YKK建榮

營業中

休息中

呢日陪朋友過嚟屯門交貨，佢話同我食個便飯，路經此地原來有個隱世熟食中心😮如果唔係呢頭返工都唔知啊，呢度離屯門西鐵站比較遠，要行12-15分鐘，如果轉輕鐵喺青雲站行返過去會近啲店鋪坐位在戶外，非常寬敞，大約7-8張枱，見枱枱都係有知Gas爐喺度，唔洗講緊係出名食火鍋啦！店員都介紹要試下呢度嘅煲或烤魚火鍋配料有好多選擇，尤其即烤響玲係必食但可惜本人腸胃炎剛剛痊癒，暫時唔敢食太油膩，所以狠心放棄😑呢度都有啲小菜，炒飯等等望落都幾吸引，而且好多都係香口小炒，好適合三五好友相約啤一啤🍺🍻啤酒牌子都幾多選擇，而且價錢都算實惠，但都係因為剛病好，今次先試下佢地嘅小菜上湯浸什菜，清清淡淡好啱我香煎黃花魚🐟黃花魚好少見，仲要咁大條，呢種做法煎完再用蔥同豉油爆香淋上魚身嘅我最鍾意🤤紅燒乳鴿🐦炸得剛好，肉質唔會老三色蒸水蛋🥚個人最喜愛呢個蒸蛋，夠嫩滑原來呢度除左小菜火鍋仲有韓式燒烤😯選擇都唔少，下次一定要再嚟試呢度嘅火鍋+韓燒😍

剛剛和媽媽去姨姨那裡辦年貨，之後我便帶媽媽去吃火鍋，她說不知道這裡也有火鍋大排檔，而且座無虛席，其實只是媽媽沒有留意，每年只是逛屯門花市，周遭的她都沒看見。這裡火鍋種類繁多，除有豬骨鍋，雞煲和魚鍋外，還有鵝煲，倒是第一次在火鍋店見到，不過早已售罄。我問媽媽想吃雞煲還是魚鍋，她想吃川味酸菜烤魚鍋，酸菜令人胃口大開。川味酸菜烤魚鍋未吃進嘴裡已讓我們興奮連連，看見手臀般長的烤魚，只有我和媽媽分享吃著，太爽太幸福了。外皮焦脆，魚肉軟嫩，且沒多餘的骨刺，吃來方便。混著酸菜酸美的烤魚，現在回味仍口水直流。川味酸菜烤魚鍋用料豐富，主角酸菜烤魚出色不用多說，四川扁薯粉晶瑩滑彈，包仔豆腐細嫩軟滑，當它吸飽酸酸的湯汁後更加味美萬分，我忍不住追加一份包仔豆腐。吃火鍋若光吃肉就不健康呢，故我們點選了西洋菜和荳苗，實行「雙菜齊下」，新鮮的蔬菜為火鍋增添清新感，繼續大吃特吃火鍋，果然不能缺少西洋菜與荳苗。黑松露餃可謂超值抵食，38元有六顆，每顆飽滿極致，餃皮帶有咬勁，建議第一口咬下時可以先吸一口黑松露肉餡的湯汁，免得湯汁流出。我咀嚼每一口黑松露餃均有清幽的黑松露香氣，豬肉餡料鮮甜具彈性。美國肥牛片有一定的厚度，紅

估吾到距離西鐵站不遠處會隱藏一間咁高質既火鍋大排檔！雖然係馬路邊，但由於偏離中心區，所以好靜，吾多車，食得好舒服．設備非常齊全，除左打邊爐，仲可以烤魚，雞煲，韓式燒烤等等重點推介豬骨湯底！好香濃惹味！雖然佢個樣up up dup dup甘，但係一間值得支持既有心小店！

身為打邊爐既狂熱份子，聽講屯門開左間火鍋大排擋，主打抵食靚料靚湯底，我就當然要會一會佢啦！好多湯底選擇～我地揀左$198既古法醉雞鍋，一擺低已經好大浸藥材味，好補身既感覺！而且仲有成隻雞比你做湯底！咁足料，當然煲出黎就超鮮甜，超重雞味！全晚既高潮就係呢份即炸響玲，唔係講笑，超鬆化，就咁食已經好好味，擺係湯到浸兩秒，吸晒湯既精華，仲正👍🏻👍🏻今次就無試到牛肉，豬肉就正正常常啦～佢既海鮮，一碟大約都係七十幾蚊，幾抵食～咁多野食，仲叫埋海鮮，埋單一個人都唔使$200，任食火鍋既價錢，靚料靚湯底，值得一試！

