Yadllie Plate 야들리애플래이트 (海之戀商場)

朋友生日，找地方相聚，選了這家；一行 6 人，預早 book 位。坐下後看餐牌，已覺選擇唔多，原來係掃 QR Code 點餐，但也沒太多選擇，今天連五花肉也沒有。 認知中，韓國餐通常都有前菜，但原來這家是沒有的。我們叫了半半炸雞，八爪魚煎餅，生牛肉沙律，紫菜手抓飯，鱈魚乾海螺伴麵，農家鮮泡菜。每款份量唔算大，尤其八爪魚煎餅，約 7 寸薄薄的一個餅；伴麵份量上算正常，但鱈魚乾非常硬， 要咀嚼很耐；手抓飯味道很淡，份量唔算多，侍應幫我們將手抓飯整成一個個波波，面上加芝士，但感覺與飯團格格不入；鮮泡菜唔辣，還帶點甜，感覺怪怪；生牛肉沙律尚算好吃。整體感覺一般，食物選擇唔多，味道一般，未至於有食評者說的 CP 值高，應不會再來了。

Yadllie Plate 야들리애플래이트 , 海之戀商場分店 , 食韓國菜式, 佈置以英倫風火車設計, 十分搶眼， 打卡一流, 如置身於火車上, 環境舒適寬敞， 與朋友聚餐一個好地方。手工炸雞伴牛肉紫菜包飯／午餐 $128 紫菜包裹著鮮味柔軟的牛肉 ,口感豐富清新， 必食手工炸雞, 外脆內軟 ,又香又脆, 跟配泡菜醃得好入味, 新鮮沙律爽脆，恰好中和了炸雞的油膩感，滋味平衡。 驚喜二重奏 $258 🔸️頂級肉眼牛扒🔸️炸雞 厚切的肉眼牛扒在熱燙燙的熱石上，香氣十足， 牛肉自己 DIY 烹調， 自己控制 幾多成熟，燒至五成熟，不需要任何調味 ， 吃到純樸的牛肉， 入口軟嫩，充滿肉汁，跟配的炸雞， 雞皮不但香脆 , 雞肉嫰滑，讓人喜歡。 魚介湯鍋 $238 魚介湯底湯底好鮮甜， 份量十足有🔸️韓國三色年糕🔸️魚糕串🔸️魚豆腐及🔸️新鮮蔬菜等每款食材吸收了湯底精華 , 份外滋味 , 滿滿韓國街頭風味。 特別喜歡魚糕

朋友生日，見到OpenRice咁多人推介，就嚟試吓荃灣呢間韓國餐廳。上咗OpenRice book枱，remark左朋友生日，想要甜品。超快有電話打嚟話佢哋甜品只有沙冰類🍧所以預期都唔會太surprise。點知，到咗當日上枱嗰份甜品，畫細公仔勁靚，朋友好鍾意😆當日嘅服務都非常好，覺得呢度嘅職員真係好有心。食物方面，五花腩肥瘦剛好，加埋啲菜唔會好油膩👍🏻其他食物是正常發揮，唔算特別出色。

Donki行完街, 係同一層見到呢間韓國餐廳入去一試, 裡面採光度十足, 環境舒服, 店員安排我哋二人去卡位, 夠哂寬敞, 唔經唔覺食左個幾鐘😂🔹火炙牛將牛肉切成均勻嘅薄片, 用醬油, 薑蒜和香料等調味料醃漬, 由店員親自用火槍幫我地快速烤熟, 令外層形成一層微焦的外皮, 內部仍然保持著嫩滑多汁嘅口感, 呢個前菜超美味😋🔹芝士牛肉煎餅滿滿熔岩式芝士鋪面, 芝士奶酪同牛肉香味非常夾, 煎餅餅皮好酥脆, 趁熱食, 呢個超級推介💯🔹農家鮮泡菜食韓國野點少得泡菜, 泡菜唔會太酸, 辣椒、大蒜、蔥、等發酵時間拿捏得正好, 夠哂入味👍🔹半半炸雞 (大邱辣醬,蜜味乳酪粉)大邱辣醬炸雞酸酸甜甜, 有少少辣蜜味乳酪粉炸雞有少少甜味, 奶酪嘅香味呢兩款口味揀得非常好😂兩隻都好岩我口味, 炸雞外層酥脆, 肉質鮮嫩多汁, 越食越起勁😝😝🔹特種部隊鍋個鍋一到, 先呷一口熱湯, 少少酸辣味, 配料超豐富, 有豆腐，冬菇，金菇，年糕，肉腸，火腿，午餐肉，椰等等, 再加入一包韓版辛辣麵, 飽點再推上一層, 大滿足😋🍹海鹽焦糖沙冰焦糖甜味好突出, 加埋海鹽, 鹹甜比例剛好, 食辣野一定要飲杯沙冰爽下😙🍹香蕉沙冰正常水準

