傳麵世家

營業中

休息中

今日繼續喺元朗揾食今日試一間新店，點左一碗清湯牛尾牛腩麵。但是湯底很油，不知道為什麽叫清湯，但是那碗卻是油腻的清湯？牛腩是好吃的，有點筋，也不會煮得很爛，也很入味。牛尾，我是第一次吃清湯的，但原來也不錯。雖然骨比肉多，但是也能吃到骨膠原的感覺。麵底我點的是生麵，口感好，爽口彈牙，份量足。試了他們店的潮州辣椒油，有點失望，不香也不辣，只有咸味，不是正宗的潮州辣椒油。本來那碗麵就已經油，再加辣椒油就更油了。

元朗好多人都知道有間粉麵店叫「傳麵世家」，有著傳統的味道，大人小朋友也愛吃，又是街坊的聚腳點，得閒就會去光顧一下。今日叫了他們出名的牛腩牛尾河粉，牛腩炆得稔滑帶點點筋，有咬口，清湯牛尾更是出息，外形完整，一咬下去立即感受到軟糯充滿骨膠原，個湯清澈夠味配河粉一流。魚片頭河粉也是必吃，厚身的魚肉爽口彈牙，外面炸到黃金好有口感，清清哋又一餐。咖啡紅豆冰也不錯，紅豆煮得夠稔加入香濃咖啡，這個也是店內名物。

［📍元朗｜傳麵世家］呢間粉麵店係主打清湯腩的 湯底顏色係清澈的 呢間麵店有一定年資 一入到舖頭 已經聞到好大陣牛臊味 感覺好正宗牛筋 爽腩 根腩 邊腩都非常入味 一啲都唔會乾柴每款牛腩都好明顯食得出質感上既分別絕對唔會比hea貨你 價錢亦都好合理 平時作為comfort food反正冇得輸一定會不斷翻轉頭幫襯

同老婆睇完戲都差唔多成十點，冇乜酒樓仲開門，所以諗住求其食碗麵就算，見傳麵世家都幾多人喺入面食緊，一於入去試吓。門口貼咗好多報紙介紹有乜嘢美食，又話老闆點樣專注做好啲麵，二話不說就叫咗碗牛什撈粗，老婆就叫咗碗細蓉。碗麵嚟到，先聞到好香嘅腩汁味道，先試啖麵，真係好彈牙，報紙報道老闆做麵方法真係冇呃人。牛什份量都幾足，有牛肚、牛腸、牛膀同牛肺，炆得好冧同好入味，加埋辣椒油同小小醋一齊食真係一流。老婆嗰碗雲吞麵，雲吞都幾大粒，又有鮮蝦同豬肉，麵底就唔使講，都係咁爽彈。其實呢度仲有好多唔同嘅開配搭，實有一款啱你食。

光師傅用心製作，友善的服務令人感到非常之舒服，餐廳食材精選，必食清湯腩，燴牛尾，咖喱牛筋腩，紅酒雪糕，濃郁奶茶一流。月份上了師傅特製嘅幾個飲品...荔枝味威士忌，陳皮梅酒和7年青梅陳醋，令人驚喜回味

前排係YT睇到一個名食家的拍片, 令到我都心思思走返去幫襯, 對上一次去傳麵可能已經係兩三年前的事了.舖頭係全部搭枱的, 反正入到去自己搵個位坐就係.叫了一個傳麵雜錦麵, 油麵底,   43蚊配料都唔少的,  有兩三件牛腩, 兩件牛肚 / 粉腸,  雲吞/水餃各一, 還有少少酸菜牛腩好多渣,  食了之後牙縫都攝滿渣 (可能係我牙齒唔夠整齊啦)牛肚太淋, 可能係新鮮的牛肚, 帶有膻味, 粉腸好食, 夠晒粉糯又無異味.雲吞水餃正常, 調味足, 蝦肉爽口但無味.酸菜少到几乎搵唔到 (比蔥花還要少)最大問題係味精都幾多,  我七點半左右食完 (沒有點飲品), 返到屋企飲了兩杯水, 到夜晚十一點半仲口渴大概呢個就係我幾年無去幫襯的原因了

