WM Café & Bar (荷里活廣場)

營業中

休息中

荷里活廣場新開幾家新餐廳， 其中一間就是WM Café & Bar，格局基本同前身沒大分別， 都是走西日料理感覺比較悠閒。明太子三文魚籽扇貝忌廉墨汁意大利粉($138) 墨汁意大利粉比較淋身，忌廉汁上有不少三文魚籽，口感Creamy但味道有點單一。比較欣賞的是足有三隻肉厚的扇貝，味道不錯。香煎厚切鵝肝白色鴨肉會意大利粉($138)隨餐有餐湯沙律甜品同飲品， 餐湯熱度不足，煙三文魚沙律普普通通， 餐飲熱檸茶是正常發揮，味道方面屬中規中矩，勝在份量都幾足。比較意外的是甜品巴斯克蛋糕水準甚高，而且流心效果理想，套餐包有水準甜品比較難得。荷里活廣場的餐廳雖然是大路貨色， 但比起一站之隔的Airside， 感覺親民少少，論性價比可以推介。WM Café & Bar (荷里活廣場)鑽石山龍蟠街3號荷里活廣場2樓283-284號舖#鑽石山美食#文迪慢遊慢生活

之前去過呢間cafe, 感覺食物同環境都好好。知道屋企附近的商場開左新分店，真係岩晒我👍🏻餐廳裝修風格大致一樣，都係有好多綠葉裝飾，舒適悠閑風。但呢間分店地方超大超闊落，空間感十足，坐得好舒服。晚餐時段有晚巿套餐/二人套餐，或者單點餐牌可以加$48升級套餐。🐷慢煮BBQ烤豬肋骨(4條)慢煮豬肋骨，再去烤焗，所以肉質吾會老，加上bbq醬汁，烤得好香幾惹味。四條份量剛剛好，肉量都多。另外仲有烤菠蘿，玉米，薯條，沙律，幾豐富👍🏻🐤柚子蜜糖烤雞原隻美國無激素春雞，外皮塗左柚子蜜糖，烤焗後甜甜地脆脆地，雞肉幾嫩滑，切開有肉汁流出😋🍴升級套餐🥫羅宋湯+🥗沙律+檸茶餐湯有驚喜，幾岩我口味，酸酸甜甜👍🏻🦪吉列炸蠔炸蠔新鮮，炸得乾身，吾會太油膩。🌟想寫意地食個飯，呢度係不錯的選擇，menu 都有好多選擇，而且坐得舒服。

今日去鑽石山睇戲，順便食個午餐！發現呢間WM Cafe終於喺九龍有分店啦！我可以去試吓啦🥰1️⃣柚子蜜糖海鹽雞翼食完既感覺係腦海彈出bbq既燒雞翼😍但佢就用左柚子蜜，甜甜地又好香口，我一隻接一隻咁食😂2️⃣澳洲和牛面肉燴意大利貓耳朵貓耳朵口感很煙靭，而醬汁是濃郁的蕃茄味！頤和牛面肉都有很多件，味道是挺不錯的😛3️⃣慢煮BBQ烤豬肋骨（4條）豬肋骨很大件又肉質嫩滑，醬汁烤得很入味👍🏻配上新鮮炸起的薯條🍟、牛油粟米🌽、烤菠蘿味道酸酸甜甜很對我胃口👍🏻最後還有新鮮的田園沙律🥗

今日係公司加班後。感覺好大壓力。想食好少少慰藉下公司上的壓力。所以隨街行找一間。可以令我心花怒放的餐廳。剛巧經過見到一間好有趣名字的餐廳。所以就入左去放鬆心情。**辣味雞翼**雞翼外皮炸得金黃酥脆，咬下去時發出清脆的聲音，雞翼的醃製非常到位，辣味醬汁的香氣撲鼻而來，微微的辣味在口中蔓延，讓人感受到一種刺激的快感。不僅適合當作開胃小菜，還非常適合與朋友聚會時分享，讓人一口接一口，欲罷不能。**威靈頓牛柳配鵝肝薯蓉**牛柳的肉質鮮嫩，外層包裹著金黃的酥皮，切開後流出的肉汁讓人垂涎欲滴。肉質入口鮮嫩。肉汁係口腔中滿瀉。搭配的鵝肝薯蓉則是這道菜的亮點，薯蓉的綿密與鵝肝的香濃相得益彰，讓整道菜品的風味更加豐富。每一口都能感受到牛肉的鮮美與鵝肝的奢華，讓人感受到一種無法言喻的滿足感。WM Café & Bar (荷里活廣場) (鑽石山)鑽石山龍蟠街3號荷里活廣場2樓283-284號舖

講到鑽石山高CP值西餐廳一定非e間餐廳莫屬之前食其他分店已經覺得好好味主食方面：- 柚子海鹽蜜糖法式豬鞍扒 第一次食咁好味嘅豬鞍扒，第一啖已經令人驚豔豬都整得可以咁嫩滑搭配蜜糖簡直就係絕配呢一個係我每次嚟到一定要嗌嘅一道主菜蟹膏海鮮墨魚意大利粉好香好正👏🏻

