元気寿司 (健威坊)

營業中

休息中

換咗三碟，三碟都係好多黑點兩件都係。最後退曬返去。🙈 以前成日黎食都無事，今日舊舊都係咁，希望廚房整壽司既注意下，唔好求其推啲壽司出黎俾人食。做餐飲業俾返小小水準。反而其他壽司又無乜問題，我重叫咗帆立貝刺食都好新鮮，三文魚刺身都有黑點不過好小，吞拿魚果件切爛咗不過食落ok,灸燒牛油赤魚蝦完全反曬車🙈 唔知係咪關我換咗三碟三文魚既問題。最後都叫咗甜品濃厚生朱古力，幾好食唔錯值得推介，結論：下次再返黎食三文魚重有黑點既話就black list 呢間。

今期元氣壽司，午餐有ABCD餐選擇，60-80零蚊一個set, 唔算好貴，我哋四個人叫左三個餐，大家share嚟食。其中有一碟全部都係青瓜，夏天食特別感覺清涼。女仔食－定夠

又到吃晚飯的時候，途經元氣壽司，就想吃一下魚生和海鮮，於是就入內光顧，入到店內服務員帶位，之後就坐下來點餐，點餐要用手機鏡頭掃描帳單上的二維碼，之後出現連結地址，按下去就出現了點餐畫面，這次的壽司點了吞拿魚，脆蒜辛辣墨魚，長鰭吞拿魚，油甘魚，焦香醬油鰆魚，軍艦點了蟹肉蟹膏和飛魚籽兩款，熟食點了麵鼓湯，竹輪卷湯烏冬，飲品點了可口可樂，巨峰梳打，甜品點了迷你泡芙，壽司和軍艦的食物用料新鮮，麵鼓湯和竹輪卷湯烏冬的湯底清甜好飲，烏冬麵夠彈牙，泡芙也好吃，食物單價最底十元左右起，價錢也算是合理，就這樣吃了二十多碟魚生壽司，飲品兩杯，甜品一道和兩碗熟食，店內環境舒適好坐，冷氣夠涼，服務員的態度也很好，不用攞籌排隊等入座，整體來說很不錯，美中不足的是芥辣不夠辣，食物有時會等比較耐，要服務員跟進，而且結帳方式不是掃描枱上的碟數多少，而是按電腦系統上的點餐記錄而定，可能會漏單而計多了，要自己多留意，不然吃不到食物還要付漏單食物的錢，這些不足地方有待改善，下次再來光臨

網上落單外賣壽司🍣、原定13:30到取，由於自己時間控制不好，到店時間比預期早了30分鐘。以為要等30分鐘，點知食物已經準備好，放係收銀處傍邊的一個架子上。3分鐘內，開始品嚐，真感到失望⋯⋯食物過早準備、刺身已經不新鮮，魷魚🦑不挺身、三文魚上的牛油果🥑醬軟棉棉的⋯相對於我上次在同一家genki網購的同款壽司🍣、真係10分同3分之比呀⋯⋯落差太大了⋯⋯如果壽司過早就早定、那何必要預定呢？你地話呢？

元氣壽司會員續約會送一張75折優惠券，2月底到期，又有限聚令，唔能夠約朋友，今日就去食個午市定食，用咗張優惠券先😝個人覺得元氣壽司嘅午餐刺身飯定食最抵食，除咗綠茶任飲、薑片任食、有三文魚刺身、甜蝦、吞拿魚刺身、吞拿魚腩蓉、玉子燒等，仲有日式海鮮茶碗蒸、可樂、及三片天婦羅蔬菜刺身，而家蔬菜都好貴，所以呢個套餐真係抵食😁而北海道朱古力芝士餅都係佢嘅名物，味道濃郁，我每次都食👍🏻今次都有叫新出嘅焦糖芝士布甸，同壽司郎嘅味道差唔多☺️元氣壽司經常都有新嘅產品，今次就試咗新出嘅北海道產水蛸及北海道白老牛壽司，水蛸壽司味道好似章魚片，好難咬，口感麻麻，白老牛壽司就係一片肥牛加壽司，牛肉味都幾濃，醬汁都配合得唔錯，呢個可以一試😃疫情關係，堂食真係冇咩人，職員都願意去安排一個比較空曠嘅位置比食客，希望疫情快啲過去，可以再同朋友堂食相聚❤️