今日去開元朗買抽濕機，突然記得以前返工附近有一間食牛腩麵嘅舖頭，入面好多明星嘅相，仲記得佢啲炸魚片頭好正架，去開就入去食吓，懷緬一下過去啦🤣照舊叫咗個炸魚片頭+炸雞翼河、腐乳唐生菜，我最欣賞嘅係炸魚片頭+炸雞翼係另外放一隻碟，如果唔係，淋晒就勁難食。佢哋醃雞翼嘅時候，我估應該落咗少少辣，因為食嘅時候會有少少辣味，小朋友應該會感覺大啲。我叫咗個腐乳唐生菜，因為我唔鍾意食通菜🤭，啲嘢食冇乜點變，都係好好食，以前試過叫牛腩，但係佢就唔係好似我平時食嘅味道，所以我就麻麻哋鍾意。店內環境就坐得逼啲，有人行過會有機會撞到張櫈咁囉！😂 不過，如果快食快走就冇乜所謂啦！最緊要好食。炸魚片頭+炸雞翼河🍜份量: 2條+3隻味道: 脆、好食價錢:$39CP值：⭐️⭐️⭐️⭐️腐乳唐生菜🥬份量: 正常味道: 好食價錢:$19CP值：⭐️⭐️⭐️⭐️可樂🥤份量：1罐價錢:$11CP值：⭐️⭐️

喺元朗合益街市附近有間開左好耐嘅麵店，門面、入面裝修都毫不起眼，但你會見到不斷有人入去食野。價錢相宜，絕對係做附近街坊同熟客仔生意，有啲客人一坐低，侍應已經問佢係咪野食照舊，更多嘅係帶一份人情味。🍜清湯律牛筋腩河粉 $46★★★★☆佢最出名應該就係呢個牛筋腩，話係媲美好多出名嘅店。筋腩有大大舊4件左右，食落真係好軟稔入味。每一舊都有啲筋腩位，仲保留少少咬口，可以話係肥瘦相宜。牛筋就正正常常，都係偏骨膠重。個湯底加左腩汁，配河粉一流。🍜潮州四寶米線 $39★★★★☆四寶指豬肉丸、墨丸、魚餃、魚旦、紫菜，豬肉丸係汕頭豬肉丸唔係手打個款，感覺幾彈牙爽口，有豬肉味算係幾出色；墨丸不過不失 有少少似譚仔個啲；魚皮餃唔粉，皮有彈性，肉唔會梅；魚旦幾出色，彈牙得黎又唔會太重魚膠，有魚味，大細適中。叫左清湯，店員話用左鰹魚、豬骨製成，飲來都幾清香帶天然甜味，飲落唔會覺得有味精。🍜炸雲吞 $30★★★★☆雲吞4件，雲吞皮炸得好金黃，食落超級香脆，餡料有豬肉同蝦肉，仲加左啲木耳絲，令到食落會帶啲口感，而蝦佢係細細隻原隻包落餡到。配左酸甜汁，炸物必備。🌟總括：平價又好味嘅麵店，雖然唔係咩好特別，兼周圍都可以

牛筋河粉$40牛筋好冧，無牛羶味，湯底有好香既牛肉味，鮮甜得來又唔會太咸，配埋幼身爽滑既河粉一齊食，味道唔錯，唯獨湯面多油左少少。牛腩米粉$40牛腩都咬落夠冧夠入味，食完飲啖湯，令牛肉味更香濃😋米粉就普普通通。炸雲吞$33雲吞炸到脆卜卜，雲吞皮咬落唔會太厚，入面既蝦食落爽口彈牙，就算唔點醬都夠味。炸香滑雞球$32雞球直接生炸，外層少少脆，雞肉咬落去都幾滑，唔會太乾😋，加埋甜酸醬酸酸甜甜，非常可口。整體來講，牛腩河同小食都唔錯，而且呢個價錢食到咁足料既味道，都算高性價比。好味：4/5環境：3/5客服：3/5

