WM Café & Bar (科學園) (已搬遷) 新店位置

今天天氣真好☀️和朋友來到科學園附近散步拍照。真係很舒服很放鬆🥳行到累了就在附近商場選擇吃我們的下午茶😆於是就選擇了WM Café & Bar。餐牌上非常吸引我因為價錢比較平民👍環境很舒適很寬敞,如果你不介意都可以選擇室外用餐🍴我們大約4:30用餐所以只提供下午茶時段。WM天使湯麵蕃茄湯配意式炸雞翼🌟雞翼炸得酥脆令我食不停口😋天使麵軟硬適中很有口感加上蕃茄濃湯酸酸甜甜令我很開胃!香草檸檬雞鎚配法式忌廉滑蛋烤多士🌟呢個令我一試難忘十分推介😋多士烤到外脆內軟加上滑蛋口感軟綿綿,雞鎚鮮嫩多汁，很有水準有驚喜 !是日精選WM自家製蛋糕🌟菠蘿口味cheesecake 味道不錯,夏日炎炎最適合食甜品。

收費唔算平但食物份量真的超級少! $82 一份牛漢堡只有丁點少少既薯菜做陪襯，雖然叫做餐廳但點餐要自己到收銀，拎糖飲管甚至咖啡落奶都要自己到調味吧搞點... 話明加$12 有Cake 一件，但今日賣哂，只能加$18先有一件紅莓蛋糕，原本見廚櫃個樣都OK，但來到既時候原來將廚櫃果份再斬一半，份量少到32份之1個蛋糕都唔知有無！凍飲加4蚊，之但係...多熱飲少少咁多，奶茶無咩茶味只有甜。環境其實欣賞唔到科學園同海景，因為比較入係高樓大廈入面，望到既只係佢鋪頭一箱箱既貨。餐枱濕濕立立咁，衛生一般。下午茶3點先開始...不如唔好做啦。唔會再來！

同fd去踩單車 踩到咁上下就去附近抖陣順便醫下肚 就去左科學園到睇下有咩食 蒜香藍青口墨汁意粉青口新鮮多汁 鮮味濃而且冇沙 質感彈牙 每一粒都好大隻 意粉好掛墨汁 而且墨汁同平時食個啲有啲唔同 唔係純粹黑色 係比較鮮味啲 夾埋濃香既蒜蓉真係好夾 成個意粉既感覺都好新鮮濃郁美式bbq烤手撕豬菠羅芝士漢堡配薯條：手撕豬係好厚切而且好juicy 肉質好冧而且好香 搭配埋菠蘿既清新同酸甜真係好夾 加埋車打芝士幾好食 著條炸得岩岩好好香脆 成個set嘅配搭唔錯

科學園係好多一家大細都鍾意週末過來嘅地方，呢度都有好多唔同食肆，價錢有平有貴，今日幫襯嘅W M就好平民化。呢度有室外和室內位置，熱熱地都係坐室內啦！Lunch set都係$65 - $88 ，叫了一個「牛肝菌汁牛肉炒扁意粉」（$75 ），扁意粉都彈牙，加埋菌類都濕潤，牛肉片不過不失，整體都OK。「意式肉丸肉醬意粉」（ $75 ），充滿茄汁味，仲有好多蕃茄仔，肉丸都幾多粒，簡單又好味嘅菜式。午餐包一杯熱飲，或者可以加錢轉特飲/汽水之類，飲咗杯普通咖啡， OK啊。呢度係半自助形式，除咗點菜要出去，亦都可以自行取調味料和奶等等。

科學園有間平價西餐 午市70蚊有找 就可以食到Burger同pizza仲有室外area曬住太陽chill住食今日Lunch hour去到都坐滿哂人美式BBQ烤手撕豬肉菠蘿芝士漢堡配薯條香港真係好少搵到pull pork食 一見到真係心心眼BBQ醬偏酸 有別於一般現成的BBQ汁 應該係自己調教出黎配上超甜大塊菠蘿 同拉絲既芝士 非常開胃不過如果可以再多啲肉就好啦～～黑松露雜菌薄餅薄餅一黎到就聞到好重黑松露味！仲有好多好多芝士係面 好邪惡呀Pizza以一人份量黎講都算好大份 餅底係薄批 新鮮烤好的薄餅邊好脆 加埋Juicy既雜菌 真係好滿足～～仲見到好多單車友經過入黎食tim

