影片
開飯介紹
以即刨高質牛肉為題的日式火鍋放題專門店，放題設有不同級數的牛肉和海鮮，而自助區備有多款火鍋配料、飲品、甜品等可任飲任食。
繼續閱讀
營業時間
今日營業
11:30 - 22:30
星期一至五
12:00 - 22:30
星期六至日
11:30 - 22:30
公眾假期
11:30 - 22:30
以上資料只供參考, 請與餐廳確認詳情
有關獎賞計劃
食家推介
相關文章
今次放工嚟食呢間牛摩，一直係我候選名單之內，因為佢嘅吉祥物牛摩仔實在太得意啦！所以湯底我特登揀博多美人骨膠原雞白湯，除了貪佢夠滋潤美顏，望住牛摩仔的造型啫喱溶化變成湯底感覺好治癒，雞白湯味道好濃郁，由於一人一鍋，男友點了港式番茄薯仔湯，酸酸甜甜十分醒胃。由於我們點了LV4特級牛小排（成人價錢$288）嘅任食套餐，連同其他LV1-3的阿古豚梅肉、精選牛肩胛及星級牛肌腹的所有火鍋配料都食到，都有超過30款之多，還未計出面任食的自助放題區的配料呢。先講特級牛小排，雖然好薄切，但油花分佈好靚，入口非常有牛味，肉質好軟嫩；牛肩胛油花相對較少，但肉質細嫩有彈性；至於阿古豚梅肉油花霜降部份多，入口仍帶有油脂甘甜，口感非常柔軟。其他火鍋配料太多就不逐一點評了，但個人最推薦是爽口的蟹籽墨魚滑，仲有海鮮類的大蝦、青口、帆立貝，全部都幾新鮮；仲有好多款炸物熟食，大胃王記得要食埋肉碎勁多的溫泉蛋牛摩飯，亦建議亦可以點多幾隻溫泉蛋，醮肉類一齊食更好食。自助放題區幾乎各式蔬菜及丸類均有，最驚喜係飲品區，罐裝汽水、茶類，甚至沙冰都有。最後係我最重視的甜品，除有北海道牛乳乳酪雪糕，仲有布甸、啫喱、糯米糍、麻糬、忌廉泡芙等，仲有爆谷，但我已經食唔落，唯有下次嚟再試。
繼續閱讀
有幫襯開既日式火鍋連鎖店牛摩係香港火鍋火題中keep到質素既一間☺️ 有齊牛豬羊肉選擇，而且好岩1個人食，因為係一人一鍋形式🥘 我通常會揀level 3/4, 今次係level 2，估唔到肉既質素都係唔錯👍Level 2 精選牛肩胛🐂首先湯底既選擇係好多，清淡或重口味都有，清淡嘅昆布鰹魚清湯，長野蘋果湯，蟲草花雞白湯；重口味嘅話可以選擇麻辣鴨血湯，同埋港式特濃沙嗲湯，我地就係揀左呢2款湯底🥘🥘 一人一鍋，如果四個朋友食嘅話，仲可以分別試四種唔同湯底🤤到肉既部份，牛肩胛睇相就知質素唔錯👍 呢level 2仲有牛舌，羊卷肉，豚肉都好新鮮好味，另我地瘋狂叫鴨血😋 同帆立貝可以任食✔️出面仲有大量唔同種類既蔬菜，例如油麥菜，生菜，蘿蔔，金針菇，雞髀菇等等🤭 最surprised 係有翠玉瓜同蓮藕❤️ 另外仲有豆卜芋絲等等。飲品要讚真係好多出面無見過既飲品選擇，都係好好飲，推薦蜜桃烏龍茶以及台灣製造嘅檸檬紅茶(低糖)🥰 如果一家人有小朋友，仲有甜品，沙冰同雪糕食🤭 小朋友實鍾意～ 開餐之前仲可以揀壽司，中華沙律等開胃前菜整體嚟講，真係抵食兼keep到質素既火鍋放題選擇💕