呢幾日凍到嘔 好想打個暖笠笠邊爐之前碰到鄰居 說附近有間抵食高質隱世大排檔 隱到屯門人都難搵得倒大排檔很簡陋 沒環境沒舒適度可言一陣陣冷風吹來 拿拿臨叫嘢食暖肚-🎖芝士即炸響鈴 $48呀妹呀爸不吃響鈴 偏偏我是響鈴狂芝士味？未見過 實在忍不住手不叫老闆叮囑要馬上吃 不浸湯剩食仲正手工把腐皮捲芝士 即點即炸熱辣辣嘩一夾超驚喜 鬆脆到用筷子都會碎咬落香脆酥化 口感味道都很有層次一陣風就吃完 喂不吃響鈴同我爭食自問全港響鈴吃不少 這裡很有水準-🐓YKK 建榮雞煲 $238份量驚人一大煲 呢隻雞睇怕係大雞生炒雞件加上配菜 洋蔥莞茜薑蔥蒜特製醬汁超濃郁惹味 直頭想汁撈飯雞肉滑溜入味 可惜到後面覺得太咸-食完雞自然係撈走雞油 加水打邊爐中和吓咸味 據店員說加的是真雞湯-🍖本地牛頸脊 $228雖說我不特別愛肉 但牛頸脊我愛吃靚油花分佈好均勻 灼一灼好有肉味食完雞半飽 牛肥美大份食食下膩咗這個價位這個份量感覺好街坊 抵玩-🐟脆鯇腩 $68海鮮控點會只食肉呢 就叫個脆鯇腩魚腩厚切八大舊 食落好爽口好新鮮-整體超抵 但食環境嘅人就唔好去喇食味道食性價比排檔風味 值得一試溫馨提示 雞煲好濃味用黎灼靚食材覺得

好耐冇探親戚，今次同幾個同輩份既三五知己表兄弟姊妹去打邊爐。哩d就係我地點既餸啦，我唔客氣喇。川味酸菜烤魚鍋($228)，烤魚既湯汁一流，唔會太酸，用黎淥埋其他野食仲正，條魚都幾肥美。太多款式喇，隨便介紹幾樣：豬潤，好爽好腍，每咬一啖個口會有濃烈豬潤味，咁先係最正。韮菜餃，餡料夠足。黑豚肉，價值同份量都成正比，又腍又冇根，絕對抵食之選麵 / 烏冬，吸晒湯汁精華，真係好好食。生菜，通常最後先食菜，因為可以解一解油膩感。

屯門搵fd行街，本來冇諗過晚飯食邊間，但哩排天氣咁凍，朋友即刻拉我去打邊爐，始終係佢地頭比較熟屯門區。酸菜烤魚，哩個佢推介必食，我覺得都冇介紹錯，酸尾尾既味道好開胃，魚肉結實好新鮮，食完條魚，可以將其他材料倒埋落去煮熟，野食可以吸埋個酸菜汁，好好味。美國黑豚肉，雖然唔會好似牛咁佈滿雪花，但肉多脂肪少除左健康d，食落有嚼口啲，而且黑豚肉好腍。響鈴，火鍋必備之選。size都幾大，浸3秒食得。仲有其他配料，包括山根、韮菜餃、海膽丸、唐生菜、烏冬。趁冷風期間，大家都可以打下邊爐，聽講之後氣溫又上升返。

