XTC Gelato (已結業)

食完咖哩要食番d凍野清下味蕾先, 本來行左去citysuper架喇, 點知冇左o個間賣雪糕既counter,記得呢度有gelato就走黎試下啦…哈哈~我試左好多款味道呀, 服務生好好, 完全冇黑面仲好似好樂意咁~但真係好多選擇, 好難揀呀..最後我揀左raspberry cheese cake, 菠蘿雪葩, cheese cake味道好實在, 加埋raspberry酸酸地幾match.而菠蘿雪葩好fresh, 一條條菠蘿絲, 有口感.爸爸就要左薑味乳酪同荔枝紅棗雪葩, 我試左啖薑味乳酪, 食得薑既人必愛.媽媽就要左棉花糖朱古力, 開心果, 試過後,個人唔太鐘意棉花糖朱古力, 好似好甜, 而開心果就唔錯. 棉花糖朱古力係特別味道,另外要加$2.但總括黎講, $27有兩球又有兩隻味揀….款又多…下次一定會再去過!!!!

天氣鬼咁熱，路過當然來一杯Gelato啦~service幾好，店員見我揀唔到，都好主動介紹，同埋俾多幾種味我試。見新出左黑椒香檸味，咁就要試下啦。今次要左黑椒香檸＋熱情果黑椒香檸﹕有細細的黑椒粒粒，辣中帶少少酸，幾特別熱情果﹕甜度適，好味

見到唔洗過海都有得試, 就買黎試下Chocolate + yogurt: 前者真係好好味, 好黑朱古力, 鐘意既會愛上, 但係唔鐘意會覺得好苦,後者帶點酸酸,會無咁膩, 不過我都係比較鐘意Da Dolce Gelato既yogurt, 好味好多另外都有試食左Cheese cake flavour,其實同yogurt都好似, 只係呢個無酸味, 較甜個店員好好, 想試幾種味, 佢都好好禮貌, 無黑面

yeah…見城後的貢品耶！其實今日係最後一個印仔了。(咁咪送多杯咪一人一杯分甘同味)我試了香梨砵酒、橙薑、柚子、香芒椰子~一試就扑到鎚要橙薑及香芒椰子！砵酒：嗯…不愛酒的我還是與它無緣~其實以為愛酒芯朱古力的我會與它啱key！橙薑雪芭：覺得比柚子為佳…因為薑很強烈~像薑汁撞奶的薑汁！而且我真的很愛這甜品。至於橙就像芬達汽水的味道！XD柚子雪芭：像一斤果醋的柚子！hehehe…香芒椰子雪糕：像\"許\牛山\"的芒椰蘆薈爽食到落底時芒果與椰汁融為一體時的感覺…這飲品曾經讀書時愛死了。^3^食飯那位要了夏威夷果仁+杏仁~佢\的意見就係：兩種nuts加埋原來會互搶風頭！佢\覺得是但一種nuts搭水果味雪糕/雪芭會更好。職員己唔係上次那位~今次這個很好！給我倆左試右試…俾錢時發覺加了價~一杯$27啦！仲以為同行的食夏威夷果仁因而貴咗添！職員糾正了一律$27…(一共要儲12個印~咁貴了兩蚊…即係變相$24=食到一杯雪糕lu！)今日學精了~見有位就留在店內食雪糕…咁雪芭咪不用搞到我個tote bag食埋雪糕囉！

諗住快點儲滿印仔就嚟啦！但換了個新又未見過的菲藉職員…與曾經n個月前見的那個又不同本來一心試味的~試了雞蛋焦糖。(焦糖味唔覺)後來想再試開心果及朱古力雪芭…help~原來佢d中文唔掂的。我用手一指話想試埋…就一個唔該彈弓手咁幫我bud咗開心果同朱古力雪芭落個杯俾我！>.< (唉...害我還想試雞蛋冧酒及香蕉雪芭~無緣了！)都bud咗啦！我點都有d唔gur咪話：明明已經話試味~見住bud已經叫截住停…(同我食飯那位直頭話佢當聽唔明我以上的對白~結果變了我對牛彈琴+自言自語)唔係要趕返屋企我諗我會擾攘一輪唔俾錢的…事實錯不著我嘛！朱古力雪芭唔得的。我係就係一個愛朱古力的人~但一見個雪芭像思樂冰邊出水邊溶…淹沒晒個開心果雪糕就火滾！食咁多次雪芭都冇咁樣~仲要出門口行咗三米都冇…雪芭已經溶水溶到落手掙~變咗我個手抽袋食雪糕囉！o.m.g (係…相中個賣相係店中影的)

血拼過後，blood sugar跌至新低, 趕快找點甜吃補充一下體力。Clover Honey Yogurt: 好濃郁的yogurt味, 酸酸甜甜, 好開胃呀！口感結實且帶幼滑, 完全滿足到我的需要!!紅蘋果石柳雪芭: 比想像中甜，蘋果味比較重，好可惜蓋過了石柳的清香。雪芭質地較light, 卻難得地不易溶化。可是太甜了，不會再encore.Chocolate XTC: 一定要叫的flavor之一，細密幼滑，朱古力味極香濃, 偏苦, 真正的chocoholic必點。因為味道太濃郁的關係，這個最好留最後吃。Toasted Walnut: 合桃味淡淡的幾香。不過甜，濃而不膩，好好味!吃過甜品，有回能量，還有一袋二袋的戰利品，快樂莫過於此了。

