XOXO Café Lab (已結業)

嘆完一個豐富的早茶就陪朋友出來購買電視機， 行完apm 商場跟住再到九龍灣德福，終於帮朋友買到心頭好電視機了。 完成任務都差不多下午三點鐘了。朋友話要請我食下午茶答謝我陪他選購和補返腳骨力， 他介紹到淘大商場一間Xoxo餐廳下午茶。 這間餐廳環境給人休閒舒適感覺， 印象分不錯。 這裏主要韓台食物， order了一個鴛鴦珠珍珠奶茶， 洛神花雪梨茶， 菠菜白菌芝士餡餅， 野莓朱古力親親。這個洛神花雪梨茶的茶壺和茶杯好靚 味道酸酸甜甜都唔錯。朋友嗰杯鴛鴦珠珍珠奶茶，他說奶茶好清香，爆珠好好味。我就好欣賞這個野莓朱古力親親， 賣相已經好吸引，打開面層棉花糖內裏是 一小丁的蜜糖多士， 配搭埋士多啤梨雪糕，好滋味

XOXO cafe位於淘大前電影院樓上三樓， 如果不是沿電梯上來逛逛，其實不易找到。人不多， 正好可以享受午後寧靜一刻，和友人慢慢吃，談談天。此店有很多特式菜。今次，我們二人點了兩個主菜鐵板芝士燒牛肉拉麵芝士浴入拉麵中，juicy到暈鮮蚵仔泡菜蛋餅蚵仔蛋食得多， 混入泡菜小小香辣，原來可以咁好食。加多杯茉香珍珠奶茶

真係攰到要死，所以食嘢都想近近地食。老公記得上次同我响呢度飲過花茶，所以再次來到這裡，讓我心情放鬆下。每次來到門口，總是很吸引我的眼球，因為設計是花過心思，每次來到都有所不同的。我們很快就找到個座位坐下，以前會坐在近門口的位置，而今次是對著廚房，擺放得很企理。除了主餐牌，Special Menu 的配搭很豐富，而且價格相比散叫的真的明顯少了一些。熱茉莉蘋果蜜今次的花茶是入口有淡淡的清香，加上蘋果蜜的味道是甜甜的。而且職員很貼心的會不時為我加水，但蜜味會越飲越淡，如果蘋果蜜可以另上自己加就更加好。鐵板芝士燒牛肋骨這個是我們來呢度食係必點的。牛肋骨燒得香香的，很有o趙頭的，加上滑滑的暖暖的芝士，非常香滑，仲有伴碟的脆片增加香口。芒果海鮮意式比薩比薩皮非常薄脆，芝士也是薄薄的一層，鋪上芒果和蝦仲淋咗一層千島醬，食落酸味味好開胃。

今日上晝去咗九龍灣做嘢，搞掂晒之後就到午餐時間，返公司附近食又太晏，一於去附近找尋美食，行吓行吓九龍灣都冇乜好食，於是遊蕩落去淘大商場，原來已經裝修過唔同晒，有好多新嘅食肆，入咗去呢間XO XO cafe lab試吓新嘢先餐廳都裝修得幾靚喎！感覺好舒服，好休閑！我原本諗住食呢個火山唔知咩飯，點不知我叫錯Number ，侍應小姐諗住幫我換過，不過我本着唔好浪費食物嘅心態，就錯有錯着啦!黎左呢個芝士忌廉波菜年糕，有驚喜啊！個芝士雲吞好好味呀，個雲吞皮好爽口，唔係立痴痴嗰隻，口感好特別再嘆番杯冰藍橘荔枝水果茶，身心舒暢鹽酥雞件，炸得香脆一啲都唔油膩有下次呀，我會再返嚟食返嗰個飯

朋友生日，母親節也來慶祝環境不錯，有装飾影相靚幾舒服，有梳化位。。食物正常，選擇多，份量都夠，抵食！！！但員工服務極差，不只一次！！！態度也很差，感覺不想工作十分失望。