一開始叫威靈頓牛柳配鵝肝，落完單先話冇已經唔想食，但係佢又落咗我朋友嘅單，咁就逼住嗌第二個，叫咗鵝肝配法國鴨胸意大利飯羅宋湯冇問題，但係個沙律一嚟就有蟲，之後換咗，不過普通到不得了，真係好少加埋沙律醬都唔好食個鵝肝飯一上嚟已經知賴嘢，成嚿炭咁，真係未食過咁難食嘅意大利飯，鹹味都冇，剩係得鴨嘅酥味，仲有全部都只係微暖另外叫咗個黑豚豬柳扒，真係不知所謂，大家樂雜扒餐咁，薄到咁，仲要冇味，個賣相極差之後嚟咗個芝士蛋糕，個碟勁污糟，叫咗個女侍應過嚟，同佢講隻碟好污糟，指埋俾佢睇，佢呆咗3秒咁望住我，然後揸住隻碟帶住啲鄉音問返我轉頭：「好污糟？」，我都真係呆晒，據我觀察佢應該唔係盲人，然後仲問我：「換啊?」我心入邊真係10萬個問號，唔通呢？？之前已經食過斑馬火腿卡邦尼意粉，唔單止冇味，塊火腿仲要只係大過$5銀少少，仲叫咗另一個檸檬蟹肉意粉，又係唔知食咗啲咩，成間餐廳上至食物質素，下至服務及衛生都係不知所謂今次俾多次機會，點知個體驗仲差

🔹️行完礸石山荷里活廣場 🛍 便到2/F的 "WM Cafe & Bar“ 食Tea🍽 餐廳地方寬敝, 設有多坐位, 環境舒適寧靜, 食物新鮮有水準、份量足🍲 服務稱心👨‍💼👩🏻‍💼 價錢合宜💰🔸️凱撒沙律🥗以鹹香煙肉、 香脆麵包粒、 鮮嫩沙律菜、 鮮甜車厘茄和惹味芝士粉製成, 好Fresh 😋🔸️WM炸物拼盤🥘以幼滑香甜柚子雞翼、肉質軟腍炸雞柳、 香脆可口炸薯條 、脆口滋味脆炸洋蔥圈和入口即溶一口芝士, 大滿足呀🤤🔸️黑松露風乾火腿薄餅🍕以香濃黑松露配鹹香惹味風乾火腿, 薄餅底十分香脆,份量剛好👍🔸️芒果百香果青檸特飲🥭🍹以鮮甜芒果、清香百香果和清新青檸, 味道香甜🍹 🔸️宇宙洛神🍹洛神花茶味道酸酸甜甜、顏色吸引, 感覺清新👍

鑽石山荷里活廣場新開餐廳以西餐為主打，有多款扒類、意粉、意大利飯、Pizza等等。晚市時段更設有晚市套餐，臨近聖誕，更有聖誕大餐參考，最適合與一家大細來進食。《柚子蜜糖烤雞》$158美國無激素春雞仔，配搭烤菠蘿、青瓜 、小番茄 、檸檬海鹽醬，春雞仔外層脆口，雞肉鮮嫩。春雞仔下面有大量的薯蓉。《澳洲烤羊架半牛肝菌意大利飯》$168厚肉的羊架鋪在Creamy的意大利飯上面，羊扒的肉質鮮嫩，口感很軟熟，羊架不算太羶，啖啖肉的口感！下面的意大利飯也有着濃厚的芝士香味。《冰川雪山》$40特色飲品之一，藍色的梳打水上面有浮冰的雪糕，就像冰川上一個雪山一樣。

下午茶叫左豬扒包+薯條+香蕉朱古力班戟，豬扒未熟，薯條炸到柴皮，香蕉黑色。塊豬扒一定係未解晒凍先會外鞋內紅，所以樓面話俾過塊我我都唔要了。成個下午茶唔知食左咩落肚，餐廳亦冇俾offer。

之前試過土瓜灣和荃灣分店，原來WM Cafe喺鑽石山荷里活廣場都開咗新店一段時間，今日過嚟食晚餐，見到Menu都好多選擇，而且成個場都好大，座位舒適，裝潢明亮👍🏻🌟#意式辣肉腸薄餅薄餅底部金黃酥脆，搭配上豐富番茄醬，酸甜適中，襯托出肉腸香辣風味👍🏻薄餅上撒上了融化的馬蘇里拉芝士，濃郁奶香和肉腸香氣，口感豐富✨🌟#澳洲和牛面肉燴意大利貓耳朵貓耳朵意大利面能夠很好地吸附醬汁，口感滑順又煙靭💗搭配和牛肉質鮮嫩，燉煮入味，散發濃郁肉香，加上紅酒醬汁，yum 🤤🌟#芒果百香果青檸特芒果的甜美與百香果的酸香搭配在一起，無論是覺和味覺，都十分出色👍🏻青檸更是為整體增添了一抹清新酸味，口感更加平衡🫶🏻🌟#巴斯克開心果芝士蛋糕烤焦的外觀，金黃中帶着開心果綠，非常誘人💗蛋糕內部滑順 creamy，口感豐富，開心果香味令人一試難忘🤤

