XTC Gelato (已結業)

和宴後，仍揀返我愛的xtc~^^母親大人冇我咁鍾意甜食，雪糕我都係與佢分甘同味咁啦！我試了新出的石板街、西柚、哈蜜瓜和有機牛奶版的vanilla。石板街—濃濃的朱古力又不太甜的雪糕，當中配上了棉花糖。這濃濃的朱古力味令我諗起這店食過的朱古力雪芭！西柚—顏色與現實西柚的菓肉無異，味道亦然，所以甜中帶有少少苦愜~但不嗜甜的母親大人頗愛這個。哈蜜瓜—愛食水果又愛甜的我頗鍾意這味道的，顏色當然很真實，味道當然亦似食緊哈蜜瓜啦！有機牛奶版vanilla—因為有機牛奶這個要$35，但這個太重奶味令我放棄了它，因為我想食真主角vanilla味道，這與價錢貴無關而真心講。但最後我揀了冧酒提子和原始版vanilla冧酒提子—雪糕顏色像酒一樣，啡啡咁~是砵酒port嗎？我唔g~但入口真係很有酒味，同時對我這種平日不飲酒的人來講係容易接受入口的。當然還有粒粒脹卜卜又有酒味的提子乾粒啦！嗯，我喜歡。原始版vanilla—這個真係夠原始奶味剛好，食得出vanilla籽原有的香味，當然亦睇到有粒粒的vanilla籽啦！睇唔到？因為這係當晚年青男店員為我的精心安排。(請詳見下文)食後感：事實我係聽到經痛就眉頭鄒的人

是晚練完choir, 口痕痕又想起了xtc~是晚flavours:hazelnut x ube今次試埋佢個cone~!先講果2隻flavours, 味道交足, 依然略甜. 雪糕的軟滑加上了hazelnut果仁同ube粒, 口感多了點層次, good!!但個cone個人認為唔多good, 脆就真係好脆, 仲幾硬身tim, 不過就欠了牛油香同蛋香味...所以都係食返杯裝的好了...今次呢個cone唔使錢, 因為已經儲夠12個印印XD之後又儲過!!! XD

飯後甜品又搵返佢，因為我很耐冇得食xtc喇！聲線仍有點沙都係仍然大無畏~罪過罪過！試了沙巴翁、芋頭、奶茶、龍眼紅棗沙巴翁—其實係蛋+酒的組合，但酒味很重，沒rum raisin那類咁容易令我接受。芋頭—我頗鍾意這個的，正正因為我食到有芋頭粒兼很香芋頭味，就係晚餐食完芝士咁heavy而捨棄了它。奶茶—似真係飲緊奶茶囉！但最後買了龍眼紅棗+黑芝麻喺去年暑假我在xtc試過齋紅棗雪芭，結果當日一試過紅棗sorbet就令我諗起平日母親大人點樣成日迫我飲紅棗水！仲記得有個學生妹買紅棗雪芭很佩服她難得的年青人肯乖乖食紅棗，因為個sorbet一入口就食紅棗咁even我g對女孩子有益！難得今次加了龍眼，當中的少甜中和了紅棗的難嚥，因為sorbet中真係很均真有紅棗皮屑讓我咀嚼，難得與龍眼沒有互搶風頭。其實我今次才正式第一次購買黑芝麻，但去年曾經在一次的試味中令我留下深刻印象而念念不忘，只係我當時被其餘的限定味道收買了味蕾…結果今日因為見其餘很多味道都食過而選了它！黑芝麻我覺得似焗過或烘熱過才整雪糕，真係很香濃很正！同我兩三日前去試的iscream黑芝麻真係高低立見。食後感：冇幫趁一兩個月換了做紙杯，係環

間間XTC都有唔同口味供應今日試左好多隻味!奶茶(真係非常似真的奶茶呢)草莓玫瑰(唔知點解會有肉桂味,唔鍾意)雪梨砵酒雪芭(推介!好清新)最後要左黑芝麻+薄荷朱古力MINT的顏色一點也不人造唔會好TIFFANY色嚇死人而家好有薄荷味但又唔會太辣正呀!服務麻麻地啦試味比丁點點人地試仲好似遊緊魂咁

有相當長時間沒有吃XTC的Gelato，在太古城中心開新店，可以付八達通以後再惠顧。口味評價：芋頭味有粒粒芋頭，本身卻沒有甚麼味道。開心果味道天然，真材實料。焦糖燉蛋不太甜，用舌頭舔才是真柔滑滋味。$27有兩球，$40有三球，可選杯裝或筒裝，可以儲印花，一定繼續光顧。

是日事事不順心，心情低落，走到了碼頭，填補上次的錯失。發覺這店的選擇比較少，多數都是已嚐過的味道。於是挑了一款新出的柑桔朱古力和紅豆，原來柑桔朱古力要加$2呢﹗我很喜歡柑桔的味道，這款雪糕也做到清新的感覺。而朱古力是粒狀的，混在雪糕中，很有咬口。紅豆味比較普通，不過勝在不會過甜，而且很幼滑。吃完之後又真的開心了不少。又原來450了。

