影片
港鐵尖沙咀/尖東站 B2 出口, 步行約4分鐘
繼續閱讀
電話號碼
81183322
開飯介紹
位於尖沙咀的任食火鍋放題，牆身有香港地標繪畫。價錢相宜，你可以盡情享用美國特級牛肉、黑毛豬、羊肉、手工丸類等火鍋款式。
繼續閱讀
營業時間
今日營業
18:00 - 00:00
星期一至日
18:00 - 00:00
以上資料只供參考, 請與餐廳確認詳情
呢間餐廳係啱啱好新開張，我想睇嘅就係佢哋嘅任食火鍋都真係幾抵同埋啲肉嘅質素都真係唔錯，你可以睇呢幾張相你就會覺得其實都真係有雪花嘅，不過入去商場果下要行去2樓！
繼續閱讀
今次嚟到尖沙咀呢間嘅火鍋放題，自助火鍋配料吧，肉類無限量供應，多達70款食物22款飲品可以選擇，120分鐘晚市火鍋自助遊，晚上六時到12時供應，長者同小朋友會減收$30。分咗三款唔同嘅放題套餐可以選擇，第一走有精選牛肩胛+黑豚火鍋放題，可以食到美國嚴選牛肩胛、黑毛豬、豬梅肉片、羊肉卷、雞柳，而第二款牛魔王火鍋放題就會多埋美國嚴選極上牛小排、美國嚴選封門柳，第三款特選和牛盛火鍋放題，會有埋美國和牛肉眼同送蠔皇鮑魚或脆炸蟹鉗！喺另外自選脆肉鯇、炸魚皮、雲吞、水餃、魚皮餃、韭菜餃、豬肚、豬腸、泡芙，自助餐點櫃仲有埋各類丸類、蔬菜、小食、甜品同飲品。湯底選擇一人一鍋，有八款唔同嘅湯底可以選擇，有秘製重慶麻辣湯，齊齊壽喜燒湯、香草櫻花龍蝦湯、蘿蔔牛肉湯、日式鰹魚昆布湯、胡椒豬肚湯、藥膳養生雞湯同皮蛋芫荽湯可以選擇。今次我就同朋友就揀咗壽喜燒湯同埋日式鰹魚昆布湯，食完都抱住個肚離開，真係非常抵食好味！
繼續閱讀
呢間火鍋放題一共有三個套餐，最平$238就已裂有，我地直接試咗個最貴嘅$348，牛肉嘅質素真心係非常高。———————————————🌟湯底湯底方面我地分別選擇咗重慶麻辣湯同藥膳養生雞湯，麻辣湯都幾惹味亦都夠辣，養生湯方面藥膳會比較重，個底有加酒一開始有少少苦味，但煲煲下都幾唔錯，而且入面仲有滑雞味道非常唔錯。.🌟牛肉推薦和牛肉眼非常推薦，佢會用金色碟裝好好分辨，油花分佈好均勻，牛味非常濃郁。另外有個手切和牛薄片，超薄身，基本上快碌一碌就可以食，而且味道都好正。另外有隻油花重啲嘅，放入口係充滿油香仲入口即溶。其他其實仲有啲封門柳、牛肩胛等，全部味道都好正，非常推薦。.🌟羊肉片羊羶味好重，而且唔會話好肥，脂肪同肉分佈都平勻，鍾意食羊肉一定要叫。.🌟脆肉鯇平時去街市買其實都唔平，呢度可以任食之餘仲要好高質，脆肉鯇非常新鮮，啲肉係好爽脆之餘仲要咬落係好實淨。.🌟糖醋雞翼呢個其實好有趣，佢係突然拎出黎比我地話平時都會送下雞翼🤣但咩味道視乎佢地果日想整咩，不過真係要讚呢個糖醋雞翼味道真係冇得頂，調味係類似鎮江骨果種酸酸甜甜味，但就真係可遇不可求。.🌟甜品有好多款韓國雪條供應，不過可能因為我食午市佢未開齊工具，我見旁邊應該係仲有爆谷機同埋可以自己整雞蛋仔，有機會都好想試試。.🌟配菜其他配菜基本上你諗到佢都有齊，各款丸、牛栢葉、魷魚、菇同菜等，而且全部選材都高質，睇落都新鮮乾淨。.🔸整體評價🔸呢間火鍋其實位置唔算多，但勝在裝修都唔錯坐得又舒服，好似仲有個戶外位置夜晚仲有燈飾可以飲住酒Chill。而且小店都充滿人情味，入面啲職員都好熱情，好似私房菜咁有隱藏菜式突然就可以拎出嚟食。火鍋營業時間仲到凌晨12點，大家如果夜晚想食火鍋又未諗到去邊可以考慮呢間！
繼續閱讀
齊齊滾🥘又到秋冬天，又係打邊爐嘅好季節，今日我哋就揀咗位於尖沙咀金馬倫道，地理位置超方便嘅火鍋放題，今次我哋就揀咗$348一位嘅特選和牛盛火鍋放題，多達70款食物，同埋22款飲品選擇！呢度係一人一鍋，每人都可以揀一個湯底，夠晒衛生！肉類方面，選擇有美國和牛肉眼、美國和牛肩胛、美國嚴選極上牛小排、美國嚴選封門柳、美國嚴選牛肩胛、豬梅肉片、羊肉卷、黑毛豬、雞柳～蔬菜類全部都幾新鮮，款式就算係正正常常，一般火鍋放題有嘅嘢佢都有齊～丸類款式都算齊全，另外亦都有幾款唔同嘅粉面類選擇，絕對唔使驚唔夠飽！另外仲有提供水魷、牛柏葉等等另外我哋當日仲有食到私房菜Hidden menu，糖醋雞翼兩隻，酸酸甜甜咁都幾開胃！臨尾就當然唔少得整返個甜品，今日就有五款唔同口味嘅雪條！順帶一提，餐廳由1800開到2400，係尖沙咀黎講都算係開到比較夜嘅火鍋放題店～另外舖頭仲有outdoor位，夜晚會有燈飾，飲住酒，打住邊爐，都幾啱成班friend黎玩！
繼續閱讀
近排開OT，見到尖沙咀有間打邊爐放題，時間由6：00開到12：00，以家已經好少見到開到咁夜既火鍋店，岩哂鐘意食宵夜同開OT嘅朋友仔，而且仲有outdoor位，有酒飲，又有好野食， 加上燈飾令到氣氛更加好，岩哂成班friend一齊玩特選和牛盛火鍋放題$348湯底8選1，每人一鍋，揀咗壽喜燒同重慶麻辣湯底，壽喜燒味道濃郁香甜，重慶麻辣味道又麻又辣，十分過癮肉類有美國和牛肉眼、美國和牛肩胛、美國嚴選極上牛小排、美國嚴選封門柳、美國嚴選牛肩胛等，選擇豐富，和牛肉眼油花滿佈，入口軟滑，封門柳食落有牛肉味，肉質結實，好有咬口自助區有丸類、蔬菜類、菇類、公仔麵等，另外仲有雪條、飲品任飲任食下次同朋友過黎可以食私房菜Hidden menu，有五椒蟹、特色雞翼等，都好吸引
繼續閱讀