係耶！我真係抗拒唔到XTC的呼喚耶！來了試(1)馬鞭草、(2)粟子雪糕、(3)米布甸同(4)椰奶…(1)像我的大忌玫瑰那種花茶味！禁~-_-買了(2+3)！前者有粟子粒粒…我鍾意呀！但不像中國粟子~像日式零食所用的栗子味！後者真的有飯粒~有飯香的。像平日將飯粒泡水的味道…椰奶冇特別…西米露的椰汁咁囉！Ha…栗子似乎很受歡迎！我已bud埋當日那盤最後一羮

今天發覺很多味道未見過。食了焦糖香蕉雪糕同雲呢拿布朗尼~前者香蕉味多於焦糖味。真係似食香蕉咁架喎！後者一睇見黑色一點點就知道真材實料咁由雲尼拿籽製成。雲尼拿味道唔假~ 係唯一brownie 的數目很少！今日喺 blueberry cheese cake 雪糕、黑芝麻雪糕、荔枝雪芭…幾樣中猶豫。真係想一次過買晒荔枝嗰隻有菓肉, 我又心動耶！

其實很久以前已經想試...高溫之下汗流浹背,買杯雪糕降降溫。要了綠茶與冧酒提子。這裡的雪糕食落頗滑,但缺點是很快便溶化。綠茶:綠茶味頗香,不太甜冧酒提子:酒味香濃,提子為提子干,提子干比較甜食畢,雖不至暑氣全消,但也有降溫作用。下次會試試其他味。

31.03.07因為張國榮...的紀念相展...到尖沙咀碼頭走了一圈.順到一試xtc...當然這是藉口;p好多人...沒有花時間試味...要了開心果及荳蔻味..人太多...雪糕有點溶...5分鐘內出水荳蔻味好香..開心果...我喜歡'g" 字那兒..尖沙咀海濱好多張國榮fans..做人要開心d...對自己好d

雪糕~ 我買到連菲藉嗰個職員都認得我喇！哈哈…佢好禮貌咁同我笑笑！我都試咗四隻味…當中一隻布冧雪芭味道怪怪咁…對我嚟講似童年奇樂膠嗰陣味囉！help ~~~咁今次杯裝試咗 caramel 同奇趣朱古力。前者冇過甜，微燒焦的香甜味~ 我鍾意食呀！後者有朱古力味的脆脆粒，似朝早溝鮮奶的可可米穀類早餐咁…難得在溝喺雪糕咁耐到食到尾都仲咁脆。服務態度又好，又好味…就算俾人認得點咗相我都會照繼續幫趁-_- 哈~ 為食的人係冇得救！

之前聽d fds 話好食，今日出開呢頭，就去試。試香檸雪芭同香梨砵酒雪芭。香檸雪芭，好fresh ，好清香lemon 味，夠酸，好醒胃！香梨砵酒雪芭，好大砵酒味，正，香梨即啤梨，應該係原隻打成蓉，因為食到pear 皮。幾新鮮ge combination！但服務真係差到痺，一入去，無人serve 你，個staff 應該係菲律賓人，完全唔理客人架，又無話介紹邊隻好食，又無話俾你試試味；到我諗緊要邊隻味，又好似好唔耐煩咁！我以為佢對外國人會好d啦，點知都係咁！遊客區黎架，小姐，服務咁到証得？

琴晚經過海傍, 試左依度的雪糕女友食酒味同普通朱古力, 酒味好正我叫左辣朱古力同開心果. d辣朱古力, 係吞落喉嚨才辣, 但真係幾辣, 食左一半就唔敢食. 開心果好食最好ｏ既就係買完，　可以去海傍食，　感覺良好

xtc 係最好味...食過da dolce ..唔鍾意...本天選了lum酒提子..超正...及紅豆...紅豆味重..幾好...店員好nice...買之前有兩個外國人買左兩杯...之後到我買....店員總共"cup"左3個印俾我...好好笑容say thank you....

唔係成日經天星碼頭, 今日經過就衝0左入去. 因為想試多好評0既芝麻味, 今次係第二次幫襯, 上次係去cwb 果間, 唔多選擇, 呢間多好多, 見有芝麻味, 真開心, 即刻試, 點知失望, 因為好甜, 芝麻味唔重, 其實上次都試過幾隻味, 都覺得偏甜. 最後揀0左淡d 0既豆腐&薑, 豆腐味好似維他奶, 薑味就有淡淡0既薑味, 我覺得兩者都係甜0左d... 好似上次0既開心果比較好, 欣賞佢真係有d 開心果! 下次都會再試其他, 不過會搭番開心果, 嘻嘻^.^