影片
港鐵炮台山站B出口, 步行約2分鐘
繼續閱讀
電話號碼
38932868
營業時間
今日營業
12:00 - 14:30
15:00 - 17:00
18:30 - 22:00
星期一至五
12:00 - 14:30
15:00 - 17:00
18:30 - 22:00
星期六至日
11:30 - 14:30
15:00 - 17:00
18:30 - 22:00
公眾假期
11:30 - 14:30
15:00 - 17:00
18:30 - 22:00
以上資料只供參考, 請與餐廳確認詳情
-
網上訂座服務暫停
優惠
6折
[2成人送1小童] 蟹逅· 鮑魚海鮮盛宴自助午餐 (已包加一服務費) (星期六、日及公衆假期)
$773
$1,291.4
6折
[2成人送1小童] 蟹逅· 鮑魚海鮮盛宴自助晚餐 (已包加一服務費) (星期五、六及公衆假期前夕)
$1,136
$1,896.4
73折
[成人] 蟹逅· 鮑魚海鮮盛宴自助晚餐 (已包加一服務費) (星期五、六及公衆假期前夕)
$551
$756.8
73折
[長者] 蟹逅· 鮑魚海鮮盛宴自助晚餐 (已包加一服務費) (星期五、六及公衆假期前夕)
$455
$624.8
73折
[成人] 蟹逅· 鮑魚海鮮盛宴自助午餐 (已包加一服務費) (星期六、日及公衆假期)
$375
$514.8
73折
[長者] 蟹逅· 鮑魚海鮮盛宴自助午餐 (已包加一服務費) (星期六、日及公衆假期)
$311
$426.8
73折
[小童] 蟹逅· 鮑魚海鮮盛宴自助晚餐 (已包加一服務費) (星期五、六及公衆假期前夕)
$279
$382.8
73折
[小童] 蟹逅· 鮑魚海鮮盛宴自助午餐 (已包加一服務費) (星期六、日及公衆假期)
$191
$261.8
78折
開心果樂園下午茶二人套餐 (星期一至五；公眾假期除外)
$398
$514.8
82折
開心果樂園下午茶二人套餐(星期六、日及公眾假期)
$422
$514.8
相關文章
海鮮迷喜訊🥳🥳Hotel Alexandra Hong Kong歷山酒店✨CAFÉ A✨全新推出「蟹逅· 鮑魚海鮮盛宴」之海鮮主題自助晚餐💕有齊阿拉斯加皇帝蟹、鮑魚、即開生蠔等🤩🤩加上蟹粉、蟹黃、蟹肉及各式海鮮，真係諗起都流口水‼️‼️今晚可以同好友們大刷一餐，超滿足😚🔥🔹冷盤前菜👉🏻芝士拼盤有多款唔同嘅芝士，各具特色～無論係濃郁藍芝士、香滑車打芝士，甚至係細膩瑞士芝士都有，每一款都好吸引！👉🏻凍肉方面，有巴馬火腿配蜜瓜、煙三文魚、雜凍肉拼盤等，味道鮮美，肉質嫩滑，搭配芝士一齊食，口感層次更加豐富。