影片
營業時間
今日營業
11:30 - 17:00
18:00 - 21:00
星期一至五
11:30 - 17:00
18:00 - 21:00
星期六
12:00 - 17:00
18:00 - 21:00
星期日
全日休息
以上資料只供參考, 請與餐廳確認詳情
第一次食陝西菜覺得好特別🤣 本身以為比較難入口但原來味道特別得來都好啱香港人口味🥰食物唔會太辣充滿肉味同鮮味☺️喜歡嘗試新菜式嘅值得一試❤️⭐️ 酸辣青瓜 🥒⭐️ 涼拌麵筋 🥖兩款前菜嘅酸辣味都好清爽好開胃💚 麵筋充滿口感 特別值得讚調味嘅鹽同辣都可以調校呢🤪⭐️ 麻辣大盤雞 🍗大盤雞嘅肉質好腍🐔 麻辣風味恰到好處唔會太重口味🌶️ 配上薯仔食有種家庭菜嘅感覺🥔⭐️ 新鮮牛肉餃biang biang麵 🍜Biang Biang粗麵有種刀削麵嘅口感加上椒麻嘅香料好豐富🌿牛肉餃都好新鮮充滿肉汁🥩⭐️ 地軟炒雞蛋 🍳地軟呢種食物比較較少聽到🥹原來係菇菌類嘅一種🍄🟫用嚟炒蛋有種獨特嘅菇香口感爽脆👍🏻⭐️ 臘汁肉夾饃 🥙係陝西特色嘅道地小食🤩 臘汁肉充滿鹹香又唔會太膩🥓Juicy得黎好有風味⭐️ 炸湯丸 🍡酥脆嘅外皮包住煙煙韌韌嘅湯圓🤤暖暖嘅黑芝麻餡爆餡出黎🖤甜度好滋味好邪惡⭐️ 冷泡白桃烏龍茶🍑⭐️ 冷泡茉莉綠茶 🍵兩款冷泡茶都帶清新嘅茶香☕️和濃郁嘅食物一流
繼續閱讀
之前去旅行食過陝西菜，返香港之後，一直都想睇下香港有冇類似嘅餐廳，今日終於發現，原來中環蘭桂坊附近的和安里，都有陝西菜餐廳<有緣小敍>，當然要試下。<金沙骨招牌拉麵 $49>金沙骨足足有四大件，雖然係豬骨，但係都好多肉，金沙骨煮得非常入味，亦都炆得好食，拉麵粗幼度適中，而且彈牙微軟，非常掛湯。<羊肉餃招牌biang biang麵 $65>羊肉餃每一隻都非常大隻，入面嘅餡料亦都非常之多，有爆餡嘅感覺，羊肉唔會帶有騷味，而且仲有肉汁，非常好食。Biang Biang 麵是比較闊身嘅麵條，入口夠滑身，配埋濃郁湯底，吸湯好食。<孜然羊肉 $84>孜然羊肉炒得非常之有鑊氣，而且佢嘅調味非常之香濃惹味，充滿孜然同香料味道。<香煎羊架 $178>餐廳非常細心，將羊架嘅肉切成小件。羊架煎得非常香口，而且帶有油香，香口惹味。<醋汁肉夾膜 $28>肉夾饃餅皮較棉身，個人覺得如果能做得鬆化點便更加好，入面豬肉絲肥瘦均勻適中，炆得入味好食。<土豆夾膜 $28>土豆絲炒得乾身爽脆，配埋夾膜，能減低油膩感，更加好食。今晚非常高興能夠有機會在中環吃到咁有特色的陝西菜式，而且質素不錯，價格亦不貴，下次一定會再來。
繼續閱讀
有緣小敍中環和安裡14至15號地下B號舖位坐港鐵中環站D2出口，步行約四分鐘。 中國化門面，室內精緻，店員有禮貌地，若有需要可以介紹食物😊 我和朋友首先來原味豆漿解渴先😅 臘汁肉夾膜: 兩片自制包，夾住厚厚的豬肉絲條，幫我們切開一半，未入口已經看到好多汁，咬入口肉汁鮮味，餡料肉又多，好豐富和滿足😋 炸韭菜牛肉餃子: 炸到金黃色，香噴噴酥味，咬入口熱辣辣和脆卜卜，滿口感是鮮美牛肉加上韭菜，肉的分量足夠和質感很好😋 涼拌蓮藕: 蓮藕爽脆，咬落去味道夠，帶有點辣，很不錯的小食😋 金沙骨biang biang 麵: 真是特別的麵，好似一幅書畫闊長，咬入口柔軟煙韌滑溜，加上金沙骨肉質柔軟，酸甜味道很不錯。 豆角燒茄子: 放在面前香噴噴的，豆角、燒茄子，炒得非常有鑊氣，咬入口好豐富味蕾，越食越好食😁 醬骨架: 香噴噴醬骨架，味道不錯，豐富骨膠，和肉質豐富。 爆漿紅糖糍粑: 炸到甘香脆，外貌好美麗，咬落去煙韌軟化，咬入口紅糖和麵粉合體，非常之好食和好滿足😋 凍茉莉綠樽仔茶和凍蜜桃烏龍樽仔茶，食完豐富一餐， 享受杯茶就好滿足了。
