影片
港鐵將軍澳站 A2 出口, 步行約9分鐘
繼續閱讀
電話號碼
91677957
營業時間
今日營業
08:30 - 20:30
星期一至日
08:30 - 20:30
以上資料只供參考, 請與餐廳確認詳情
得悉茵怡市埸將於2月25日進行大翻新，所有店舖都要退埸，於是去睇下呢間牛雜粉麵店仲有冇開，入到去只見得番幾間還在營業，好彩呢間粉麵店有開，老闆娘話做到今個星期日。玻璃門有一大塊餐牌好搶眼，湯粉麵一律35元，見佢招牌都有牛雜兩個字，應該主打都係牛雜掛！於是兩個人叫咗一碗五香牛腩麵同一碗秘製牛雜撈麵。呢碗五香牛腩麵，一上檯就聞到好香嘅五香味，牛腩用嘅係切腩，帶有少少肥膏同筋膜，入口甘香又夠淋。呢碗秘製牛雜撈麵走牛腸，草肚、金錢肚、牛膀各有兩件，牛肺就有四件，麵份量應係有兩個，麵靭度十足，好有咬口，口感非常好，全部牛雜夠大件又炆得夠淋夠入味，一試難忘。好可惜將來唔知仲有冇幾會再食！
繼續閱讀
河粉好滑又好薄。個牛腩湯亦好濃好夠味。牛什係有兩舊金錢肚兩舊草肚，唔會全部草肚，抵食。牛肺夠彈牙又唔會咬唔開。久不久就會嚟食，之前WFH可以個個星期week day過嚟食晏。宜家只可以放假嚟食。堂食會好過外賣，因為河粉好索湯，返到屋企發脹晒就差啲。食緊中途有個阿婆想入嚟堂食，但伙記話佢冇打針唔可以堂食，伙記勸佢買外賣返屋企食啦。佢就鬧人多事跟住就走左。過左一陣，街市既顧客服務中心都有個員工過咗嚟了解，唔知係咪阿婆去投訴伙記話原來阿婆個仔吩咐唔好俾佢係度堂食😢
繼續閱讀
今朝去茵怡街市嘅永興粉面食早餐，叫咗牛丸河粉，牛丸有五粒算唔錯，但唔算爽滑同彈牙，有少少失望，牛味普通。而河粉就一路都唔錯，口感好好。整體都值得一試，飲品大大杯，唔錯。
繼續閱讀
呢間粉麵店真係唔錯 一碗牛肚河五六塊牛肚 一碗食落去真係暖笠笠～ 見到伯伯真係好認真咁做每一碗麵 牛腩大大快 同出邊嘅唔一樣 呢間足料好多！ 湯底唔係味精湯 啖湯好甜 我都忍唔住飲晒！鍾意濃啲鹵水味可以叫伯伯俾多啲鹵水汁比你！不過清湯腩都係另一個食法 都好好味！ 30幾度伯伯仲企係爐前面斬料整麵 婆婆都係廚房幫伯伯手 兩個老人家經營一間小店真係唔容易 希望食無慣嘅人口下留情 你食唔慣呢個味道唔代表伯伯整嘅麵唔好食！ 得閒去食下 伯伯真係好認真對待每一碗麵好足料好好食！ 兩個老人家落手落腳經營呢間店都唔容易 大家口下留情啦好嘛！！
繼續閱讀
一碗街市小店嘅牛腩河，可能你會覺得無乜特別，牛腩又唔係特別靚，河粉又咁少，但就充滿人情味。我唔係第一次食佢哋嘅牛腩河，但唔算係熟客，除咗覺得佢嘅味道唔錯之外，仲好鍾意佢哋夠香辣嘅辣椒油，加上老闆、老闆娘做生意時總係笑笑口，令我有一種食得好開心嘅感覺。今日我食牛腩河嗰時又點辣椒油，由於一時食得急，吮咗啲辣椒油去氣道，响度係咁咳……咳到眼水、鼻水都流埋出嚟，雖然有用紙巾揞住個口，但總覺得會嚇嚫其他食客，自己暗暗偷睇附近食客反應，只見本來响度收緊碗碟嘅樓面妹妹停咗手走咗去，其他食客就無乜人望我，終於我咳完嘞……樓面妹妹攞咗杯暖水畀我，温柔地講咗句「你飲啖水先啦～」就去繼續收碗碟，原來佢啱啱係見我濁嚫係咁咳，所以走去攞杯暖水畀我，呢啲咪人情味囉～☺☺☺
繼續閱讀