Youniqueed (已結業)

尖沙咀新開左一間小店，佢嘅咖啡同意粉都唔錯，我最鍾意嘅係佢嘅咖啡，所以都分享一下。座位其實唔算多，睇得出佢嘅主打係同其他大型咖啡店唔同，因為佢喺客人嗌咖啡之前都會介紹一下，例如我叫咗Dirty，佢就同我講呢個Dirty係Double Espresso同奶，同埋係唔會溝埋一齊飲，所以要好快飲完。我就叫咗一碟意粉，蕃茄洋蔥白蘑菇巴馬臣芝士意粉。一碟意粉份量就正常，佢嘅材料都好足，佢嘅蕃茄味都好香，一個人靜靜地喺度食個意粉，飲杯咖啡，都幾開心㗎 ！食嘅時候就見到舖頭大部份來嘅人都係熟客，因為每一個嚟買咖啡嘅人，咖啡師傅都會記得佢想飲乜嘢同埋傾兩句計，幾有人情味

偶然之下發現咗呢間隱世小店，餐廳雖然只可容納9位，但見到都有唔少熟客，而且食物同咖啡都非常精緻好味！Menu簡單清晰，好快就揀到想要嘅嘢食，唔會搞到人花多眼亂。Cappuccino先送上嚟~見到咖啡師拉咗隻海馬同心心，超級犀利！唔單止咁，仲見到佢幫其他人拉嘅花都好高難度，有一杯好似係戴住王冠的國王~泡沫好綿密，咖啡醇厚，飲落肚暖笠笠，令人心情愉快~Main course嗌咗risotto，有蕃茄、洋蔥、白蘑菇、雞肉同巴馬臣芝士做配料，蕃茄嘅味道好濃郁，酸酸甜甜，非常滋味！雞肉等配料都好嫰滑，令味道好豐富！Risotto係屬於偏粗硬一啲嘅，個人幾鍾意，比較有口感，唔會太軟太濕~

係尖沙咀, 難得見到一間手沖啡既cafe. 經過門口, 不其然就入去試下。 舖面細細, 黑白間隔為主。 感覺幾chill。 可以有個地方安靜飲下啡。老闆都好有耐心介紹有咩咖啡好飲, 又介紹下手沖既學問。 真係學到野。Tea time時段，叫左個梳乎厘配 gelato雪糕。梳乎厘真係即整, 所以要等。 但真係值得。 佢既梳乎厘都係煮到外脆內軟。 但我鍾意佢入面既蛋白質感好豐富。 唔會多粉似蛋糕。 因為如果粉多會食到好飽, 佢lee個唔會, 暖暖既蛋白, 外面既薄皮又有少粉質感, 好味，唔會制。 加上佢個雪糕好夠冰, 一暖一凍, 食落好爽。因為天氣太熱, 所以冇試手沖, 就叫左 gelato affalato。 因為都係雪糕, 咖啡師等我食完個甜品先上野飲。 好細心。 之前甜品既雪糕係士多啤梨味，而affalato就係雲尼拿味。 竟然有雲尼拿籽，所以好香。 加上杯 espresso, 淋上去已好治療。 加左雪糕飲落冇咁苦。呢度環境真係幾舒服, 真係一個嘆啡既好地方。

💖今日經過加連威老道，見到間新cafe，裝修行黑白🖤🤍簡約型格風。入面大概9個位左右，我下午茶非繁忙時段去都好快坐滿🈵️1⃣️All Day Breakfast🍳 $98💖全日早餐有法式多士🍞、紐倫堡腸🌭、煙肉🥓、漢堡扒🍔、蕃茄扒🍅、蘑菇🍄炒蛋🥚、牛油🧈粟米🌽、沙律菜🥗同車厘茄🍅，大部份都係兩件，大大碟🍽食完都幾飽🤰🏻💖鍾意鹹香嘅漢堡扒🍔同酸甜多汁嘅蕃茄扒🍅一齊食，另外脆多士同蘑菇炒蛋一齊食都唔錯。車厘茄整成兔仔樣🐰，好有少女心🥰2⃣️Flat White☕️ $43💖要咗杯熱flat white，拉花係隻松鼠🐿️，好得意😍入口順滑，咖啡同奶嘅融合都啱入門嘅人飲。💖Menu仲有好多飲品選擇，望落都好吸引。店主兼barista好比心機，會同客人介紹咖啡種類，大家經過尖沙咀都可以嚟支持下呢間本地小店🤩🤩

