影片
更多
2025-06-07
0 瀏覽
呢個食評，係唔會有任何相片提供。因為每一樣串燒到唔值得我影相。一間自命為全香港最好食嘅餐廳，收費亦都唔平，我真係唔明白，啲嘢點解可以難食到咁，完全可以話佢係呃錢。先講環境，一入到間餐廳，啲位逼到阿媽都唔認得。你同隔籬位顧客，係可以膊頭掂膊頭的。環境嘈雜，一大堆內地顧客喺度喧嘩，其實既然係咁，點解餐廳唔俾嗰間私人房呢堆內地朋友呢？跟住一入到去，啲服務員係完全唔俾時間你settle down，係咁同你講呢樣講嗰樣，介紹個Menu又好似急口令咁，跟住想睇吓個drink Menu，未睇得切，又有位服務員即時想推介你飲啲乜嘢酒咁。成個情況好似係好趕急咁。講吓啲食物。我都唔知自己食咗啲乜。我印象中，佢嗰個白雞湯，同你自己喺屋企煲嘅雞湯一啲分別都冇，分分鐘自己煲得仲好飲。跟住佢啲雞串同雞翼，實在係太普通嘅味道，乜味都冇，隻雞翼個皮仲韌到阿媽都唔認得，入面啲肉又柴。有一碟串燒，佢係整個什麼燒芝士，再放喺一塊紫菜上面，個侍應仲話塊芝士係唔知什麼日本來的芝士。我完全食唔出有咩咁特別。只係一塊燒溶咗嘅芝士。佢啲天婦羅先恐怖。你哋自己去食過就會知。仲衰過酒店食自助餐嗰啲天婦羅。跟住無啦啦有一條燒粟米芯，仲話嗰
一間自命為全香港最好食嘅餐廳，收費亦都唔平，我真係唔明白，啲嘢點解可以難食到咁，完全可以話佢係呃錢。
先講環境，一入到間餐廳，啲位逼到阿媽都唔認得。你同隔籬位顧客，係可以膊頭掂膊頭的。環境嘈雜，一大堆內地顧客喺度喧嘩，其實既然係咁，點解餐廳唔俾嗰間私人房呢堆內地朋友呢？跟住一入到去，啲服務員係完全唔俾時間你settle down，係咁同你講呢樣講嗰樣，介紹個Menu又好似急口令咁，跟住想睇吓個drink Menu，未睇得切，又有位服務員即時想推介你飲啲乜嘢酒咁。成個情況好似係好趕急咁。
講吓啲食物。我都唔知自己食咗啲乜。我印象中，佢嗰個白雞湯，同你自己喺屋企煲嘅雞湯一啲分別都冇，分分鐘自己煲得仲好飲。跟住佢啲雞串同雞翼，實在係太普通嘅味道，乜味都冇，隻雞翼個皮仲韌到阿媽都唔認得，入面啲肉又柴。有一碟串燒，佢係整個什麼燒芝士，再放喺一塊紫菜上面，個侍應仲話塊芝士係唔知什麼日本來的芝士。我完全食唔出有咩咁特別。只係一塊燒溶咗嘅芝士。
佢啲天婦羅先恐怖。你哋自己去食過就會知。仲衰過酒店食自助餐嗰啲天婦羅。
跟住無啦啦有一條燒粟米芯，仲話嗰條燒粟米芯好名貴，我一食嚇死我。我去菜檔買嗰啲粟米芯仲好食過佢。佢個天婦羅set，最尾係有一嚿炸番薯。個服務員同我哋講，呢嚿炸番薯，係足足炸咗45分鐘㗎，所以個皮會好脆，個心會好軟熟。其實有乜可能一嚿番薯可以炸45分鐘。我直入口，佢只係一舊番薯。
成餐飯我都唔知自己食咗啲乜嘢。平時我去食串燒，食完佢個set，一定會再點其他食物。今次我冇，因為佢啲嘢真係好難食。我亦都唔想俾任何錢呢間餐廳去賺。食完個串燒，去咗隔離腸粉王食咗個拼盤。我覺得個腸粉王仲好食過呢間串燒嘅食物。
雖則咁講，但佢每一樣食物係你會覺得難食到嘔。但你就會覺得佢根本就係呃緊你錢。俾啲極度普通嘅食材你，就扮啲名貴菜式。
仲有一樣嘢不得不提。就係燒嘢食嘅廚師，你感覺到佢完全係對食物一啲心都冇。啲食物俾佢燒完，一啲生氣都冇。佢完全係Hea燒。我都未見過啲咁嘅日本廚師的。一啲職人精神都冇。真係嚇死人。
講咗佢咁多唔好嘅嘢，有一樣嘢係值得稱讚，就係佢個manager嘅服務態度。如果大家係想俾咁多錢去探吓呢個manager，係可以去食吓的。如果係為咗去食佢啲食物，咁就自求多福。
張貼
