影片
以上資料只供參考, 請與餐廳確認詳情
今日晚飯幾個女仔行完銅鑼灣去左大坑食飯，點解呢因為食完反順便去個 fd屋企打牌。銅鑼灣打的上去都係廿幾蚊。fd話價錢實惠，一打開個menu都係呀！女人宗旨最梗要係扺食同好食。老闆介紹左個杏汁白肺湯，話叫我地幾個女仔補下wo~信佢啦，再點左功夫魚，半隻波爾多鴨，金銀蛋時菜。個湯一到d杏仁味已經恭梗出泥，有無味精一試就知。而家真係好小無味精既湯啦酒樓！果然無介紹錯。另外一提個功夫魚好好味，唔腥同滑，係招牌菜呀。5個女仔食左六個靚仔。再叫多個咕嚕肉，又係至愛泥！不過食到一半先記得影相。。算啦！埋單都係每人130到。因為我地仲啤左一啤tim..下次會再泥試埋佢第二d湯。總括泥講係gd gd a
繼續閱讀
提早團年，一家五口來到大坑，因為同行有婆婆，故此揸車到勵德邨。全家都鍾意飲杏仁燉白肺湯，而身邊有識飲識食嘅朋友試過之後極力推介，故此過海亦要試試，始終對屋企人要好D。免費泊車，雖然只係兩個鐘，但都好足夠。訂位訂左八點，早左到，等左十分鐘即刻執好枱比我地。環境舒適，態度好親切，好似老友咁同我地有講有笑，始終做屋邨酒樓係有人情味好多，我地重懷疑係老闆親自招呼我地。一睇餐牌，估唔到比想像中多選擇，起初以為得家常小菜，但佢地竟然自己有燒味廚房，又好多複雜巧手菜式，不過我地試唔晒咁多。叫左杏仁燉白肺湯、素燒豆腐、功夫魚、頭抽煎大蝦。味道好，重送綠豆沙，最開心當然係婆婆，食得輕鬆又免費，因為我地比錢嘛，佢就係果位五人同行我地免佢果位。下次一定要試埋其他招牌菜。
繼續閱讀
從來都不（懶）寫食評，不過這次覺得真的很值得寫。早前約了幾位姊妹一行四人聚會。因為朋友介紹，所以來到這家位於一個平凡屋邨裡的酒樓吃晚餐。這裡的食物一點都不平凡，是~超~好~吃~我們四個女生叫了滿桌的菜，到最後都被我們吃光光。
招牌十大名菜之一的片皮鴨二食，鴨皮甘香鬆脆，入口即溶，配合熱呼呼又超軟的薄餅一起吃，口感一流。值得一提的是，酒樓好細心的分開兩個蒸籠，每籠十片的上菜，吃到最後薄餅還是暖暖的，軟軟的。炒鴨鬆~炒得非常香口，入味不油膩，生菜亦又甜又爽。
炸粉很薄，咸蛋味香濃而不咸，吊片新鮮爽甜，整道菜外脆內爽。讚雞皮炸得很脆，雞肉又嫩又多汁又夠味道很足料，扇貝肥大肉厚，肉質鮮嫩，香甜可口。粉絲吸收了鮮甜的肉汁，好好吃另一道十大名菜，湯料十足，杏仁味濃，豬肺洗得很乾淨，很滑。濃濃的杏仁香讓我覺得喝了皮膚會變很滑，所以我喝了三碗多都想再喝，湯料也給我吃光光。這道甜點是酒樓送的，每一口盡是牛奶味卻不會太甜，給怕胖又愛吃甜點的女生的超讚推介。另外，當天晚上吃到的其他菜都是水準之作，連平常不吃飯的我也吃了整碗白飯。這是一家很用心的酒樓，從環境，服務到食物質素都讓人感受到他們的努力，絕對會讓人想再去品嘗美食。姊妹們已經決定要在這吃團年飯，嚐嚐其他十大名菜。
繼續閱讀
很少寫食評, 這次沒有照片, 見諒.但真心推介這食店.老家就在勵德邨, 這舖位做酒樓飯店轉了好多手, 近來叫作"唐伯虎".幫趁了幾次, 每次都因為貪方便"就在樓下嗰間食吧" 發覺原來不是流的, 午市點心有水準, 晚飯小菜亦有特式.昨晚媽咪生日, 各位子女都說"去銅鑼灣XX啦"... 就係口說, 原來無人book位. 結果都係"就在樓下嗰間食吧"我作為大家姐, 豈能叫媽咪失望?幸好有位.服務非常好, 見我們有老人家又有兩件細路, 都刻意安排座位.點菜: 小食:口水雞+拍青瓜>>>味濃.不是求其出品.每碟$38 湯品: 番茄香芹魚頭湯 >>> 雖然只係滾湯, 但魚湯底都煲得白白的, $88一大窩, 好ok喇!大餸: 片皮鴨兩食, 鴨是肥膏多了點, 但$168片到廿幾件, 件件鬆化熱辣辣. 最欣賞係食肆端上的包片皮鴨的餅皮, 每次十件分開蒸籠上, 確保餅皮不乾硬.好細心!!鴨二食: 生菜包鴨鬆>>>炒得香鬆不油膩. 提供的生菜係真正生菜芯. 又白又脆口.糖醋魚塊: 本來媽咪要點咕嚕肉, 我說不如改這個...沒選錯, 因為已經吃了很多鴨, 再來又吃肉太膩吧. 這家製作的糖醋魚塊真的"有營". 有三色椒, 又有紅腰豆(大量), 魚塊的炸粉皮薄薄的. 很滑嫩. 薑汁芥蘭: ok, at least 比我抄的好, 哈!最後, 飯店敬送甜品: 蓮子紅豆沙, 好味. 不過送比我姪仔的杏仁布甸, 因為又凍又甜, 佢媽媽唔準佢食~~陰功豬~ 哈!
繼續閱讀
兩個人晚飯，食唔得多，只係叫了兩樣餸（咕嚕肉同炒菜＋兩碗白飯），已經好簡單啦！但估唔到個咕嚕肉咁食，起碼出去食成日要咬DE軟骨咬到牙都甩，但今次食真係啖啖肉，酸甜OK呀！用來撈飯一流！聽聞佢地有什麼十大名菜，其中一個是什麼杏仁豬肺湯，同個部長人傾吓話，係廚師的拿手好戲，叫我地下次試下。總括來講，簡單要求，完美滿足！p.s 我添多了一碗白飯＾＾
繼續閱讀