元気寿司 (新都城中心二期)

營業中

休息中

之前係社交平台見有新野推出,鍾意試新野既我點可以錯過阿~三文魚牛油果壽司每次必食!牛油果+三文魚+沙律醬真係好夾~炸蝦尾武士卷 （蟹柳玉子卷）哩個一般般啦~芝士牛舌粒雞軟骨串好好食!食完一條再encore~PURI PURI吉列蝦堡鬆軟既刈包夾住熱辣辣蝦堡,好好食!~黑松露吉列蠔壽司炸蠔係我致愛!!~ 牛油芝士粟米燒三文魚都幾好食!~炙燒黑松露帆立貝壽司都係每次必食之選~燒汁牛肉壽司都係每次必食之選~北寄貝沙律軍艦第一次叫,又幾好食喎!~Chok Chok Fries (章魚燒風味)好好食阿!薯條熱辣辣,加埋D章魚燒味粉,真係無得輸阿!~SHAKE SHAKE OREO 朱古力髒髒撞撞雪球又好玩又好食!~麻糬今川燒(吉士味)好食阿!

一個人，7點26攞飛，等咗半個鐘8點入座，嗌咗6碟壽司，竟然可以一個鐘都未上齊，管理極之混亂，一係幾碟一齊上，一係半個鐘都冇一碟，同人反映過都冇用，態度冷漠，實在忍無可忍出去買單，收銀都好似見怪不怪咁幫手處理咗。如果嫌命長可以再嚟。

去之前已經睇過吓食評，但係同老人家去食，又唔方便去咁遠就搏吓希望唔係咁差啦。入座後：員工近乎飛張『qr code』嘅單落枱，同時拋下一句『掃code 落單』。我想轉身問啲嘢，佢已經走開咗。進食時：員工喺我格離執枱。成個污糟嘅盤放上人客進食嘅餐枱，放正喺我大約30cm 側邊。員工並以好大嘅力度將碗碟揼落個盤，做成非常大嘅噪音不特止，亦有非常大嘅可能將污水/食物渣滓 飛到我嘅碟/杯。埋單時：我問收錢嘅員工『比電話號碼你check 唔check 到 我會員號碼？』一位員叫ad_ (senior crew)回答：『要掃code』我問：『即係點話？』佢再以極冇禮貌嘅語氣：『要-掃-code!』呢個ad_ 唔知係咪對公司好多不滿，再以極不友善嘅語氣問：『用唔用啲分？』『用就$30』元氣，其實你地有冇training 比員工？ 或者有冇任何 QA mon 吓鋪頭嘅員工有嘅 service level? 真係算了。。。食物選擇何其多，呢啲咁嘅service 貼錢比我都唔會再幫襯！

週末多人排隊等候，安排的職員態度惡劣自問不說麻煩，職員視而不見，一班職員態度懶散，不友善出餐慢（25分鐘）放壽司嗰一個蓋不乾淨，食品最多只能說一般已經給了多次元氣機會以後都不想再吃了

平常晚餐時段唔知食咩好，行來行去就發現了無肉之選。於是想試吓啦《 元氣 》一直以來都會創新和十分願意創新。但此次，我就認為全無新意，希望管理層多加努力吧 ！我會支持你哋呀！青瓜卷：一睇就知係無肉之選吧之後就返回現實，食返普通嘢吧開心食壽司炙燒大切三文魚腩：油脂香，柔軟滑溜，微微暖意直入喉嚨。燒三文魚：我覺得它乾身，只帶來點燒焦香吧。炙燒黑椒三文魚：你上面兩者的中間位，少少黑椒味不辣。其他菜式也是實在的，水準可以相信。明太子雞翼：有辣味，我十次光顧就食八次炸軟殼蟹：我的靚太必食之選溫馨提示：此乃穩穩陣陣的平價壽司店過幾過月就到一次