呢個冷盤好岩做開胃前菜，仲非常適合同朋友開心分享～🔹即開生蠔有美國同愛爾蘭生蠔可以選擇，無論係生蠔迷定初試者，絕對可以盡情享受～👉🏻美國生蠔肉質飽滿，口感Creamy，味道較為濃郁；👉🏻愛爾蘭生蠔則更加清爽，帶有淡淡海水味，回味悠長，絕對係生蠔愛好者嘅天堂！🔹刺身刺身方面嘅選擇非常豐富，有吞拿魚、三文魚、帶子、紅蝦、油甘魚、赤貝等等，每一款都係新鮮得令人驚喜！👉🏻紅蝦肉質鮮甜、帶子滑嫩、吞拿魚鮮味十足～每一片刺身都切得好精緻，展現出廚師嘅用心！此外，仲有👉🏻各式壽司同卷物可以選擇，無論係經典壽司定創意卷物，都令整體用餐體驗更加多樣化！🔹凍海鮮👉🏻澳洲鮑魚刺身嚼勁十足，帶有天然鮮甜味，搭配醬油可令味道更加突出～另外，鱈場蟹腳、青口、海螺、凍蝦等亦係必試嘅冰鎮海鮮！👉🏻海螺肉質鮮嫩，咬落去非常有彈性，👉🏻鱈場蟹腳則肉質飽滿，風味獨特。🔹湯品首先試咗👉🏻忌廉蘑菇湯，蘑菇嘅香氣濃郁，味道細膩～👉🏻南瓜蟹粉素翅羹，味道同樣唔錯，南瓜嘅甜味與蟹粉鮮香相得益彰，入口夠哂滑順！最令我驚喜嘅係👉🏻肚菌花膠響螺燉雞湯！湯底濃郁、鮮香滋味，羊肚菌嘅香氣與花膠嘅膠質完美融合，滋補又香甜，係必試之選！🔹熱葷👉🏻清蒸沙巴龍躉，魚肉鮮嫩，蒸得剛剛好，搭配簡單蒸魚醬油，更加突出魚肉本身嘅鮮美！👉🏻蟹黃粉絲蒸蟶子，結合鮮味蟶子同濃香蟹黃，底既粉絲吸滿所有精華，口感相當豐富～👉🏻避風塘炒皇帝蟹，味道香辣開胃，鮮甜蟹肉配香脆蒜蓉，味道層次分明，惹味至極！👉🏻黑松露薯蓉，口感細膩滑順，食落好有綿密感，仲帶有濃郁黑松露香～👉🏻泰式海鱸魚，魚肉鮮嫩，搭配泰式酸辣醬，味道清新又開胃，帶有一絲辛辣，刺激夠過癮！另推介慢燒美國頂級西冷牛扒、寶雲酥焗羊架、西班牙黑毛豬叉燒等，味道濃香又多汁！德國鹹豬手、泰式香茅海鱸魚、法式紅酒乾蔥燉乳鴿等同樣出色！🔹香煎鴨肝鴨肝煎得香口，外脆內嫩，搭配少許海鹽與黑胡椒，完全唔會有羶味，入口滑嫩又香濃，口感極其豐富！🔹雜錦串燒雞翼、大蝦、牛肉串、雞軟骨等經典款式都非常受歡迎，特別推介鰻魚，口感彈牙，非常有嚼勁，燒得岩岩好～而燒玉桂菠蘿外焦內嫩，帶有焦糖香甜味！🔹和風松葉蟹蓋炒飯期間限定嘅和風松葉蟹蓋炒飯有驚喜！炒飯上鋪滿鮮甜蟹肉，肉質鮮嫩味道濃郁，底部既炒飯粒粒分明，香氣四溢～一啖入口，食到甘香蟹肉同鮮香炒飯交融，口感超豐富！ 🔹皇帝蟹茶碗蒸茶碗蒸質地滑嫩、入口即化，搭配鮮甜蟹肉，味道迷人，整體口感層次分明～🔹鮑魚海鮮粥粥底滑順，加入新鮮大蝦、鮑魚、蟹粉，令整碗粥味道更加豐富，每啖都感受到海鮮鮮甜味，特別係彈牙大蝦同滑嫩鮑魚，再加入邪惡蟹粉，令口感層次再提升！🔹飲品吧可以無限暢飲紅、白酒、啤酒、汽水、橙汁、蘋果汁、咖啡、茶，對於喜愛美酒朋友必不可錯過！紅酒口感醇厚，配合各種菜式都非常合適，而白酒清新爽口，適合搭配海鮮或輕食～🔹甜品甜品選擇真係令人目不暇給！