行街行到攰攰地想揾地方飲下野休息下，於是有fd係openrice睇到呢間cafe既資料，見到有少食又有野飲，於是就去試下，去到門口已經見到間cafe啲裝修好靚，由於我地5個人所以俾左張卡位我地，坐得好舒服一啲都唔逼，有好多唔同既少食同飲品揀，叫左一客炸雞，一客牛肉薄餅同一客沙律，沙律面頭啲酸酸甜甜既乳酪好開胃，個薄餅啲芝士可以拉到出黎，個炸雞最好食，熱辣辣同埋上面有啲薯片，因為太好食，所以本身只係order左一客，但係好快食晒所以即刻叫多一客，我地叫左3款茶share飲，套茶具真係靚到忍唔住要即刻影低佢，大家一致覺得蘋果花茶最好飲，蘋果既清甜再加上茉莉花既香味，同埋佢可以無限添熱水，當然味道會越沖越淡，但係比起另外兩款，大家同樣加沖左2次，仲可以飲到淡淡既蘋果味，玫瑰花就淡得曼快，基本上第一次添水已然無咩味，整體黎計佢地啲野飲同野食都唔算貴，係行街行到攰個時有間咁既地方俾人休息下，又可以飲下野食少少嘢傾下計，的確唔錯，大家食完都覺得想考慮遲啲約時間黎試下佢既晚餐~

今日去咗平時好少去的九龍灣，見到餐廳格局好似幾好坐，就入去試一下呢間第二區冇的餐廳平日夜晚餐廳人唔多，可以慢慢坐傾吓計，所以都有叫杯飲品～～而且。。。睇menu的過程都覺得食物大多幾熱氣🔥所以都係叫杯凍飲中和吓好啲😁蘋果果茶。。。味道唔錯Menu的食品睇落都幾漏...芝士呀，飯呀⋯⋯不過上菜又唔係好大份，慢慢坐都食得哂：ribs: 其實同芝士冇乜關係😶ribs味道ok;不過份落餅唔得年糕餃子：幾得意，菇汁都好味，份量偏少Pizza:餅底唔得....配料一般般啦

本來同朋友係打算去坑口間分店,但諗諗下淘大就腳d舖頭位置係易搵,不過人流唔多,唔係專登上黎都唔知呢度有食肆7點左右黎到,都有幾枱客,比想像中人多望住個menu真係選擇困難,有d想試嘅野但又唔喺個餐入面,但個餐又好抵....最後都係決定叫二人餐,因為實在太抵!!餐飲先上,見到包糖先發現原來佢同隔離間米pizza係一齊架喎雞卷一早已經切開兩邊,方便share一人一邊但我就麻麻地面頭d沙律醬,同埋餐牌冇相睇,因為有d人真係唔鐘意食沙律醬,黎到又咁叫人點搞?同埋就係落得太多醬,想用手拎起黎食又會變左成手係除左芒果同雞肉,裡面仲有洋蔥.....btw我嗰半邊得一粒芒果咋我唔知韓式炸雞係有冇汁,因為呢個望落好似dry得滯不過唔難食嘅,件雞唔肥,食埋雞皮都可接受豆腐夠滑,但係擺耐左d油會索返入去,盡可能趁熱食啦最令人滿意都係個豬仔骨,雖然d芝士轉頭就琼左喺度d汁有微辣,不過一人得兩件唔係好覺嘅,同埋都幾多肉個飯造型就真係贏哂嘅打開左之後就係咁咖哩味蛋白其實真係幾有趣,好似將梳乎厘擺左上個飯度咁d飯都有咖哩味,牛肉有d筋同埋唔係好多粒最終食哂d飯剩左蛋白講多次呢個餐真係好抵!!!