今天去搵係尖沙咀翻工的朋友食飯😛店內位置不多，lunchtime全滿～Menu: 我地order左一款意粉、一款意大利飯：1️⃣ Tomato Chicken Mushroom Risotto ($75)個樣就其貌不揚，就睇你係唔係外貌協會會長🤣 蕃茄醬酸甜度調校得好適中，如果要具體啲去形容呢個味道…佢同肉醬多莉亞有七成似😆 啲雞肉好大塊，食落啖啖肉🤤 而蘑菇就切到同飯粒差唔多大細，增加咀嚼時既口感👍🏻2️⃣ Squid Ink Spaghetti ($88)相對risotto，個意粉嘅調味就比較鹹，不過嗰兩粒帶子又煎得幾彈牙🥰3️⃣ Hot Special Receipt Chocolate ($45) 上網睇OpenRice食評話呢杯飲到咖啡嘅味道，究竟係咪我嘅舌頭唔夠靈敏，我單純飲到好甜嘅朱古力味🤣 但呢杯飲落有濃濃嘅朱古力味道，好似食緊一排融咗嘅朱古力咁🍫4️⃣ Iced Mocha ($45)估唔到係杯完全唔甜既mochaaaa🤭 咖啡味比起朱古力味重🤎 唯一係覺得冰塊太多(?) 上枱一陣間就有一層冰融出嚟水浮係咖啡上面，稍微溝淡咗成杯飲品😥P.S. 最後食到兩點幾，只剩下我和朋友一枱🤣

行經加連威老道見到有間細細地既coffee shop☕️, 行黑白型格風🦓。睇下餐牌原來都有賣意粉、甜品🍮果啲～就入去試吓啦～裏面座位唔多，大約3張二人枱加1張4人吧枱，可以人少少咁傾下計食下野～帶子車厘茄蒜片墨汁意粉 🍝$88野食擺盤都有啲心思，有啲蕃茄仔點綴下意粉軟硬適中、墨汁香濃、帶子略嫌煎得未夠香～Cappuccino☕️ 拉花好工整，咖啡味都好香～叫唔同嘅咖啡仲有唔同嘅拉花圖案😆店舖似乎係由兩個後生仔主理～睇得出對食物質素有一定要求～而且店舖環境都唔錯～可以下次再嚟試吓佢嘅甜品🍮😋

Latte $43Receipt 都幾型，會寫埋自己用咩豆沖。雖然我其實飲吾出係Colombia Coffee Beans。但外貌協會嘅成員就好中意天馬型的latte art 😍屈機。

Avocado Chicken Salad $66牛油果🥑 ：顏色靚仔之外，肉質都係soft geh, 係熟得啱啱好。雞胸肉：雖然好似有黑椒粒，但其實並唔辣嘅。其實以雞胸肉本身無咩油脂嚟講，都煮得算係咁：肉質會係偏乾少少🤏，係少少韌、但未至於難咬。如果，餐廳可以慢煮埋，咁就會更加好食😋 所以，乾d geh 雞胸肉加滑啲嘅牛油果一齊入口就會Balance 返。沙律菜：正常的配搭和份量，但車厘茄的數量都幾足夠。雖然蘋果醋係colorless, 但入口係會嗅到有蘋果香嘅。