包括藍莓芝士蛋糕、抹茶戚風蛋糕、即製窩夫、焦糖燉蛋、芒果拿破崙、、栗子木糠布甸等等～先試可以自製既👉🏻班戟，外脆內軟既口感，加上牛油香氣，簡單又好味！👉🏻麵包布甸質地柔軟，表面微微焦香，食落唔膩之餘仲有香濃奶香味～👉🏻栗子忌廉蛋糕外觀精緻，味道亦令人驚喜！蛋糕層次分明，香滑栗子蓉帶有濃郁栗子風味，甜度剛好，唔會過於膩口，令人可以盡情享受每一啖！👉🏻芒果拿破崙層層酥皮輕盈鬆脆，與香甜芒果餡料完美結合，香甜又有層次感！👉🏻Mövenpick雪糕有齊多款口味，包括士多啤梨、椰子、咖啡等。士多啤梨口味果香十足，咖啡味香濃提神～吃完豐盛自助餐點後，食返杯Mövenpick雪糕，令人感到無比滿足！歷山餐廳✨蟹逅· 鮑魚海鮮盛宴💡📍北角城市花園道32號歷山酒店大堂樓層網上商店預付可享高達7折優惠🤩
繼續閱讀
大家應該都知道我是一個不折不扣的海鮮迷！尤其是螃蟹跟我像有仇般碰面便要幹掉它，好友約飯聚提議去吃海鮮主題的自助餐，可以慢慢傾慢慢食我當然舉腳贊成啦。餐廳是位於Hotel Alexandra Hong Kong歷山酒店的CAFÉ A，之前已經在此品嚐過CP值超高的下午茶，今次再來吃自助晚餐不知是否同樣有驚喜呢。到步後再次忍不住在這金碧輝煌的大堂拍一張美照。CAFÉ A剛於10月才推出這個「蟹逅· 鮑魚海鮮盛宴」自助晚餐！以阿拉斯加皇帝蟹、鮑魚、蟹粉、蟹黃、蟹肉及各式海鮮作招徠，光是這個陣容已經非常合我胃口了。甫踏進餐廳便見到甜品櫃！內裏放滿多款精緻的蛋糕甜點，當中有栗子忌廉蛋糕、藍莓芝士蛋糕、抹茶戚風蛋糕、抹茶栗子慕絲蛋糕、彩虹啫喱、抹茶牛奶布甸、栗子木糠布甸、柚子啫喱及楊枝甘露布甸等。甜品櫃後面是現場即製的窩夫檔，緊接著還有焦糖燉蛋、芒果拿破崙、蛋撻、自助班戟機、麵包布甸、糖果曲奇、椰汁西米露及多款新鮮水果。自助餐供應雪糕迷非常愛戴的品牌Mövenpick，總共有五款口味包括士多啤梨、椰子、咖啡、雲呢拿及朱古力雪糕，當中的椰子口味真是坊間少有。吃自助餐有即開生蠔當然是最開心，而且有美國及愛爾蘭生蠔兩款選擇，生蠔迷絕對可以瘋狂地品嚐爽耶。新鮮刺身方面選擇也不少！紅蝦、帶子、赤貝、吞拿魚、油甘魚、三文魚及八爪魚刺身也一應俱全，另外還有數款壽司和卷物可供選擇。往前走看見這個和風松葉蟹蓋炒飯的餐牌卻不見蹤影！原來這個是自助餐的期間限定，當鈴聲響起便可到取新鮮熱辣的和風松葉蟹蓋炒飯。既然晚一點才有得吃炒飯不如先來碗蟹粉鮑魚海鮮粥解饞，材料有新鮮大蝦、鮑魚及肥美青口加埋蟹粉想像到有多鮮味。來到我喜歡的冷盤前菜區！這個芝士拼盤內有法國金文畢、英國車打、瑞士芝士及藍紋芝士。凍肉則有凍火腿、辣肉腸、沙樂美腸、煙三文魚及風亁火腿。繼續還有皇帝蟹肉白酒啫喱凍批、泰式香芒沙律、泰式無骨酸辣鳳爪、明太子鮑魚牛油果沙律、雜菌沙律及朝鮮薊雞肉沙律。