放埋這個星期假期就沒有平日放，咁最想做乜? 就是......好好把握可以食下午茶的機會，哈!今日見元氣沒有排隊，一於試下它的下午茶。午後三食好抵食，價錢為$48-$62，有齊3食，包括壽司盛、小食和輕食，都算幾豐富。在5款壽司盛中揀了1B餐($48)，有五款三文魚，分別係炙燒黑椒三文魚、脆蒜燒三文魚、三文魚、燒三文魚和辣味三文魚。每件壽司SIZE中等，魚肉的厚度亦適中。個人一向比較喜歡輕燒過的壽司，貪佢有份焦香之餘，仲迫出魚油香，正! 五款中，我最喜歡脆蒜燒三文魚，加了蒜香，幾特別!炙燒黑椒三文魚也不錯，微微辣，幾可口!3款小食中要了一客吉列和牛餅，熱辣辣，正！炸得金黃，色澤好平均，非常香脆，內饀味道亦不錯，若然多返啲肉饀就更理想。輕食就選了一碗日式海鮮蒸蛋，同樣熱辣辣。雞蛋相當滑溜，內有日式魚片、蟹柳和蝦仁，用料一般，但味道幾好。$48有三食，份量和質素都得，真係抵食!

呢間係幫襯將軍澳元氣嘅第三間分店，亦覺得職員最多問題嘅一間。我哋八點幾嚟到㩒咗飛仔，等咗幾分鐘就有位，接待處職員示意我哋坐左邊最後一張枱。1.無禮貌：行入去有兩個執緊枱嘅女職員，其中一個掉轉頭望住我，無禮貌咁問：做咩呀？ 我答佢係職員叫我入嚟呢度坐，個女職員就喺walkie講未執好枱喎。2.漏單：20:34分落單，等咗35分鐘都未到，叫職員幫我跟一跟，入廚房後出嚟問要等七分鐘會唔會等，如果唔等幫我cancel。其實好明顯漏單啦，一句都無講無交帶。3.都係無咩禮貌：最後九點半一個女職員走過嚟問：有冇嘢加？我答無，跟住佢就話無嘢加截單。雖然唔係食咩貴嘢，不過去過幾間分店真係最差呢間。花之戀賣相麻麻。大切三文魚腩，點睇都係普通三文魚。其壽司都ok：脆蒜燒三文魚。炙燒黑椒三文魚。黑松露吉列蠔。柚子油金魚蓉。小柱軍艦。辣味三文魚。飛魚籽。筋子。炙燒黑松露帆立貝。軟殼蟹手卷。紅鱈蟹忌廉餅。竹輪卷湯烏冬。等咗四十幾分鐘嘅迷你芝士白汁焗帆立貝通粉。

上星期二晚即興去咗元氣食壽司，食咗以下嘅壽司🍣⋯⋯芝士玉子燒🧀🍳蛋好香好滑，香濃芝士👍🏻長鰭吞拿魚刺身🍣食落無根，入口即融👍🏻筋子壽司咬落去會彈汁👍🏻加洲卷食材新鮮👍🏻三文魚牛油果壽司🥑兩個加埋好夾，好正👍🏻三款吞拿魚壽司🍣雖然賣相一般，但食落有鮮味，魚油分佈平均👍🏻甜蝦壽司🦐蝦肉鮮甜彈牙👍🏻

唔係話好無吃，d侍應好似唔休做咁，其他客人問有冇QR code，佢地可以唔應句，你等等或者任何説話，就轉身行開去處理啦我問仲有冇下午茶，佢地d樣好似講你唔識睇時間嫁，話過鐘啦，用頭示意佢地店面既時間。不過我咁問係因為我電話就未夠鐘，我落單見唔到有我就問下姐，態度差到之後我發現我落單送出去既時間上係31分鐘，姐係我想落單既話係仲有時間唔想再堂食無晒胃口如果d侍應唔想返服務業係無人迫你，客人都係想正正常常吃返餐姐