尖沙咀向來都係連鎖集團餐廳集中地今日難得放假就想試下精品咖啡 行下行下就遇上呢間餐廳黑白色嘅風格 內裡店員都係年青人主理店內位置唔多除左吧枱位 側邊仲有3張二人枱吧枱位可以望住咖啡師沖手調咖啡專心嘅男人特別養眼呢度除左咖啡外 都有主食/小食同甜品由於未食晏 我就叫左個墨汁意粉加mocha喇先上咖啡見到個拉花超精緻同複雜 係一個國王頭見到咖啡師會細執個拉花 佢對咖啡嘅熱誠好值得欣賞Mocha一飲落去 已經有朱古力味 朱古力同咖啡味比例剛好 唔會蓋過另一隻味而且唔會好甜好甜 真正飲到咖啡味墨汁意粉 擺盆好自然咁灑上黑椒伴碟味道剛剛好 唔會過咸 意粉唔會過淋 有咬口配料有帶子同蕃茄 全部都已經煎香晒帶子無煮過龍 仲好juicy 呢間餐廳 無論食物同咖啡都係高質細心出品好值得大家入去嘆杯精品咖啡

經過尖沙咀金馬加連威老道附近見到開左間新既精品咖啡店,又黑色主調為主,帶出低調型格風.店內以咖啡為主同時亦帶點輕食.Hand drip Nicaragua尼加拉瓜既咖啡平時相對少試,今次難得見到youniqueen有得揀就決定試下.咖啡市好細心地將咖啡豆磨好後會先比你聞一下咖啡既香韻後再沖調,上枱既時候亦會詳細及清晰地講解水及咖啡粉比例,絕對係用心既咖啡.尼加拉瓜剛磨好後帶出陣陣堅果香,熱飲一開始品嚐到朱古力及較重既nutty香,當咖啡慢慢漸涼後卻帶出一陣甘香既莓果香,層次豐富.Squid ink spaghetti with pan fried scallop 烏黑既墨汁意粉雖然烏卒卒但味道絕對誘人！墨汁帶出一陣陣海洋鹹鮮味,後勁帶點墨汁甘香.鹹鮮既墨汁再加上甘甜既帶子令鮮味更突出.配上香甜既紅車厘及黃車厘茄令甜味更香又中和墨汁既濃厚既膩感.帶子煎得兩面香脆而且入口彈牙甘甜.

Youniqeed • Tsim Sha Tsui⋆612開幕的小店早幾個月grand opening前已經去試過佢地啲咖啡第一次飲係order左espresso tonic + honey印象唔差 店主有建議espresso tonic應該堂食飲會比較好⋆隔左一段時間機緣巧合之下終於有時間黎食一個快lunch未夠12:00黎到 無咩人 唔洗等位😇今次叫左carbonara + espresso tonic 好中意意粉嘅口感 唔好太軟 但又唔會太硬配埋好rich嘅蛋黃汁、bacon Lo埋一齊食 好好食 可能多bacon嘅關係 有少少偏咸Espresso Tonic 一如以往嘅好飲今次無加honey 好似更飲得出啡味

我係尖沙咀行下街 見到呢一間新開嘅咖啡店所以就入左去咖啡店主要以黑白色為主 所有嘅咖啡用品都係黑白色 好有格調餐廳座位唔係好多 我就被安排坐喺bar位位置呢個位置都幾好㗎 可以睇住咖啡師整嘢飲咖啡師亦都會好用心咁樣去介紹唔同嘅飲品我叫咗一個Carbonara 意粉同埋一杯咖啡廚房同埋咖啡位都係one man band，咖啡師仲要負責埋落單同收錢 等左大約十分鐘到就有野食喇因為我叫個杯係dirty, 分層會好快消失，所以咖啡師都等我嘅食物嚟到嘅時候先上畀野飲俾我食第一啖嘅時候覺得個未比較淡 但係原來啲醬汁喺個底嗰度 所以大家食之前可以撈勻咗先咖啡方面 咖啡豆帶微酸 甜品方面 佢仲有souffle pancake 不過今次得自己一個就食唔落啦 下次有機會再嚟食啦