而冰鎮海鮮就有海螺、鱈場蟹腳、青口及凍蝦等選擇。還有這個自助的沙律吧！內裏放滿了各式各樣醬汁及配料，當然少不了新鮮的爽脆沙律菜。現在帶大家去看看暖笠笠的美食！這夜的湯品包括有忌廉蘑菇湯及南瓜蟹粉素翅羹。緊接著有清蒸沙巴龍躉、蟹黃粉絲蒸蟶子、蟹肉伊麵、鮑汁扣鵝掌、蝦籽柚皮、黑醋咕嚕肉及避風塘炒皇帝蟹及軟殼蟹等精彩中式熱葷。雜錦串燒選擇包括有雞翼、大蝦、鰻魚、牛肉串、雞軟骨及玉桂菠蘿。外國勢力熱葷有我喜歡的黑松露薯蓉，泰式香茅海鱸魚、燒排骨、日式咖喱牛肉、奶油焗卡邦尼鮑魚、皇帝蟹芝士通粉及皇帝蟹茶碗蒸。是日燉湯是滋補矜貴的羊肚菌花膠響螺燉雞湯，足料好味道喜歡的要留肚飲多兩碗。即切烤肉區則有慢燒美國頂級西冷牛扒、酥焗羊架、西班牙黑毛豬叉燒及香煎鴨肝，食肉獸相信沒有投訴的餘地。而自助飲品吧供應無限暢飲精選紅酒、白酒、啤酒、汽水、橙汁、蘋果汁、咖啡及茶，對於非常缺水的我來說真的好吸引。終於介紹完豐富的Buffet Line是時候到我開餐喇！甫坐下侍應隨即送上澳洲鮑魚刺身(每位兩隻)，鮑魚嚼勁十足帶有天然的新鮮甜味很可口喔。刺身有光澤新鮮感十足當中最吸引我的是爽脆鮮甜的赤貝，另外柔軟香甜的帆立貝也是這夜出色的刺身。生蠔非常新鮮入口Creamy好肥美，蠔癡可以無限量品嚐必定會非常滿足。這杯皇帝蟹肉白酒啫喱凍批層次感好豐富，一匙羹到底可以嚐盡鮮甜蟹肉及白酒香甜味道。車爸爸最喜歡吃藍芝士取來一大碟給他慢慢品嚐吃得一臉滿足。自助餐共有三款湯品中西湯都很吸引，但也不及足料濃郁的羊肚菌花膠響螺燉雞湯好喝。另外我非常推介大家吃這碗皇帝蟹茶碗蒸，蒸蛋很嫩滑配襯鮮甜的皇帝蟹肉味道非常迷人。香煎鴨肝雖然邪惡但煎得香口又不羶仍然值得付出Quota好好享用。終於聽到鈴聲的呼喚代表可以去取和風松葉蟹蓋炒飯！面層佈滿鮮甜蟹肉、水牛芝士及三文魚籽，炒飯下盡是甘香的松葉蟹羔口感超豐富，最重要是炒飯粒粒分明炒功非常出色勁好味道。串燒方面我試了鰻魚和菠蘿！燒鰻魚口感非常彈牙沒帶上丁點泥味好吸引，燒菠蘿永遠也是我的最愛當然好味啦。車爸爸這碟西冷牛扒拼焗羊架色澤非常粉嫩，見他吃得津津有味相信質素也挺不錯。這是我自私食的熱葷碟內有香滑可口的黑松露薯蓉、鮮味避風塘皇帝蟹腳，還有超級驚喜的蝦籽柚皮估不到在自助餐竟然吃到經典的手工菜太開心了吧。甜品時間好友們取來這一檯豐富的甜品開心Share。熱辣辣軟熟的班戟塗上牛油已經十分好吃，這兒的麵包布甸原來質素也相當不錯。而這碟蛋糕當中最令我着迷的肯定是栗子忌廉蛋糕，栗子蓉非常香滑甜度恰到好處，如果有胃納的話必定會吃多兩件。小杯甜品當中栗子木糠布甸亦是吸引的一份子，另外楊枝甘露布甸酸甜度適中也不錯吃呢。最後當然要嘆番杯Mövenpick雪糕才叫滿足啊！