影片
港鐵啟德站C出口, 步行約1分鐘
繼續閱讀
電話號碼
59650594
營業時間
今日營業
08:00 - 22:00
星期一至日
08:00 - 22:00
以上資料只供參考, 請與餐廳確認詳情
相關文章
位於啟德ᴀɪʀꜱɪᴅᴇ的西餐廳。自從新一段的啟德海濱花園開放後，由於是次開放的段落毗鄰維港，可飽覽維港景色，因此明顯前去啟德的人流也變多了，而貪新鮮的我當然也是去湊熱鬧的其中一份子了。.當天和朋友閒逛完後，才發現原來在這附近默默地開了很多新餐廳。而其中這一間的西餐廳，每次經過都被門口的麵包所吸引到；便決定不如就試試這間了。 ⋆_____ᴛᴏᴛᴀʟ ᴏʀᴅᴇʀ______⋆ ❅ ʟᴏʙꜱᴛᴇʀ ᴍᴀᴄ & ᴄʜᴇꜱꜱᴇ $198焗龍蝦芝士通心粉味道豐富，層次分明。軟滑的通心粉吸收了龍蝦和芝士的精華，口感奶香濃郁加上微焦的芝士，更添香氣；龍蝦未算大隻，但肉質細緻，為整道菜增添了高級感。.❅ ꜱᴜᴄᴋʟɪɴɢ ᴘɪɢ $288身為乳豬達人(?，看到餐牌上有乳豬便立即秒選。乳豬比想像中大隻，上菜時有哇了一聲，以這個價錢這個份量，在似樣ᴅ的西餐廳，算是超級划算了。乳豬外脆內嫩，入口脆卜卜，爽脆不油；肉質也夠嫩滑，整體鹹香惹味。.❅ ꜱᴛɪᴄᴋʏ ᴛᴏꜰꜰᴇᴇ ᴘᴜᴅᴅɪɴɢ $85這是一款經典英式甜點。濃郁的焦糖醬搭配濕潤及天然甜味的棗泥，入口帶有淡淡果香； 拖肥香氣未見突出，甜度適中； 而蛋糕配上雲呢拿雪糕，增添清爽感，甜而不膩。.❅ ʜᴏᴜꜱᴇ ꜱᴀɴɢʀɪᴀ $72餐廳自製的ꜱᴀɴɢʀɪᴀ，果香與酒香平衡，清爽解膩。
繼續閱讀
好一段時間無出嚟AIRSIDE食飯啦。喺AIRSIDE食午餐，每人平均消費接近$200，唔可以成日食🙈不過一大班人出去食，又或者揸車的話，AIRSIDE就一定有位泊車，沿路又唔會塞車，而且大部份餐廳都一定有位。食過咁多次，都無試過要等位。今次已經係第二次食哩間餐廳。餐廳岩岩開嘅時候，晏晝時間係無套餐。直到上一次食嘅時候，發現餐廳晏晝時段都開始推午市套餐，今日帶埋啲同事陪我食多次😋套餐包前菜、主菜 同 飲品。前菜有湯 或者 巴馬火腿。主菜有8款，好多嘢揀，有沙律、薄餅、飯、意粉、漢堡、牛扒。當日餐湯係忌廉粟米湯，再配一片麵包。湯就麻麻地，似普通罐頭忌廉湯，而且粉漿好重手。麵包我估係餐廳嘅sourdough🥖Scallop Mushroom & Risotto ($188)帶子蘑菇意式燴飯意大利飯好香。飯面鋪咗3大粒帶子，帶子熟度煎得岩岩好。意大利飯醬汁濃稠度適中，唔會好漿口，亦唔會太creamy，食落唔會覺得好滯。Wagyu Beef Burger ($198)和牛芝士漢堡配薯條遠遠已經聞到香噴噴😋漢堡有芝士、生菜，仲有......酸瓜😖偏食人第一時間拎走佢🤪漢堡扒好juicy，肉汁仲滴緊出嚟。薯條係粗薯條，條條飽滿，炸得好脆，好食😋Naughty Girl Pasta "Puttanesca" Spaghetti With Prawns ($188)海蝦蕃茄橄欖意大利粉見到餐牌上有個辣椒公仔🌶️，不過落單嘅時候職員話唔會太辣。食落又真係唔辣，只係有微微辣味。就算唔食得辣嘅人，應該都可以食到。蝦有4-5隻，肉質彈牙。整體味道都唔錯，微微嘅辣味帶出蕃茄醬嘅香。US Black Angus Sirloin ($268)美國黑安格斯西冷牛扒牛扒上面放咗香草牛油，旁邊有菇同薯條，淨係賣相都攞哂分。牛扒煎得好香，好靚，肉質唔硬。同事要求3成熟度，職員話會盡量整😝黎到大約係5成，都係預計之內，唔錯。