影片
更多
2024-11-25
308 瀏覽
一連2日嚟食嘢，一日食假日午餐，另1日點假日下午茶。朋友話剛開業時免加一，但今次嚟2日都有加一收費。餐廳前身係Ocio，佈置、座位同上一手差唔多，但價錢平啲，以座落荷里活廣場而且無限時進食嚟講，收費合理。午餐$68起，包沙律、餐湯同飲品，可補錢order特飲（正價-$26）。幾個朋友點咗唔同款的午餐，$78-$98/人，有飯、意粉同薯菜。慢煮雞脾飯：朋友話雞脾肉經慢煮變嚡；醬汁上碟時好怪，一pat咁「撻」喺白飯上，成碟食物都好蒼白（包括雞脾），賣相勁hea牛扒薯菜：另一朋友食牛扒，佢話ok，只係有少少肥筋卡邦尼意粉：份量較少，朋友食完唔係好夠飽芝士焗西蘭花：跟餐+$20，份量幾足，但味道就。。。話係芝士焗，但西蘭花完全係白烚，只係加個牛奶色的白汁整熱少少就上檯，醬還醬，西蘭花還西蘭花，蔬菜冇調味；廚房好冇heart迷你牛油焗雜菌：跟餐+$20，表明「迷你」但份量同西蘭花一樣；呢款反而明顯食到焗溶咗的芝士；醬汁似漿糊，味道似蘑菇飯的蘑菇汁，都可以接受，只係個汁「杰」咗，質感有少少倒胃口，但+$20都值得點Latte：散叫，$44（連加一），不過不失試完午餐，另一日再去食下午茶餐，最平$4
餐廳前身係Ocio，佈置、座位同上一手差唔多，但價錢平啲，以座落荷里活廣場而且無限時進食嚟講，收費合理。
午餐$68起，包沙律、餐湯同飲品，可補錢order特飲（正價-$26）。幾個朋友點咗唔同款的午餐，$78-$98/人，有飯、意粉同薯菜。
慢煮雞脾飯：朋友話雞脾肉經慢煮變嚡；醬汁上碟時好怪，一pat咁「撻」喺白飯上，成碟食物都好蒼白（包括雞脾），賣相勁hea
牛扒薯菜：另一朋友食牛扒，佢話ok，只係有少少肥筋
卡邦尼意粉：份量較少，朋友食完唔係好夠飽
芝士焗西蘭花：跟餐+$20，份量幾足，但味道就。。。話係芝士焗，但西蘭花完全係白烚，只係加個牛奶色的白汁整熱少少就上檯，醬還醬，西蘭花還西蘭花，蔬菜冇調味；廚房好冇heart
迷你牛油焗雜菌：跟餐+$20，表明「迷你」但份量同西蘭花一樣；呢款反而明顯食到焗溶咗的芝士；醬汁似漿糊，味道似蘑菇飯的蘑菇汁，都可以接受，只係個汁「杰」咗，質感有少少倒胃口，但+$20都值得點
Latte：散叫，$44（連加一），不過不失
試完午餐，另一日再去食下午茶餐，最平$48起。點咗是日蛋糕，係芝士餅，唔錯，應該係來貨而唔係自家製，但唔緊要
午市時，餐廳光速上菜，估計所有食物都係預製，廚房只係好似連鎖快餐店咁將食物挾落碟，所以對擺盤唔好抱任何期望，唔精緻既~店內人手緊張，收加一但服務有限，店員唔會主動提供水同其他協助，不過有位年輕經理幾好禮貌，改單亦好有效率。店內環境唔錯，幾舒服，下午茶嚟都幾抵，始終佢喺商場，價位算親民。食物可以，唔算劣食、垃圾（見其他評價都幾差），只係同連鎖快餐店差唔多，但午餐性價低，$68/餐只得1款選擇，其他選項連加一都~$100，當食物只係快餐店的普通質素，真係好難接受~~
張貼