影片
港鐵香港站 C 出口, 步行約5分鐘
繼續閱讀
電話號碼
27808666
開飯介紹
由日籍主廚開設的廚師發辦天婦羅店，從挑選食材、調配天婦羅麵糊至控制油溫等均一絲不苟，帶來高質的江戶前風味天婦羅。
繼續閱讀
營業時間
今日營業
12:00 - 15:00
18:00 - 22:00
星期一至日
12:00 - 15:00
18:00 - 22:00
以上資料只供參考, 請與餐廳確認詳情
有關獎賞計劃
相關文章
呢間位於中環嘅神級天婦羅餐廳，真係每一口都充滿驚喜！以Lunch Omakase形式進行，$880一位，由師傅親手即席製作，完全唔知下一道菜會食到咩，帶嚟滿滿期待感。前菜包括四款，第一口係螺肉，胡麻春菊都正 。炸花竹蝦頭炸得亭亭玉立，酥脆到入口即散，濃濃蝦油香四溢；至於蝦身，師傅提供咗兩款脆漿選擇：薄漿炸，炸嘅時間較短，適合就咁點上海鹽，鮮甜原味；厚漿炸，炸得耐少少，更適合點天婦羅汁，增添濃郁層次。原本套餐只包括一種，追加都值炸野菜包括蕨菜同蜂斗菜，加入秘製麵豉醬，帶嚟前所未有嘅味蕾衝擊。北海道公魚魚肉細膩，配少少青檸汁更鮮美，連魚骨都香脆可口。炸茄子配高湯，茄子一半浸喺高湯入面，外層酥脆，內裡軟嫩，雙重口感完美融合。另外仲有兩款魚，沙錐魚肉質鮮嫩，連炸魚骨都特別美味。魚子天婦羅嘅紫菜炸到薄脆，魚子鋪滿面，一口食落，鮮味滿足感爆燈。炸蕃薯甜度剛剛好，簡單但難忘。師傅話當日海膽特別新鮮，雖然已經飽到唔行，但見到佢誠意推介，忍不住追加了，用紫蘇葉包住，香氣十足，勁鮮甜職員全程講解菜式嘅特色、食法同時令性，專業程度令人佩服。 四位師傅著黑白制服分工合作，兩位主廚全程掌控細節，每一道菜從準備到上枱，爭分奪秒，確保最熱辣嘅時候呈現俾客人。無論係食物質素、師傅技藝，定係服務水平，堪稱中環天婦羅界數一數二既店
繼續閱讀
聽講係一位難求嘅天婦羅廚師發辦果然係名不虛傳店內座位唔多L形席前設計讓食客們都可以欣賞到日籍大廚們專注製作嘅過程第一眼就被正中央嘅「金鐘罩」吸引原來係店內嘅靈魂 —— 炸爐耳聽著滋滋作響嘅聲音望住大廚從罩內撈起一件件炸物就好似變魔術咁，好有趣！枱上有松露鹽、綠茶鹽、海藻鹽、辣椒鹽同青檸先調好天婦羅汁，加上蘿蔔泥下一步就係靜待「好事來」～～～首先係開胃菜鹿兒島醬油漬吞拿魚赤身魚肉嘅鹹鮮出奇地有開胃作用第一道係花竹蝦呈上一隻薄漿一隻厚漿嘅組合炸漿火候控制得剛好前者爽脆，後者蘸點天婦羅汁餐廳嘅天婦羅汁味道較淡，略帶鮮香十分適合配搭海鮮最後再吃炸蝦頭似十足饞咀零食然後有松茸配銀杏、沙錐魚、栗子等當中要一讚個炸蕃薯外脆內軟，點上自己鍾意嘅鹽出嚟嘅效果味道鹹鹹甜甜，好正！另外牙帶魚同樣令我好難忘香嫩魚肉油脂飽滿配上酸汁蘿蔔蓉好解油膩亦體現到每道菜都有精心舖排巧思十足套餐唔夠喉可以選擇追加兩款招牌分別係海膽天婦羅同埋鮑魚天婦羅Lunch set 本身冇但可以加錢追加試咗個鮑魚好彈牙但又唔會太un配上鮑魚肝醬風味超濃郁作結滿滿嘅黑松露片底下係半熟流心蛋倒入醬油後將天婦羅蝦、松露同埋流心蛋拌勻呢個飯真係風味絕佳，入口香口無比飲埋個味噌湯後就可以食、甜、品！係抹菜栗子雪糕同室外嘅秋意好夾雪糕幾清爽亦唔會太甜係圓滿嘅句點
繼續閱讀
在繁忙的中環，Tempura Jiro如同一間穩世的美食殿堂，門口低調，但一走進去便能感受到其獨特的魅力。這裡的天婦羅不僅是一道菜，客人可以邊食邊睇師傅的精湛製作過程，真是一場視覺與味覺的盛宴。食材的新鮮度是Tempura Jiro的一大亮點。每一道海鮮天婦羅，如大蜆、蝦、魚和海膽等，都呈現出金黃酥脆的外皮，裡面卻保留了海鮮的多汁鮮嫩。特別是海膽的天婦羅，利用紫蘇葉包住，香氣四溢。另外，來自京都的野菜天婦羅同樣出色，外脆內軟的口感與清新的風味，原來經過天婦羅的菜可以咁好食😆，讓人回味無窮。服務方面，餐廳的服務人員態度親切，細心地為我們介紹每一道菜品的特色。整體來說，Tempura Jiro不僅提供了美味的天婦羅，也營造了一個舒適且令人放鬆的用餐環境，絕對值得一試。