呢間餐廳有多款韓國食品選擇，餐廳好大間，座位闊落，午市更有午餐供應，我地叫左一份原味炸雞同甜辣既半半炸雞雞肉嫩滑，仲有地瓜條一齊食唔會好熱氣，炸雞皮脆唔會勁厚粉，炸到金黃香脆岩岩好，另外仲叫左一份牛扒配沙律，牛扒大大塊用石燒方法煮成唔會好韌，而且仲可以揀幾成熟，牛扒仲會幫你切好一片片，配埋沙律好fresh,年糕鍋物辣得過癮，年糕份量都好大碗同好多入面仲有魚糕tim,甜品叫左士多啤梨沙冰，牛奶冰底好香。

好姊妹想試好耐今日收早同佢嚟到海之戀商場開餐上次嚟無Lunch menu 啱晒啦想食五花腩又怕食唔晒可以叫L08 石燒腩肉伴香蔥煎餅$158跟新鮮泡菜+新鮮沙律餐飲：手調百香果水果茶上枱仲熱辣辣～生菜包住泡菜五花腩實在太爽沙律除左菜仲有梨甜好甜百香果好香唔會太甜上次試左柚子今次試下蜂蜜米酒$78有蜂巢掛邊，打卡一流，影完影成舊放埋落去有追開我文既都知我好鍾意韓國米酒加埋蜂蜜真係好夾飲到最尾食埋件蜂巢即刻感覺好滋潤芝士蟹籽蛋捲$128係每次必點，因為真係太好食香辣芝士八爪魚$138店員會幫忙將🧀🐙糾纏係一齊芝士拉絲卷住爽口微辣既八爪魚～絕呀！配埋香蔥煎餅都唔錯火灸牛$98朋友未試過，所以又叫，有些少唔同既係呢邊無醬汁係底，不過各有千秋食到咁上下又口渴再叫左杯菠蘿米酒$58呢杯飲落有汽同蜂蜜/柚子又唔一樣我心目中排名1️⃣🍯蜂蜜2️⃣🍍菠蘿3️⃣柚子仲爭益力多未試，但今日真係飲唔落朋友叫左藍橙荔枝梳打$48好靚呀！藍海呀！好有層次~又係一杯打卡飲品頭先話飲唔落係因為要留番個位食甜品上次試左蜜瓜今次試朱古力雪冰$88幾驚喜喎係黑朱古力唔太甜配雲尼拿雪糕有d朱古力脆脆🧊保持到水準好綿滑無冰粒下次試🥭好無呢

約朋友去荃灣西覓食，突然想食韓國菜，就去Yadllie Plate，餐廳裝修簡約舒適，空間感十足，坐得舒服，食物方面不止有炸雞，還有多款韓式美食和特色飲品/甜品🔆驚喜二重奏 (頂級肉眼牛扒、炸雞) $258有牛扒又有炸鷄，一次過滿足食肉獸嘅慾望，上桌時，牛扒是放在熱石板上，熱氣騰騰發出誘人的滋滋聲，肉質柔軟，肉汁豐富，非常好食 ，炸雞大約有4-5件，以Yadllie獨有的專利腌製技術，發酵72小時以上製作，肉質嫩滑爆汁，外層非常酥脆可口，果然有驚喜🔆 特種部隊鍋 $198大大個鍋舖滿各樣配料，份量好豐富，有午餐肉、椰菜、年糕、冬菇、金針菇、腸仔、芝士、茄汁豆、泡菜、豆腐等等，湯底酸酸辣辣好開胃滋味，再加入韓國辛辣麵一齊食，口感好豐富，超級滿足啊🔆八爪魚沙律 $118八爪魚非常爽口彈牙，車厘茄和沙律菜都新鮮爽甜，配搭韓國特色醃製魷魚，令人胃口大開。🔆海鹽焦糖沙冰 $68沙冰融合海鹽的鹹香味和焦糖的香甜，口感綿滑，味道香甜美味🔆巨峰乳酸梳打 $48 巨峰乳酸梳打甜度適中，內有很多乳酸爆珠，清新解膩💸每人平均消費 $380（加一服務費）

環境幾好，服務還好，食物可以，炸雞🍗好味不會太乾，水冷麵味道還可以，芝士排骨比較辣，芝士蛋餅好味道，今次冇嗌部隊鍋，叫了魚糕🍥喎味道都幾好，卡邦尼年糕味道唔辣都幾好味，滷水豬腳味道一般，一定要嗌個蜜瓜雪花冰，非常好味