My tea time☕️ chill in Science Park💚🌴🌿🌾🍃💫..悄悄告訴你。。我係第一次下午時間入科學園咋。日光之下💫 雖然多一份炎熱，但綠化環境🌿🌴🍃 真係好優美，身心都覺得好舒服，只係交通冇咁方便。假日有時間來走走 都不錯。-遠離鬧市，幽靜環境，午後時光，最好就來一個tea time☕️ 吧。科學園內餐廳都好多，有indoor 亦設有outdoor，好chill 感覺可以黎曬一個下午，或者下次都可以黎吃返個dinner。今次就黎返個✨Tea Set & Happy Hour✨-ll $45WM Pork Chop Bun with Fries(+$9 熱朱古力 Chocolate)烘脆既豬扒包，夾上豬扒🐽，加上秘製醬汁，材料豐富，熱辣辣味道不錯。-ll $40Jumbo American Hotdog with Fries(熱咖啡 Coffee)一大條Jumbo腸🌭，好耐冇食熱狗了。知道吃熱狗關鍵是什麼嗎❓就係有一條好腸啦，靈魂之物💛 又大條又好吃，加上包底經烘熱 本身唔乾，配上酸甜醬汁更惹味。-ll $38Ham & Cheese French Toast(+$

第一次寫食評，真係嬲到忍唔住要寫！首先門外餐牌價錢同放係收銀餐牌價錢唔同！門外標示豬扒包為$35，收銀價牌則標為$45！當然佢地係收左我$45！當日我點了豬扒包、夏威夷火腿薄餅，另分別加了$15轉凍Latte、加左$12轉凍朱古力，一共$130。重點來了，侍應先放下兩杯飲品，侍應話凍朱古力同凍鮮奶，我即刻打個突，凍鮮奶？杯野係奶白到好似鮮奶，我叫既係凍Latte，雖則Latte係鮮奶咖啡，但都唔係奶白到甘呀？（嬲得滯唔記得影相！）飲落好少好少咖啡味=.=‘似飲緊奶多d！跟著來了個pizza，個pizza簡直....簡直係一個笑話，超市既frozen pizza會好過佢！夏威夷火腿？根本係平時食開果d普通火腿！再來個豬扒包，豬扒完全冇味！總括而言，大x樂、大x活、普通茶餐廳都好過佢！甘既質素都可以整野俾人食？！成間店甘既食物質素，係好明顯唔想有回頭客！

難得放假今日去咗大學站度玩，去咗科學園嗰頭嘅海濱公園，喺海旁行吓散吓步好寫意，下午時間就走去食個Tea。入咗呢一間餐廳，價錢貴啲餐都幾吸引，於是就決定食呢一間啦。下午茶餐大概$40頭到$60尾，都有唔少選擇，我就叫咗火腿芝士西多士，配凍咖啡，多士都幾軟綿綿咁，唔錯。我個friend就叫咗黑松露雜菌迷你pizza，再加$8叫咗杯果汁。由於我哋兩個都有少少肚餓，於是就叫多咗個蛋糕食，蛋糕有檸檬芝士凍餅同埋朱古力餅，叫完之後有少少後悔冇帶到朱古力添因為朋友好鍾意食朱古力，不過檸檬都OK嘅～呢度都幾多人叫外賣餐，長期見到有好多外賣盒對喺度咁樣，應該都幾受附近嘅居民歡迎，下次嚟呢度都可以試吓呢間度食下午茶啊！

疫情開始緩和，所以今日就帶小朋友去科學園一帶踩吓單車，享受一個悠閒嘅下午。呢間餐廳有室內同室外嘅座位，環境清幽。今日熱到天文台發出酷熱天氣警告，所以好快就想坐吓飲杯凍飲食個下午茶，就嚟到呢間餐廳，見到佢嘅tea set好經濟實惠。 呢個熱狗配薯條，夾左條長長嘅脆皮腸，再加蕃茄生菜，只係$30，真係超值！另外叫咗一份煙三文魚牛角酥配薯條，入面仲搽咗少少牛油果醬，清新又健康。仲有叫咗夏威夷火腿薄餅，上面有菠蘿同埋火腿，仲有濃郁嘅芝士，真係小朋友嘅至愛！配埋三杯冰凍飲品，真係一個開心大滿足嘅下午！

是咁的最近為左增強抵抗力，就同朋友去左踩單車！踩到科學園都有點肚餓，為食的我當然要搵野食啦！去到坐低先叫野食先發覺，我食過大埔分店！美式BBQ烤手撕豬菠蘿芝士漢堡配薯條 $78 個包焗到表面香脆，裏面鬆軟！撈左BBQ醬既烤手撕豬，醬汁平衡非常好好，bbq醬既味同香烤豬肉嘅味道相輔相成加上菠蘿嘅甜味同蕃茄既酸味，酸酸甜甜，拎我一啖接一啖！仲有新鮮滾熱辣嘅炸薯條！凱撒沙律 $55 +煙三文魚 $15真心抵食之算，蔬菜新鮮，食落有透心涼嘅感覺！夏天必食！煙三文魚份量都唔少！另外，跟餐都會有個湯送！用杯裝住黎飲，超級方便！好有外國feel🤣🤣🤣

