64
9
2
| 餐廳: | 亞南雞煲 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
港鐵太子站 B2 出口, 步行約3分鐘
繼續閱讀
電話號碼
23926100
開飯介紹
本店主要提供雞煲 (大中小辣) , 火煱 , 打邊爐, 特色小食, 脆皮牛腩 ,口水雞,麻辣豬耳,麻辣牛展,北京小黃瓜,香脆墨魚丸
繼續閱讀
營業時間
今日營業
17:30 - 02:00
星期一至日
17:30 - 02:00
以上資料只供參考, 請與餐廳確認詳情
優惠
相關文章
219 瀏覽
天文台發出寒冷天氣溫馨提示，我卻過了一個暖和的晚上！點解呢？因為與好友相聚一起、齊齊吃了兩個雞煲火鍋，涼風陣陣，仲有乜嘢更好嘅節目！相約花園街的老字號「亞南雞煲」，預先訂了一只新鮮雞（+$200），但求滋補雞煲更盡善盡美。一個清湯煲未能滿足，再來一個惹味的方才完美，多點一個辣雞乾鍋，鴛鴦口味，朋友們可以各適其適。冬瓜瑤柱花膠新鮮雞湯鍋新鮮雞果然不同，肉質嫩滑，雞珍亦沒有放過。湯頭奶白，冬瓜瑤柱吸盡湯汁，鮮美無比；花膠半溶化，口感軟熟，裏面仲有一些蜆仔。每人喝了至少三碗湯，溫暖在心頭！野生竹笙皇 $118「亞南雞煲」選用的竹笙皇，超巨型，於這個滋補花膠雞鍋是絕配！日本帶子辣雞鍋（小） $308調味出色，香惹微辣，估計有咖喱粉成份，雞件非常入味，肉質嫩滑，口口皆滋味。日本帶子大大隻，調味了的花膠更討好。「亞南雞煲」的餐前小吃非常出色，尤其是炸物，自製飲品非常大杯，我們當然不會錯過。尖椒皮蛋 $55皮蛋很軟糯，微辣令人開胃。麻辣墨魚鬚 $65非常輕微的辣與麻，剛好為墨魚鬚提味。皇牌脆炸牛坑腩 $88酥脆不膩，牛坑腩肉質上乘，炸功出色，不愧為招牌。椒鹽鮮鮑魚 $48/隻賣相已經令人垂涎欲滴，口感一流。酥炸桶蠔 $48/隻外脆內爆汁。火鍋配料，我們吃了這些，材料全部嚴選，新鮮上乘，沒有可能不滿意。手切極品肥牛（小）$238深海龍躉片 $138日本帶子 $108大花蜆 $98用心製作湯底，食材優質，服務友善有效率，環境清潔，周一晚亦門庭若市，真心推薦！話說現在香港人北上消費，週一週五晚的食肆淡靜，在這裏光景完全不一樣！有興趣，記得預先訂位。
繼續閱讀
要約齊6個人一齊去食飯絕對不是易事，因為各有各忙，今日終於可以成事，所以一定要食到盡興而返先至得！因為有人食唔到「辣」的關係，所以要咗兩個唔同嘅鷄煲：「1」蟲草花野生竹笙花膠濃湯雞煲 （半隻$328）「2」日本帶子花甲雞煲（細煲$308）。不得不讚那些鷄件，鷄肉好嫩，一點也不「嚡」。未開始放任何配料，就首先嚐了鷄湯，真的好鮮甜！呢間店舖除咗有各式各樣鷄煲配料，仲有好多出色小食，皇牌脆炸牛坑腩 （$88），炸醬夠薄，外脆內軟，口感不錯！手打極品肥牛（細）$238 - 脂肪分布均勻，口感軟滑。