好幾個月前食...西柚雪葩、士多啤梨雪葩及(我唔記得係咩名，限定版要+$2，好似係好多樣生果攪咩一齊)*西柚雪葩*最淺色個隻。第一啖，有陣西柚既苦苦澀澀，開始感覺唔多好，但食多幾啖之後，覺得幾清新，又無其他個d咁甜，係一種不錯既中和劑。*士多啤梨雪葩*聞到有陣士多啤梨香，但略為甜了一點，幸好係雪葩所以無咁'流'。*限定版*最深色個隻。個sales話係好多隻生果攪咩，但我真係唔記得有咩生果...食落有d粒粒咬下，可能因為係好多種生果攪咩，所以較重味，口裡既香味持續最久。*開心果味*一定要試下，真係好好味。有少少碎粒俾你咬下，唔算好甜，而且唔算多地方可以食到呢隻味，好好味架。每次去xtc買雪糕...應該係話買雪葩，因為佢既雪葩比雪糕好得多，買完就會行過隔離一路食一路吹下海風傾下計，感覺良好。

練完歌貪吃地到XTC買返個GELATO慰勞一下自己~ 是晚試了GINGERBREAD + BANANANA超甜!!!! @__@""我都食返甜0野啦, 習慣返D甜食...都唔係好頂得順...是這一批GELATO下重手了點吧...?不過咁, 我幾鍾意GINGERBREAD個口感~因為混了些GINGERBREAD碎在當中~令個GELATO有煙靭的口感~ ^^

聖誕夜心情唔多靚想搵甜品食下啫,尖東通街都係人人人,Hazzgen-dazs、許留山通通排晒隊,幸好呢到得3個位坐,人流快啫1)薄荷味~麻麻地,有d怪2)夏威夷果仁~好味喎總括嚟話Gusto 好味好多

已有一段時間因唔順路而沒幫趁xtc…「老朋友，久違了！」甜食當然不能解決困難，但能夠替我打氣加油叫我繼續撐住付出勇氣去面對困難。陸續的困難真令我痛心~沮喪今天選了x’mas fantasy + 草苺雪芭因為x’mas fantasy係聖誕季節限定就貴$2~實情就係vanilla雪糕混入草苺醬和朱古力碎。當中的草苺醬當然比麥記的士多啤梨新地真實得多~而且朱古力碎分佈平均…愛甜食的我很喜歡！不過配搭的心思又唔似平日xtc一貫的作風—簡單少有刻意後者就比我上次食時的印象好~冇咁酸…結果兩種味都係有strawberry~hahah季節性或節日性推出的口味很合我心意。因為耐唔中就久旱逢甘露嘛！職員ok~我仍然沒變心，只要合我胃口不論平貴我都照殺，扮靚亦然。

同契細佬去完海運外看燈飾，就帶佢去食雪糕。我要了watermelon & lime ($27)。watermelon 味道淡淡的，個都有西瓜味。lime 就依舊係咁酸，o岩晒我！呢個味夾埋一齊好好喎，一酸一甜，好refreshing~契細佬係細路，所以只要了單球，要了佢最鍾意ge mango~ 我試咗一啖，好rich mango 味，無酸味，ok~服務員態度好友善，會主動問你想試邊隻味，雖然人好多，但態度仍然殷勤，抵讚！

12月12日, starbucks薑餅餐後綵排之前, 小女子見仍有時間, 雙腳就不由自主咁行到去xtc的店舖當中...XD 繼續我的應節食旅XD見佢出0左幾隻聖誕特別版, 一見新0野雙眼就發光~ +v+ 試0左佢隻marnier同egg nog, 事先聲明, 2隻味係幾九唔搭八的, 個sales哥哥都講0左俾我聽, 只係我一心想試多d新味道, 所以都唔理佢有幾唔搭八喇XD出0黎0既結論係, MARNIER呢隻味易接受D~~~要讚讚個哥哥仔的服務態度!!! 好, 為0左佢就俾個笑啦~!! XD

今日再寫xtc又再因為遇上心坎中的味道。我第一次遇見的味道！^3^我似乎有點犯賤~烏冬就嫌個湯底鹹，但今日xtc我就選了一隻海鹽焦糖的雪糕~yeah最近半年屋企選了海鹽作為烹調煮食之用~媽媽介紹阿太們用人人都出奇估唔到海鹽與一般食鹽原來煮出來的菜係有明顯分別。但原來配搭雪糕真係幾得意~係很少很自然的鹹！加上焦糖的香甜我覺得很特別。有食過royce古古力薯片的朋友就會明白~因為薯片亦係混合少許鹽粒及古古力的香甜！至少今個月我食了兩盒，所以一食這雪糕時就想起它了。愛食這薯片的朋友可嘗試這款雪糕的感覺！

最愛的口味是:Chocolate XTC,Clover Honey Yogurt and rasberry cheesecake, 口感細滑, 味道濃郁, 食完這裡的Geleto, 已對其他牌子的雪糕失去興趣...

一寫再寫xtc本來我就覺自己冇heart的~不過...今日開這食評係因為早幾日再食士多啤梨sorbet時就發覺原來它都未算係我心坎中那杯茶。理由？因為我估當中部份的士多啤梨用上了較生的草苺，味道真係有點酸~像平時食佔了1/3面積係青色的草苺！>.<"""若然換了係那種紅得嬌艷玉滴的草苺不知sorbet味道會如何呢！？或者咁樣部份人會覺得甜~嘻...但我喜歡^^v紅色的苺類來說...食了這麼多次值得我再encore我會揀raspberry同summer edition的"仲夏嘉年華"！真係有很真實的果汁感覺。^^一直都一買再買xtc係因為適合唔太熱衷忌廉感但又追求原汁原味的我。喜歡sorbet的朋友仔xtc會係一個唔錯的選擇；喜歡又輕又滑像haagendazs的口感咁我會投da dolce同gusto！多謝收睇XD