影片
以上資料只供參考, 請與餐廳確認詳情
食家推介
朋友介紹話有間好正嘅手工panini店🥪今日去開果邊就梗係去食下嘢除左Panini外仲有湯、茶、鬆餅等一入門口就睇到有有機飲品同好多🍖睇落已經好吸引係一間幾有格調啲店，中西合璧融合得好好👍order好之後，馬上製作材料新鮮睇住整好似睇緊外國飲食節目咁叫左呢2款Panini肉同菜嘅比例，啱啱好食落口唔會乾啲肉好正拿，我就唔開估係咩款式名等大家每款都試吓發掘驚喜（當然如果想知嘅可以由上邊啲菜或者直接問老闆）仲叫咗一個湯呢個湯真係不得了你睇吓啲料幾滿簡直就係一比一啊完全唔怕食唔夠菜最後仲嗌咗啲茶健康，養生一下先呢間可以encore試晒佢嗰啲Panini店主都好Nice會介紹菜式同茶可以多多交流
繼續閱讀
同朋友黎上環還完機頂盒, 係街上刻意留意有無小店可以幫襯, 行上小小斜路就發現依間樓上小店我同朋友睇完MENU已經流哂口水, 每一樣都想試小店氣氛溫馨, 老闆態度熱情, 我地黎到既時候正係到同其他客人閒聊, 同街外商業急速生活完全係兩個世界. 小店入面幾張高枱, 廚房整潔企理, 加上獨特古色古香既傢俱, 第一次去已經覺得一定要介紹俾朋友. 你無睇錯, 依個係中藥百子櫃, 老闆同我地細數店內古董既歷史, 如果唔係仲有野要做, 我地都唔捨得咁快走烤豬波羅伏洛芝士意式三文治 $88落左單之後老闆就即時落手製作, 由切包到切肉, 再切左芝士落去, 個包愈來愈厚, 愈來愈豐富, 整好之後差D唔記得影相就放落口. 包身厚, 味道同豬肉既咸味好夾, 加上溶左既芝士, 我就最中意大大啖咬落去.巴馬火腿水牛芝士意式三文治 $98老闆同另外客人提起今日試緊一隻新既包做三文治, 我地膽粗粗都提出可唔可以俾我地試下依款三文治用依隻新包. 依隻包無上一種咁厚, 有D似中東果邊既烤餅, 風味當然完全唔一樣. 老闆續樣材料加入去, 令份三文治充滿層次, 材料新鮮, 飽得黎絕唔會漏.雜菜湯 ADD $20我第一次嘗試咁多材料既雜菜湯, 好濃郁, 好好味有機有汽血橙$26有機有汽蜜桃茶$26見到玻璃樽裝野飲就好似為成間小店錦上添花, 開左兩枝有汽果汁味汽水, 一邊飲一邊睇住老闆即場製作三文治整體黎講, 男人都會夠飽, 必定推介同再幫襯. 睇得出老闆對食物既熱誠, 希望更加多人都去試下
繼續閱讀
好中意呢間野,第一次來,但好有家既感覺,好唔似一般既食店。呢度好多擺設同用具都好得意,連牆都好色彩繽紛,令人好開心。我係飲品櫃選了一枝意大利製造既血橙梳打,非常好飲,仲好特別。飲得出有新鮮血橙汁,加埋梳打好FIZZY,正!是日餐湯係薯仔湯,飲得出係真材實料既薯仔,味道好濃,仲配埋餐包,可以點湯食。主菜係個意大利SMOKED BEEF包,個包有好重既橄欖油味,SMOKED BEEF都好香,而且份量好多,加埋火箭菜同CHERRY TOMATOES,相當美味。平時唔算好中意食意式包,但今次覺得好好味,可能係即叫即整既關係吧!好新鮮。另外叫左杯中式茶,好多茶葉。見佢好多沖茶既器皿,冇諗過食到咁正宗既意式野又飲到咁正宗既茶。同老闆傾多幾句,佢仲請我食水果杯添,裡面有新鮮既RASBERRY,STRAWBERRY同埋迷你藍莓,好味!我最中意就係莓味水果。
繼續閱讀
聽人講九如坊有間幾有特色的Panini外賣店。去左意大利無耐已經有啲掛住意大利美食所以就黎左A Bowl Of。鋪頭的位置有少少隱蔽，因為佢笠左少少入去。雖然出面睇鋪面不大，但原來店內都幾一應俱全。擺放左個幾得意的中式藥材櫃，同埋好多老闆係台灣買回來的茶具，營造了一種中西合壁的氣氛。A Bowl Of的特色是自家烘焙Panini麵包，傾談下發現老闆原來有多年的飲食經驗，之前係茶藝師，仲曾在酒店整意大利餐失敬失敬。唔怪得呢度啲野食用料寧舍豐富，仲幾好吃。我地嗌左個招牌燻牛肉青瓜意式三文治($98)：餡料豐富，牛肉咸香且味道濃郁，芝士溶在火箭菜和牛肉間，讓人驚喜連連。不過因為青瓜賣晒用左蕃茄代替，如果用番青瓜，就更可以平衡到青瓜的爽甜同牛肉的咸香風味，更加美味烤豬波羅伏洛芝士意式三文治($88)：又一爆料之選非常好吃，豬肉片份量勁多，真抵食！而且伏洛芝士香濃，同豬肉好夾，每一啖都好滿足。欣賞每款Panini餡料配搭都略有不同，為突出番每款食材而有變化除左Panini，見呢度啲飲品都幾特別。例如即刻嗌左2枝意大利有機有汽血橙汽水($26)和有機蜜桃茶($26):兩枝都係有汽汽水，但入口舒服順滑，而且不會太甜，帶有獨特的口感和風味。食到咁上下都幾飽下，就試埋他們的白牡丹熱茶($38)和紅茶($38)，白牡丹味道清香，紅茶相對濃郁，非常消膩。仲可以近距離觀賞老闆認真泡茶專業專業~最後，老公仲忍唔住試多杯Latte咖啡($38)。呢度的咖啡用明治奶製成，咖啡豆頗香濃，奶滑，值得一試。總結，如果你喜歡品嚐正宗意大利美食，想搵個地方飲杯野嘆個包Chill下，咁A Bowl Of絕對是一個不錯的選擇。餐廳給人一種好溫馨和舒適的感覺，老闆的熱情和親切更會令人倍感貼心。
繼續閱讀
巴馬火腿水牛芝士意式三文治呢款三文治夾咗濃郁嘅巴馬火腿同濃郁嘅水牛芝士，三文治嘅麵包烤得啱啱好，外脆內軟。🥪烤豬波蘿伏洛芝士意式三文治烤豬肉肉質鮮嫩，菠蘿新鮮又香甜得來帶少少酸，而波籍伏洛芝士係意大利南部嘅特產，但有少少煙燻嘅香氣，呢個配搭非常之夾。🤤意式熟火腿開心果腸水牛芝士意式三文治開心果唱好特別，真係第一次見，火腿嘅鹹味同開心果嘅甜味好般配，而且芝士味好香濃，食落非常之有層次。😆有機有汽血橙啦口感清新，橙汁好新鮮，再加上氣泡水嘅微妙氣味，飲咗好舒服好解渴，而且仲好健康。🍹鮮奶咖啡咖啡味好濃郁，口感好滑順，香味四溢，心形嘅拉花好靚，好有心思。☕️提拉米蘇咖啡味蛋糕同奶油嘅完美組合。😁
繼續閱讀