繼續閱讀
上星期轉涼，好適合打邊爐～如果想平平哋又食到邊爐放題，就好適合去牛摩～雖然肉質唔算最高級，但CP值都幾高！我哋要咗精選牛肩胛套餐，晚市90分鐘都係$208咋😆肉類嘅選擇唔算多，但佢哋嘅牛肩胛同牛舌都ok，切得好薄，好容易熟又唔會膩～除咗牛肉之外，仲有豬肉雞肉同羊肉😚海鮮嘅種類都有幾款～魷魚圈唔錯！之後仲有幾款炸物可以選擇，外面自助區又有甜品，仲可以用雪糕機自己支雪糕DIY，又有菜可以拎，整體嚟講都幾抵😝
繼續閱讀
冬天就係會想打邊爐暖笠笠咁(雖然一年四季都想XD)可以每人一鍋同埋唔同湯底好開心揀咗港式特濃沙嗲湯同埋關東風壽喜燒湯，仲有一隻生蛋其他湯底都勁吸引…係門口猶豫咗一陣套餐就係LV2. 精選牛肩胛裝修好靚，每張枱都好闊坐得好舒服而且卡位仲有間板擋住，私隱度勁高牆上嘅卡通好可愛啊~但第一時間當然就衝出去拎野食先啦火鍋區有好多種菜蔬最特別係丸類有款貓貓肉球丸，係流心黑椒芝士丸唔止可愛仲好好食腐皮福袋入面係年糕，腐皮吸晒湯好甜而年糕夠晒煙韌依兩樣都必拎﹗首先一碟牛肩胛同埋湯一齊送上色澤好靚一淥就食得好夠牛味又唔韌最讚係湯底兩款都好夠味好濃港式特濃沙嗲湯有好多花生碎一齊，好香好惹味關東風壽喜燒湯夠甜，加埋生蛋黃點肉食超好味﹗蛋白當然比我地放入鍋內，變成甜甜地嘅蛋花一定要加公仔麵，超好食其他肉類、海鮮同炸物都係手機落單除咗牛肩胛仲有好多款野食有豚肉、雞外，仲有少見嘅牛舌、羊肉卷炸物每樣都好出色好好食，即炸即上枱飲品有好多種類，居然連生可樂都有而最估唔到就係，連甜品都超級出色﹗泡芺有兩種，淺色山嘅裡面係雪糕超好食……﹗芝麻糊好濃郁好好食仲可以自己裝軟雪糕，勁多配料可以加記得一定要預時間同胃比甜品﹗
繼續閱讀
之前已經食過牛魔，最近天氣凍，又再嚟食！晚市放題性價比真係高。 咁我揀左最抵食果個餐，有牛有豬有雞，好夠食！都係 178任食。叫咗個蕃茄薯仔湯同埋壽喜燒湯。 蕃茄薯仔湯好濃郁，好重蕃茄味，淥完啲肉可以唔使點豉油，直接食都得。 啲肉全部都好切得好薄，淥一淥就食得，正雞好滑身，有雞味，但係都要點豉油。 雖然我嗌咗最平嗰個餐，但其實牛嘅質素都唔差嘅。 我最鍾意係佢哋個溫泉蛋，個蛋黃啱啱好，少少實心，好香蛋味！用嚟配牛肉同豬肉都好好食。今日仲有皮蛋餡嘅牛丸，好特別嘅味道。仲有羅勒芝士流心丸，又係出面冇見過嘅丸，味道都幾得意好食。 呢度上菜都快，侍應加湯都加得好密。 今次仲有芝麻糊，唔太甜幾濃芝麻味，好食。冬天打邊爐真係好正。 同埋平平哋，又可以任食。 女仔食得唔太多嘅話，其實嗌最平嗰個餐已經夠。 因為牛嘅質素都OK。
繼續閱讀