好凍啊呢排 最岩打邊爐😍聽爸爸同事講 工廠區附近有間好抵又好食嘅火鍋店 見咁凍一於去試下👏🏻鍋底選了老闆推介的YKK建榮雞煲果然冇介紹錯 終於係屯門食到一品級的雞煲👏🏻足料一隻雞食極都食吾完，除了雞還有莞茜、花椒八角等香料，選了小辣已經夠哂惹味，又不會辣到冇哂味覺😙好不容易食哂雞煲可以打邊邊了，期待了很久，因為雜錦拼盤已經上枱了，好吸引❤️明明雜錦拼盤寫住係細(2-3人)，到枱時卻發現大得嚇人，而價錢居然只是198!!!!!!有牛肉、肥美的豬頸肉、鮮美的蠔、爽口的鵝腸、粉腸、蟹棒、魚皮餃、雲呑、雞子、新鮮的魷魚、高級的花膠😱😱😱😱😱應有盡有。。不得不提 用了雞煲的汁加上店內自家熬的雞湯，令以上火鍋材料特別鮮甜，不像外邊常常吃到的像滾水煮的淡而無味兩個人點的拼盤的話就不用叫其他了 尤其是吃了雞煲😂可惜我地叫前吾知有咁多野，最愛鵝腸的我還單點了一碟鵝腸，可是真的非常爽口，入哂雞煲及雞湯的精華，勁大一碟只是$58本場最佳：即炸芝士響鈴熱辣辣上碟，不小心叫得太多的我們原本打算清了枱面上的食物再吃新上枱的但因為老闆不斷提醒我們要馬上吃才好吃，於是就吃了哇，超脆超鬆化，老闆說因爲是自家製的，有人點才

未講食物之前先講服務員，他們非常好服務，又教你煮雞煲的步驟，又不時過來幫手睇火，清潔枱子。另外，個爐用gas爐，所以好猛火，打邊爐食物好快熟，正。古法醉雞鍋大大碟生醉雞，一黎已好重油味。侍應教我地待藥材湯底水滾後就放醉雞落湯，滾後熄火焗10分鐘。雞大碟之餘，藥材非常足料，有人蔘、杞子、龍眼肉、紅棗等，水滾打開蓋湧出濃濃藥材酒味！而且雞件好多都係雞脾同滑溜部位，食落去有重重的人蔘甘和杞子甜味。雲吞雲吞好大粒，皮又薄餡又多。一碟有10粒大蜆每隻蜆至少5蚊銀咁大，每隻蜆的肉都填滿整個蜆殼，真是啖啖肉。吃下去時蜆的清甜味混合人蔘味真的別有一番風味。鯪魚滑魚滑好彈牙，食落去好爽，感覺上用手打先有咁彈。不過個人認為魚滑配鼓油會較惹味些。肥牛呢隻肥牛多肉少肥脂，隻需灼大約20秒就可以吃。而且肉質非常鮮嫩，如果份量再多一些會更加好。菜好新鮮。食晒所有野臨尾落菜食，雖然較肥，但吸收晒雞煲的精華，非常正呢！

天氣凍凍地，又唔想日日都係打邊爐咁單調，所以想食烤魚！我個屯門原居民友人，就帶左我去呢間食！裝修簡單，但五臟俱全。客人大多係周圍嘅熟客，濃濃嘅人情味。講番野食，係主菜黎之前，嗌左個蒜泥白肉，滿滿嘅蒜蓉，加埋啲辣油，真係勁香。食完前菜，我個烤魚就到啦，重慶麻辣烤魚鍋，有得嗌辣度嘅，細到bb辣都得，同友人今次嗌左個小辣。魚骨係粗身嘅，冇乜幼骨，所以一夾就全部都係肉，唔會食到骨，岩曬我呢啲對魚骨無能嘅人。值得一提嘅係，魚鍋本身都加左好多配料，豆腐，薯仔，寬粉等，呢啲配料煮到最後，係勁入味！必食！將魚肉食得差唔多，就係時候加水，打打邊爐。美國肥牛片，雖然係雪藏貨，係難得地好重牛味，水準出色。深海帶子片，份量勁大方，十幾粒係度。雖然唔係話好吸汁，但最重要係食到佢本身嘅鮮甜味，而且煮耐都冇話好韌。包仔豆腐。以家香港真係好少地方可以食到包仔豆腐，雖然味道講真唔多特別，但都值得食。娃娃菜。多到滿瀉，個籃都裝唔曬。響鈴。係即炸嘅，仲要比埋泰式辣醬，可以就咁點黎即食，都ok嘅，唔會好油。不過就唔太建議食完魚鍋嗌，因為只會浸滿啲辣油。最後，呢啲咁地道嘅打邊爐，當然要配返支碑酒啦。

