影片
港鐵尖沙咀/尖東站 B1 出口, 港鐵尖沙咀/尖東站 N5 出口
繼續閱讀
開飯介紹
以台灣課室為主題的餐廳，提供漫畫書供食客閱讀。食物則推介造型可愛的包點及小食如鹽水雞、甜不辣及酥炸廣島蠔等。
繼續閱讀
特色
適合大夥人
營業時間
星期一至日
12:15 - 21:00
以上資料只供參考, 請與餐廳確認詳情
相關文章
未試過係一間餐廳有咩嘅體驗1. 商場餐廳無人serve入到餐廳睇到有A4 紙叫我哋自己搵位有時都明白 如果餐廳多人 無人手 自己搵位自己攞menu唔係問題2. 餐牌一半野食都無重點係 我揀好晒 去counter點餐 佢先同我講menu有一半野食都無所有便當都無 麵有一半都唔可以揀 但我哋去餐廳戈時係星期六下午時段 應該係黃金時段 都可以準備得咁唔充足我哋再去揀過 再落過餐 我叫甜不辣無 叫梳打又話無 最後揀咗黑糖珍珠奶茶 諗住實無死 我朋友就叫咗個牛肉麵 同一杯唔記得咩嘅綠茶3. 招牌牛肉麵都可以咁難食咩麵勁淋 食落0口感 牛肉湯無味 都比唔到評價佢4. 綠茶 奶茶都勁細杯應該洗唔切杯 用紙杯裝 仲要係細紙杯 咁就廿幾蚊一杯 我哋見到都呆咗 好味都可以原諒佢 但事與願違杯綠茶 冰佔咗一半 隻杯已經細 仲落咁多冰 搞到無咩味杯奶茶 無奶味 茶味又唔出 0黑糖味 仲要啲珍珠係椰果 定咖啡凍嘅嘅 勁失望😞為咗影低啲珍珠嘅樣 我先去飲晒杯奶茶🤭5. 開放式廚房勁混亂啲野好似亂放咁 放晒啲嘢係枱上面 （利申：舖頭入面得3-4枱客左右 2個staff做野）其實應該唔會好忙望到都覺得廚房衛生情況好差btw我見到隔離有枱客等野食等咗勁耐 要吹先出一樣野食比佢 好慘黃店唔係大晒 做餐廳最重要係食物質素 希望會有改善 但暫時我都唔會再去哩到食嘢
繼續閱讀
本人自問對食物入口要求不算高，但呢間食店真係我暫時幫襯過最求其嗱西的一間，不得不起OpenRice 呢個平台寫出我生平第一次的食評！首先，兩位女店員兼廚師服務態度極之惡劣，差到無輪！一入去第一件事就同個客講無呢樣無果樣，客人坐都未坐低！語氣又差，多次強調無乜無乜！客人點餐到上到柯打，需時大約二十分鐘！呢個唔係重點，重點係我同太太點咗兩個麻醬撈麵！你用二十分鐘的時間上咗一個幼稚園學生的作品俾我食！一粒丸加湯，兩片連皮都未刨乾淨有根的白蘿白加兩款醬的所謂混醬撈麵，d麵又烚過龍糊口的。再加上果Pat杰撻撻的麻醬，入口的感覺簡直一絕，絕對難食！份量又小，咁㗎質素夠膽死收人55蚊一份，15蚊我都嫌俾多你。開頭諗住佢用二十分鐘整一個冷盤撈的麵食，一定係誠意之作。結果用咗法蘭西餐出品的時間，做咗個幼稚園水平的垃圾餐！真係驚喜。無餐飲跟另外買，餐飲叫做正常羅，一人消費八十幾，得啖氣！越食就越氣，雖然八十幾蚊唔算什麼錢，但你咁的水平就唔好出嚟攞檔啦！PS:果兩位女店員仲要起到用粗口對話幫你送飯之餘，仲大大力將客人點完餐個餐牌扔在枱面上，我同太太當時真係驚咗一驚，起呢度幫襯絕對帶俾你驚喜！如果各位想感受一下驚喜的，不妨到呢間店試下！絕對有驚喜的感覺！