返屋企前有少少口痕，今日難得可以食到平日既下午茶時段，就係附近逛逛睇下有咩抵食。見到可以$48食到5件壽司，一個小食（有香口炸豆腐😍😍😍😍) 再加一個蒸蛋，就決定入去喇。平日下午茶唔多人，唔洗迫好舒服。☺️☺️五件壽司既配搭裡面，只有一個係我心水會食既壽司，包括有三文魚，吞牙魚，藍鰭吞牙魚，蒜辣海鮮壽司（蝦），蟹肉蟹膏。🤩🤩🤩呢個價錢$48食到呢d款式都算抵。蒸蛋係我喜愛既😍😍😍入邊有隻蝦仔，蟹柳魚旦，個蛋都香滑好味，滑到係隻匙度線落黎（不過隻匙真係好細隻，攪到d蛋散開晒）🥲🥲🥲🥲炸豆腐比想像中大舊，賣相可以。不過個汁無咩味道，個豆腐既炸粉浸淋左亦唔鬆脆。味道唔夠，口感都一般。本身係最期待既，所以有啲失望。😔😔😔失望下就再叫多左兩件壽司。😂😂都係忍唔到口。珍寶帶子壽司$21真係超大隻，同埋好厚身，好juicy，咬落啖啖肉，而家做特價$21，抵呀😍😍😍油甘魚魚腩$14 雖然佢薄薄一片，但真係有油甘魚魚香，咬落好有魚味😋😋😋😋啲魚油停留係咀入邊😍😍😍滿足返晒。埋單承為91.3，叫做一百蚊樓下食得飽又有食到好味壽司既滿足感喇。

今日父親節要在家開派對，當然少不了壽司。網上訂購價錢更優惠，setB一盤50件，有三文魚、蝦、蟹柳、八爪魚、魷魚…壽司。類別多。做完網上訂購等大概半小時就可以自取喇。職員很有禮貌和主動！👍

12:30到達，等咗一張就入得去，可以長枱之間有隔板，用app 自助落單。蒸蛋，覺得好似冇以前咁多材料，但係都算滑，有一隻完整嘅蝦，蟹柳。炸軟殼蟹小食，去親必定叫，通常都係即刻炸起，一隻蟹分開四件，蟹都屬於完整大隻，有蟹膏。蟹肉蟹膏軍艦，一定要叫，蟹膏有平時出邊甲羅燒嘅感覺，蟹肉味都好濃厚，份量適中。蟹柳壽司，一碟有六件細細地，好啱小朋友食，蟹柳唔算乾身，但係紫菜比較冧身，小朋友有啲難咬開，飯都係比較黏。

外賣一早整好咗但員工無留意，任由外賣擺埋一邊，期間，員工正在傾計，四圍行，好似等收工咁，最後要客人行埋去先識得去攞個外賣俾客人，真係一流嘅員工，出色到爆炸，元氣壽司有你哋生意一定愈做愈好。

太久没来吃元气，又多了一些选择，晚上近8点去堂食出乎意料的不用等位直接walk in了。一人食晚餐吃不了太多，就寻常点了三文鱼🍣刺身，商家介绍更厚身感觉就是正常分量，吃得还算过瘾。芝士鳗鱼卷也很美味，口感依旧那么细腻。新品牛油果蟹柳沙律🥗口感不错，份量也足，但是吃到芥末酱还是很刺激如果能改成自己放酱料就好了～最新的厚身鳗鱼寿司非常美味（$ 12/份）。整体上元气出品大都比较稳定，生日特惠性价比还是很高的，推荐👍

仔仔成日摟住話要睇車車，我哋就帶咗佢去元氣睇快速列車，我哋12點15分到，冇卡位坐，可以坐高枱，有提供兒童餐椅，同兒童餐具，一入到餐廳會提供口罩套，都幾貼心。仔仔最鍾意就係食燉蛋，所以我哋嗌左一個比佢自己食晒，跟住我哋嗌左炸軟殼蟹小食，次次都會嗌，真係幾好食，又有蟹膏，基本上都係即炸，所以比較香口。跟住我哋就鍾意食佢嗰個大滿足嘅牛，同埋蟹肉蟹膏軍艦，因為仔仔唔食得生野，所以我哋另外叫咗個肥牛烏冬俾佢，但係個烏冬好油，所以我都用清水過左兩次先俾佢食，一家三口食到好飽👍🏻