Avocado Egg Sandwich $66牛油果成熟程度啱啱好😋唔會太硬或者太腍 加埋滑蛋🍳係可以長期食都唔會厭倦嘅早餐.Traditional Spaghetti Carbonara $ 78一上個意粉好surprise 份量好多🤣好大碟😍如果男仔食都一定夠,而個意粉一啲都唔乾,好夠汁 ‼️.Special Recipe Chocolate $45朱古力味濃而唔甜😍我諗好多人好怕啲熱朱古力好甜但又冇朱古力味,而呢度嘅朱古力味好濃😋但如果有少少甜味會再香啲😌Espresso Tonic $50無糖咖啡☕️加上tonic,形成好靚嘅分層效果㊙️估佢唔到嘅係 攪勻之後 泡沫會浮於表面 好似發生左化學作用咁🤣夏天好涼爽呀🧊

要搵間cafe唔難 ，但要搵間有特色嘅cafe就有啲難！特別係tst嘅地方，難上加難！所以今日黎試下呢間Youniqueed cafe！淨係聽個名都覺得夠特別！吸引左我去試一試佢究極有幾正！因為都lunch時間，所以都好肚餓啦！特登叫咗個all day breakfast！實行食到飽飽！all day breakfast都係最穩陣之選！好難會整到難食！至衰本人唔鍾意飲咖啡，呢度原來有好多好有特色嘅咖啡！所以我今次就叫咗杯朱古力！等咗一陣，朱古力就上枱嚕！職員仲拉咗個公仔出嚟，原來係啤牌入邊嘅king！都拉得好靚呀！由於店內人手唔算多，店主都親力親為，所以等咗一陣，all day breakfast終於到！賣相都真係幾靚！打卡一流！下次叫埋朋友過嚟試埋其他先得！

lunch同朋友行左黎加連威老道一間新開既黑白色cafe，地方唔算大，但提供既食物款式都幾多，手沖咖啡都有成8款。Egg Benedict 配既係煙肉，羅馬生菜同芝士，muffin都係homemade~個蛋流心做得幾靚，個人認為荷蘭醬味道偏淡，muffin有烘過，增加左成個set既香氣。另外我叫左個risotto,有番茄，洋蔥，白蘑菇，雞肉同芝士。飯粒質感幾好，有咬口，醬汁既濃度都唔錯，番茄味幾香。而且雞肉份量都幾多，大大粒，又香口嫩滑。Latte拉花好得意，係獨角獸～～～機啡用哥倫豆，係帶d香甜水果同乾果風味既奶啡。cold brew用既都係機啡豆，好突出到哥倫豆既香氣同甜度～～～有驚喜！正 下次要試下其他

呢排開左好多新既coffee shop，作為啡迷既我就捉左朋友陪我去試～呢間新店為於尖沙咀加連威老道，黑白色主調，都幾簡單舒服。Homemade English Muffinwith Bacon, Cheese, Romaine lettuce, Egg benedict個流心蛋煮得幾靚，荷蘭醬偏淡，但幾適合我既口味，加埋芝士同煎香左既煙肉，簡單又好食！我覺得最驚喜既係佢muffin做得幾好食，有麵粉香，又唔會乾同硬身，有少少煙韌口感，薄薄一塊又易入口。Tomato Mushroom Chicken Risotto朋友點既～我試左啲雞肉，食到醬汁味道唔錯，有番茄味，夠creamy，雞肉本體好嫩滑，感覺幾好。而且份量好大～男士都唔洗驚唔夠飽。Latte拉花係獨角獸～～～見到都開心Cold Brew一問之下，原來佢地機啡同cold brew都係用哥倫豆～咁我就馬上叫個cold brew黎試下啦～飲落有哥偏個種甜香濃郁既水果味，會好開心😊不過個人覺得濃度可以再tune一tune，令佢再偏糖漿感少少，咁就真係perfect啦～～～