Youniqueed (已結業)

今日約左朋友黎尖沙咀一間黃店cafe tea 一tea見到Hongkonger就好有親切感隔離仲有間係賣蛋糕既，大家得閒都可以幫襯一下店裏不大，有兩三張桌子內有惡廚呢間店應該出名手沖咖啡，很多味道選擇，咖啡都不加奶，可惜我唔太鍾意飲咖啡怕苦食物menu店裏賣既咖啡豆咖啡師正在認真沖咖啡朋友飲開咖啡，唔怕苦，點了Ethiopia Duwancho ，果香咖啡，睇落好似茶，味道較淡，不過幾特別我點左cool summer，菊花梳打？味道清新，唔錯Main course 點左我最愛既Risotto，擺設雖然簡陋，睇落平平無奇，不過食落有驚喜，好creamy, 好好味，裏面有雞肉蘑菇朋友點了帶子墨汁意粉，帶子煮得剛好，味道都唔錯，唯一係食到嘴都黑晒，記得食完抹嘴總括黎講，小店質素都唔錯，好多人幫襯咖啡，下次會再黎

今日去開尖沙咀買嘢，行行下見到黑白色主調既cafe，就入左去試試。一入去就比佢手沖咖啡吸引到，佢有唔同國家地區既咖啡豆比你簡。有厄瓜多爾，肯亞，哥倫比亞，埃塞俄比亞, 危地馬拉等等。食物方面，有意粉，意大利飯，小食，all day breakfast同佢地自家製既bagel同muffin。我點左一杯埃塞俄比亞duwancho咖啡豆既手沖咖啡同埋帶子墨魚汁意粉。咖啡師會即場磨豆，磨完之後比我聞一聞，真係有啲果香味，亦都即場好細心咁做左杯手沖咖啡，原來沖咖啡都幾講究時間，水溫同水同咖啡粉既比率。杯咖啡飲落一啲都唔苦，有梨同小小似菠蘿嘅甜味，好特別。帶子墨魚汁意粉，帶子輕輕煎過，幾香口，意粉亦都好爽身，墨魚汁幾濃. 亦都帶有蒜香味。好味道。整體來講，呢間係有特色既小品cafe, 值得推介。

尖沙咀加拿芬道一帶是購物天堂同寫字樓密集的區域，返工收工或者行街shopping攰攰地都好需要一杯咖啡黎提神。唔想飲Start_uck嘅話呢間就係一個優質選擇。喺尖咀返左工幾年，發現呢頭嘅Cafe數量係唔多嘅，尤其係我接受唔到連鎖店。行經門口已經聞到好香嘅咖啡味，仲聽到我鍾意嘅廣東話流行音樂。餓餓地就一於食埋個下午茶再歎杯咖啡。叫左一份All day breakfast 配 Cappuccino. 全部都係即叫即整，等待嘅時間一邊聽住音樂，一邊可以聽/聞到廚房處理食材嘅動靜。可見每樣食物都精心處理。上來的份量相當豐富，見到每樣配料都有2份。咖啡亦都好香。除左粟米，都合乎我No Carb嘅飲食習慣。沙律菜新鮮爽口，最重要係夠乾淨。仲有好別緻嘅車釐茄雕刻伴碟，好似比卡超有閃電形嘅尾巴。配合埋靚靚嘅拉花，非常適合打卡。BTW我都好想學拉花。煎得恰當嘅番茄，保留鮮嫩嘅汁，又有煎煮嘅香味。炒得香滑嘅炒蛋，有蘑菇增加口感，即使好大份食完都唔會覺得滯。皮脆肉嫩嘅腸，肉質好結實。充滿肉汁同鹹香嘅漢堡，配咖啡一流。（筆者而家嘅習慣係咖啡要配鹹味食物）配料咁多，當然要試下組合黎食，用烤得爽脆嘅麵包承托起黎

今次簡左呢間位於尖沙咀既cafe，因為過左lunch time，所以唔係好多人，一黎到就有位坐。叫左個all day breakfast，有漢堡、粟米、沙拉菜、腸、煙肉、菇炒蛋。份量偏少，以呢個價錢黎講有d唔抵食。卡邦尼意粉都煮得入味，不過都係偏細份。至於coffee 方面就唔錯，Latte同Cappuccino都有好香濃咖啡味，幾好飲。不過由於小本經營，疫情環境下，對於小店黎講真係唔容易，所以都想支持下小店。可能下次主要會叫番coffee飲❤️🌸All Day Breakfast $98🌸Traditional spaghetti carbonara $78🌸Latte $43🌸Cappuccino $43

好多人都話飲mocha嘅人係唔識得飲咖啡我覺得唔係，只係連鎖咖啡店嘅mocha係泵糖漿今日飲到依杯mocha嗰下係有一刻感動終於唔係朱古力味糖漿mocha係真係朱古力同咖啡完全融合嘅感覺嘅飲到黑朱古力嘅香又飲到咖啡嘅香，又有咖啡嘅微微苦澀而且咖啡師仲拉咗一個馬嘅拉花，真係覺得好有活力主食叫咗個帶子墨汁意粉嚟嗰陣覺得好細碟，食落覺得啱啱好夠飽帶子覺得好彈牙， 每條意粉都掛住墨汁，汁嘅份量啱啱好，唔會太多，唔會滴到周圍都係環境都覺得好舒服， 可以輕輕鬆鬆過一個下晝 真係好鍾意佢盞燈