星期六約了朋友在體育館打完羽毛球, 必定去淘大商場食LUNCH, 當日真係好熱, 仲要打完羽毛球, 大家都想搵個舒適的地方食飯傾計。大家一致決定去 XOXO CAFÉ Lab。過左午飯時間, 所以未算好多人。一去到已經有位，仲好貼心有樽水比我地解渴。午飯有lunch set或All DayBreakfast, 我地已經好餓底, 所以叫左3款食物 :All Day Breakfast (韓燒牛 + 煙肉三文治) 配 珍珠奶茶 $68水牛芝士蕃茄PIZZA   $75鐵板芝士燒豚肉拉麵  $72韓燒牛 + 煙肉三文治一上枱好吸睛, 目測至少都有12CM, 三文治由3片厚多士, 韓牛, 煙肉一層一層配搭上去。厚多士烘得好香, 軟身。韓牛燒得好入味, 煙肉大大塊, 最好係唔會煎得燶而硬。還有沙律菜伴沙律汁, 令到味道提升。鐵板芝士燒豚肉拉麵芝士控既我當然唔少得點鐵板芝士燒豚肉拉麵啦, 一上枱真係熱辣辣, 芝士亦拉絲。拉麵的份量很多, 材料除了豚肉, 亦有泡菜, 菇菌。真係唔錯。水牛芝士蕃茄PIZZA共有6片, PIZZA皮很脆, 芝士溶晒好入味。很喜歡吃呢 !珍珠奶茶珍珠奶茶的糖水是另上, 可

難得放假一於一家三口👨‍👩‍👦出街食飯（公主放假食媽我懶煮飯）上openrice睇下有咩食見到淘大商場有間台式韓式特色菜所以決不去試下，亦都仉俾佢嗰個Tiffany Blue色系所吸引咗！一入去就有個面書框俾大家做打卡位影下相！一坐低就梗係睇下個Menu有咩食啦！食媽我本身都擁有台灣人嘅血統所以我對台灣食品都好有情意結架！一見到士林炸雞當然第一時間要一份！炸雞炸得剛剛好！夠酥脆香口！同蒜香奶酪醬都幾夾！鐵板牛仔骨配上芝士感覺好邪惡⋯⋯牛仔骨唔會太老肉質幾嫩！呢個我都幾推介！芝士忌廉配上年糕菠菜出奇地夾，又唔會好漏！年糕煮得剛剛好煙煙韌韌啱晒我Like唔會太甜，珍珠夠Q有咬口，仔仔最愛！味道幾清新內𥚃有蒟蒻，士多啤梨，火龍果同藍莓，照豐富又有特色！飯後當然要食甜品啦！由仔仔揀佢一見到至愛嘅芒果就揀咗呢個芒果冰花！雪花冰配上芒果簡直係絶配！仲有個芒果雪糕球整體食物選擇都幾多元化！亦可以照顧到唔同要求同口味嘅食客，而且價錢唔算太貴，中價，以靚同有特色做賣點都值得試下！當然味道亦係值得推介架！

話明拍拖日當然我話事去邊就去邊，但我都要諗埋泊車問題所以都要搵D有多車位嘅商場去食晚飯啦，所以我又揀咗間裝修得靚靚餐廳去食晚飯由於後先個tea仲有D飽飽地，先叫份鐵板芝士燒牛肋骨同埋辣味炸雞翼，個炸雞翼外脆內軟再配咗個蒜香醬個鐵板牛最緊要係個芝士可以拉到好高配咗個簿脆就啱啱好。食完咸嘅原本想叫埋甜品…但就係太飽啦，轉每人飲杯生果茶等自已嘆吓，點算用個嘆字因為 間餐杯飲品個display做到好似去咗 high tea嘅感覺，成為今日拍拖日嘅完美句號

今日去了九龍灣淘大附近還旅遊書給朋友，剛剛下午茶時段對於喜歡食甜品的我當然會四處去尋覓，在淘大商場裏有很多不同的餐廳，經過一間cafe 裝潢以海藍色和白色做主題，而且cafe 裡每一個角落都是悉心佈置的擺設感覺柔和舒服，慢慢坐落嘆番一個下午茶。我點了一份野莓巧克力親親蜜語$78，看見圖片已經好吸引，侍應送到上枱的時候外層棉花糖好像天空中藍色的雲端，慢慢把軟綿綿的棉花糖打開看見一粒粒金黃色的多士，再加上野莓雪糕，底層野莓粒伴巧克力醬，好有心思製作的一份甜品。入口即溶的棉花糖夾住烘得脆卜卜的多士和野莓雪糕真的令人甜絲絲的感覺，好好味啊！熱玫瑰柚子茶$48，這套茶壺茶杯好有英式風格，打開茶壺蓋看見一片片的玫瑰花瓣散發出陣陣玫瑰香味，淡淡的玫瑰花香襯托柚子茶味道清新怡人，一邊食甜品一邊嘆番杯茶真係寫意。