繼續閱讀
真係好期待，因為今次係廚師發辦嘅天婦羅餐，完全不知會食咩前菜:有四款Jelly fish 漬物好爽脆唔好睇小嗰兩粒黑豆 前菜嚟講係最好食😆炸花竹蝦頭🦐炸到亭亭玉立食入口脆卜卜😍🍤花竹蝦身有分兩個脆漿炸-師傅話薄漿炸炸嘅時間就快啲適合就咁點海鹽食-厚漿炸嘅時間就耐啲適合點天婦羅汁食本身餐得一隻炸嘅選擇我最後加錢試哂兩款✌️🥦🥬炸野菜有兩款其中一款加咗秘製麵豉醬味道從來未試過咁衝擊🤭🐟北海道弓魚師傅話適合唧少少青檸汁連骨去食🍆炸茄子配高湯高湯浸住茄子一半夾起食嘅時候茄子一半係脆一半係腍身嘅雙重口感 ～～好食🐠仲有另外兩款魚都係好好食，肉質鮮嫩骨仲好食😹🍲肉丸湯，好清新🧡魚子天婦羅紫菜炸到好脆，魚子放上面一口食哂，好滿足😍🍠炸蕃薯，甜度剛剛好❣️🖤黑松露流心蛋天婦羅飯流心蛋都係炸過嘅入邊仲有啲蝦天婦羅加埋佢建議嘅汁（味道有啲似壽喜燒汁）撈埋一齊食連我平時唔係好食飯嘅人好味道到我成碗食晒😍😍海膽，師傅話今日好新鮮不過都係要另加錢的見師傅咁推介所以就算飽我最後都有加到超級好食🤤最後甜品🍨綠茶冧酒提子雪糕💚💜食嘅全程有翻譯員詳盡講解晒所有俾我聽餸菜名啊？點樣食啊？點樣食係最好啊？點樣時令法？師傅有咩推薦？全程真係好專業！全店所有人都識講日文由四位師傅製作/準備材料/擺盤/遞給客人坐喺度睇佢哋做嘢簡直好似睇表演咁佢哋合作無間兩個黑色衫兩個白色衫好似黑白廚房佢哋製作非常認真中間黑衫應該係主㕑發號施令真係切好擺上枱爭分奪秒務求最熱最新鮮嘅時候俾客人食到呢度無論係食物質素同埋服務都非常之好👍👍👍👍👍👍👍👍👍👍
繼續閱讀
今日嚟到位於中環信誠廣場嘅Tempura Jiro，餐廳是非常近香港站，由香港站C出口行吾洗5分鐘就到，位置非常方便。呢一間係係豬大角咀唔同嘅天婦羅廚師發辦料理，由日籍師傅主理。重點係呢一間Omakase係非常之難預約，佢嘅lunch只有12席。餐廳嘅裝修係簡單嘅木係風格，簡單得來又有格調。枱面嘅醬料擺放亦都非常有條理，由左至右分別係松露鹽、綠茶鹽、海藻鹽、辣椒鹽、青檸。-鹿兒島吞拿魚赤身赤身肉味比較濃，肉質非常之好，而且經過醬油漬醃製，肉味及鮮味更加突出。-熊本花竹蝦師傅將呢一個花束蝦用咗兩種方式烹調，分嗰用左吾同嘅油溫及粉漿比例烹調花竹蝦，高油溫厚粉漿、低油溫薄粉漿，兩種烹調方式，兩種不同體驗。而且蝦頭都會單獨炸出黎食，非常酥脆好食。-北海道公魚唔好睇佢細細咋，但係食落口魚肉非常鮮嫩飽滿，食之前加上少少青檸汁，令到佢嘅鮮味更加提升。-天婦羅蕨菜及蜂斗菜蕨菜非常爽口酥脆，而蜂斗菜相對有少少苦味，配上味噌醬中和左之後，別有一番風味。-杮估唔到唔杮都可以製作成天婦羅，季節當造嘅柿甘甜新鮮，加上少少抹茶鹽一齊食，味道更加突出。-沙錐魚薄薄嘅沙錐魚烹調成天婦羅後，連魚骨得炸得非常酥脆，魚骨嘅脆同魚肉嘅鮮嫩，咬落真係好有層次感。-蟹肉茶碗蒸查五星絕對係食日本菜必不可少嘅一道，呢度嘅茶碗蒸材料上仲會用上蟹肉，蟹味非常突出，加上滑滑嘅蛋，真係超好食。-海苔三文魚籽及馬糞海膽海苔天婦羅上鋪滿左三文魚籽，滿滿嘅三文魚籽真係多到就嚟跌落嚟，真係非常有誠意，一咬落口，三文魚籽件粒粒口感，加上爽脆嘅海苔天婦羅，簡直不得了。而馬糞海膽亦都非常之新鮮，甘甜嘅馬糞海膽用紫蘇葉包住，兩種唔同嘅味道衝擊，真係味蕾盛宴。-日本番薯師傅選用嘅番薯非常之軟糯，食落亦都好甘甜，食嘅時候配上少少海藻鹽，感覺相當唔錯。-天婦羅茶漬飯茶漬飯入邊都有幾多貝類，食落非常鮮甜，口感都幾唔錯，建議可以加入小小嘅Wasabi，味道相當獨特。-抹茶Rum酒雪糕最後嘅抹茶雪糕抹茶味非常濃郁，赤雪糕口感亦都好軟滑，大滿足。-
繼續閱讀