影片
營業時間
今日營業
11:30 - 21:30
星期一至日
11:30 - 21:30
*最後落單時間: 21:00
以上資料只供參考, 請與餐廳確認詳情
好耐好耐之前已經開始食芽莊呢間餐廳！其實樣樣餐點都唔錯！！不過自從屋企既老人家推介左🔥炙燒牛柳湯粉(HKD$108)之後，就返唔到轉頭😂 又係次次去到都食嗰味！！過百蚊一碗湯粉當然一啲都唔平！但係芽莊係以份量同質量取勝！牛柳份量超級足夠！賣相好得！燒得好香！入面仲係粉粉嫩嫰既牛肉😍😍 不過如果要食全熟既話，就要同職員講，因為職員係唔會主動問你要牛肉幾成熟！ 牛肉食落有香茅味！咬落係好軟好軟，冇牙都咬到咁濟！所以家中既老人家好鐘意食！🧓👵 食越南湯粉，當然唔少得佢地香濃既牛骨湯！！芽莊既牛骨湯係好夠味！飲左都唔會覺得口渴！！ 配埋滑一滑既湯粉，索晒牛骨湯既精華呀！！😋😋😋我地仲以優惠價加左兩隻筆油雞翼(HKD$38)，牛油雞翼炸得好香脆！入面仲好Juicy!! 呢個都係我推薦既菜式之一！呢間位於將軍澳既芽莊分店英文名有Canteen呢個字，餐牌都好似比其他分店簡單！不過我諗都完全夠大家揀！
繼續閱讀
呢間連鎖嘅越南餐廳一向都幾出名咁今日就同屋企人試食午餐都係一向嘅高品質 嗌咗燒牛肉撈檬牛肉份量幾足 而且撈檬嘅酸汁亦都係酸甜適中然後嗌咗木瓜沙律 木瓜清爽新鮮 酸汁都係嗰個汁越南嘢食嚟講，佢個酸汁都係真係出色
繼續閱讀
強烈推薦佢哋嘅鑊仔牛柳粒飯！每次嚟都會嗌呢個飯食（其實我都想試吓其他菜式，但呢個飯實在太好食🤤）牛柳粒超惹味，再配上蒜蓉汁(?)同臘肉生菜，簡直係完美配搭。以$100消費嚟講，佢個肉量真係算幾多，就咁望落應該都有3x-4x g protein，CP值相當高，非常適合健身人士操肌日食用，又高蛋白質又好食惹味，冇得頂。PS：要留意呢間餐廳唔係間間分店嘅Menu都一樣，呢個牛柳粒飯唔係間間都食到，去其他分舖前最好打電話問清楚先
繼續閱讀
［133］用家自費分享！Walk in 唔使等，大約四成滿。6️⃣5️⃣CP值，2024/3/12/二/12:30，平日午餐時段，二人埋單連加一共$260，平均每人$130，咁嘅價錢，商場內有很多選擇。店舖在商場內，非常容易搵到，裝修光猛，空間不算大，坐得算舒服，感覺乾淨，招呼有禮，落單快，上餐也快，隨有啲貴外，整體不過不失，試過就算。6️⃣0️⃣午餐河內生牛粉$108，牛肉偏老，湯底唔錯。7️⃣0️⃣跟餐加$20牛油雞翼2隻，正常。6️⃣0️⃣午餐招牌會安雞飯$108，看上去吸引，雞肉好食，分量太太太少，只得配菜多，飯只有黃色，完全無味。6️⃣0️⃣跟餐青檸梳打，正常。
繼續閱讀
琴晚幫襯，見識過何謂頂級垃圾服務。未食完就過嚟收碟，想趕我哋走。食物質素一般，又唔係太特別。唔緊要，有錢都唔會再幫襯，期望市場盡快反映香港唔再需要此等垃圾餐廳嘅存在！
繼續閱讀