今日跟朋友你到而家位於屯門工廠區嘅大排檔食飯，見我嘅天氣開始轉涼有啲凍，咁最好就梗係叫返個麻辣雞煲打邊爐啦由於我都唔係食得好辣，於是我哋就叫咗個微辣雞煲黎試下喇雞煲一上枱，店員就好細心咁幫我地較好火喉，因為新鮮即叫即製嘅關係，所以我地需要等10分鐘，等啲雞能夠煮得岩岩好！等候嘅期間，麻辣嘅香氣不斷喺個煲入面湧出黎，令人食指大動，幾經辛苦10分鐘過去，終於食得喇！果然啲雞肉真係煮得啱啱好，雞肉仍然可以保持到嫩滑，而且亦都相當入味，佢嘅醬汁係非常濃郁，食落又麻又辣又香，真係會令人忍唔住食完一舊又一舊！食完雞煲之後我哋亦都加咗一啲配料打邊爐依一碟鵝腸，不單止分量十足，而且係極度新鮮肥美，水滾之後喺煲入面焯一焯就食得，食落爽甜甘香依一碟蒙古羊卷肉，肉質好嫩滑，放落個湯度焯一焯就已經食得，唔需要加任何調味料已經好好味！依一碟深海帶子片，雖然唔算好大粒，但份量十足！而且肉質好鮮嫩，放落湯到滾起亦唔覺縮水。烏冬果然係稻庭烏冬，煙煙銀銀，索晒雞煲嘅雞汁香氣，食落令人滋味無比。至於蟹柳嘅質素都唔差架，係高質素嘅蟹柳，用咁嘅價錢食到咁質素嘅嘢，真係去邊度玩啊⋯⋯

近日天气轉涼，一大班人食乜嘢好？又係时候食我最喜爱嘅火锅喇。今日就同朋友嚟到呢度位于屯門工廠區嘅YKK建榮火锅打邊爐，我最鍾意食啲鮮甜啲嘅湯底，所以就點咗一個卜卜蜆魚湯火鍋！個卜卜蜆魚湯火鍋一黎到，就散發着一陣海鮮香氣，令人食指大動。湯滾起之後我就試咗一碗仔湯，果然真係鮮甜無比，用來烚火鍋配料簡直一流！而且湯底入邊真係充滿配料，啲蜆夾完一隻又一隻，而且隻隻都好新鮮！打邊爐除咗湯底之外，最緊要係乜嘢？咁就梗係新鮮嘅火鍋配料啦！依一碟手切新鮮本地牛頸脊，果然夠晒新鮮，食落口非常之香軟滑溜，而且牛味濃郁，配上呢個鮮魚湯底，簡直一流，味蕾享受！另外依一碟響鈴，真係即點即炸，上檯時仍然係熱烘烘！就咁食落口已經又香又鬆脆，再放落個湯底度拖一拖，又係另一種食法，可以吸收晒湯底嘅精華，回味無窮！呢碟脆鯇腩，又係夠晒新鮮爽脆，本身依種魚係冇乜味，但配合呢個卜卜蜆魚湯，即時令佢嘅味道有所提升，食落口多咗一份爽甜嘅感覺！依一碟鮮魚卜，除左夠晒新鮮之外，份量亦極之誇張的多！我敢講自己去街市買都無咁平，性價比超高！而且放落個卜卜蜆魚湯入面又係超合拍，食落鮮甜爽脆！