手打雙拼滑（蝦滑墨魚滑）$88 - 蝦味較為突出野生竹笙皇 $118 - 好大件，好爽口極品黑豚肉（小）$188 - 肥瘦適中，肉質嫩滑。鳳城餃子 $55 / 鮮蝦雲吞 $55 - 自家製的餃子同雲吞，皮薄但餡料好足。鹹蛋流心丸 $55 - 細細粒容易食。日本帶子 $108 / 大花蜆 $98 - 大隻又鮮甜冰凍檸檬茶 $33 - 俾想像中大杯，值回票價。蔬菜籃 $48 / 雜瓜拼盤 $48 - 都好新鮮價錢親民、服務態度又好，聚會好選擇！
繼續閱讀
香港人一向喜歡吃雞，不同製法五花百門應有盡有，用砂鍋去做「雞煲菜餚」，可是其中很合一班朋友或家人大快朵頤的。我也很久沒和大伙兒吃雞煲，好友吹雞到與米芝蓮一星餐廳「六福菜館」屬同集團的「亞南雞煲」飯聚，當然爽快應約。此店屹立太子花園街13年，看見不論乾或湯雞煲的選擇極多，每款都甚叫引，商量過後決定要了兩款最受歡迎的。吃雞煲前我們邊等齊人，邊先來小吃。「麻辣墨魚鬚」HK$65大條墨魚鬚淖熟後橫切片，放涼撈上麻辣汁。味道沒有太辣太霸道，麻比辣強，是我喜愛的「麻香」類型：「王牌脆炸牛坑腩」HK$88，這個我是有 wow 的感覺：先將牛坑腩原條炆至入味後，沾上脆漿炸後切件而成，外皮非常鬆化，肉質軟嫩有至不失咬口，就這樣吃已經夠惹味！若你喜歡的話，也可沾些喼汁吊香，會是另一番風味：「椒鹽鮮鮑魚」HK$48 / 隻鮑魚經過椒鹽洗禮，灑上香透的黃金炸蒜茸，香口無比啖啖肉：鮑魚仍保持本身的爽彈質感，炸的時間拿捏準確，做得好：「酥炸桶蠔」HK$48 / 隻，厚肉桶蠔以避風塘方法弄之：入口香而不油，皮薄而脆，保持蠔身的嫩滑，想 encore 多一隻！不過要留口食雞煲 XD食熱氣嘢當然要有凍飲，這裏有一系列自家製涼茶。我的「羅漢果菊花靈芝茶」HK$28，味道天然甜，屬無添加家庭式那種，是香口熱辣菜式好拍檔：我們六人點了兩個雞煲。「蟲草花野生竹笙花膠新鮮雞煲」 HK$868選擇加 HK$200 升級版要整隻新鮮雞連雞雜：先試湯底，鮮甜到一個點！湯的質地略為濃稠，雞味全開：配厚肉花膠同吃感覺滋補，雞肉熟透亦保持肉質嫩滑，在深秋初冬吃，確能將窩心美味發揮到極致：我是第一次食這麼大條的竹笙靚貨，野生連菌裙吃，索盡湯汁，口感厚實爽口，湯汁在口中爆發：「日本帶子大花蜆雞煲」HK$406 (小辣)選擇加 HK$98 升級要埋大花蜆，另有花膠、墨魚、刺身級帶子等：邊加熱邊拌，醬料香味紛陳釋放散發：店的自家製雞煲醬確是美味關鍵，結合沙茶醬、柱侯醬、南乳及多種香料等，香味富有層次，濃中帶微甜，風味與一般添加味精的「死鹹」雞煲醬大有分別：有了雞醬的加乘，煲內各項食材都變得惹味香口，建議先吃大粒鮮帶子，外軟彈鹹香內仍是半刺身狀態；雞件也好吃，乾雞煲始終是以美味醬汁主導才有靈魂：吃掉兩個雞鍋材料後都可加湯打邊爐，一次過滿足兩個願望。因在座有朋友不太嗜辣，所以選了加湯在「新鮮雞煲」，繼續下半場。