加腩汁絕對係食湯河粉既要訣。呢度d河粉軟硬度啱啱好，分量又夠。枱上有魚露、紅醋、辣椒醬供食客享用。d辣椒醬唔算辣但好香，可以加多d都唔怕。隔離就有錶位停車場可泊車。牛腩牛根河粉 $48呢度既牛腩唔係一條條，係四方形。瘦肉比較多，肥就得少少。牛腩都整到幾淋，但係牛筋就好似煮得唔夠耐，唔係入口即溶。四寶河 $46呢度四寶河既四寶有豬肉丸而且係自家制手打嘅，好有豬肉味幾好食。個魚蛋都好彈牙，感覺上唔係好多麵粉。墨魚丸就好似比較多麵粉，少d墨魚丸丸嘅味道。個魚皮餃都爛咗個皮啦，味道還可以。但係就冇乜紫菜，得個一小撮。總體來講佢呢度嘅湯底唔濃，比較清。而且湯頭冇乾蒜。價錢都偏貴少少。

聽朋友講呢間幾好食所以夜晚就黎咗買外賣試一試佢我就要咗一個雞翼河粉屋企人就要咗一個雞翼魚片頭河粉咁本身雞翼要炸所以都已經預咗要等一段時間但結果喺唔係太多人嘅情況下都等咗半個鐘頭先拎到個外賣等得耐都唔緊要問題係啲雞翼出到黎只係微暖都算啦照食本身一個河粉要加腩汁一個剩係要清湯但2個都加咗腩汁味道方面雞翼係辣嘅落單果陣可以叫佢比沙律醬都幾好食魚片頭就一般般無咩特別食到咁上下發現碗河粉有條唔屬於自己嘅頭髮係入面即刻無胃口食味道ok都無下次

老豆帶我去食歷史悠久的清湯牛腩，一直以來都無幫襯過，因舖頭唔起眼，覺得都係普通清湯牛腩，但今次試了，超級好味，好過勝x多多聲，也好食過嘉xx，呢間牛朒好淋，連湯都飲埋唔口乾，$45元大大碗，朒什有內有一條細牛脷，至愛🥰🥰，唔靭，好鬆軟🥰🥰🥰，老豆無介紹錯👍👍👍

Restaurant Review📋Food🍽Green Scallion🐂Ox-Tail Pot- Super Tender🐂Ox-Tail- Soul-soothing Soup as the Finely Sliced Green Scallion refreshed the greasiness🦆Foie Gras🐂Ox-Tail & Daikon- Strong, Bit Crunchy Outside & Tender Inside🦆Foie Gras, Super Tender🐂Ox-Tail, Clearly Sweet Daikon- A well-balanced among punching, satisfying & soul soothing taste. Nice Try 🍄King Oyster Mushroom🐂Ox-Tail- A showcase of edged knife technique. All flavours perfectly penetrated into the mushroom🍄- Super Tender yet umami🐂

今日入開元朗，想食牛腩，揀咗一間專食牛腩嘅麵家，馳名清湯腩，入到去裝修一般，我叫咗個牛腩河👉🏻河粉就一般般啦👉🏻牛腩的確唔錯👍🏻👍🏻👍🏻，加了辣醬都唔錯，之後加埋杯熱奶茶😆😆😆奶茶正常☺️☺️☺️咁就一餐啦

傳麵世家位於元朗區，朋友說住元朗的人個個都會知道這間舖頭，咁出名，原來是一間老店。見牆上的照片清湯腩、炸魚片頭、牛尾、豬手、牛丸等樣樣都好吸引。我叫了水餃魚片麵，水餃好足料，蝦肉彈牙，整體很鮮爽，不錯，魚片沒有特別的評價，正常。牛丸牛尾河 就值得一讚，牛丸爽口彈牙，有一種獨特的牛肉味道，喜歡的就是牛肉味，好好吃。清湯牛尾睇落去唔係太吸引，但原來味道相當之好，肉質煮得夠腍，清湯保持牛肉的味道， 好好食，值得一讚。