繼續閱讀
位於商場入面嘅食肆，大部份都係集團經營，千篇一律，悶都悶死。難得美麗華商場入面一個角落中有一間台式小店名為小角落。入去先要去櫃檯俾錢落單，自行搵位，然後就等攞嘢食。小角落嘅裝修猶如一個七八十時代嘅班房，黑板、木枱、木凳，書架上仲有圖書漫畫。佢嘅面積雖然好細，但由於其中一面對住商場中庭，所以一啲侷促嘅感覺都冇。今日去到竟然冇飯供應，朋友叫咗個牛肉麵都幾好食，我就叫咗炸雞湯麵。佢嘅炸雞好大份，炸得亦好香，真係令人覺得有一啲台灣夜市炸雞嘅感覺。五十零蚊一份麵食，而且有着咁特別嘅裝修，係抵食嘅。
繼續閱讀
星期六到尖沙咀逛逛，一早就在OpenRice預訂了〈小食糖〉的午餐時段但去到的時候，竟然有個牌子「自行搵位」放在店前！餐廳佈置恍似台灣的課室裏，大大有校園氣息。我一坐下，發現椅子搖搖欲墜，立刻換位又發現到在餐廳進食良久，都沒有店員抹枱，衛生成疑！？講返餐飯，雖然眼見餐牌上有部份餐暫停供應，但當點餐時，店員卻只當日沒有飯和鹽酥雞供應，大為驚訝想食飯的我倆只好點了兩個牛肉麵加上花枝丸。其實點了兩碗麵和一碟花枝丸，最後卻花上等候超過半個鐘的時間，請你們衡量值得為此浪費時間嗎？台式清燉牛肉麵 $60，湯底淡淡的，牛腩都算入味，牛筋腩的口感更是豐富，可惜麵條本身份量較少，不太飽肚台式紅燒牛肉麵 $58，湯底少少辣都不錯，配料與清燉牛肉麵的一樣，但青瓜絲略嫌帶點生味花枝丸 $40，即叫即炸，金黃香脆啖啖肉全餐最好食的一碟！百香果綠茶 $28你沒看錯，一個小紙杯的飲品要$28早知落樓下汽水機買$6 一罐可樂算吧！
繼續閱讀
餐廳在大商場裏面所以環境衛生都很好👍🏻裝潢很有特色 走小店的風格◾️#台式牛肉麵 HKD $60湯頭得清淡 帶一點點藥膳味少油少鹽比較健康的那種麵條彈性很好 很有咬勁一半牛筋一半牛肉的🐮牛筋牛肉都煮得很軟 吃起來很鬆軟👍🏻肉有稍微調過味 很香但不濃-◾️#蕃茄牛肉麵 HKD $60蕃茄湯一樣比較清淡的淡淡的牛肉湯加入了蕃茄的清甜🍅吃起來比較開胃這一碗只有牛肉沒有牛筋的可惜牛肉的量比較少了一點-◾️#香酥雞湯麵 HKD $58很淡的雞湯味帶點葱香雞排的乾煮得有點過頭了外皮微脆 裏面比較乾了一點不過雞排蠻大一塊的😊麵條很多吃只不過口味很淡 不是我期待的價格也稍微貴了一點(各項滿分為5分)餐飲分數: 🌕🌕🌕🌑🌑環境分數: 🌕🌕🌕🌕🌑服務分數: 🌕🌕🌕🌗🌑價錢分數: 🌕🌕🌑🌑🌑回頭分數: 🌕🌕🌑🌑🌑-小食糖 (尖沙咀)🍴尖沙咀彌敦道132號美麗華廣場1期2樓206號舖📞 2771 7828🕐 12:15-21:00
繼續閱讀