生料「手切極品肥牛」HK$318，送新鮮蔬菜一籃：牛用料上乘，雪花分佈平均，輕燙後肉質鮮嫩，脂香甚濃，吃得大家也不拘小節地站起來搶着牛肉來涮：「頂級牛筋丸」 $55另點一份「極品黑豚肉」HK$188，給不吃牛的朋友吃：「炸魚皮」 $48，可直接吃或放在湯中輕灼四秒，清脆利落，索湯亦保留炸魚皮的香，也屬打邊爐必點之選：「手打蝦滑拼墨魚滑」 $88煮熟後兩者都爽彈，吃得出用料新鮮，尤愛墨魚滑，鮮味之餘也愛那加了蟹籽的口感：最後再吃埋鍋裏的蔬菜，邊傾邊笑邊吃美食，確實是賞心悅目的晚上。吃後感是這裏不只雞煲出色，一系列小食如炸牛坑腩、炸鮑魚等也令人經艷，來這裏吃飯，有驚喜，真的是「點止雞煲咁簡單」！
繼續閱讀
雞煲呢家嘢晌香港都興咗好耐，就算只喺雞煲，商家都各出奇謀，最後，朋友介紹位處太子嘅「亞南雞煲」，皆因雞煲嘅款式超多之餘，配料更喺重質不重量嘅，故此，約埋老友一心過嚟食靚嘢。鋪外、鋪內裝潢都比較樸實唔花巧，最緊要夠整潔，地方企理，天花更安裝咗好多部冷氣，絕對唔會食到一身汗，而牆上貼咗好多唔同嘅雞煲及其他食物嘅相片，非常吸引。再走入啲，餐廳盡頭，仲有另一個用餐區，眼見有多張散枱，但店長話夠人都可以僻為一個廂房。香港人向來都好喜歡雞煲、打邊爐，雖然話家下經濟唔多景氣，但唔喺講笑，幾乎全場爆滿，可見餐廳有質素先喺咁。究竟雞煲有幾多選擇？仲有啲咩配料、飲品？我就唔講太多喇，索性掃描晒所有點餐紙出嚟俾大家參考就一目了然。而雞煲有乾嘅，有湯嘅，辣度及麻度都有得揀。溫馨提示，店內有列明用餐時間為入座後2小時，除非出面真喺好多人等位，否則，店長話都未必好嚴格執行，反正大家嚟都喺想食得開心愉快。自家製涼茶系列 $28平時打邊爐就好鍾意嗌汽水飲，不過，喺牆上見到佢有啲自家製涼茶，兼且款式特別，當然要試試嚟降下火。有老友就揀海底椰雪梨茶，而小弟嘅選擇喺羅漢果菊花靈芝茶，少甜之餘，最正喺標明成份同功效，又夠大樽，邊食邊飲去除罪惡感。麻辣墨魚鬚 $65 等齊人嘅時候，最好喺叫啲餐前小食過吓口癒，小食選擇多，又有特色。好似呢一款墨魚鬚，鮮甜柔韌，極具口感。雖然叫麻辣，嗌之前都問過店員會唔會好辣，入口確實唔太辣，帶濃濃麻騷感，如果真喺好搶心辣嘅問題，可以揀冰鎮墨魚鬚喔。椒鹽鮮鮑魚 $48 /隻兩隻起，如果純粹想試試，可以麻煩師傅一開二，多幾個人「些牙」。而呢個小食重點喺食質素，鮮鮑魚好大隻，甚有鮑鮮味，口感煙韌有咬口，酥炸後再灑上椒鹽調味，鹹香微辣，好有風味。皇牌脆炸牛坑腩 $88牛坑腩就肯定唔會喺第一次食啦，不過，以脆炸形式去做就肯定喺第一次喇。牛腩南送到上枱，店長特別強調佢哋啲坑腩喺新鮮貨，所以，就更加落力去細味。個脆皮炸得金黃，夠薄又酥脆，兼唔油膩，而腩位好鬆化，又好有肉香，口感極佳。蟲草花野生竹笙花膠濃湯雞煲 $328我哋就想食得濕濕哋，又有啖靚湯飲，所以，揀個湯雞煲，而呢款有竹笙，又有花膠，啱晒我哋啦。唔喺講笑，我都喺第一次見啲咁大條嘅竹笙，好有睇頭，加埋湯內有唔少花膠同雞件，超抵食喎。