繼續閱讀
今日同朋友喺去飲嘢之前就去咗呢一間喺蘭桂坊附近嘅餐廳，原來佢係食陝西菜，我喺香港都係第一次聽到有餐廳係提供呢啲菜式，餐廳嘅位置亦都非常方便，亦都好近地鐵站行過去嚟講都係大概5分鐘嘅路程，所以我都覺得非常容易搵👍🏻 而且食完之後行返上去繼續飲嘢亦都非常方便！可以來食完嘢之後再去飲杯！韭菜餃+ biang biang面！呢一種面係餐廳嘅特色食物，佢係一條去到底，成碗都係手工嘅面，食得出每一啖都非常爽口彈牙，而且煙煙韌韌都非常特別，我同朋友都非常鍾意，韭菜餃再加埋豬肉嘅配搭，亦都做得非常香同呢一個面嘅配搭做得非常好，最緊要佢嘅價錢非常抵玩，CP值非常高！招牌金沙骨，非常有鑊氣，每一件都非常大嚿，而且炆得好好食，成個味道非常入，所以我同朋友都非常鍾意，金沙骨嘅肉質亦都非常香口、入口唔會話有好硬嘅口感！好似食緊豬肋條嘅味道一樣，整體我覺得都唔錯！蔥油餅極都令到我同朋友都非常有驚喜本身我哋冇諗過佢嘅蔥油餅可以煎得咁香，而且入口絕對唔會話有一個好油嘅口感，所以鬆鬆脆脆咁，整體嘅發揮都做得唔錯，而且佢嘅味道非常傳統，好少喺香港食到呢一個味道嘅蔥油餅！我哋都覺得唔錯！最後飲咗加多寶同埋豆漿，好耐冇飲加多寶係懷念嘅味道！豆漿就係樽裝嘅有牌子豆漿，所以都係不過不失！
繼續閱讀
蔥油餅，蔥油餅整得幾香，令到佢嘅蔥味道唔係太突出，我覺得呢一間餐廳整得比較好食，出邊好少做到呢一個味道大家都可以試吓！自家醬牛肉，牛肉嘅份量比我想像中多，而且佢自家製嘅醬料真係非常特別，再加咗少少香菜令到成個鵝肉嘅口感更加特別，佢唔係用鮮牛肉佢係用類似牛腩嘅位置，所以呢一個都係我第一次嘗試，覺得原來都唔錯！湯芹菜豬肉餃子: 餃子大大隻，而且佢嘅味道非常充滿芹菜嘅味道，喺出邊都好少食到芹菜嘅餃子，所以今日就決定試！冇諗過佢同豬肉嘅味道都幾match! 可以加少少辣椒醬食，我覺得效果更加好！蝦仁炒蛋：蝦仁炒蛋份量都幾多，而且佢比嘅客人全部都非常爽口彈牙食得出係餐廳新鮮嘅蝦，而且佢個蛋唔會炒得太老，入口亦都有好綿身既texture. 呢個位廚師處理得幾好，我同朋友都非常鍾意食呢一個蝦仁炒蛋！麻醬青瓜：呢一個前菜非常好食青蛙再加埋芝麻醬嘅味道非常好，而且青瓜爽身，好脆口，好refreshing!原味豆漿：健康啲今日決定飲豆漿都幾好飲，充滿黃豆嘅香味。食物配搭呢一個飲品都唔錯，甜甜地方便解喝乳香雞翼（3只）:炸得好香，中意食香口野既朋友其實真係唔可以錯過！有南乳既香味再加埋餐廳薄薄地嘅炸粉真係非常好食，亦都好少喺出邊識到呢一個味道嘅炸雞翼，可以一叫我覺得而且價錢都唔係太貴！整體價錢唔貴我覺得如果去蘭桂坊飲嘢之前都可以過嚟食咗少少嘢打底先再過去！食物上都充滿特色
繼續閱讀
您可能會有興趣的...