疫情期間，都唔知同朋友去邊度Hea好，所以就揀咗科學園，扮吓郊遊，哈！去到科學園都已經兩點幾，見到有間餐廳仲有lunch set就入去試吓！可能係平日關係所以都冇咩人！美式BBQ  烤手撕豬菠蘿芝士漢堡配薯條 - 紅色嗰啲就係手撕豬，個美式BBQ醬好出色好惹味，中間仲有一塊大菠蘿同一塊大蕃茄，真心襯到！個BBQ醬其實好重味，但係加咗塊菠蘿同蕃茄之後中和番！薯條熱辣辣脆卜卜！凱撒沙律 - 加$15就會有埋煙三文魚，因為嗰日天氣好熱所以想食少少凍嘅嘢，初頭仲擔心唔夠飽，但個沙律上枱之後，見到份量好多，菜同煙三文魚都好新鮮！餐湯 - lunch set 會有一個餐湯，應該係番茄湯，佢用一個杯裝住，其實呢個idea幾好，可以拎住飲，好方便！唔怕熱嘅朋友其實可以坐戶外，傾吓計曬吓太陽，又可以Hea一日！總括來講，環境舒適，嚟到科學園不妨試吓！

今日同朋友去咗大埔玩 玩完之後又熱又餓 咁梗係周圍搵嘢食啦 喺八號花園見到呢間wm cafe裝修都幾靚而且食物質素好似幾好 所以就入去食我哋叫咗2個餐 有2個跟餐龍蝦湯 呢個龍蝦湯畀出面西餐廳飲到嘅龍蝦湯龍蝦味更加重 好似真係有隻龍蝦喺入面遊緊水咁樣 蝦殼香味配上少少忌廉 另到成個湯更加滑 值得一讚黑豚西冷配檸檬帶子 相信大家西冷牛扒就食得多 呢個係黑豚豬肉嘅西冷部分 佢嘅肉味不比西冷牛扒差 而且因為佢嘅脂肪比西冷牛扒高少少 所以肉嘅油甘香會更加重 而檸檬帶子好鮮甜而且檸檬味亦都中和咗豬扒嘅油膩感 係一個好好嘅配搭WM 威靈頓牛柳 相信做法同埋某一位好出名嘅廚師差唔多 呢個牛柳肉脂好甘香 而且牛肉味亦都相對重 只係中間嘅餡料味道可能太重 搶左味總括而言呢一餐係非常滿意嘅一餐

今日天氣炎熱但係十分好天 就去咗大埔嗰度踩單車 踩到去吐露港嘅科學園已經好攰就搵間餐廳停低食嘢飲嘢啦 呢間wm cafe 有室內同室外環境 夠曬冷氣而且都幾多人幫襯就坐低食下下午茶十分抵食三十幾蚊就食到cafe質素茶 餐廳都唔得美式熱狗番薯條 熱狗大大隻 麵包鬆軟 香腸惹味配上美式嘅酸瓜蕃茄醬同芥辣 簡直完配煙三文魚牛角酥配薯條 牛角包鬆脆 牛油味香濃而且唔太漏 入面加上鹹香嘅煙三文魚同秘製醬汁仲有蕃茄 十分之清新 一啲負擔感都冇8安士安格斯牛肉芝士漢堡配薯條 漢堡包超巨型 入面嘅安格斯牛肉肉汁豐富 而且生熟度啱啱好 牛肉味濃 麵包好鬆軟 薯條脆卜卜

上次喺大埔嗰間wm食完夜晚， 今日同朋友踩單車， 由大圍踩入大埔原來都幾遠 ，去科學園附近 覺得攰諗住坐下， 見到原來呢度都有一間。 幾時入去試下佢哋下午茶。見到外面都幾寬闊， 又唔使等位 ，可以擺低架單車, 而且己空曠空氣幾好。 好有休閒假日嘅感覺今次我哋就試咗個下午茶嘅意式肉丸， 味道都唔錯， 有茄汁，48蚊另外我哋叫咗個六吋迷你pizza， 上面有煙三文魚，58蚊最後我哋叫咗個豬扒包， 入面有番茄生菜同埋沙律醬， 仲有煎豬扒， 都算ok， 配埋啲薯條，58蚊當然唔少得叫埋凍飲啦， 踩完單車配杯凍檸茶就啱曬啦，48蚊入面有大電視睇， 播住tvb

其實難得嚟到科學園，都想揀間有海景嘅餐廳，不過見呢間西餐之前係其他分店食過，覺得幾好，就決定咗喺呢度過我哋嘅下午茶。講真咁熱真係唔係好想坐出面，裏面啲位置都幾full，好在之後裏面都有位，女侍應都醒目，安排番入裏面坐。下午茶時間，價錢中庸。環境尚算舒服。份量略嫌有點少，都叫做係冇乜技巧可言嘅炸薯條，但幾香口幾好食㗎！黑松露雜菌薄餅， 餅底好油，但算係香脆可口。凍檸茶隻杯有少少怪味，切檸檬個師傅刀工非常好👍🏼解渴好似幾吸引！