尖沙咀難得就腳嘅咖啡小店，入邊位置唔多不過都環境幾舒適，係可以慢慢嘆一杯咖啡嘅好地方餐單上面嘅食物選擇唔多，都係輕食為主，喺尖沙咀來講價錢就真係唔貴。識坐一定坐吧枱，可以睇住店員沖咖啡bagel個份量就唔係好大，西式嘅女士應該都啱啱好，不過就真係好食，熱熱地好正另外個賣相都幾吸引😂有小兔兔蕃茄BOC同樣係輕食，大啡菇烤到好香好juicy黎得咖啡店都係要飲咖啡，americano好香，飲落唔會好苦澀，仲有陣回香💛

有日同同事食完飯經過尖沙咀加連威佬道發現有間新開既咖啡店☕️但同事話開左有段時間🤭仲買過外賣比我飲但我一直都唔知😂😂Cafe店門全黑格調裡面裝飾係黑白⚫️⚪️型格風格主要賣咖啡☕️/輕食🥪/意粉🍝為主連埋bar枱 · 大概有4張枱左右但感覺一d都唔會好擠迫因為食完飯仲好飽所以只係買一杯野飲但咖啡師都好詳細介紹佢地咖啡豆既特點·✿ Mocha（$45）入口咖啡味好香好濃朱古力味又唔會好甜而佢地拉花好靚總覺得拉花拉得靚杯咖啡都好飲d 等咖啡果陣聞到入面廚房煮野食既香味🤤🤤🤤🤤下次要認認真真坐係度食番餐先

我同女友經常去the ONE逛街，行到有少少攰之後我地決定搵咖啡店坐下。Youniqueed Coffee同The ONE位於同一條街，我地由The ONE行左五分鐘就到達。咖啡店以黑白色貫穿整個環境，包括地板、牆身同枱。入面坐位唔多，主要有幾個高枱座位同三個吧枱座位，其中吧枱座位顏色非常搶眼🤩- Souffle Pancake with Gelato 賣相唔算太靚，但味道搭救，口感蓬鬆，充滿空氣感，蛋味香濃😋。Gelato係士多啤梨味，食落無咩雪味，質感軟硬適中，旁邊既士多啤梨都好甜。- Cool Summer Cold Summer屬於Creative Drink系列之一，賣相似Whisky on rock，另外加上菊花作點綴。味道以冰糖陳皮檸檬為主，伴隨淡淡既菊花味，加上梳打水，整體感覺非常清新😝整體而言，食物價錢幾合理，飲品有驚喜！自己去過幾間位於尖沙咀嘅咖啡店，Youniqueed Coffee係我最鍾意❤️

📍尖沙咀黑色型格cafe‼️• 有驚喜卡邦尼意粉🍝 -- Youniqueed☕️💛•Follow @pigfoodiexhk for more food!🐷💛#pigfoodiexhk_尖沙咀#pigfoodiexhk_cafe==============================Youniqueed位於尖沙咀加連威老道，舖頭以黑色作為主調，簡單型格～食物有各款輕食，仲有risotto意粉等等～上星期同媽咪去開尖沙咀就嚟試下😎------------------------------⭐️Traditional Spaghetti Carbonara $78 (4.5/5)呢個有驚喜‼️意粉份量頗多，兩個人share食都ok😆醬汁只係用咗蛋黃，非常濃稠，加埋煙腩肉鹹香十足😋意粉煮至al dente，煙韌有咬口👍以呢個價錢嚟講算係好高質😆------------------------------⭐️Mexico Beef Taro $47Taco皮口感略帶煙韌，內餡係炒過嘅牛肉同洋蔥，仲有sour cream，酸酸哋幾開胃！------------------------------⭐️C

今日下午時間去到位於尖沙咀嘅youniqueed飲杯咖啡，食下野。以黑白做主色調望落型格，位置唔多，都係高身枱，仲可以望到咖啡師沖咖啡。背景有播下音樂，成個環境都好舒服。鋪面細細，但食物種類都幾多，有意粉，risotto,bagel，沙律同幾款小食。飲品嘅選擇都好多，無論係一般種類嘅咖啡，定係有特色嘅latte或者飲品都唔少。一定有一款啱你~我就叫左一杯ice mocha同Taco。杯同杯墊都好靚同黑白格調一樣走型格嘅路線。Mocha飲落第一啖好有朱古力香味，唔會太重甜味，跟住開始感受到咖啡嘅香味慢慢滲出黎，唔會比朱古力味蓋過哂，飲落幾有層次，同埋冰塊係比較大粒，冇咁容易溶令咖啡變淡。Taco雖然喺menu寫small portion. 但係相信唔大食的話其實都有飽足感。材料有洋蔥炒牛肉鋪面，有蕃茄粒，下面係同牛油果粒，酸忌廉同一塊生菜。taco夠薄而且好脆，所有材料加埋好balance, 洋蔥炒牛肉嘅油同清新嘅酸忌廉加蕃茄粒食落啱啱好。材料簡單，但食落好有驚喜。店員有比餐具，不過似乎用手食仲別有一番滋味。到最後嘅半杯咖啡，越到底就越重朱古力味，沉左底嘅朱古力令mocha再多左一個層次