推薦🌟👍🏻除咗漢堡、牛扒比較 heavy 嘅主菜，飯 或者 意粉類份量睇落都係偏少，但係有前菜 同 飲品，食完都夠飽。食完離開餐廳嘅時候，記得要參觀佢個麵包櫃🍞🥖🥐有各式各樣嘅酥皮麵包、甜品，仲有超巨型嘅sourdough，我諗成個sourdough成2磅🥖不得不提佢個麻糬酥皮蛋摓，之前食過一次，好正，好好味👍🏻，價錢又唔貴。值得一試👍🏻環境方面，餐廳偏嘈，唔知係咪有一個開放式嘅bakery，夾雜住啲機器聲。而且 lunch hour 餐廳內部比較繁忙，同時又好多人買麵包、外賣咖啡，就算樓底好高，都係聽到好多人聲同嘈音，大家傾計就要大聲少少，但係整體氣氛都係唔錯。
繼續閱讀
今次到訪位於Airside 嘅Chef Cut’s❤️ 同中環分店裝橫類近，型格又雅緻👍 吧枱座尤其吸引😚 窗外一片城景，開揚又美觀😎 前菜㨂咗一客牙買加煙燻烤雞夾餅🤭 薄脆嘅烤餅上堆滿山一樣高嘅配菜😚 包括有雞肉、南瓜、牛油果、芝士等😍 食落口感層次好豐富😚 開胃又清新之選👍 主食㨂咗職員推薦嘅招牌辣肉腸海蝦香料燴飯😎 燴飯入口濃稠惹味，辛香刺激😆 加埋辣肉腸真係勁正✅ 頂端嘅海蝦大大隻好鮮美，食落彈牙又可口，真係勁正❤️ 甜品㨂咗一件檸檬柚子撻🥰 甜品擺盤好靚😍 打卡一流😋 果撻入口酸酸甜甜，清新不膩❤️ 配搭香滑冰涼嘅雲呢拿雪糕，以及醇香可口嘅白朱古力，真係令人回味無窮😚
繼續閱讀
今日同朋友去咗AIRSIDE行街，順便搵咗間西餐廳食飯。餐廳環境真係好有氣氛，燈光柔和，好有情調，啱晒情侶約會🥰餐廳嘅食物選擇都幾多，仲有大量既cocktail 同mocktail, 紅白酒揀,happy hour 時段仲有8折👍慢煮黑豚斧頭扒：呢個真係正！斧頭扒係厚切但肉質好嫩，慢煮嘅關係，仲好JUICY。配埋個蘋果青醬，有清新既感覺。仲有個酸忌廉薯仔，薯仔煮得啱啱好，酸忌廉嘅味道同黑豚好夾，整體好有層次感😍和牛芝士漢堡配薯條：個漢堡包皮脆內軟，和牛肉餅好juicy，咬落去仲充滿肉汁，芝士味濃郁，配埋新鮮嘅蕃茄，口感豐富。薯條炸得金黃香脆，點埋茄汁真係停唔到口😆呢間餐廳無論環境定食物都幾高質，下次再嚟AIRSIDE行街，一定會再幫襯🥳
繼續閱讀
Chef’s Cuts Restaurant & Bakery地址：啟德協調道2號AIRSIDE 2樓L201號舖啟德靚靚高質西餐廳😍😍行啟德新商場Airside經過見到，一睇門口已經覺得餐廳好有氣氛，格調，環境燈光柔和，營造一種浪漫情懷格調👍👍非常適合情侶過黎享受一番🤭而餐廳侍應服務非常到位，主動過黎介紹餐牌，當要點餐既時候，亦會好快過黎serve，好耐無遇到咁有態度，服務既餐廳侍應啦！👍呢點值得讚！我地兩個人，叫咗一碟斧頭扒，一個薄餅，最後加多咗個甜品，食得相當滿足😋😋Slow Cooked Pork Tomahawk 慢煮黑豚斧頭扒，蘋果青醬，酸忌廉薯仔慢煮黑豚斧頭扒肉質鮮嫩多汁，搭配清新的蘋果青醬，層次豐富。酸忌廉薯仔綿密滑順，與豬肉既口感平衡，整體口感細膩👍Spanish Coca Bread Plaza煙燻火腿羊奶芝士西班牙薄餅 份量好多，而且個薄餅係即刻整，新鮮得黎，個餅底又熱又脆，真係好好味！Passion Fruit Caipirinha入面有Cachaca, Lime, Sugar, Passion FruitSticky Toffee Pudding Date拖肥布甸蛋糕，干棗，雲呢拿雪糕拖肥布甸蛋糕真係第一次食，口感濕潤綿密，干棗的天然甜味與濃郁的拖肥醬好夾！帶來豐富的層次感，搭配雲呢拿雪糕，冷熱交織，平衡了甜膩感
繼續閱讀