同女朋友夜麻麻喺屯門先來搵嘢食，諗起上次食過嘅一間大排檔味道唔錯，所以今次一於再食多次，今日嚟到依度我哋叫咗個雞煲，一坐低姐姐就已經行過黎問我地食啲咩，我哋叫咗個雞煲先，效率超快，等左10分鐘雞煲就已經上場啦。主角小辣雞煲，啱晒唔係太食得辣嘅朋友仔，而且佢嘅顏色好吸引，未食嘅時候都已經聞到佢震震嘅雞煲味，真係正到我流口水，而且啲雞已經入晒味，而且裏面根本有好多嘅洋蔥，同埋莞西，最重要嘅係佢份量好足呀。 Wasabi青瓜，呢個青瓜真係餐前必要嘅小食，因為佢本身已經上邊有啲Wasabi喺度，而且又唔會好辣好攻鼻，青瓜新鮮又爽脆，入口又甘甜，用理解麻辣簡直一流。食得雞煲，護師就梗係必要啦，因為我覺得芋絲佢可以索晒雞煲入邊嘅精華，食落口扮扮麻辣嘅香氣，最重要嘅係脂肪係零呀，啱晒我呢啲減肥人士你一碟牛肉真係鮮嫩無比，色澤紅潤又有光澤，入口即溶，而且索晒雞煲嘅精華，簡直係人生一大嘅享受啊⋯⋯

朋友轉咗工在屯門工廠區，發現有間好正嘅大排檔打邊爐，要帶我去食， 呢度位置在工廠區裏面，所以冇人帶路的話，真係難搵d。搭輕鐵可以在青雲站落，另外都有幾架巴士線路經青雲站，見到YKK工廠大廈，側邊就係啦。雖然話地方有啲難搵，但都有好多人一家大細來食飯打邊爐，幾熱鬧，相信呢度的野食都唔錯的。睇下餐牌，秋風起， 當然要打邊爐，食雞煲啦。 由於建榮雞煲係一隻上，價錢都只係$238,比起其他食肆平好多，決定食雞煲！來得大排檔，少不了飲啤酒，呢度嘅啤酒價錢唔算貴。火鍋材料一般有的都有，價錢比坊間的食肆便宜很多啊！雖然食雞煲，職員都服務好好，問我哋要唔要火鍋醬料，我最鍾意食蒜蓉豉油，當然要啦！估唔到佢的醬料都幾新鮮，葱花還是很翠綠的，蒜蓉的水份也很多，是當晚才新鮮準備給晚市用。雞煲到， 差不多裝滿一煲，隻雞都幾大隻，而且是生炒的，保持肉質新鮮嫩滑。配料也非常豐富，薑片、紅椒、洋蔥、蒜蓉、芫茜、葱等等都有，令雞煲的香味發揮得淋漓盡致。雞肉非常新鮮嫩滑，熟度剛好，沒有過老，而且雞肉很入味。 辣度點了bb辣， 實際比坊間的雞煲要辣呢！有小辣程度。原來雞煲的醬汁本來帶少許辣味，廚師想雞煲煮出來的香氣揮發得更

屯門工廠區YKK附近最近有一間新嘅大排檔轉左手，呢度除咗有烤魚鍋之外，仲有非常之特別嘅鵝煲，睇到餐牌原來呢度嘅招牌菜就係鵝煲，所以我哋二話不說即刻試一試先！係主菜黎之前我哋都點咗幾樣小食，包括蒜泥白肉，涼拌木耳，炸韭菜餃，同埋尖椒皮蛋！特別推介嘅係蒜泥白肉同埋涼拌木耳，蒜泥嘅香味非常之濃厚，木耳夠辣，好開胃，岩哂鍾意食辣嘅人！主菜招牌鵝煲終於都到啦，佢嘅醬汁好惹味，鵝煲內有半隻鵝，三個人食份量岩岩好，唔會爭住食！食完鵝煲後，我地可以加湯，用番個煲黎打邊爐，天氣開始轉涼，打邊爐真係冇得頂！呢度唔單止有一般嘅火鍋配料，仲有唔同嘅海鮮，我地點左深海帶子片，緊係要試下啲少有嘅野啦！另外，我地仲點左肥牛，黑椒牛丸，香菇貢丸，魚皮餃，生菜等等，每樣野都係散叫嘅！飲品方面除左有基本嘅汽水，仲有可以下火清熱氣嘅加多寶，凍飲配火鍋，正！呢度嘅環境坐得幾舒服，唔會同隔離枱好近，所以唔會好嘈。至於可能有朋友覺得去大排擋食飯好熱？放心，呢度周圍都有大風扇，而且仲係入水出冷風嘅風扇，唔洗怕焗怕熱喇，非常貼心呀！