每次撞着閒日放假 我都會心思思想來元氣食下午茶🫖 貪佢份量多同抵食☺️☺️我哋兩個人大概三點嚟到 唔需要拎飛已經可以walk-in✌🏻 一坐低即刻scan佢個QR code 用手機落單今次除咗嗌佢哋嘅下午茶餐之外 仲散左一啲壽司🍣下午茶餐- 包左五件壽司 分別有三文魚 吞拿魚 同兩件軍艦壽司 魚生唔算好新鮮 表面顏色都已經變暗啞 但好在軍艦紫菜仲脆 加番D分👏🏻👏🏻 我哋再揀咗燉蛋同埋芝士薯條 兩樣都熱辣辣 好味道😋適逢佢做緊吞拿魚嘅promotion 我哋試咗佢嘅辛辣長鰭吞拿魚 辛辣吞拿魚蓉軍艦 兩款壽司嘅吞拿魚都好新鮮 但略嫌上面嘅辛辣調味有啲功高蓋主另外我必嗌嘅係牛油果軟殼蟹卷 入面嘅軟殼蟹能夠保持脆身 配合松子 青瓜等 口感好豐富🥰

嗰張寫食評係我工作，工作個外，我都好少寫食評。今日又來到元氣壽司，唔係講笑呢間野美心仲話集團要搞下，已經唔係第一次第二次第三次，時常上錯上漏食物。食物水平可以對得住價錢，但真係要搞下整個流程～～生意差唔好怪疫情，有可能自己自身做得唔好！本來我唔想寫咁多，因為200字先可以出負評！所以我繼續寫落去，下午茶係抵食，但係中午同晚市真係唔係講笑，食人唔肚骨。希望改善一下，盡一下社會責任！唔係我個仔鍾意食我都唔嚟！成日出錯野唔該改善下

已經差不多一年無光顧「元気寿司 」了,  今次用會員生日有八折同朋友來食, 朋友 order lunch set, 個剌身飯賣相好吸引, 大大片厚厚的剌身疊住放滿碗面, 仲有天婦羅, 麵豉湯, 茶碗蒸, 不過其實飯量很少,  朋友話麵豉湯好咸, 她加水才飲用。 Anyway,  八折後是低食的,  而我order 了蜆肉烏冬,  三種寿司及蛋糕, 沒太多comment, 因為舊時成日食, 太耐無食了, 餐牌多了新選擇,  wasabi 改了獨立包裝, 綠茶粉也改了小洞倒出的樽裝, 比前衛生。

自從做咗元氣壽司會員，就多咗嚟食啦，因為每個月第一個星期三會員都有八折，而且元氣經常會有新嘅Menu，加入好多新口味嘅壽司，所以經常都會嚟試新野，今次試咗佢新嘅左口魚裙邊、香劍魚、海老三點盛，都幾有特色，其中香劍魚口感好特別，好似豬膶咁煙煙韌韌，左口魚裙邊就比較難咀嚼，唔係好啱我口味，海老三盛就好適合鍾意食蝦嘅人，壽司上嘅蝦肉大大件，好滿足😁而且堂食每個座位都有板格住，感覺比較衛生，有個小小嘅空間，私隱度大增，有綠茶、薑、可以自由添加，當日仲有八折添，係一個經濟、實惠、自在同滿足嘅用餐體驗😍