餐廳午餐全部食物都有7折所以比夜晚食會更抵食💫但要注意有落場時間唔好太晏去食🤲🏻🔺芝士辣炒雞 $89.6(7折後)真心要推介,好好食!!!🤩店員會幫忙整撈好哂炒雞同芝士,每一舊雞都佈滿芝士仲要係拉絲的🧀雞肉有煎過所以都幾香,又嫩又冇雪味🤤配埋芝士食真係好好食!!比上次食嘅炸雞真係好食好多,必叫💞🔺玫瑰牛肉炒年糕 $89.6 (7折後)本身以為會辣點知唔辣的😉鍋入面還有芝士撈勻後又可以拉絲🧀玫瑰醬係甜甜的配上年榚好夾,年榚都好煙靭唔會硬🤍配料還有牛肉,娃娃菜同洋蔥🧅整體好夾,份量都偏多~🔺八爪魚煎餅🐙$89.6 (7折後)呢個就相對普通🥸煎餅都煎餅好脆但單食就唔太夠味要配醬汁食先得💫煎餅入面有八爪魚,韭菜,洋蔥💦🤤好味度 : 9/10🔙回頭率 : 9/10

今日試咗呢間韓國菜式，鍾意食韓國菜嘅可以黎一試！本人覺得菜式味道正宗得黎又幾特別，係其他地方少啲食到👍🏻雪魚乾海螺伴麵賣相好之餘味道有驚喜！首先個味道有韓式辣醬嘅味帶點青瓜清新香味仲有雪魚鮮味，冷麵麵質爽口得黎又彈牙，除咗有好多雪魚之外仲有好多海螺嘅料，超足料！玫瑰牛肉炒年糕呢個味道超乎你想像，重重芝士香味，又creamy ,帶點牛肉香味，非常惹味，年糕口感當然很好，食唔停口！驚喜二重奏（牛、炸雞）安格斯牛在石頭上自己鐘意食幾熟自己煎，肉質鮮嫩多汁，牛味甚濃！炸雞都食到雞嘅鮮嫩，多汁，非一般韓式炸雞👍🏻魚介湯窩份量大到嚇呆左，味道亦十分正宗，魚糕魚味鮮香，口感Q彈另外不得不提嘅係呢度環境好，服務都係一流👍🏻👍🏻

天寒地凍，有咩好得過一碗熱湯？有點猜不透，韓國炸雞店，炸雞不算太好食，但其他韓國料理竟然是出人意表的美味🍲魚介湯鍋 （$238）炸雞店點解小弟首推魚蛋鍋？ 其實唔係太講得通… 但係凍冰冰的日子大家都領教過，有時一碗清清的熱湯就正正係我地想要的。一邊滾著的串串拼盤，昆布魚介清湯都係無限添加，各式各樣的魚糕串，唔係甚麼山珍海錯，但係一口已經感動人心。🥩滷水五花腩（$288）鍋燒厚切的腩片，就算是滷水亦很清淡，暖暖的很好吃，但記得要包點菜一起吃，來個正式韓味食法。🥚韓式牛肉蛋捲 （$128）蛋捲玉子燒下面是蛋汁以及醬燒牛肉，牛肉唔算突出但蛋香較濃。🍖驚喜二重奏 （$258）鐵板韓式牛排配招牌炸雞，但係鐵板太小，亦都令牛排翻面比較吃力，另招牌炸雞有點過火，肉不太夠以及較乾，要另一盆蜜味乳酪粉炸雞幫補一下，失望之作。🍗蜜味乳酪粉炸雞（$188）可能係因為我不太喜歡這種比較乾，瘦的部位，大約係雞架雞翼左右。剛才的招牌麻麻地，上了粉亦幫不了多少，番薯條好像更好吃。🍹芒果菠蘿mocktail ($128)吃炸雞亦少不了酸甜開胃的芒果菠蘿特飲，解膩，好味，下次要加點酒精才行，很搭很好喝。

📍荃灣大河道100號海之戀商場2樓2030-2032號舖同朋友係佢樓下食一間私隱度高既韓國餐廳上菜速度好快 半半炸雞 原味+蜜味乳酪粉$208番🍠薯條好食魚介湯鍋 $238湯越煲越清甜 有金菇冬菇雞蛋羅白芝士 紫菜手抓飯 $88 店員好主動 幫我地包埋 夾埋塊芝士一齊食好正 Lunch set 燒酒麻油雞配白飯 $118配新鮮沙律 一杯燒酒 可倒落湯入面洛神花茶 +$18玫瑰蜜桃果茶$42蜜瓜雪冰$88 唔太甜 中間夾住雪條 賣相好吸引