先飲啖湯，奶白色嘅雞湯，味道好甜，濃而不濁，飲得到啖啖都喺精華。蟲草花有咬口，啲野生竹笙果然好堅，非常之大條，入口好爽脆，吸滿湯汁，非常鮮味，而啲花膠亦食得出喺靚料，柔韌富膠質，而絕對無一陣陣腥味，啲雞件肉質好嫩滑，又好有鮮雞味，幾款食材都無令人失望。順帶一提，原來事前預訂成隻雞嘅話，喺可以要求選用新鮮雞，價錢當然會貴啲，不過，就算我哋無預訂，所食嘅喺冰鮮雞，質素都已經好高質。手打雙拼滑 $88清咗個雞煲嘅食材之後，跟住再嗌其他火鍋料試試，先喺啲墨魚滑同蝦滑，打得夠功夫，所以，口感非常之彈牙，前者好有墨魚嘅甜味，後者好有蝦鮮味。大花蜆 $98花蜆用上大花甲，睇樣已經見到非常之大隻，灼熟之後，蜆肉食落非常之厚身肥美，仲帶有陣陣海水嘅鹹鮮味。極品肥牛拼龍躉片 $248打邊爐又點可以少得肥牛呢！呢度賣嘅牛亦都喺好高質素，油脂分佈平均，色澤鮮豔，唔會暗暗啞啞。揀咗呢個肥牛拼龍躉片，就可以一次過試兩樣嘢，隨拼盤仲奉送一份蔬菜。 淥龍躉片真喺要講手勢，淥嘅時間啱啱好，魚肉入口非常之嫩滑，而且，極具魚味，好鮮甜；至於啲肥牛，放晌湯內灼一灼，轉色就食，嗰份嫩滑感，油脂香，真喺無得輸，仲甚富肉味，真喺一塊接一塊咁淥嚟食。最後，仲送咗啲優惠券俾我哋，真識做生意，其中一張更喺半價雞煲換領券，咁當然要湊大棚人啲嚟食個大雞煲啦。總結一句，唔單止雞煲款式多，食材用料靚，而且，啲招呼亦非常好，店員細心有禮又殷勤，讓客人都食得開心。所以，咁多客人嚟幫襯，真喺不無道理。
繼續閱讀
琴日同老友約埋去試咗間傳說中嘅亞南雞煲，真係令我哋大開眼界！🤩🐔【招牌雞煲，香濃惹味】主角招牌雞煲一上枱，個賣相已經好吸引。雞肉大大件，色澤金黃，睇落就好新鮮。煮嘅時候，香味不斷飄出，惹到我哋猛吞口水。食落口，哇，雞皮爽滑，雞肉嫩滑多汁，啲肉一咬就離骨，明顯唔係普通嘅雪藏雞。醬料嘅味道調得恰到好處，香辣濃郁，但又唔會蓋過雞肉本身嘅鮮香，真係食到停唔到口👍👍🍲【打邊爐食材，新鮮豐富】食完雞肉，加湯打邊爐啦。🥩手切極品肥牛真係正到爆！牛肉嘅雪花紋好靚，脂肪分布均勻。放落滾湯度涮 10 秒左右，拎出嚟一咬，滿口牛肉香，口感嫩滑到好似食緊雲朵，仲有啲肉汁爆晒出嚟，超正！野生竹笙皇都唔輸蝦滑，吸湯能力一流，咬落去卜卜脆，仲帶住湯底嘅鮮味，好清甜。🦐手打蝦滑更加唔使講，真材實料，每一口都彈牙到好似彈弓咁，蝦嘅鮮味十足🤤🍟【小食出色，口感一流】小食我哋點咗蝦多士拼油炸鬼墨魚滑。蝦多士嘅蝦肉好厚實，炸到金黃香脆，外層嘅酥脆同內裡嘅蝦肉鮮甜形成強烈對比，口感豐富到爆。油炸鬼墨魚滑嘅墨魚滑QQ彈彈，油炸鬼嘅香脆口感加上墨魚滑嘅彈牙，蘸上沙律醬，味道更加和味，食到我哋停唔到手！🥳💰【性價比高，抵食夾大件】無論係雞煲嘅忠粉，定係想搵間好食嘅打邊爐地方，呢度都絕對唔會令你失望！！強烈推薦大家都去試下，保證食過返尋味！👏
繼續閱讀
您可能會有興趣的...