姑姐打電話黎話請我食壽司，聽到之後，我都唔係好想去，不過老人家叫到，唔通唔去咩 😪吞拿魚3點盛，一個價錢有齊大吞拿魚腩，中吞拿魚腩 ，香蔥吞拿魚碎軍艦; 魚肉的確幾好味，不過配合埋個啲搓得太散嘅壽司飯，就唔太好味。珍寶白烏貝壽司，以形補形呀，淨係睇外型都知道係男人補品，不過食落去個白烏貝味道淡茂茂，而且都好韌。甜蝦豪快盛，就係一堆蝦放喺飯上面，味道冇乜變化，成件事就係甜蝦+飯咁簡單。仲有一個，我唔記得左係乜嘢軍艦，算啦，反正味道係強差人意，唔寫啦。

元氣一向都係我食壽司的首選，無論食品質素，價錢都好合理👍👍☝️近日來推出半價優惠，每日有一款食品半價，而且冇限制，今日係三文魚壽司半價左係$7/兩件，真係好抵新推出嘅他他醬白魚天婦羅壽司，好香脆，粉醬適中😋😋蟹肉蟹醬手卷~蟹肉唔算多，但蟹糕好甘香及脆口紫菜簡直令人回味🤩🤩三文魚湯~濃味，蘿蔔塊吸引所有三文魚味，加上京蔥，可惜碗湯太油😝😝自從加入QR code落單及"新幹線"上菜後，整體等候時間縮短很多，而且用可以隨時加單十分方便🤗🤗

曾幾何時元気寿司是我連鎖迴轉壽司店的首選，近年已好少幫襯這類型壽司店。今天想食下日本野，路過見到就入去試吓水準如何。茶碗蒸係我至愛，一定要食啦，水準依然👍🏻夠熱好滑味鮮，燒蠔就唔熱，直頭係室溫，有腥味，炸雞翼同炸芝士年糕估佢唔到又幾好味，夠熱又唔冧油。手卷D味道可以，但紫菜淋晒，火炙三文魚、帆立貝、鮮蝦、甜蝦壽司都好新鮮👍🏻環境方面，座位有板隔開感覺安心。點餐用QR code 比較方便，隨時加單不求人👍🏻。侍應服務態度一般，可接受啦，無期望，無失望😅

🍙之前元氣做緊 堂食送大滿足promotion, 所以我都專登去湊個熱鬧。我有時自己一個諗唔到想食啲咩但係又想食壽司或日本野，就會去元氣，因為價錢都算合理。呢個係我一人前既配搭🍣我每次必叫既三文魚腩壽司，今次仲免費呀慳番$10蚊🤤仲有炙燒牛油赤海蝦🦞，一叫就叫左兩件，仲有赤貝壽司，牛油果軟殼蟹卷 加個日本蒸蛋，就真係堅滿足！埋單$130到 雖然我都對元氣嘅衛生都有信心，但係如果出街食三文魚嘅話，我都盡量少食。除非係日本旅行啦就新鮮好多。順帶一提，我真係好掛住已經消失好耐嘅炙燒左口魚裙邊！

LUNCH TIME真係好多人, 好彩流通量都快, 等20-25分鐘倒LA....三文魚SUSHI: 好瘦, 無脂肪咁滯帆立貝SUSHI: 我唔記得係咪點左珍寶, 但一D都唔珍寶, 鮮味還好甜蝦SUSHI: 都算鮮甜赤貝SUSHI: 呢個最鮮甜, 好食!BTW, 上菜好快手, 轉左用火車送餐都幾得意, 不過都係中意回轉多D

之前元氣裝修，終於開番luuu 變左迴轉新幹線🚄 hahahhaaa 本身都唔知咩黎，原來係sushi robot! 搞笑喎，電子落單之後好快就送到，覺得食物質素都好左喎，感覺新鮮左！ 個新幹線好準確等山係面前，落左單3-5分鐘就有得食！ 加埋食，可能15-20分鐘就搞掂😂不過唔好係無咁岩可以坐下傾計，同埋要好心水清自己叫左啲咩對住有無黎😅今次食粟米軍艦，好味！海膽都好食，最衰無油甘魚！最中意都係蒸蛋！🤗