影片
港鐵朗屏站 D 出口, 步行約3分鐘
繼續閱讀
營業時間
星期一
全日休息
星期二至日
11:30 - 15:00
18:00 - 22:30
以上資料只供參考, 請與餐廳確認詳情
一入門口已經話食lunch限一個鐘疫症下想做多轉生意好明白亦合理我地四個人一枱，待應講明每人一定要嗌一個餐，亦都合理。我地一共食咗35分鐘，覺得份量唔夠想再嗌多一個餐，點知個老闆同個侍應話唔俾我哋嗌，原因係如果整好出嚟一個鐘內唔可以食完走人🤯然後我望向全場，仲有兩張四人枱一張二人枱係無人坐既，門口亦都冇人等位，然後我幾位朋友同我一樣已經唔想再坐落去，一嚟座位窄坐得唔舒服，二來老闆娘黑晒面，眼神同態度mean到不得了，今時今日咁嘅服務態度我仲需要再嚟幫襯你嗎？其實元朗好多餐廳，有好多選擇，除非你嘢食整到好好食所以你咁串，但食物又唔係話覺得好好食，只係正常味道，但係咁樣嘅服務態度，我唔會再返嚟呢間食。本人真係好少會Blacklist餐廳，但呢一間門口冇人，餐廳仲要好多空枱，我地仲有25分鐘，連嗌多個餐都唔俾，我覺得真係好好笑。
繼續閱讀
今晚我們兩個人仔好肚餓，啲嘢食一嚟到，好香噴噴。相都冇影，就已經俾我哋食晒啦……好彩仲有盒好味到我要打包拎走嘅印尼無骨烤雞帶返屋企慢慢食，真心期待呀呀！舖頭氣氛環境極佳，有異國風情，亦都好地道，配著悠閒樂韻，唔會阻礙到我哋傾偈。店員都係唔識講廣東話(但好彩我哋識講英文！)店員態度好友善，佢帶位時，帶咗我哋去一個冇大冷氣風口嘅位置，而且亦體會到我哋客人嘅需要，隨傳隨到地為我地落order及埋單。呢間食店係第二，三次食。水準一直冇差過！讚，即係喺元朗一定會返到的食店！！一致好評性價比真心高。
繼續閱讀
公道講句，食物的確有質素，性價比高。可惜係要受住氣食就真係冇下次。嗌嘢食既時候，因為有飲品跟，但通常飲品都會後嗌所以未揀好。個侍應就要我哋叫餐既時候就嗌埋，我地話唔好意思我地未揀好，佢就即刻叫我地快啲，唔好咁慢(係真係用英文咁講) 仲一下子即刻收哂我地既餐牌(係喺我地手到搶走個餐牌)，非常不耐煩。(當時我地係未揀飲品嘅) 當然即刻揀到都係方便到店家，但最主要係全程侍應既態度都好差，不停話我地揀得慢，要快啲。呢一點先係最難受。如果餐廳好多人/多人等位之類都尚可理解，但當時餐廳人唔多，有空枱，亦冇人等位，態度都咁樣真係好食都冇下一次☹️
繼續閱讀
因為某次行過 意外發現呢啲食店幾隱世咁(ﾟoﾟ;; Book Mark低左因為喜歡Fusion菜 尤其招牌寫住尼泊爾🇳🇵印度🇮🇳呢啲就會令我眼睛發光🤩同朋友一齊去享用朋友都讚不絕口要Book mark返確實不錯的👍🏾而且抵食羊膝咖喱 with NAAN🫓好淋 羊味不算太重牛油果蝦肉PIZZA🍕批底好脆 我本人最鍾意個醬牛油果好香的 不過比個醬個味蓋左啲海鮮都好FreshRIBS我本來一般呢個食物因為我嫌BBQ醬太濃味但呢個我還好 而且肉質好淋蟹肉意粉🍝蟹肉新鮮🦀 意粉煮得好彈牙個人喜好啦 不過我鍾意😋牛肉沙律🥗個沙律汁好特別 似混左嘅麻醬同雞醬啲牛肉好有牛味 而且唔韌
繼續閱讀
今次試fusion菜，Sa妹每次經過都想試，皆因佢Menu上的菜式感覺幾多元化，有泊爾菜、印度菜、土耳其菜等等。2人套餐👫（$468/two)🥣 餐湯：南瓜湯🎃 幾濃稠，味道不錯🥗 沙律：烤雞牛油果 🐔🥑黎到個陣驚訝到Sa妹，我以為尼兜系小菜，因為真係好大兜好足料，D雞真係一舊舊雞件而且好多舊，作為食貨嘅Sa妹表示嘉許！🤩🥙小菜：咖喱葉炒蜆D蜆幾大隻，味道好奇特，我以為系辣嘅點知食到咕嚕肉醬汁嘅味道，酸酸甜甜咁，同我想像中嘅咖喱葉炒蜆有D出入 LOL🍛主菜：黑松露帶子燴飯 & 尼泊爾咖喱雞其實食完前面D沙律同小菜已經飽左6成，佢兜尼泊爾咖喱雞個Naan仲要咁大兜，真係好Crazy Lol 不過佢咖喱味不算太重而且不辣 味道帶點番茄嘅酸同香料嘅香 勝在配Naan 不錯。黑松露帶子燴飯亦幾出色，飯入面嘅菇🍄令味道更香濃。雖然佢鋪面系細左D，不過感覺幾Chill而且入面裝潢都幾有尼泊爾風情，幾適合幾個朋友黎撐臺腳👭👫👬推介指數：⭐️⭐️⭐️⭐️💫（總分為5⭐️，💫為半粒⭐️）
繼續閱讀