整，另外再mix菠菜，真材實料，感覺幾抵食，不過佢個麵整體嘅味淡咗啲，呢樣就有啲可惜啦。牛肉雜菌漢堡都好吸引，雖然唔係好大碟，但非常夠飽。個包好香脆，牛肉都大塊，呢度remark返先，醬料係自助形式，想拎醬就要行返入餐廳入面啦。最尾再飲個飲品，同加$12食個cake，真係飽哂

星期日無嘢做，同兩個細佬去食，去咗科學園，見到剛到開門，不如試吓。所謂漢堡塊牛仲衰過老麥，老麥又平又好食過佢，佢細又乾又鞋！忌廉菠菜煙三文魚菠菜闊條麵，冇忌廉、汁，干食。個北海道3.6牛乳温泉蛋黑松露卡邦尼意粉，叫做可以入到口。連凍朱古力都似水！食物量好彩少，如果唔係會嚴重浪費食物，份量同飛機餐差唔多，想要減肥可以一試。隔離枱問佢攞水，士應問做乜，客話洗义，跟住士應話冇。疫情期間，大家想衞生D。絕對冇下次！！1大2細240