影片
港鐵朗屏站 F 出口, 步行約5分鐘
繼續閱讀
開飯介紹
新式點心店，主力提供傳統港式點心及中式糖水，招牌菜為雪山叉燒包。
繼續閱讀
營業時間
星期一至日
08:00 - 21:00
公眾假期
08:00 - 21:00
公眾假期前夕
08:00 - 21:00
以上資料只供參考, 請與餐廳確認詳情
🛍莎莉終於出現啦！熊妹有幾耐冇見過好朋友莎莉呀？咁耐冇見莎莉，梗係同佢去遠啲地方玩吓啦！元朗夠遠啦掛！同佢飲個茶🍵食個點心🍘，然後再去附近嘅千色匯行吓傾吓偈抖下🗣，絕對係同好朋友一齊的賞心樂事！📌先去咗朗屏行吓，知道有間叫《8號茶居》的點心專門店，價錢幾便宜，一於試吓！📌店舖都幾大，有四人梳化坐卡位🛋，有二人同四人坐嘅木凳位🪑，餐廳感覺好光線，以木係同埋藍色色調為主，感覺好柔和。📌食物都好多款選擇，大路的點心、蒸飯都有齊，有啲款式一蒸兩籠，啱晒二人份量，最特別係有個流心西多士，呢個一定要必試喇。雪山叉燒包， $25熊妹鍾意食叉燒包，因為鍾意食濃味嘅醬汁。雪山叉燒包好大一個，比傳統叉燒包就多一層口感，墨西哥外皮甜甜地好鬆脆，餡料都幾多，甜甜地嘅叉燒醬汁，有粒粒叉燒冇肥肉位。蟹籽燒賣皇， $19燒賣皇后熊妹食點心點會唔點燒賣呀？一籠燒賣有兩大粒，真係超大粒，啖啖肉冇肥豬肉渣，點豉油辣椒油一定一流。鮮蝦菜苗餃， $20比起蝦餃嚟講熊妹更加鍾意食菜苗餃，因為有蝦之餘，仲有一啲菜，好似感覺上清新啲，健康啲。菜苗餃真係超大一隻，好似粉果咁大，入面蝦肉🦐好彈牙，調味好足夠，帶出蝦肉嘅鮮味又能蓋過菜苗嘅草青味🌱，水晶皮超薄，驚夾大力啲都會夾爛，真係皮薄餡靚。老干媽蒸鳳爪， $27莎莉想食鳳爪，《8號茶居》用咗老干媽醬汁調味，味道非常濃郁，鳳爪大大隻，蒸得好淋，醬汁好入味，入口即溶，仲可以咄返骨出嚟，呢個就係食鳳爪嘅滋味。鴛鴦鮮蝦米網腸， $36鴛鴦蝦米網腸幾特別，顏色非常鮮艷，係鮮燈同鮮綠色，表皮腸粉夠薄又嫩滑，內裏網腸好脆口，仲有粒粒蝦米粒，點豉油辣椒油又係味道一流，一碟八件，份量都幾多下。瀑布流心西多士， $31到熊妹最期待嘅點心啦！熊妹不嬲都好好奶黃流心的，鍾意奶黃的奶香同甜味。唔好睇外表平平無奇，嘩！一切開，瀑布嘅奶黃流心真係湧晒出嚟，流心效果做得非常之好，奶黃嘅味道重奶香🥛又唔會好甜，流心嘅質地滲入晒麵包入邊🍞，食落去真係好滋味！呢個咁高卡路里嘅邪惡食物，熊妹都忍唔住食咗大半件。到熊常之好，奶黃嘅味道重奶香🥛又唔會好甜，流心嘅質地滲入晒麵包入邊🍞，食落去真係好滋味！呢個咁高卡路里嘅邪惡食物，熊妹都忍唔住食咗大半件。擂沙煎堆仔， $27食咗咁多鹹嘢，食多個甜品煎堆仔真係圓滿結束啦！一疊有三粒，外皮炸得好乾身粒粒芝麻好香，咬落去，外皮夠厚身又軟糯，入邊有黑芝麻醬，同軟糯嘅外皮一齊食，份量剛剛好，映襯返外皮白芝麻粒嘅芝麻香味，呢個煎堆仔都做得幾出色。📌兩個人七款點心，想食嘅全部都試勻晒，真係頂住個大肚腩離開。價錢親民，連茶介每位$6，埋單都唔使$200，環境又闊落，自成一角，最開心可以大聲講大聲笑，就係同好朋友飲茶食點心的樂趣。
繼續閱讀
又來呢到飲茶！呢間小店食物一向高質，中午就係要飲茶嘆點心🥰.幾款每次必點！蟹籽燒賣皇和8號蝦餃皇大大粒非常彈牙，黑松露野菌粉果皮做得煙韌出色香濃黑松露口味，豉椒排骨飯砵仔碗上好有特色，飯係勁有咬口真係一粒粒軟硬適中每次一定點！排骨加上辣椒甜豉油，港式風味👍🏻 香滑鮮蝦腸三大條皮做得滑身，啖啖蝦肉相當足料😋.今次新試左雪山叉燒包，雪山酥皮甜甜地，入面叉燒大粒有咬口無諗過咁好食🤩紅棗糕也相當不錯，熱辣辣口感煙韌q彈，養顏又好味😋