好鍾意去荃灣海之戀既分店，因為景觀好開揚，可以睇到汀九橋又望到海，心情都舒暢好多💕🔸驚喜二重奏係牛扒同炸雞既組合，牛扒上到枱仲係吱吱響，店員仲提我地要反下塊肉，唔係會痴住左係石板，炸雞皮脆肉嫩，咬開仲有肉汁bi 出黎😋🔸紫菜手抓飯有蟹籽，飯素同紫菜組成，可以增加下食飯既趣味，大小由自己決定🔸莫索里拉芝士排骨睇住店員將芝士熱溶再卷上排骨，超拉絲💕排骨已經調好左味，咸咸辣辣💕🔸八爪魚煎餅餡料非常足，而且咬開邊邊係聽到好清脆既聲音，八爪魚彈牙🔸玫瑰牛肉炒年糕驚喜左我，初初以為好辣點知係甜辣甜辣，年糕煙煙韌韌，配埋醬汁同牛肉唔覺唔覺好易食哂😂🔸農家鮮泡菜泡茶爽口，唔會過辣🔸香芋沙冰顏值爆錶淡粉紫色，少女心滿晒😂香芋味濃🔸草莓乳酸梳打超多士多啤梨🍓粒粒同爆爆珠，酸酸甜甜送辣野一流🫶🏻

今日放假同老公係荃灣辦下年貨, 行下海之戀商場, 再去Yadllie Plate食韓國野, 之前老公同朋友食過話唔錯; 餐廳裝修新穎, 裝修有種高級格調, 英倫風裝修嘅列車, 以深藍色為主調, 高雅又時尚。店面都幾大寬敞, 坐得好舒服, 而且一直都播住熟悉嘅韓文歌, 好有氣氛。餐廳用QR code落單, 睇下個menu, 真係勁多嘢食, 樣樣都好吸引; 而家平日有午餐set, 午市散叫也會有7折扣優惠呀!Yadllie原味無骨雞 - $128呢度啲炸雞真係好味, 炸得一啲都唔乾㗎, 係好juic,y, 裏面係好多肉汁, 最重要嘅就係外面係脆卜卜, 原味炸雞都好入味, 揤少少檸檬汁已經好有味道㗎, 仲配埋炸甜薯條及酸蘿蔔。魚介湯鍋 - $238充滿韓國街頭小食嘅味道, 熱辣辣滾住湯鍋上枱, 有各式各樣嘅魚糕, 魚蛋, 年糕, 豆腐, 雞蛋, 蘿蔔, 新鮮蔬菜菇類等, 非常之豐富, 非常有口感, 份量都幾大呀!八爪魚煎餅 - $128我都好鐘意食韓式嘅煎餅, 呢間喺香港真心覺得係數一數二好食, 薄薄地, 厚度啱啱好, 入面有蔥絲, 洋蔥, 同八爪魚粒, 最正喺嗰邊煎到脆脆地, 好香口, 有

呢間人氣韓國菜一定唔陌生，荃灣西同旺角都有分店，除咗出名炸雞外，餐牌仲有好多選擇，所以每次去都可以試吓唔同食物，而家平日有午餐set，午市散叫也會有折扣優惠。裝修用咗Navy Blue 深藍色好靚，坐位又闊落好舒服。我哋叫咗份午餐再散叫一些食物，午餐包新鮮泡菜同埋沙律。🧡海鮮拌炸醬麵🧡份量好大份好足料，海鮮也很多，有蝦、魚、青口等，炸醬有肉粒、薯仔、洋蔥等，配以青瓜絲、韮菜一起拌勻食好好味，麵質也很滑。🧡街頭霸王🧡呢個炸物拼盤好豐富，有炸餃子、紫菜卷、芝士條、蔥絲、辣椒、無骨雞，全部都炸到熱辣辣脆卜卜，一定要記得沾配的 2 款醬都好好食，我最鍾意個炸餃子（裏面係泡菜洋蔥韓式粉絲餡），老公就最喜歡炸芝士條，可以拉絲😁。🧡陸軍部隊鍋（牛肉） 🧡我哋揀咗唔辣的醬油味湯底，清清地幾好，材料好豐富，除咗韓式燒牛肉，仲有午餐肉、腸仔火腿、菇類、年糕、蘿蔔、蛋豆腐等，仲會配個辛辣麵，呢個真係超級豐富滿足☺️💜草莓乳酸梳打💜💜香蕉沙冰💜飲品顏色賣相好靚，好大杯，少少甜幾好飲。