蟹逅· 鮑魚海鮮盛宴由即日起至12月14日逢星期五、六及公眾假期前夕供應，網上商店預付可享7折價惠，連原價加一折實價成人$550.4/位、長者$454.4/位、小童 $278.4。*兩大送一小優惠：除兩位付費成人可享網店7折淨價$1135.6外，同行1位的11歳以下小童可免費享用自助晚餐。*生日優惠：每六位付費成人一位當月生日之壽星即可免費享用，2位或以上付費客人可獲贈半磅生日精選蛋糕乙個，7位或以上付費客人可獲贈一磅生日精選蛋糕乙個。
繼續閱讀
呢排勁多開心果產品，Kiwi我都順應潮流係炮台山歷山酒店book咗個開心果tea set先唔理好唔好食，酒店裝飾超豪華唯美，佈置金光閃閃加上水晶吊燈盡顯奢華氣派，環境已經加曬分食物方面本身冇乜期望反而好有驚喜，鹹點帶子酥盒同三文魚班戟都好香好出色，甜點西多士啱曬我平民口味，芒果同開心果奶凍口味都幾夾，仲有必食軟心撻同拿破崙，甜度剛好又唔膩鹹點：黑魚子醬鴨肝慕絲泡芙椰香帶子酥盒挪威煙三文魚開心果忌廉芝士班戟炸意大利飯波釀芝士開心果甜點：英式鬆餅配開心果醬及牛油忌廉咖央西多士配開心果醬雜果仁開心果芒果意式奶凍開心果慕絲蛋糕開心果忌廉泡芙開心果軟心撻開心果拿破崙除咗送紅、白酒、氣泡酒或香桃梳打一杯，仲有無限添飲即磨咖啡或自選茗茶價錢方面原價$468兩位，如果經agent平台訂平日$400都唔使真係勁抵
繼續閱讀
老婆大人最鍾意食海鮮！如果淨係我哋兩條友食嘅話一嚟唔食得多二嚟都好重皮下㗎！醒目嘅我梗係搵可以無限任食海鮮自助餐就最啱合尺。搵咗呢間我第一次嚟嘅歷山酒店，佢嘅CAFÉ A呢期做蟹同鮑魚主題價錢超級抵食，我喺酒店嘅網上訂枱俾埋錢就有七折連埋加一折實都係$550位，可以食足三個鐘真係好嘆㗎。行到酒店大堂估唔到咁金碧輝煌，感覺好瑰麗啱晒啲靚女喺度打卡。呢間就係CAFÉ A歷山餐廳地方唔算好大，但係食嘅選擇都幾多同埋好啱我胃口。一入到餐廳就見到呢個甜品櫃入面擺滿咗蛋糕甜品！有栗子忌廉蛋糕、藍莓芝士蛋糕、抹茶戚風蛋糕、抹茶栗子慕絲蛋糕、彩虹啫喱、抹茶牛奶布甸、栗子木糠布甸、柚子啫喱同埋楊枝甘露布甸，淨係呢個櫃已經鬼咁多嘢揀。最令我感興趣嘅就係呢個抹茶蛋糕同埋楊枝甘露布甸，老婆大人一眼就昅中個栗子忌廉蛋糕，相信今晚嘅甜品時間應該會腥風血雨哈哈。唔好以為剩係得個櫃行入啲仲有好多甜品！好似有即製㕴窩夫、焦糖燉蛋、芒果拿破崙、蛋撻、自助班戟機、麵包布甸、糖果曲奇、椰汁西米露同埋新鮮切件生果。雪糕佢哋係用Mövenpick都有五隻味揀㗎！有士多啤梨、椰子、咖啡、雲呢拿同埋朱古力味。男士們最鍾意嘅生蠔一樣有得食！即開生蠔仲有美國同埋愛爾蘭揀，一次過可以攞三隻走多幾轉回本就係咁簡單。我鍾意食嘅刺身呢就有紅蝦、帶子、赤貝、吞拿魚、油甘魚、三文魚同埋八爪魚！