繼續閱讀
朋友屋企剛裝修好,今日老公放假一齊去參觀下,坐西鐵係朗屏站落車。因為好耐無見面,朋友話搵間茶樓飲茶,可以慢慢傾偈。行經虹坊見到有間8號茶居。店舖乾淨企理夠光猛,冷氣足夠,座得舒適,啲姐姐經常問我哋要唔要加水,服務好又有禮貌。創意款式選擇多元化,主打係精緻點心和中式料理。茶錢每位6元,沒有加一,平靚正。8號蝦餃皇$19蝦餃皮煙煙韌韌,蝦肉鮮甜,每粒都好飽滿。蟹籽燒賣皇$19燒賣皮好薄,肉質爽口,頂部加咗蟹籽,口感十足。鮮蝦菜苗餃$20蝦肉鮮嫩多汁,菜苗新鮮,爽口好食。雪茄春卷$15雪茄造型夠創新,春卷內餡有白汁蝦肉,加埋沙律醬,味道唔錯。鴛鴦鮮蝦米網腸$36顏色鮮豔,米網香脆,腸粉嫩滑,真正手工點心。雪山叉燒包$25上枱熱辣辣,個皮鬆化,叉燒包內滿滿叉燒濃郁香甜。豉汁黃鱔飯$59米飯粒粒分明,黃鱔爽口,配上三色椒,口感豐富,值得推介。
繼續閱讀
其實呢一間點心鋪已經黎過好多次 好多時夜晚想飲茶都會搭一個站黎到呢到 因為餐廳地點真係好方便 朗屏西鐵站一落黎行兩分鐘就去到 我咁常去係因為我覺得呢一間點心鋪做得最好就係佢餐具同埋枱凳都唔會油淋淋 呢一樣真係好重要可以令到食客食得好安心👍🏻♡雪山叉燒包 $25外皮好脆又夠熱 鬆脆得黎有d甜甜地 叉燒餡都算多 呢個我覺得係必點之選♡蟹籽燒賣皇 $19呢個燒賣係用白色燒賣皮 燒賣比一般坊間既較為大粒 咬落去蝦肉都幾爽口♡山竹牛肉球 $27山竹+牛肉+馬蹄呢個組合真係點樣都咁夾 咬落去有肉感得黎馬蹄又比到個爽口既感覺 加埋喼汁小小酸酸地就更開胃♡老干媽蒸鳳爪 $27真係估唔到咁傳統既蒸鳳爪都可以做到d特別 佢既有一貫蒸鳳爪既醬香味 仲有一股係老干媽獨有既辛香味 原本以為落左老干媽會比較辣 但食落去就唔係好覺好辣♡五柳炸雲吞 $28炸雲吞可以講係我飲茶既最愛 由細細個每次去酒樓飲茶都必點 到大個去飲茶都會叫 呢到個炸雲吞炸得夠脆 亦唔會太油 配埋酸酸甜甜既五柳汁 食完真係超開胃 又可以食多幾個點心♡鴛鴦鮮蝦米網腸 $36呢一個網米腸橙橙綠綠 睇落已經好好賣相 我自己認為呢個可以話係炸兩既升級版 炸既米網係超級鬆脆包住隻蝦 外軟內脆再內軟 就算點唔點豉油都都一樣咁好食♡養顏紅棗糕 $26原本諗緊叫薑汁糕定紅棗糕好 心大心細 最後揀左紅棗糕 因為佢比薑汁糕多一舊 總共有4舊兩個人分就岩岩好 紅棗味都好出 但又唔會太甜 口感黏黏糯糯傳統中式糕點既感覺♡茶位🫖茶 $9/位我地揀左菊花茶 其他茶就只需$6/位另外仲有d優惠套餐都好抵食 仲有燉湯飲 都幾正架💕而且仲有印花卡儲 儲夠可以減錢
繼續閱讀
呢一晚嚟咗8號茶居飲茶好正～幾好feel🤓🫖☕️我叫咗以下食飯💕😋❤️香滑鮮蝦腸$30香滑鮮蝦腸，口感滑嫩，蝦肉都幾多，鮮甜可口。❤️宮廷桂花糕$23呢個桂花糕有3件糕點口感綿密，桂花香氣濃郁，食落心情好好🥰🥰❤️鮮蝦菜苗餃$20呢個菜苗餃有兩件,皮薄餡多，裡面嘅蝦肉鮮嫩多汁，好好食。而菜苗增添咗口感嘅層次，非常開胃。❤️咖喱蒸魷魚$32咖喱蒸魷魚擁有濃郁的咖喱香味，魷魚肉質鮮嫩，非常美味，好彈牙。❤️蒜蓉粉絲蒸排骨$29排骨肉質鮮嫩，搭配蒜蓉和粉絲，味道香濃，蒜蓉味好香，蒜蓉粉絲都好好食！❤️8號蝦餃皇$19蝦餃有2件，皮薄餡靚，蝦肉又多又大大粒。❤️薑蔥牛柏葉$32薑蔥牛柏葉鮮嫩多汁，加埋薑蔥的香氣，口感豐富。
繼續閱讀