“澳洲烤羊架伴牛乾菌意大利飯”($168)“蟹膏海鮮墨魚意大利粉”($138)“蘋果紅莓梳打”($46)一排冇去荷里活廣場今次去到發現WM Café & Bar喺道開咗分店餐廳走小清新風,空間感十足入座後用qrcode落單好方便☺️我地點咗2份主食share首先係澳洲烤羊架伴牛乾菌意大利飯🐐2件羊架烤到外面帶點微焦,入面肉質腍滑意大利飯硬度岩岩好,帶點咬口當中仲有大量嘅菇菇🍄‍🟫好足料另一份點咗蟹膏海鮮墨魚意大利粉🦀成碟意粉都有濃濃嘅蟹膏味😋仲有幾隻大蝦🦐,三文魚籽食落味道幾豐富又鮮甜😙飲品方面點咗杯蘋果紅莓梳打🍎味道幾清甜又夠哂大杯☺️

呢間餐廳遍佈多區最近進駐荷里活廣場新店木系裝潢亦用上綠葉襯托午市套餐只係$58 起，免加一整體性價比幾高過咗Lunch Hour 依然全場滿座✨香煎帶子檸檬意大利粉大大粒帶子．口感Q彈加上一片片新鮮檸檬．味道清新✨意式海鮮薄餅Pizza多款口味選擇即叫即製．批底香脆．充滿拉絲感✨凱撒沙律配煙三文魚沙律菜新鮮爽脆仲可以選擇配上雞肉 / 牛 / 煙三文魚✨意式泡沫咖啡奶同咖啡比例恰好啖啖酵香．熱飲更香更濃下次要試埋甜品

餐飲等咗9個字，同個女侍應講，都無嚟仲同我講佢追過，態度差，問佢邊個負責人，佢唔理我，仲話我已追過，仲係咁啤住我我望住水吧4，5轉都無我既出同門口職員講，佢一味話知道知道個女侍應真係差到爆，嬲到，佢仲好似好嬲佢追過我仲要追佢咁食物乾到一個點，想飲杯嘢都咁難，仲要受氣，投訴佢係咁比佢啤

一連2日嚟食嘢，一日食假日午餐，另1日點假日下午茶。朋友話剛開業時免加一，但今次嚟2日都有加一收費。餐廳前身係Ocio，佈置、座位同上一手差唔多，但價錢平啲，以座落荷里活廣場而且無限時進食嚟講，收費合理。午餐$68起，包沙律、餐湯同飲品，可補錢order特飲（正價-$26）。幾個朋友點咗唔同款的午餐，$78-$98/人，有飯、意粉同薯菜。慢煮雞脾飯：朋友話雞脾肉經慢煮變嚡；醬汁上碟時好怪，一pat咁「撻」喺白飯上，成碟食物都好蒼白（包括雞脾），賣相勁hea牛扒薯菜：另一朋友食牛扒，佢話ok，只係有少少肥筋卡邦尼意粉：份量較少，朋友食完唔係好夠飽芝士焗西蘭花：跟餐+$20，份量幾足，但味道就。。。話係芝士焗，但西蘭花完全係白烚，只係加個牛奶色的白汁整熱少少就上檯，醬還醬，西蘭花還西蘭花，蔬菜冇調味；廚房好冇heart迷你牛油焗雜菌：跟餐+$20，表明「迷你」但份量同西蘭花一樣；呢款反而明顯食到焗溶咗的芝士；醬汁似漿糊，味道似蘑菇飯的蘑菇汁，都可以接受，只係個汁「杰」咗，質感有少少倒胃口，但+$20都值得點Latte：散叫，$44（連加一），不過不失試完午餐，另一日再去食下午茶餐，最平$4

叫咗塊牛扒油韌又唔好食，又冇味。跟住嗌咗個雜菌意大利飯味道都係麻麻，所有嘢都好似唔夠味。個薯蓉真係純粹係一坺薯蓉。完全冇咩調味料啲蘆筍又係白烚嘅。呢度嘅食物唯一好處就係健康為完全冇調味料。如果減肥嘅建議嚟呢度食。仲有係嗰個沙律係食新鮮嘅，但係調味真係好麻麻。最後甜品係仙草奶凍，最後食嗰個甜品質素，正正常常。不過環境都係唔錯，田園風。啲位置都係比較多，所以正常常常都唔使等位，不過可能啲人都食過一次冇下次。