睇落去就好新鮮喇等陣間食咗再包膠俾大家聽正唔正。如果鍾意食壽司都有幾款可以揀㗎。今次佢哋做蟹嘅主題所以粥呢一part就有蟹粉鮑魚海鮮粥，仲有大蝦同埋青口加埋蟹粉嗰朕鮮味你都咪話正。前菜區有芝士拼盤仲有我鍾意食嘅藍芝士，跟住有泰式無骨酸辣鳳爪、泰式香芒沙律、朝鮮薊雞肉沙律、明太子鮑魚牛油果沙律、雜菌沙律同埋皇帝蟹肉白酒啫喱凍批。另外仲有凍火腿、辣肉腸、沙樂美腸、煙三文魚、風亁火腿同埋自助沙律吧，如果細食真係食前菜都已經飽咗。呢度凍海鮮有鱈場蟹腳、海螺、青口同埋凍蝦，四款都好新鮮而且好有海水味，啱晒鍾意食海鮮嘅朋友瘋狂去嘆。呢晚中西湯分別係忌廉蘑菇湯同埋南瓜蟹粉素翅羹，我就鍾意忌廉蘑菇湯你呢。呢度嘅中式熱菜特別出色！蒸得好靚嘅清蒸沙巴龍躉，然後仲有蟹黃粉絲蒸蟶子、蟹肉伊麵、鮑汁扣鵝掌、蝦籽柚皮、黑醋咕嚕肉同避風塘炒皇帝蟹軟殼蟹，每一款嘅質素都好高絕對可以全部試晒。日本嘅熱食串燒有雞翼、大蝦、鰻魚、牛肉串、雞軟骨同玉桂菠蘿，唔好睇佢擺咁少喺度！客人攞完之後好快就會加返，我覺得咁仲好因為啲串燒會新鮮熱辣呀嘛。其他唔同國家嘅熱食都有唔少嘢揀㗎。好似有燒排骨、日式咖喱牛肉、黑松露薯蓉、泰式香茅海鱸魚、奶油焗卡邦尼鮑魚、皇帝蟹芝士通粉同埋皇帝蟹茶碗蒸。至於好似我呢啲食肉獸就開心囉！因為有酥焗羊架、西班牙黑毛豬叉燒同埋慢燒美國頂級西冷牛扒嚟滿足「肉」望，呢個位仲有即刻煎起嘅香煎鴨肝。除咗頭先嗰兩個中西湯之外，自助餐仲有羊肚菌花膠響螺燉雞湯任飲，呢個燉湯唔飲肯定係損失。呢個自助飲品吧入面有任飲嘅精選紅酒、白酒、啤酒、汽水、橙汁、蘋果汁、咖啡同埋茶，好似我呢啲咁爛飲嘅酒鬼真係開心到爆呀。好鬼肚餓啊攞咗一枱嘢食返嚟慢慢嘆！刺身真係好唔錯我就最鍾意赤貝同埋紅蝦，一個鮮爽一個甜糯正到無倫。另外餐廳會送每人兩隻澳洲鮑魚刺身！鮑魚好鬼鮮甜仲勁有咬口，食完兩隻仲有啲唔係好夠喉㖭。老婆大人錫到我燶攞咗一大碟Blue cheese俾我，藍芝士嗰朕味真係唔係人人接受到但係我就好鍾意，尤其是配啖杯白酒真係冇得輸㗎。生蠔好鬼肥脹卜卜咁勁鮮甜，兄弟們補身係時候喇。平時食自助餐見到呢啲茶碗蒸一定唔會食！但係呢度嘅出品又真係幾正，蒸蛋好香滑面頭嘅皇帝蟹肉勁鮮甜，幾飽都要食一個先對得住自己個胃。大家隻耳仔要留心聽到鐘聲記得出去攞呢個和風松葉蟹蓋炒飯，炒飯入面有勁邪惡嘅松葉蟹膏，仲有蟹肉、水牛芝士同埋三文魚籽，呢個炒飯真係非一般正食過你就知有幾好味。大家都知我係邪惡一族香煎鴨肝梗係唔會走得甩啦！煎嘅時候已經聞到好香食落去外面香脆入面軟綿綿，加埋一啲都唔蘇嗰朕油香真係正到痹呀。平時我通常都係鍾意食牛肉多啲！但係呢度嘅焗羊架真係做得好出色，你睇吓幾咁粉嫩食落去仲好酥香，如果鍾意食羊肉嘅真係唔好錯過。