地頭蟲又出動，平時於淘大「搵食」，好少會上到去連鎖健身店果層，因為多數係地下果層已經「搵到食」。呢排地下果層沒有特色飯店，也吃厭了。於是搭電梯上了兩層，發現左呢間韓風走小清新少女路線既秘密花園幸運的被oppa 店員安排到全店只有兩張既car 位座，寬敞得全六人都可以。Tiffany Blue 是我最愛的color, 用餐的時候特別愉悅。Rose 花茶送到set 茶具靚到呢！仲駛咩去酒店high tea wo!超有英式貴族用既格調隔離盤乾花又襯得幾好！花茶味道太淡！可能因為加了honey~濃郁香醇既3.6 牛乳Ice cream with 紅豆加抺茶醬，簡直係味蕾既享受呀！泡泡韓國泡菜豚肉飯，飯有點乾，泡泡是蛋白打成，有趣特別，記得要趁熱食連小獲一起上個底好易有焦。靚到藝術品咁好睇又好食！餐廳以XOXO 命名，菜式亦然，XOXO 解作 kiss & hug, really lovely ! 好多好多XOXO 這餐廳在各方面都做得不錯，值得回頭！

平時很小到九龍灣淘大食飯，朋友生日指定來試這間餐廳，當然要試吓!可能星期一晚，餐廳人不多，確是可以三五知己坐吓傾吓的好地方，餐廳以藍色主題，怖置優雅。好喜歡食梳乎里的我，見到這間餐廳主打抱泡飯，當然要食吓啦! 2位朋友都很細食，所以柯打二人餐巳足夠，而且套餐價錢合理。最先來是鐵板芝士豬肋骨，味道不錯，但怕肥的我對芝士就麻麻地墨西哥香芒雞卷，味道無特別鹽酥雞炸豆腐，非常香口主角最遲先來到，追第2次單才知道㕑房漏單，抱泡鰻魚鍋飯的特色只在覆蓋飯面的咸梳乎里，但飯就無大的驚喜，但都算特色最後，半價加錢改飲芒果鳳梨水果茶，果茶很香甜，中間仲有D 新鮮果肉，抵飲。芒果鳳梨水果茶很大壺，但只有小半壺的果茶，個壺Size 大到好似去洒樓的茶壺，很奇怪的配搭，與餐廳怖置不配合

放工後想搵個舒舒服服坐低食餐飯，朋友話有間cafe一直想試，佢就帶咗我去呢度。黎得都係想試下啲有gimmick創意既菜式，所以我地嗌咗幾樣佢地既特色菜。先黎個沙律開下胃，鮮果優格沙律啲沙律菜好fresh, 份量都幾大碟，好彩係菜唔係食到好滯。呢個三文魚抱泡飯好特別，好似焗咗一層梳乎厘係飯上面咁，以為會甜甜地，但食落口感大於味道，軟林林好似好有空氣感既蛋白咁，幾得意。入面既飯炒到粒粒分明，三文魚厚身，兩個人share剛剛好。呢款士林炸雞同我係出面小食檔食到既有啲唔同，呢隻好酥香。佢應該係事先炸過一遍再落鑊炸第二次，所以啲油已經飛走晒，我用手就咁食都唔會食到手指油淋淋，好乾爽！雞肉難得唔會變乾身仲係好嫩，好想知道佢地炸雞既秘訣係咩。見到好多人都有嗌呢個韓式燒牛肋骨，搞到我地都想試一試。同樣都係份量好多，有成7-8件，啲汁甜甜地，牛肋骨燒得夠香，配生菜食可以唔洗咁膩。珍珠奶綠大大杯都係$28，唔算太甜，清清地唔錯。