去到尖沙咀呢個旺區，有時候都想搵返個地方坐下。發現到有呢間Cafe小店，環境舒適，感覺可以喺度飲番杯野，坐返半日。叫咗個All Day Breakfast，入面有兩塊法式多士，蘑菇炒蛋，粟米，蕃茄，兩條腸仔，兩塊漢堡扒一塊煙肉同埋少少沙律菜。法式多士口感厚實，有啲煙靭，好特別，幾咬口。蘑茹炒蛋炒得好滑，配埋多士食就一流。飲品叫咗Green Tea Latte，仲可以轉Oat Milk或者Almond Milk，啱晒唔飲得牛奶嘅朋友。舖頭仲有好多款式嘅手沖咖啡，適合鍾意飲咖啡嘅你。

係尖沙咀見完客，我仲未食lunch，下午又輕輕鬆鬆，仲有時間搵間cafe 慢慢hea先，經過見到Hongkonger嘅cafe 吸引左我入去。好，坐低睇下有咩好食先。All day breakfast 呢度嘅all day 又唔貴喎，味道都唔錯，個滑蛋炒得滑。食食下見到個亮點，哈哈！梳乎厘pancake 都唔錯，唔會太甜，如果空氣感再多啲就perfect池啦！Sesame Latte， 個芝麻好香，都打得夠滑，飲落唔會有起粒嘅感覺，配落奶度都冇違和感，幾好。

估唔到尖沙嘴咁多人嘅地方，比我發現呢間環境寧靜嘅小cafe😎😎主食都有3個選擇，lunch time好肚餓，叫左個飯：Tomato Chicken Mushroom Risotto。如果唔太肚餓都可以食salad, muffin, begal嗰d，都好似好吸引，下次要試試。飲品叫左杯熱普通latte，由拉花都睇得出咖啡師嘅用心，係靚靚海馬！講返個飯，一上檯，已經聞到勁香，食落d飯好有咬口，risotto黎講，佢d飯其實唔算太硬，迎合返香港人嘅口味，番茄味好出，蘑菇味都好香。我一口氣食曬成個飯！😂😂題外話，等野食嘅時候，發現其實餐廳嘅裝修都幾靚，無論吊燈定地板，下次可以打扮下再黎影相打卡啦！🤩🤩

收完工係尖沙咀附近約咗朋友閑聊 互訴工作上嘅心事今日亂入左間唔多人嘅咖啡店 都幾現代裝潢 內裡有幾張枱仔 咁我地沒booking平日可以唔使排隊 週末就唔清楚啦見到店員同客仔傾得好投契 好friendly ahMenu唔算多選擇 當日都有部分款式售罄咁我地tea time唔算肚餓叫左一份主食同一份甜品啦🔸All Day Breakfast佢入面每款餸都有兩份 好適合兩個人share 唔使爭味道都正常 不得不提係佢個多士 超級脆🔸疏乎厘班cake以呢個價錢黎講個疏乎厘好大份好抵 又係咁岩有兩件俾我地share 口感好似泡泡咁 入口即融 唔會好甜個雪糕有得揀雲呢拿定朱古力味佢聲稱係意大利低脂雪糕 食落唔太甜 有黑朱古力嘅苦澀 PS 店員特登將個甜品係我哋差唔多食完煮食嘅時候先上 唔錯🔸Warm Flow🔸Cool Summer呢兩杯嘢飲店員介紹係凍同熱嘅分別好似話入面有陳皮，檸檬，菊花嘅元素 希望冇記錯啦飲落去感覺幾養生

是日早放又未夠鐘上堂，就揾左呢間Cafe黎試啦。差唔多五點先黎到，好彩趕得切last order，留意雖然佢地係尖沙咀，但6:00pm就關門架啦。店面坐位唔多，最盡大概十個，好適合兩個女仔黎談心。餐牌都係輕食為主，自己又唔想太飽，所以就淨係叫左個牛油果Bagel ($48)加杯熱Latte($43)，偷得浮生半日閒，食個tea望住岀面都幾爽。想讚下待應好貼心，會問熱飲洗唔洗一齊上☺️等左大概十分鐘，就兩樣一齊新鮮熱辣咁送黎。賣相都幾靚，完全見哂牛油果切得好靚咁放係bagel上面，bagel都係兩面烘過再搽上牛油，炒蛋亦唔會過老，而且都有淡淡牛油香。伴菜有沙律菜同切左哈哈笑嘅蕃茄，感覺窩心！Latte都不過不失，唔會過酸。Menu亦有其他創意飲品，如果想去間可以有自己靜靜地嘅時候，不妨一試！