最後整嗰碗充滿蟹膏味熱辣辣嘅海鮮粥先至夠滿足呀。呢度嘅甜品真係挑到我嘅食慾，所以都好攞咗好多返嚟同老婆大人一齊食，呢碟入面我就最鍾意個蛋撻仔啦。老婆大人平時好少會食麵包布甸！但係佢話呢個做得好好，我試咗一啖又真係幾好味喎。頭先睇中嘅抹茶戚風蛋糕食落去真係幾鬆軟！同埋甘甘香香綠茶味係好食嘅。嗰杯楊枝甘露布甸亦都好有驚喜！變咗固體嘅楊枝甘露味道更加香濃甜美感覺好得意，呢個自助餐做到12月14號，不過淨係逢星期五、六同埋公眾假期前夕先有得食。
繼續閱讀
無可否認，一大班人約食飯，吃自助餐係最適合，唔使擔心這個那個口味，又不用等來等去，食住等就最好。是日朋友揀的歷山酒店，我從來未去過，有興趣去見識下。聽朋友說酒店唔易搵，其實只要在炮台山B出品上天橋，一路跟著指示就可以。酒店處處是打卡位，影相呃like無難度。今題餐廳做緊蟹和鮑魚海鮮主題，出去兜個圈，的確盡是海鮮蹤影。凍海鮮是基本，鱈場蟹腳、凍蝦、青口及翡翠螺等，自然不會缺少。最受港人歡迎的，毫無疑問係生蠔，每次可拎三隻，後生既我一定會走幾轉食足一打，不過今時今日既年紀，三隻已足夠，還要預留食力予其他美食呀！幾款Cold Cut，海鮮沙律，泰式無骨鳳爪可作間場，小驚喜是遇上阿枝竹，朋友連吃幾轉。這裡的熱食比我想像中豐富得多，西式的皇帝蟹芝士通粉、奶油焗卡邦尼鮑魚等都是坊間較少見的款式，師傅是花過心思的。中式既蒸魚做得很好，肉質嫩滑，而且是有補貨，唔會話慢一步就只能吃魚骨魚頭。鵝掌與及蝦籽柚皮都是皆屬自助餐的稀客，其中蝦籽柚皮，我是第一次在Buffet桌上見到，仲要好有水準，大家記緊要試。仲有自助餐必備的燒牛肉、羊架，呢度更加有叉燒，吃中吃西悉隨尊便。燒烤項目還有串燒牛肉、大蝦、雞翼，同埋最受我哋歡迎既燒菠蘿，菠蘿經燒過，釋出既甜味是倍添吸引。喜歡吃粥粉麵既朋友，嚟到都唔會失望，因為呢度係有鮑魚海鮮粥，相當足料的。平時或會略過刺身壽司環節，但見佢幾新鮮咁，又拿一碟大家分享，好在沒有錯過。差點忘了，每人會有一份鮑魚刺身，以貫徹主題。但講到貫徹主題，其實仲未完，因為每人再有一客和風松葉蟹蓋炒飯，好香，蟹羔好澎湃，明知是邪惡，卻又停不了口。芝士有軟有硬，仲有個性剛烈既藍芝士。淺嚐幾片，便可進入甜品環節。甜品陣容唔算十分強勁，但竟然有蛋撻供應，係港式蛋撻而唔係葡撻，又幾好。蛋糕既質素幾有驚喜，藍莓芝士蛋糕以及栗子蛋糕都是必試的款式，有食力既甜友，大可食埋抹茶蛋糕、斑蘭蛋糕，以至拿破崙的。最後都要食翻杯雪糕，皆因係採用的喜歡的Movenpick，五款口味，包括比較冷門的椰子味，幾有誠意。咖啡檸茶自便，怕夜晚飲完瞓唔著既話，來點果汁亦未嚐不可。如果你是酒友，就更加不能錯過，因為紅白酒都是任飲的。
繼續閱讀
您可能會有興趣的...